تسعيير السيارات المستعملة هدية لاعضاء نايل موتورز (الجزء الثالث)

[M0dY]

تعمل 78 الف بالحالة المذكورة والعداد المذكور

الف شكر ياباشا وجزاك الله كل خير

[No Comment]

السلام عليكم جميعاً ........ و مستر شريف خاصة
وكل سنة وانتم طيبين ........ مأصل رمضان خلاص خلص .

[samehkadous]

توضيح بسيط هي مانيوال ولا اوتوماتيك
والشيب ده الي هو شيب الكروز ولا الاوبترا لان العربيات دي غير متواجدة الا في بورسعيد وهل هي ملاكي ولا منطقة وبصراحة هي لو منطقة حرة يبقة انا مش هعرف اسعرها لاني مليش الا في اسعار الملاكي وانا اسف


انا اسف على المعلومات الناقصة هى كاملة اتوماتيك جنوط وطارة وحساسات ماعدا فتحة السقف نفس شكل الكروز وملاكى بورسعيد طبعا

[wael6]

السلام عليكم
كل عام وانتم بخير
كنت عاوز اعرف اقل تاكسي ممكن وبحاله جيده يعمل كام ؟؟ ( انا سمعت انه فيه لادا مو 95 ب 45 الف وشاهين مو 97 ب 65 الف هل هذا صحيح ارجو الافاده وشكرا

[Vernawy]

ربنا يكرمك يا باشا على مساعدتك. سؤالي عن السعر الحالي لسيارة فيرنا 2008 _ 1500 سي سي_ فاضية (فقط تكييف و باور) عاملة 50 الف كيلو، كل صياناتها بالكامل معمولة بالتوكيل _ رشة بره كله إلا السقف و سبب الرش إنها مؤمن عليها و أنا مش باستحمل عليها خبطة ولا حاجة، يعني رش نظافة، و أيضا كل شغل الهياكل معمول في التوكيل، يعني ما شاء الله لا قوة إلا بالله مش فيها حاجة في الهيكل تقريباً ولا في الميكانيكا بفضل الله تعالى. مش عارف الدنيا هتمشي معايا إزاي بس لو اضطريت أبيعها تعمل كام، بعد إذنك؟

[wael_elbarkoky]

والله يا استاذ وائل انا يمكن رديت علي حضرتك قبل كده وقلتلك ان الفيكترا كله اسعاره نزلت جامد
يعني عربية حضرتك اتسعرت ب 50 الف علشان حالتها مع ان هي كده بالفعل قربت من سعر ال 99 لكن لو اعتبرناها حالة عادية رشة برة ودواخل شركة وبها بعض المصلروف الخفيف وموديل 96 وال 2000 الاوتوماتيك لا تزيد عن ال 45 الف بالكتير
وحضرتك يمكن لك مراجعة اسعار السوق الفعلية وهذا عن طريق مراقبة حركة البيع والشراء الفعلية في سوق زي الي في الحي العاشر وستتأكد ان شاء الله من صحة ما ذكرته لك

الف الف شكر يا استاذ شريف علي الرد
وشكرا علي المعلومات الي حضرتك بتديهلنا
و رمضان كريم

[hancok]

السلام عليكم
مشكوووور أستاذ شريف ع الموضوع ده جزاك الله خيرا
انا عندى سكودا فيليشيا موديل 2000 جنوط سبور زجاج أمامى كهريى كاسيت سكودا حاله جيده جدا مش راشه خالص
كنت عايز اعرف السعر
وشكررررا

[hancok]

نسيت أقولك انها مكيفه وعامله 100000 كيلو وصيانة توكيل

[dr_mosab2081]

ارجو تسعير ياريس اوتوماتك فل اوبشن مو 2008 عاملة 50000كم فبريكة برا وجو
وياريس 2007 نفس المواصفات
وشكر

[mrscorpion]

لانسر 1400 مو 2001 مانوال تكييف وباور فقط كانت عاملة حادثة من الجنب و غيرت قوائم والسقف والعتب

رجاء التأكد من رقم السي سي مرة اخري هي 1300 ولا 1600 ولا هي فعلا 1400

اسف هي فعلا 1300 وياريت نصيحتك في اشتريها ولا لا
هو غير كل حاجة وحالتها الان كويسة

[wesam_salom]

استاذ شريف

كنت عاوزك تسعر لى عربيتى نوبيرا 2006 مانيوال

اللون زيتى عامله 93000

رشه بره بالكامل وفبريكه دواخل

محتاجه سمكره علشان فيها خرابيش كتير

كنت عاوز اسأل عن سعرها بحالتها والافضل لو سمكرتها ورشيتها ولا ابيع كده افضل

سؤال تانى

لو معايا 25000 فوق تمنها وعاوز اجيب حاجه اوتوماتيك سيدان (لانسر -تويوتا-نيسان)

المهم بالنسبه لى انها تكون اعطالها قليله او نادره لانى مبقدرش اقف عند الصنايعيه و ببيع عربيتى الحاليه لانى مش فاضى اقف عند سمكرى

تنصحنى بايه فيهم

[mmans]

لا كده توكل علي الله مادام ريبورت مركز الخدمة طلع تمام بحالة الزيرو يبقة توكل علي الله وهيبقة علي فكرة سعرها كويس بس عدادها زيادة حاجة بسيطة وربنا يباركلك فيها

للاسف الموضوع ممشاش عموما الحمد لالله و دلوقتى هدور تانى على النترا و ممكن فى اى وقف احط لحضرتك المواصفات عشان تسعرهالى
ربنا يخليك لينا

[Aziz2009]

مهندس شريف
أنا استفدت جداً من مواضيعك .. ربنا يجازيك عنا كل خير

أنا استفساري غريب شوية .. مش عارف ده مكانه ولا لأ

أنا عاوز أجيب عربية مستعملة تقسيط
لسه مبتدأ في السواقة

معايا 10 آلاف مقدم
والقسط ممكن لحد 1000 جنيه

تنصحني بإيه ؟؟ و تنصحني أشتري منين ؟؟

[Zika9909]

م/ شريف وهبة أرجو تسعير هذه السيارة.
المواصفات:
1- فيات بولونيز ( بولندي ) موديل 1992
2- 1600 سي سي
3- مانيوال، زجاج كهرباء أمامي فقط، سنتر، إنذار
4- فابريكة بره و جوه
5- الحالة العامة جيدة جدًا ( ميكانيكا و عفشة و كهرباء ) أما الصالون فرشه جيد و مساحته جيدة
6- لا تحتاج أي مصاريف
و شكرًا مقدمًا

[mmans]

الانترا 2009 كامله كل حاجه سقف و جنوط و شبوره و فابريقه بالكامل بس مش عارف كام كيلو بالظبط تعمل كام؟؟

و واحده 2008 نفس المواصفات دى كامله كلو عامله 23 الف كيلو تعمل كام؟؟؟؟؟