تسعيير السيارات المستعملة هدية لاعضاء نايل موتورز (الجزء الثالث)

[sherifowahba]

شكرا جزيلا

السلام عليكم جزاك الله خيرا على ذوقك و أدبك و مساعدتك و الله رحت انهارده فى عز الحر الساعة 12 الظهر علشان نعاين العربية و للأسف الشديد طلعت زى كل العربيات المستعملة اللى شفتها سبحان الله معظم أصحاب العربيات اللى عايزيين يبيعوا – ألا من رحم ربى – مفيش ذرة ضمير العربية طلعت عاملة حادثة الطفل يلاحظها و مع ذلك فى التليفون الحلف بالله انها فايريكة و حتى ما بتروحش للمكيانيكى انا مش عارفة الناس جرالها ايه و صدق الرسول عليه الصلاة و السلام " أذا ضيعت الأمانة فأنتظروا الساعة " سبحان الله جاتلى عقدة من كل المستعمل حتى لو ماشية متر مع انى و الله محتاجة العربية ضرورى بس خلاص حأستنى و أجيب زيرو ربنا يستر بقى من أصحاب المعارض حسبى الله و نعمة الوكيل أنا أسفة على الأطالة بس أضايقت لما شفت رد حضرتك و أنى أخدت من وقتك على حاجة ما تستاهلش جزاك الله الف خير على المجهود

لا شكر علي واجب وان شاء الله ربنا يكرمك بحاجة كويسة و متضايقيش لان هو ده السوق في ناس عندهم ضمير وفي ناس للاسف بيعتبرو الموضوع ده شطارة وربنا يهدينا جميعا

[sherifowahba]

السلام عليكم ممكن لو سمحت ثمن ياريس موديل شهر 10 سنة 2007 باور تكيف اوتوماتيكair bag ماشية 35 الف رشه باب خلف السائق صاحبها عاوز 72 الف

تعمل 69 الف

[sherifowahba]

أستاذ شريف كل سنه وانت طيب يا باشا ورمضان كريم

قدامي عريبه في مصر عايز اشتريها

رينو كليو 2006 تركي

1400 سي سي

اوتوماتك

فاضيه بس الزجاج الامامي كهربا

فبريكه بره وجوه

ماشيه 100 الف

العربيه مافيهاش مشاكل خالص بعد الكشف عليها

تعمل كام يا باشا وربنا يديم المعروف؟؟

تعمل 49 الف

[sherifowahba]

الف شكر ياباشا وجزاك الله كل خير

لا شكر علي واجب يا اخي وانا تحت امرك لاي استفسار في اي وقت

[sherifowahba]

السلام عليكم جميعاً ........ و مستر شريف خاصة
وكل سنة وانتم طيبين ........ مأصل رمضان خلاص خلص .

وعليكم السلام ورحمة الله وبركاته يا استاذ احمد
كل عام وحضرتك بخير
وكل شيء في الدنيا بيخلص حتي العمر بس ربنا يحسن خاتمتنا جميعا ويرزقنا الخير والصواب

[sherifowahba]

دايو لاسيتى 2009 فابريكة بالكامل 15000 كيلو

توضيح بسيط هي مانيوال ولا اوتوماتيك
والشيب ده الي هو شيب الكروز ولا الاوبترا لان العربيات دي غير متواجدة الا في بورسعيد وهل هي ملاكي ولا منطقة وبصراحة هي لو منطقة حرة يبقة انا مش هعرف اسعرها لاني مليش الا في اسعار الملاكي وانا اسف


انا اسف على المعلومات الناقصة هى كاملة اتوماتيك جنوط وطارة وحساسات ماعدا فتحة السقف نفس شكل الكروز وملاكى بورسعيد طبعا

تعمل 100 الف

[ashraf_msd]

تعمل 49 الف

تسلم الايادي يا باشا وجزاك الله خيرا

[sherifowahba]

السلام عليكم
كل عام وانتم بخير
كنت عاوز اعرف اقل تاكسي ممكن وبحاله جيده يعمل كام ؟؟ ( انا سمعت انه فيه لادا مو 95 ب 45 الف وشاهين مو 97 ب 65 الف هل هذا صحيح ارجو الافاده وشكرا

بصراحة انا اسف جدا انا مليش في اسعار التاكسي او النقل او كده انا خبرتي واسعاري في الملاكي بس فانا اسف مرة اخري كان نفسي افيدك
لكن عموما هو سعر المنر الاجرة سواء قاهرة او جيزة او اكتوبر تعمل في رينج ال 25 الي 30 الفوبعدين ضيف عليها ثمن السيارة ملاكي عادي كلا خسب نوخه ممكن توصل للسعر التقريبي للتاكسي وهذا للتوضيح لحصرتك لكن سعرها بالضبط مش هقدر واقدم لك اسفي مرة اخري ورجاء تقبله

[sherifowahba]

ربنا يكرمك يا باشا على مساعدتك. سؤالي عن السعر الحالي لسيارة فيرنا 2008 _ 1500 سي سي_ فاضية (فقط تكييف و باور) عاملة 50 الف كيلو، كل صياناتها بالكامل معمولة بالتوكيل _ رشة بره كله إلا السقف و سبب الرش إنها مؤمن عليها و أنا مش باستحمل عليها خبطة ولا حاجة، يعني رش نظافة، و أيضا كل شغل الهياكل معمول في التوكيل، يعني ما شاء الله لا قوة إلا بالله مش فيها حاجة في الهيكل تقريباً ولا في الميكانيكا بفضل الله تعالى. مش عارف الدنيا هتمشي معايا إزاي بس لو اضطريت أبيعها تعمل كام، بعد إذنك؟

تعمل 47500

[sherifowahba]

الف الف شكر يا استاذ شريف علي الرد
وشكرا علي المعلومات الي حضرتك بتديهلنا
و رمضان كريم

لا شكر علي واجب با اخي وربنا يكرمك وجزاك الله خيرا
وانا تحت امرك في اي وقت لاي استفسار اقدر عليه
ورمضان كريم علينا وعليكم وعلي الامة كلها بأذن الله

[sherifowahba]

السلام عليكم
مشكوووور أستاذ شريف ع الموضوع ده جزاك الله خيرا
انا عندى سكودا فيليشيا موديل 2000 جنوط سبور زجاج أمامى كهريى كاسيت سكودا حاله جيده جدا مش راشه خالص
كنت عايز اعرف السعر
وشكررررا

نسيت أقولك انها مكيفه وعامله 100000 كيلو وصيانة توكيل

تعمل 35 الف

[sherifowahba]

ارجو تسعير ياريس اوتوماتك فل اوبشن مو 2008 عاملة 50000كم فبريكة برا وجو
وياريس 2007 نفس المواصفات
وشكر

ال 2008 تعمل 78 الف
ال 2007 تعمل 74 الف

[sherifowahba]

لانسر 1400 مو 2001 مانوال تكييف وباور فقط كانت عاملة حادثة من الجنب و غيرت قوائم والسقف والعتب




اسف هي فعلا 1300 وياريت نصيحتك في اشتريها ولا لا
هو غير كل حاجة وحالتها الان كويسة

تعمل 42 الف
وموضوع شراءها ام لا يتوقف علي حضرتك لانها هتكون معيوبة ومهما اتسمكرت العربية بالذات في القوائم والشاسيهات ما بتكونش زي الفابريقة ابدا واعادة بيعها بتكون صعبة اذا طبعا اتكلمت علي الي فيها بأمانة لكن في نفس الوقت ميزتها ان هيكون سعرها رخيص
فانا وضحت الموضوع لحضرتك والامر متروك اليك

[sherifowahba]

استاذ شريف

كنت عاوزك تسعر لى عربيتى نوبيرا 2006 مانيوال

اللون زيتى عامله 93000

رشه بره بالكامل وفبريكه دواخل

محتاجه سمكره علشان فيها خرابيش كتير

كنت عاوز اسأل عن سعرها بحالتها والافضل لو سمكرتها ورشيتها ولا ابيع كده افضل

سؤال تانى

لو معايا 25000 فوق تمنها وعاوز اجيب حاجه اوتوماتيك سيدان (لانسر -تويوتا-نيسان)

المهم بالنسبه لى انها تكون اعطالها قليله او نادره لانى مبقدرش اقف عند الصنايعيه و ببيع عربيتى الحاليه لانى مش فاضى اقف عند سمكرى

تنصحنى بايه فيهم

تعمل 59 الف
لو حطيت المبلغ هذا علي تمنها فأنصحك بالتالي :
تويوتا كورولا 2005 1300 اوتوماتيك برة وجوة وال 1300 فيها حلو مش وحش زي الانسر
او لانسر سوبر اكشن 2007 1600 سي سي جميع الكماليات فتحة سقف وجنط وفرش جلد برة وجوة

[sherifowahba]

للاسف الموضوع ممشاش عموما الحمد لالله و دلوقتى هدور تانى على النترا و ممكن فى اى وقف احط لحضرتك المواصفات عشان تسعرهالى
ربنا يخليك لينا

خيرها في غيرها ان شاء الله وانا تحت امرك في اي وقت