مصيبة أحلال السيارات الملاكى أكيده أكيده أكيده أكيده

[moudy88]

اولا انا كنت عايش في السعوديه وكنت هناك اخر مره سنه 2006
...كان فيه موديلات عربيات من الثمانينات واحيانا من اواخر السبعينات ...وكانت مليانه بتويوتا كريسيدا من 80 لحد 88 ..وعربيات كابريس ومازدا 929 وداتسون وعربيات كتيره ...عالرغم من ان اقل مرتب لموظف سعودي تقريبا 8 الاف ريال ...ده غير ان اسعار العربيات في السعوديه والخليج من اقل الاسعار في العالم ...ومع ذلك لم يصدر قرار عن تكهين العربيات ...
لو الحكومه عايزه تكهن العربيات القديمه ...تخلي الناس هما اللي يرموها برضاهم مش رغما عنهم
عن طريق اعفاءات للجمارك والضرائب وتخفيضات خاصه لملاك السيارات القديمه ...مع ضمان عدم التلاعب ..زي قانون سيارات المعاقين
وبكده اللي معاه فلوس هيغير العربيه ...واللي محلتوش الا العربيه بتاعته هتفضل معاه ...وهتقل العربيات القديمه بنسبه كبيره

[powersha]

ياريت الردود تكون محترمه يا اعداء النجاح والله البلد تكون انظف من غيركم . انا كمصرى اعيش بالخليج اتمنى وكلنا نشوف مصر متحضرة زيها زى بلد . الخليج سبقنا واحنا نتراجع . موضوع تجديد السيارات دة بدايه الطريق الصحيح لحزمه تغييرات تحسب لحكومتنا الرشيدة لنهضه مصر . دة مش رغيف خبز نتكلم فيه عن الفقر والغنى دة سلامه مواطنين وامن طرق وشكل وبيئه البلد . شكرآ لكل من يساهم فى تقدم مصر فكلنا مصريين وهدفنا نشوف مصر كبيرة

نجاح ايه الى حضرتك بتتكلم عنه
حضرتك عيشلى فى الخليج ومش حاسس بحاجه ولا حاسس الناس عيشه ازى
فى ناس معاهم عربيه موديل سبعينات على قدهم علشان يترحمو من قرف المواصلات -مش فشخره على الفاضى-
حضرتك جربت تركب اتوبيس نقل عام الصبح -ازا لقيته اصلا-
هتطلب من واحد جاب العربيه بطلوع الروح انك تخدها منه وتديله وحده جديده
-هيدفع اقسطها منين
-هيحطلها بنزين 90 منين
وتحضر ونجاح ايه الى بتدور عنه
الناس بتموت بعض فى توابير العيش وتقولى نجاح



لما يكون فى شوارع فى البلد نضيفه
ووسائل موصلات ادميه
وحياه كريمه للمواطن المصرى

يبقى كده حكومتنا حكومه رشيده وبتدور على نهضه مصر

حسبنا الله ونعم الوكيل

سؤال بس عايز اعرفه هو حضرتك تبع الحزب الوطنى

[zezo13178]

الاجره حاجه والملاكي حاجه تانيه خالص
هوه مشروع فاشل اساسا حاليا اغلب العربيات اللي في السوق جديده وموديلات حديثه والقديم بيختفي تدريجيا لوحده
ولو حد متابع حيلاقي ان العربيات الشعبيه التقليديه الطلب عليها مش زي زمان والطلب حاليا ع الجديد خصوصا في الموديلات العاليه
يعني اللي معاه تمساحه او زلموكه موديل قديم او bmw 90 يروح يبدلها ويركب لانوس او اسبرانزا !!!
بقي ده كلام يارجاله ؟؟

[eg_falcon]

هو ايه اخر اخبار السحابة السودا

هو يا جماعة ايه اخ اخبار السحابة السودا بتاعة قش الرز اللي بتتحفنا كل اول شتاء عرفنا نخلص منها اما عايزين نخلص من الملاكي القديم عشان البيئة العزيزة علينا

[mohamed_ssa80]

ياجماعه فى عربيات قديمه وجامده جدا وغاليه كمان ..... الموضوع ده هيبقى جامد جدا على العربيات اللى ما تسواش حاجه لكن اللى معاه عربيه تويوتا ولا هوندا قديمه ولا مرسيدس مثلا هيخسر طبعا.......... طيب ده فى واحد صاحبى معاه عربيه مازدا موديل 83 الله اكبر بحالتها زى ما تكون موديل 2006 مش 83 اتعرض عليه ارقام غريبه فيها ومارضيش يبيع انا متهيألى لو خادوها منه ممكن يتعب و يدخل المستشفى دى اغلى عليه من اصحابه

[MMamdouh]

ياجماعه سؤال ليه الهجوم دة على الفيرنا ال انا اعرفها كويس فى السعوديه بالاكسنت وسيارة والمصحف الشريف ممتازة عندنا والله تباع مستعمله فى الحراج ب 16000 ريال زى الجنيه الذهب واسرع عربيه تتباع عن اى سيارة اخرى حتى لو المانى ومرغوبه جدآ الهيونداى هنا فما بالكم مصر عندكم جو حرارة اقل وبيئه مريحه للسيارات عن السعوديه . وبعدين سيارة ايه غاليه بامكانيات الفيرنا عندكم فى مصر اسؤلوا انفسكم هو سعر الاقل منها زى اللانوس ال محدش بيشوفها هنا فى الخليج لقدم شكلها وتصميمها سعرها اغلى منها ياعمو عندكم فى مصر يبقى ليه الهجوم دة واقل منها اغلى ولا هو هجوم على ماركه معينه بدون سبب وخلاص اتقوا الله عن ما تكتبوا

انت تانى؟؟؟

انت محرمتش من المرة الاولانية؟؟؟

يا جماعة الراجل دة شغال فى التوكيل و داخل هنا يعلن عن عربيات هيونداى و يدافع عنها بكل قوة بغض النظر عن العربية اللى محتوطة معاها فى المقارنة

MMamdouh

[MMamdouh]

ياجماعه سؤال ليه الهجوم دة على الفيرنا ال انا اعرفها كويس فى السعوديه بالاكسنت وسيارة والمصحف الشريف ممتازة عندنا والله تباع مستعمله فى الحراج ب 16000 ريال زى الجنيه الذهب واسرع عربيه تتباع عن اى سيارة اخرى حتى لو المانى ومرغوبه جدآ الهيونداى هنا فما بالكم مصر عندكم جو حرارة اقل وبيئه مريحه للسيارات عن السعوديه . وبعدين سيارة ايه غاليه بامكانيات الفيرنا عندكم فى مصر اسؤلوا انفسكم هو سعر الاقل منها زى اللانوس ال محدش بيشوفها هنا فى الخليج لقدم شكلها وتصميمها سعرها اغلى منها ياعمو عندكم فى مصر يبقى ليه الهجوم دة واقل منها اغلى ولا هو هجوم على ماركه معينه بدون سبب وخلاص اتقوا الله عن ما تكتبوا

انت تانى؟؟؟

انت محرمتش من المرة الاولانية؟؟؟

يا جماعة الراجل دة شغال فى التوكيل و داخل هنا يعلن عن عربيات هيونداى و يدافع عنها بكل قوة بغض النظر عن العربية اللى محتوطة معاها فى المقارنة

MMamdouh

[opetan]

بصراحه الموضوع دة محتاج لدراسه وموضوع 100% لصالح نظافه شوارع مصر من الزباله وامن سلامه طرق سيكون افضل . بس خلى بالكم من النقاط دة
1- هل عمر الافتراضى لترخيص وصلاحيه السيارات الاروبيه والامريكيه والكوريه ستعامل مثل الصينى وغيرها الزباله

الزبالة الى حضرتك بتتكلم عليها دى رحما ناس كتير من ارف المواصلات بتعتنا ولا انت مش عايش فى البلد دى ولا ايـــــــــــــــــ ؟ ـــــــــــــــــة

[ibrahimsaad]

القديم عمره ما كان زباله وان كنت حضرتك شوفت زباله فالموضوع ده يرجع لصاحبها سواء قديمه او جديده فيه جديد برده كتير زباله وبيدخن وبيعمل كل حاجه

واخيرا مافيش حد راكب عربيه زباله الحمد لله سواء من الى راكب قديم او جديد

غبور هو الى شخصيه حقيره وزباله والى عاجبه عاجبه مش عاجبه يركب هو الجديد وملوش دعوى بالشارع على شان ده بتاع الناس كلها

وعلى فكرا القديم لسه موجود فى بلاد كتير وماشى للنهرده وشكله انظف من الجديد المشكله مش فى العربيه المشكله فى الى راكبها ومش اكتر

وياريت البلد نتظف الزباله الى بجد فعلان فى الشوارع وبعد كده تشوف العربيه على راى المثل من بره ومن جوه

عندك حق والله البلد فعلا محتاجه تنظف من الزباله اللى ملت البلد امثال هذا الغبور وغيره من الاشكال الوسخه اللى عايزه الحرق

[ibrahimsaad]

ياريت الردود تكون محترمه يا اعداء النجاح والله البلد تكون انظف من غيركم . انا كمصرى اعيش بالخليج اتمنى وكلنا نشوف مصر متحضرة زيها زى بلد . الخليج سبقنا واحنا نتراجع . موضوع تجديد السيارات دة بدايه الطريق الصحيح لحزمه تغييرات تحسب لحكومتنا الرشيدة لنهضه مصر . دة مش رغيف خبز نتكلم فيه عن الفقر والغنى دة سلامه مواطنين وامن طرق وشكل وبيئه البلد . شكرآ لكل من يساهم فى تقدم مصر فكلنا مصريين وهدفنا نشوف مصر كبيرة


__________________________
العضو المحترم
لقد خرقت القاعدة الخاصة بالتهجم على الأعضاء
كما يوضح ملفك انك تتلقى خدمات الشبكة من الشركة المصرية لنقل البيانات
ومع وجود خط ثابت له صفات شبه دعائية لشركة معينة لم تغفلها الإدارة

للسبب الأول ..فقد حصلت على انذار مصحوب بوقف اسبوع
ونرجوتغيير الأسلوب في حال العودة لمنتدانا ...

مشرف عام.2

حلوه قوى اعداء النجاح دى هو فين النجاح اللى حضرتك بتتكلم عنه ؟البلد مليانه فساد وزباله وحراميه عينى عينك بيسرقوا فى عز الظهر ماحدش بيقدر يقولهم حاجه عايز البلد تنظف فعلا نظفها منهم الاول وبعدين تبقى تيجى تتكلم واللى انا اعرفه كويس ان دول همه اعداء النجاح مش الشعب الغلبان اللى لما بيظهر فيهم واحد ناجح وامين وعنده ضمير بيتم ابعاده عن الضوء ووضعه فى مكان ماحدش يعرف عنه حاجه

[ahmed000]

على فكرة احنا سبنا الموضوع الأساسي وهو الاحلال وماسكين في خناق بعض
حد عنده معلومة جديدة عن موضوع الاحلال ده؟؟
ده لو اتنفذ الاسعار هاتقع جامد اكتر ماهي واقعه اصلا
اباظة بيجو النهاردة في اهرام الجمعه عاملين معاه حديث ولمح برضه لموضوع الاحلال وقال ان بيجو طبعا هتشارك فيه لو تم
اعتقد الناس الحيتان دي بتكون الاخبار متسربه معاها قبل الناس التانية
والله حاجة تحير

[Mar80]

متهيألي يا جماعة ان الموضوع ده هيتطبق و حتى لو ما اتطبقش هما هيستفيدوا من الاشاعة اللى اطلقوها علشان الناس تخاف تشتري حاجة قديمة و هتضر انها تشتري جديد خوفا من موضوع الاحلال ده و بالتالي يبقى حقق اللى هو عايزه و هو ان الناس تبدأ تشتري الجديد و تعوض الخساير اللى حصلت للبهوات على اساس انهم يا حرام بيبيعوا العربية من غير مكاسب رهيبة تخليهم يعيشوا مرتاحين لبقة عمرهم
حسبي الله و نعم الوكيل انا كنت عايزة اشتري عربية مستعملة ترحمنا من المواصلات مش هعرف اشتري خالص

[M.Mostafa80]

يا جماعه وزير الماليه طلع وقال قبل كده أنهم ما بيفكروش فى الملاكى خالص وزى ما أحد الزملأ الأفاضل قالو دى أشاعه تروج لمصلحتهم فايريت ما نجريش ورا أشاعات ولما تبقى واقع ربنا يفرجها
وعايز أقولكو على حاجه لذيذه قوى تفكرو فيها عشان تشوفو هينفع ولا لأ
كام واحد فى مصر عندو عربيه قديمه ومقضيه الغرض منها والكام واحد دول هيقدرو يدفعو أقساط زى ما التاكسى والميكروباص ما بيدفعو لأنهم فى الأساس مشروع تجارى غير أنهم منفعه عامه للناس طبعا الأجابه لأ فى ظل الظروف المنيله اللى أحنا بنمر بيها
يبقى فى الحاله دى الناس دى مش هتقدر تشترى عربيات جديده بالقسط يبقى مش هيسكوتو وهيعملو قلق غير أن دى حاجه تخالف الدستور لأن دا بيعتبر انتزاع ملكيه عكس موضوع التاكسى دا منفعه عامه ووسيله عامه لازم يبقو متحكمين فيها غير أن التاكسى ملزم يسدد الأقساط لأن دا أكل عيشو لكن الموظفيوم ما ميقدرش يسدد القسط هيقولك خليها وساعتها هتبقى مشكله عامه ومش هينفع يحبسو الناس لعدم السداد مهم عارفين اللى فيها فا السبوبه مش هتبقى مجديه فى الملاكى

ففكرو فى الكلام دا كويس قبل ما تروجو الأشاعه وتنولوهم غرضهم اللى هما عايزينه ياريت كلامى يكون مقنع

[Bob2009]

يا جماعه وزير الماليه طلع وقال قبل كده أنهم ما بيفكروش فى الملاكى خالص وزى ما أحد الزملأ الأفاضل قالو دى أشاعه تروج لمصلحتهم فايريت ما نجريش ورا أشاعات ولما تبقى واقع ربنا يفرجها
وعايز أقولكو على حاجه لذيذه قوى تفكرو فيها عشان تشوفو هينفع ولا لأ
كام واحد فى مصر عندو عربيه قديمه ومقضيه الغرض منها والكام واحد دول هيقدرو يدفعو أقساط زى ما التاكسى والميكروباص ما بيدفعو لأنهم فى الأساس مشروع تجارى غير أنهم منفعه عامه للناس طبعا الأجابه لأ فى ظل الظروف المنيله اللى أحنا بنمر بيها
يبقى فى الحاله دى الناس دى مش هتقدر تشترى عربيات جديده بالقسط يبقى مش هيسكوتو وهيعملو قلق غير أن دى حاجه تخالف الدستور لأن دا بيعتبر انتزاع ملكيه عكس موضوع التاكسى دا منفعه عامه ووسيله عامه لازم يبقو متحكمين فيها غير أن التاكسى ملزم يسدد الأقساط لأن دا أكل عيشو لكن الموظفيوم ما ميقدرش يسدد القسط هيقولك خليها وساعتها هتبقى مشكله عامه ومش هينفع يحبسو الناس لعدم السداد مهم عارفين اللى فيها فا السبوبه مش هتبقى مجديه فى الملاكى

ففكرو فى الكلام دا كويس قبل ما تروجو الأشاعه وتنولوهم غرضهم اللى هما عايزينه ياريت كلامى يكون مقنع

عندك حق وده الى الناس كلها كانت مش موافقه عليه انه فيه ناس كتير ظروفها لاتسمح

بس مش احنا الى عملنا الاشاعات للئسف الجريده الى اسمها المصرى اليوم وغيرها الناس دى هى الى كتبت الخبر ده وكونتكت كار - مصراوى كل الناس دى هى الى قالت الكلام ده.