تسعيير السيارات المستعملة الجزء الخامس

[monamize4]

استاذ شريف ,, ممكن تسعير لانسر بومة 2006 سوبر اكشن عداد 80 الف كيلو فابريكه دواخل راشه اكصدام امامى

معلش يا استاذ شريف , العربيه كشفت عليها , فيها خبطه ف الاسكاترا
مع العلم ان العربية ماشيه تمام و الدركسيون مش تقيل و مبيطلعش صوت ,,, هل كدا لازم تتغير؟
هل دا عيب كبير ؟ هل ينقص من تمنها ؟ سعره كام ؟ رايك ايه؟

فابريقة دواخل و رشة برة و لا برة و جوة و رشة اكصدام امامي

فابريكة جوة و برا ,,,, راشة اكصدام امامى فقط

معلش يا استاذ شريف , احب اسمع رائيك برضه ف لانسر بومة 2009 سوبر اكشن 70 الف كيلو
راشه برا كلها و حسب كلام الراجل انها فابريكة دواخل
تساوى كام ؟ عادى لو اشتريتها راشة كلها بره ؟ هعرف ابيعها بعد كدة ؟ ولا ابعد عنها من الاول ؟

[Dr_Mido]

سؤال ياباشا ماروتي موديل 2000 حالتها كويسه مش راشه بره ولا جوه تعمل كام

Sent from my Xperia Arc S

[hplv]

البومة ال 2012 تعمل 125 الف
البومة ال 2009 تعمل 120 الف
الاكسنت تعمل 105 الف

شكرا جزيلا لرد حضرتك

[ahmedpharma]

تعمل 94 الف
و لو هاي لاين كاملة بصمة و برة وجوة بالعداد المذكور تعمل 103 الف

ألف شكر يا أستاذ شريف
وصلتني رسالة حضرتك على الخاص و فعلا حضرتك انسان ذوق جدا

و معلش أنا تاعب حضرتك معايا بس أنا في مرحلة البحث عن سيارة مستعملة (على أد الميزانية)

و تاني ألف شكر لمجهودك

[walidhassan]

أ/ شريف
معروض على سيارة بالمواصفات التالية حسب إعلان البائع:
1400 سى سى | 150000 كم
رينو كليو فرنساوى حاله فوق الممتازة لا تحتاج اى مصاريف جميع الصيانات والسيور والفلاتر وتيل الفرامل جديد 4 فردة كاوتش جديد حاله ممتازة فرانى اللون موديل 2001 كاسيت الفبريكة تحكم فى الطارة للكاسيت 1400 سى سى فوجات تكيف ثلاجة كامله مانويل زجاج امامى كهرباء سنتر ايرباك فبريكة من الداخل ورشه حزام خارجى نظافة مجدده بالكامل رخصة شهر فقط
سعرها كام لو بنفس الحالة المذكورة؟
و هل هذه السيارة قطع غيارها متوفرة أم لا؟
و تقبل تحياتى

[mr_shims_49]

استاذ شريف لو سمحت عايز تسعير لعربيتي انا مش هابيع دلوقت بس حابب اعرف بعد اذنك تساوي كام

ماركة السيارة: سيات ابيزا
طراز السيارة: هاتش باك
موديل السيارة: ٢٠٠٩
سعة المحرك ال سي سي: ١٦٠٠ سي سي فتيس ستيب ترونيك ٦ نقلات
حالة الدهان الداخلي والاساسيات والدواخل فابريقة ام رشة اي اجزاء من الدواخل ام تم استعدال اي جزء من الدواخل او السدر او الشنب علي البارد وهل الكابوت والشنطة: فابريكا
والابواب اصلية ام لا:نعم أصلية
حالة الدهان الخارجي هل فابريقة بالكامل ام رشة اجزاء مع تحديدها وحالة الدهان سواء فابريقة ام رشة هل بها تجاريح او خرابيش ام لا وهل هذه الخرابيش تستدعي الدهان ام لا: راشة اكصدامين و جزء من باب الشنطة بس كله في التوكيل عدا ذلك فابريكا
عداد الكيلومتر: ٧٧ الف
حالة الموتور والميكانيكا: ممتازة و جميع الصيانات في التوكيل و مثبتة في ملف العربية
حالة الكهرباء: ممتازة
حالة الصالون: ممتازة
حالة الكاوتش و الزجاج: جيدة جدا و بها جنوط اسبور مومو ١٧ و معاها كمان الاربع جنوط الاصلية بالكاوتش و الطاسات
الحالة العامة للسيارة وهل محتاجة مصاريف ام لا: لا تحتاج إلى مصاريف

و السيارة بها ديفيدي بايونير تاتش اصلي و يوجد ايضا الكاسيت الاصلي اللي شغال مع المالتي فانكشن اللي في الدركسيون و تم شراء فوانيس شبورة اصلي من التوكيل و يوجد زينون عالي و واطي و شبورة

[walidhassan]

أستاذ شريف ممكن سعر العربية دى:
لانوس مو 2009 ,1500 cc , نبيتى ميتاليك , 80 ألف كم , حاله ممتازه , فابريقه بالكامل دواخل وخوارج ما عدا بعض الخوارج , تكييف , باور , سنتر وانذار , فوج لايت , كاسيت سى دى , آريال كهرباء , كاوتش جديد , بطاريه جديده , أول يد , رخصه سنتان بأسم صاحبها , لا تحتاج مصروف نهائياً
و شكرا

[hossamabdalaze]

بولو 2001 ام بونتو كلاسيك2007

استاذ شريف ارجو تسعير هذة السيارة للاهمية وهل هى افضل ام بونتو كلاسيك 2007 فابريكة برة وجوة بس عاملة طقم شنبر وتعمل كام فلوس واية اللى ممكن يكون احسن منهم فى نفس المستوى المادى
بولو2001 فبريكة
1-ماركة السيارة - فولكس فاجن
كاست سى دى فلاش مومرى طقم سمعات بزوكا يابانى تكييف يريد ضبط الكندسر فقط شغال سخن
المانى الصنع بكتالوج استبن الشركة الاصلىالمنى بولو 2001 فبريكة دواخل طقم جنوط سبو جديد4 فرد كوتش تيبلس جديد
2-الموديل/السنة - بولو موديل 2001
3-عدد الكيلومترات216000 -
4- نوع ناقل الحركة - مانيول
5-لون السيارة - فيرانى قلاب
6-الكماليات - تكييف- سنتر لوك - انذار - جنوط اسبور" -
7-- رشةمن الخارج فقط من غير معجون ( نظافة ) جيد جدا
8-حالة الدواخل - فابريكة
9-حالة الصالون - ممتاز (فرش جلد على الفرش الاصلى )
10-الحالة العامة او التقييم العام للسيارة - حالةفوق جيدة جدا
11-حالة البطارية - جديدة
12-حالة الكاوتش -جديد
13-تاريخ انتهاء الرخصة -7الشهر القادم(الرخصة باسم المالك)
17-اشتراط التسجيل - عقد بيع نهائى او توكيل
18-حالة الموتور - حالة جيدة جداًالماتور حالة99.9%

19- سعة المحرك اللترية و عدد السلندرات - 1400سى سى - 4 سلندر

[MoH.SaLaDiN]

استاذ شريف رجاء تسعير العربية

ماركة السيارة رينو
طراز السيارة ميجان
موديل السيارة 2005
سعة المحرك ال سي سي 1600
حالة الدهان الداخلي والاساسيات والدواخل فابريقة
حالة الدهان الخارجي رشة اجزاء من الخارج وهى الرفرفين الخلفيين وبالنسبة لحالة الدهان بها شويةتجاريح او خرابيش لاتستدعي الدهان فى الوقت الحالى
عداد الكيلومتر 78000
كماليات السيارة هاي لاين فتحة سقف
حالة الموتور والميكانيكا جيد جدا ولكن تحتاج الى تغيير 4 تيل فرامل و 4 مساعدين
حالة الكهرباء جيد جدا
حالة الصالون جيد جدا
حالة الكاوتش تم تغيير 4 فرد من حوالى شهر وتركيب كاوتش كونتنتال و الزجاج الامامى كان به شرخ وتم تغييره
الحالة العامة للسيارة جيدة

أستاذ شريف معلش حضرتك نسيت ترد عليا فى سعر العربية

[walidhassan]

أ / شريف معلهش تاعبك معايا أصلى بدور على عربية و مش راسى على نوع معين، ممكن تسعير:

فيات بونتو كلاسيك 2011

فابريقة بالكامل عدا باب و رفرف لون اسود ميتاليك 58000كم صيانة بالتوكيل
تكييف باور سنتر سيتى باور 2 زجاج امامى كهرباء

و لك الشكر

[Kareem.ElAraby]

رينو فلوينس 2010
راشه اكصدام خلفي
اكصدام امامي فيه قطع صغير 5سم
محتاجه كاوتش
مساعد شمال ورا
فابريقه دواخل بالكامل
عداد 62000
تعملها كام

[xero4zero]

أستاذ شريف قدامي عربيه محتاج سعر عادل ليها

طراز السيارة لانسر
موديل السيارة 2002
سعة المحرك ال 1300 سي سي
حالة الدهان الداخلي والاساسيات فابريكه
حالة الدهان الخارجي خبطات بالجوانب و الإكصدامات
عداد الكيلومتر 33000
كماليات السيارة زجاج كهرباء - سنتر تكييف
حالة الموتور والميكانيكا ممتازة
حالة الكهرباء جيدة جدا (البطارية نايمة من عدم الإستخدام)
حالة الصالون ممتازة
حالة الكاوتش جيدة و الزجاج ممتازة
الحالة العامة للسيارة وهل محتاجة مصاريف ام لا جيده : تحتاج مصاريف سمكرة بسيطة ودهان
مانيوال

تصحيح عداد الكيلومتر 28500 وليس 33000

[المنسي]

ماركة السيارة: سكودا فليشيا
طراز السيارة: هاتش باك
موديل السيارة: 1997
سعة المحرك ال سي سي: ١300سي سي
فابريكة دواخل ورشة برة نظافة بها بعض الخرابيش
عداد الكيلومتر: 205000 كيلو
حالة الموتور والميكانيكا: متوسط ولسه متغير كبالن داخلية وخارجية
حالة الكهرباء: ممتازة
حالة الصالون: محتاج لتنجيد او ممكن فرش بس
حالة الكاوتش و الزجاج: الكاوتش عامل 10000 كيلو ماركة فيرستون والزجاج بحالة جيدة ماعدا الزجاج الامامى محتاج تغيير لان به نقر وشرخ
الحالة العامة للسيارة وهل محتاجة مصاريف ام لا: لا تحتاج إلى مصاريف

بالنسبة لعفشة العربية تم تجديدها بالكامل من فترة وتم تغيير ابرع مساعدين ومقصات وجلب مقصات وبيض مقصات


برجاء تسعيير العربية لان عايز ابيع ومش عارف السعر

[rabso88]

استاذ شريف السلام عليكم

ممكن اعرف بعد اذنك سعر عربيه دايو نوبيرا 2006 ماشيه 85000 معمولها سيرفيس كامل من شهر و كاوتش جديد من 5000 كيلو لونها اسود رشه اربع بيبان نضافه و الشنطه و السقف و الكبوت ما اترشوش قبل كده بس فيهم شويه خرابيش صغيره و مغيرلها فانوسين جداد من اسبوع و اكصدام اماى على سبيل التجديد و عفشه امامسه جديده من 5000 كيلو برضو ممكن اعرف تجيب كام
ولك جزيل الشكر

[exelence]

ماركة السيارة: فيات
طراز السيارة: شاهين
موديل السيارة: 1999
سعة المحرك ال سي سي: 1400 سي سي
فابريكة دواخل وبعض الخوارج
عداد الكيلومتر: 167000 كيلو
حالة الموتور والميكانيكا: جيدة
حالة الكهرباء: ممتازة
حالة الصالون: جيدة جدا
حالة الكاوتش و الزجاج: مش عارف
الحالة العامة للسيارة وهل محاجة مصاريف ام لا: لا تحتاج إلى مصاريف
السيارة بها تكييف و سنتر و ازاز كهرباء

برجاء تسعيير العربية لانها سيارة صديقى و عارضها عليا