مصيبة أحلال السيارات الملاكى أكيده أكيده أكيده أكيده

[funnyjonson]

الموضوع منقول وقراته من اكتر من موقع اخبارى والمناقشه فى السر على كيفية تطبيقه على الملاكى وكيفية تعامل البنوك









طالب رجل الأعمال رءوف غبور الرئيس التنفيذي لشركة "جي بي أوتو" وكيل سيارات "هيونداي" الكورية الجنوبية في مصر ، المهندس رشيد محمد رشيد وزير التجارة والصناعة، بتطبيق برنامج إحلال التاكسي على السيارات الملاكي.

وذكرت صحيفة "اليوم السابع" الخاصة يوم الثلاثاء أن غبور قال لوزير التجارة والصناعة خلال أحد اللقاءات إن السيارات الملاكي تحتاج إلى نفس البرنامج، خصوصا أن هناك أنواعاً قديمة جدا من السيارات تسير في شوارع القاهرة تسبب الزحام والتلوث، وأصبحت أسوأ من القمامة قائلا "لابد من تنظيف الطرق من الزبالة".

كما طالب غبور بتحديد حد أقصى للعمر الذي ترخص به أي سيارة في مصر، مشيرا إلى أن هذا يحد من تأثير الأزمة العالمية على قطاع السيارات في مصر، خاصة أن هناك تراجعاً في مبيعات سيارات الركوب "الملاكي" منذ بداية العام الحالي بنسبة 42%.

وكان رشيد قد أعلن أن وزارته ستبدأ بالتنسيق مع وزارة المالية، دراسة لتطبيق مشروع إحلال سيارات الأجرة والميكروباص على سيارات الركوب "الملاكي".

ودعا رشيد في تصريحات صحفية إلى إعادة النظر في منظومة العمر الافتراضي للسيارات الموجودة في السوق، لعلاج المشاكل البيئية والمرورية والأمنية التي تسببها، ويقضي المشروع المقترح بتعويض مناسب لملاك السيارات الملاكي القديمة، خاصة محدودي الدخل.

الظاهر ان غبور لما صدق سمع كلمة احلال قالك يلا اهو اى حاجة تخلى السوق يمشى


للأمانة منقول من موقع موثوق فيه جداااااااااااا

[DR.M]

موضوع مكرر

جبت عربيه ولا لسه؟؟؟؟

[funnyjonson]

بدور على اونو وزهقت انا هنزل شرم الشيخ اصرف الفلوس احسن

[CryptonX]

ياريت يطبق بجد ! بس يكون التعويض عادل ايضا .

[Rsarabia]

مين قال انها مصيبة انا فى رأيى ان دى البداية عشان الشارع ينضف و العربيات ترخص

[mxz911]

وناوين يعملوا ايه ف العربيات القديمه دى كلها؟

[hamedo0]

بس كده معنها انه المش معاها عربيه مش حيعرف يجيب حاجه خالص دلوقتي

[ASKAFRAWY]

ياترى بقى التعويض هيكون كام؟
وهل الاسعار هتفضل كدة؟

[Eslam.Elrefaey]

لما نشوف إيه إلى هايحصل

[HOSAMSAMSOON]

مين قال انها مصيبة انا فى رأيى ان دى البداية عشان الشارع ينضف و العربيات ترخص

[frame="9 10"]
مع عظيم احترامى لرقيك
بشكل دة الجديد حيغلى اكتر لان المطلوب حيكون اكتر بكتير من العرض
كمان الصينى المضروب حيغرق الدنيا
كمان فية عربيات قديمة و غالية
زى المرسيدس
تفتكر حيعوض ويدى كام


[/frame]

[HOSAMSAMSOON]

لما نشوف إيه إلى هايحصل

[frame="9 10"]
ربنا يستر
[b]""قل لن يصيبنا الا ما كتب الله لنا هو مولانا وعلى الله فليتوكل المؤمنون""

[/frame][/b]

برجاء تحري الدقه في كتابه الايات
مشرف عام 1

[akram2010]

بصراحه الموضوع دة محتاج لدراسه وموضوع 100% لصالح نظافه شوارع مصر من الزباله وامن سلامه طرق سيكون افضل . بس خلى بالكم من النقاط دة
1- هل عمر الافتراضى لترخيص وصلاحيه السيارات الاروبيه والامريكيه والكوريه ستعامل مثل الصينى وغيرها الزباله

[akram2010]

2- هل نسمح باستيراد سيارات لمصانع تحت السلالم ومركات غير معروفه تآتى من الصين لمجرد انها رخيصه ونجدها فى خلال سنه تفككت وتعمل كوارث وتنهك خزينه الدوله فى استيراد قطع غيار ومش مضمونه السلامه ؟؟؟؟
3-هل اى واحد فى الشارع ولا مكتب يستورد سيارات ولايضمن استمراريه قطع غيارها وضمانها اعتقد هنا يجب حسم الامور لتوكيلات كبيره لديها مراكز خدمه وقويه ولديها مهندسين لها كل الاولويه ونشغل اكبر عدد من شباب مصر والمصلحه تعم للجميع .

هو المفروض اى سيارة عمرها لايتعدى 15 سنه وبعدها لاترخص وتسحب نمرها وتقسم على ثلاث شرائح ضريبيه لاول خمسه بسعر بسيط وتانى خمسه ثلاث مرات الاولى وثالث خمسه تضرب فى خمس مرات الاولى والهدف تشجيع تجديد السيارات وفى مصلحه الطرق وال مش قادر دة مش قصته وعندة بدائل موصلات مجهزة وكدة نجد شوارع مصر نظيفه.

[Bob2009]

بصراحه الموضوع دة محتاج لدراسه وموضوع 100% لصالح نظافه شوارع مصر من الزباله وامن سلامه طرق سيكون افضل . بس خلى بالكم من النقاط دة
1- هل عمر الافتراضى لترخيص وصلاحيه السيارات الاروبيه والامريكيه والكوريه ستعامل مثل الصينى وغيرها الزباله

القديم عمره ما كان زباله وان كنت حضرتك شوفت زباله فالموضوع ده يرجع لصاحبها سواء قديمه او جديده فيه جديد برده كتير زباله وبيدخن وبيعمل كل حاجه

واخيرا مافيش حد راكب عربيه زباله الحمد لله سواء من الى راكب قديم او جديد

غبور هو الى شخصيه حقيره وزباله والى عاجبه عاجبه مش عاجبه يركب هو الجديد وملوش دعوى بالشارع على شان ده بتاع الناس كلها

وعلى فكرا القديم لسه موجود فى بلاد كتير وماشى للنهرده وشكله انظف من الجديد المشكله مش فى العربيه المشكله فى الى راكبها ومش اكتر

وياريت البلد نتظف الزباله الى بجد فعلان فى الشوارع وبعد كده تشوف العربيه على راى المثل من بره ومن جوه

[Bob2009]

2- هل نسمح باستيراد سيارات لمصانع تحت السلالم ومركات غير معروفه تآتى من الصين لمجرد انها رخيصه ونجدها فى خلال سنه تفككت وتعمل كوارث وتنهك خزينه الدوله فى استيراد قطع غيار ومش مضمونه السلامه ؟؟؟؟
3-هل اى واحد فى الشارع ولا مكتب يستورد سيارات ولايضمن استمراريه قطع غيارها وضمانها اعتقد هنا يجب حسم الامور لتوكيلات كبيره لديها مراكز خدمه وقويه ولديها مهندسين لها كل الاولويه ونشغل اكبر عدد من شباب مصر والمصلحه تعم للجميع .

هو المفروض اى سيارة عمرها لايتعدى 15 سنه وبعدها لاترخص وتسحب نمرها وتقسم على ثلاث شرائح ضريبيه لاول خمسه بسعر بسيط وتانى خمسه ثلاث مرات الاولى وثالث خمسه تضرب فى خمس مرات الاولى والهدف تشجيع تجديد السيارات وفى مصلحه الطرق وال مش قادر دة مش قصته وعندة بدائل موصلات مجهزة وكدة نجد شوارع مصر نظيفه.

ده على اساس ان مصر دوله الاثرياء ولا ايه بالظبط ولا على اساس المواصلات المتوفره بغزاره ولا على اساس المواصلات المكيفه والى بتقفل الباب مجرد ما بيكتمل العدد ولا على اساس انها متوفره 24 ساعه فى اليوم ومتواجده بسهوله فى المدن الجديده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يعنى ايه الى مش متوافر معاه عنده بدائل مواصلات هو مش من حقه يكون عنده عربيه ولا هو مش بنى ادم ياريت حضرتك تجرب وتاخد فكره عن المواصلات وخصوصا فى المدن الجديده ولا حضرتك فاكر ان البلد خايفه علينا كل ما فى الموضوع انها عاوزه تسرق وخلاص