تسعيير السيارات المستعملة هدية لاعضاء نايل موتورز (الجزء الثالث)

[sherifowahba]

[overline]استاذ شريف
الاول كل سنه وانت طيب
ورمضان كريم
انا انشاء الله ناوى اجيب زيرو قسط بس بصراحة محتار بين عربيات لهم نفس الفئة السعريه
ارجو ان تساعدنى فى اتخاذ القرار واكون شاكر ليك جدا
لوجان
لانوس
فيرنا
بروتون ساجا
اسبرانزا 516
وكلهم جميع الكماليات
[/overline]

كل عام وحضرتك والاسرة الكريمة بخير وسعادة
ممكن بس حضرتك توضحلي اهتماماتك ايه هل قطع الغيار ام الكماليات ام اعادة البيع لان كل منهم ليه مميزاته وعيوبه فاجب اعرف اهتماماتك علشان اقدر اساعدك

[sherifowahba]

السلام عليكم أستاذ شريف
ممكن اعرف من حضرتك سعر فيرنا موديل 2005 كاملة ( تكييف- باور- سنتر) اتوماتيك دواخل فبريكة رشة خوارج بس العداد مش عارف كام؟


وشكرا لمجهودكم الرائع

انا رديت علي حضرتك في المشاركة رقم 1070
وفي واحدة مع صديق لي 2004 فيها اجزاء بسيطة رشة برة واللون اسود والعداد 140 الف وطالب 45 الف لو عايز تشوفها اديلك رقم تيلفونه

[abdo_pikt]

128 مو 99 1300 سي سي فبريكة برة و جوة مشدودة باكامل مش محتاجة مصاريف

[sherifowahba]

جولف ٦ ٢٠١٠ عداد ١٥٠٠٠ تعمل كام ؟




شكرا

بيز لاين وكيل
زي الزيرو بالضبط بدون أي خدوش


شكراً

تعمل 155 الف بالحالة المذكورة

[sherifowahba]

معلش يا باشا انا عارف انى دوشتك ب تسعير الالنترا بس معلش عشان لسة ماستقرتش على واحدة كويسة بس انا قدامى واحد دلوقتى و عاوز حضرتك تسعرهالى

النترا 2009 خليجى اوتوماتك فاتحة سقف بدون فوانيس شبورة abs طاسات مش جنوط 30 الف كيلو فابريقة بالكامل يوجد خبطة فى الرفرف الى ورا بس تترد على البارد(سهلة جدا) صاحبها طالب 86 (اول الكلام) كدة كويس و لا كتير ؟؟؟
معلش بقى خليك مستعد لأى تسعير النترا تانى عشان ممكن انفض ل دى و ادور تانى
شكرا جزيلا

^^^^^^^^^^^^^^^^^^^^^
نسيت اقولك انها 2 ايرباج

سعرها العادل من 84 الي 85 الف علشان منغير جنوط وعدادها كبير شوية صغيرة
وانا تحت امرك لاي تسعير اخر ميهمكش

[sherifowahba]

اعتقد المبلغ ده كثيرررررررررررررر

ممكن حضرتك بس تذكرني ببيان العربية بالكامل علشان اقولك فعلا كتير ولا لأ

[sherifowahba]

لو سمحت هى الكورولا 2007 مستعملة ماشية :
- 30 الف
-40 الف كيلو
-60 الف-

فابريكة جوة وبرة اتوماتيك تعمل كم؟؟

بفتحة ؟
لو بدون فتحة ؟


لانى انا عاوز اشترى واحدة مستعملة عاوز اعرف عدلها كم فى السوق حاليا.

حضرتك بتسأل عن ال 1300 ولا ال 1600 سي سي
وضمان ولا خليجي
وعايز رينج سعرها لكل عداد من السابقين ولا سعر واحد للرينج ده

[sherifowahba]

السلام عليكم ورحمة الله وبركاته
جزاك الله خيرا يا استاذ شريف على مجهودك الرائع وردودك المتقنة وخبرتك الواسعة

انا كنت عايز اعرف سعر هيوانداى اكسنت مو 2000 فبريكة دواخل بالكامل
عاملة 85000 كم
موتور وعافشة بحالة جيدة جدا
رشة برة للنضافة ما عدا السقف
صالون نضيف بس التابلوه فيه شرخ بسيط
كاسيت cd كلاريون
جميع الكماليات تعمل بكفاءة
التكييف مشحون قريب(ثلاجة بجد)
انذار+وحدة رفع

تعمل كام دى وجزاك الله خيرا

هي 1500 كاملة مانيوال

تعمل 39 الف

[sherifowahba]

شكراً جزيلاً يا أستاذ شريف و رمضان كريم عليك و علينا إن شاء الله :)

لا شكر علي واجب وكل عام وحضرتك بخير

[sherifowahba]

كريستاله مو 2000 كامله اتوماتك رشه بره ياترى سعرها كام

لو جي ال وبدون مصاريف وعدادها معقول تعمل في رينج ال 48500

[samehkadous]

دايو لاسيتى 2009 فابريكة بالكامل 15000 كيلو

[sherifowahba]

عايز اشتري افضل سيارة فى حدود 40 لـ45 الف
يكون فيها تكييف وفابريكه من بره و جوه وبور و سنتر لوك وزجاج كهربا ومش مشكله مانيوال او اوتوماتيك ومش اقل من 1300 سي سي
وتكون بتستحمل اصل انا من الأرياف
ولكم جزيل الشكر

لانوس 2003 2004 كاملة مانيوال 1500 سي سي
اكسنت 2002 كاملة مانيوال او اوتوماتيك 1500 سي سي
فيكترا 95 1600 كاملة مانيوال
نوبيرا 2001 1600 سي سي كاملة مانيوال
فيرنا 2004 1600 سي سي كاملة مانيوال

[sherifowahba]

السلام عليكم يا بشمهندس وكل سنة وانت طيب
تعمل كام عربية لانوس 2004 هاف اوبشنز مأنية تمام عداد 60 الف كيلو راشة حزام ومغيرة باب ورفرف امامي وقشرة لحادث في الباب لكن بحرفية عالية جدا والرش واصل للقايم أما الحوض والشنطة والكبوت والسقف فابريكا

تعمل 37 الف

[sherifowahba]

شكرا جزيلا يا استاذ شريف ربنا يكرمك ان شاء الله ويعظم اجرك
على المجهود الرائع ولسعه صدرك فى الرد على جميع الاستفسارات
وانت راجل فعلا استاذ
انا كنت ناوى اسال حضرتك بس وجدت اجابتى فى استفسارات الاخرين
جزاك الله عنا كل الخير """""""""""""""""""""""""""""""""""

لا أجد افضل من كل الردود علي كلامك الجميل وعباراتك الي فوق الرائعة التي هي اكبر مني بكثير الا ان اقول لك جزاك الله الخير كله

[sherifowahba]

السلام عليكم :m_yes[1]:كل سنة و كل المسلمين بألف خير رمضان كريم أستفسار عن كيا برايد سيدان اتوماتيك 2001 كحلى عاملة 77000 كم باور سنتر تكييف 1300 سى سى فابريكة جوة وبرة ما عدا رفرف مرشوش ان شاء الله أخر حاجةحأشوفها فى المستعمل لو طلعت زى أخوتها يبقى لا حول و لا قوة الا بالله جزاك الله خيرا مقدما على الرد

كل عام وحضرتك بالف خير وصحة وسعادة
العربية دي تعمل 36 الف