مصيبة أحلال السيارات الملاكى أكيده أكيده أكيده أكيده

[Bob2009]

السلام عليكم
... بصو يا شباب ... انا مكنتش احب ان مستوى الحديث يوصل للمرحلة دي ,,, المفروض نحترم وجهات نظر بعض ومنكونش متعصبين لافكارنا ... هي مصلحة اي نعم ان العربيات تبقى جديدة والناس تركب عربيات كويسة ومستوى تلوث اقل ... كل ده جميل

بس في سؤال بس ... هل تغيير السيارة القديمة الي جديدة هو من اولويات المواطن المصري ؟ .... طيب لو من اولوياتة انا ليه ارهقة بتقسيط وفوايد لو مش قادر يشتري كاش ... طيب اللي معاه 10 الاف جنية وعايز يشتري 128 .. يعني هو لازم بركب فيرنا ... طيب ما هي امريكا اللي هي امريكا ما هي لسه فيها عربيا موديللات لحد سنه 1960 وماشية ... وانا في السعودية فت عربيات قديمة وكتير مش قليلة .... يا سيدي الفاضل . لما الناس تاكل وتشرب وتلبس كويس ويرتاح بالها تبقى تفكر تجدد عربياتها
وخلي بالك لو حددو الشركات زي ما عملو في التاكسي هتبقى مشكلة كبيرة ... افرض انا راجل مش بحب اركب عربية كوري ولا صيني . هو انا مجبر اني اشتري من اونكل غبور ... د/ رؤوف عايز يكسب ... وده حقة بس مش من دمنا احنا بقه وعلى فكرة انا مش معايا عربية قديمة بس لما قريت موضوعك حطيبت نفسي مكان اللي راكب بيجو ومازدا موديلات سبعينات ... بس انا نفسي يا اكرم تجاوبني ... لو انت ساكن في منطقه جديدة ولا بعيدة شوية عن العمار ومعاك 128 وطلبو منك ان تحل وتجدد وانت مش معاك فلوس هيكون موقفك ايه ؟ ... لو ادتني اجابة مقنعه اقولك ماشي توكلنا على الله بس عايز اقولك على حاجه كمان ... لو رؤوف غبور هو الوكيل الوحيد للسيارات في مصر .. يبقى ميشرفنيش اني اركب عربية .. ساعتها ممكن اشتري عجلة عندي او سكوتر او اني اجيب عربية من برة غبور ميعرفش عنها حاجه ... لاني مش بحب اتسرق قدام عيني وغصب عني لعدم وجود بديل .... طول ما في وكلاء في مصر بالمنظر ده يبقى فعلا اكبر سلعة استهلاكية هتكون العربيات ... اعذروني لكلامي بس بجد انا زعلان على بلدنا اوي

والله انا غصب عنى عملت كده الاسلوب نفسه يخرج الواحد عن شعوره وانا عمرى ما عملت كده بس غصب عنى من الاسلوب والشعارات

وفعلان زى ما حضرتك بتقول انه فيه اولويات لازم تتم الاول وبعد كده نغير العربيه

وانا احترم راى حضرتك وشكرا جدا

[mantar80]

استحاله تحصل فى مصر

الكلام ده يحصل فى بلد تانى مش فى مصر

أولاً : احنا بلد اقتصاده تعبان وفيه اذمه من غير متكون فيه اذمه عالمية
ثانياً : استحاله وزارة الماليه تقدر تدى تعويض للناس الى هندها عربيات قديمة لانهم كتير وصعب ان البنوك توافق لان موضوع التكسى محدش عارف الناس الي خدت القرض هتقدر تسدد القرض .
ثالثاً : لو انا عندى عربيه من 30 أو 40 سنه ومهتم بيها وماشيا معايا كويس ليه تجبرنى انى اشترى عربية جديدة واذاى هتقدر تحدد تعويض وانت عندك فئات كتيرة اوى من الملاكى ( التاكسى القديم فئاته قليله ومتقاربة السعر ) اما الملاكى فيه عربيه 128 بقلها 30 سنه وحلوه وعربيه مرسيدس بقلها 30 سنه وبرده حلوه

الحل الوحيد للموضوع ده
ان العربيات الجديدة تنزل بسعرها الاساسى من غير الجمارك والضرائب والربح الجشع لاصحاب التوكيلات وده مش هيعمل احلال للعربيات القديمة كلها ولكن بنسبه كبيرة لكن تقولى تعويض ده كلام فارغ

[Bob2009]

الكلام ده يحصل فى بلد تانى مش فى مصر

أولاً : احنا بلد اقتصاده تعبان وفيه اذمه من غير متكون فيه اذمه عالمية
ثانياً : استحاله وزارة الماليه تقدر تدى تعويض للناس الى هندها عربيات قديمة لانهم كتير وصعب ان البنوك توافق لان موضوع التكسى محدش عارف الناس الي خدت القرض هتقدر تسدد القرض .
ثالثاً : لو انا عندى عربيه من 30 أو 40 سنه ومهتم بيها وماشيا معايا كويس ليه تجبرنى انى اشترى عربية جديدة واذاى هتقدر تحدد تعويض وانت عندك فئات كتيرة اوى من الملاكى ( التاكسى القديم فئاته قليله ومتقاربة السعر ) اما الملاكى فيه عربيه 128 بقلها 30 سنه وحلوه وعربيه مرسيدس بقلها 30 سنه وبرده حلوه

الحل الوحيد للموضوع ده
ان العربيات الجديدة تنزل بسعرها الاساسى من غير الجمارك والضرائب والربح الجشع لاصحاب التوكيلات وده مش هيعمل احلال للعربيات القديمة كلها ولكن بنسبه كبيرة لكن تقولى تعويض ده كلام فارغ

انا معاك فى الكلام ده كله غير فى حاجه واحده انه استحاله وزاره الماليه تقدر تدى تعويض على شان اصلا التعويض بيكون 5000 حد اقصى يعنى الموضوع ده بالنسبه ليهم عندهم الحل.
والبنوك طبعا هتوافق وعلى شان كده الموضوع ده دلوقتى فى البنوك وكل الموافقات تمت ناقص بس البنوك يعنى هيتنفذ 100% هما عندهم حاجه تانيه غير انهم يعملو على الدوله ديون ويسرقو الشعب اهو بالمره يبيعو كام بنك بعد المشروع ده على شان القروض الى هتخلى البنوك تفلس ياباشا دى سياسه فاشله منتظر منها ايه

[funnyjonson]

اخر الأخبار بتاريخ 28/7/2009

متابعه لنفس الموضوع ------------ منقول من موقع موثوق ( مصدر موثوق)

أثار إعلان المهندس رشيد محمد رشيد وزير التجارة والصناعة عن بدء الحكومة في مناقشة تنفيذ مشروع إحلال السيارات "الملاكي" القديمة أسوة بمشروع التاكسي العديد من ردود الأفعال المعارضة بين المستهلكين وأصحاب المعارض والتجار.

وقال عمر بلبع، صاحب معرض سيارات لصحيفة "اليوم السابع" يوم الثلاثاء إنه من المستحيل التفكير في تنفيذ هذا المشروع حاليا ، لأن إنتاجية المصانع لدينا متوجهة جميعها إلى توفير التاكسي الجديد ولا يمكن أن تصلح إنتاجية مصانعنا لإنتاج التاكسي والملاكي في وقت واحد.

وأشار بلبع إلى أن هذا النظام سيظهر فيه تلاعب كبير وسط المستهلكين، ومنها أن يتوجه معظمهم إلى تسجيل سياراتهم الخاصة في محافظات أخرى بعيدة عن القاهرة، كي لا يطبق عليهم النظام الجديد، الذي يتحفظ معظم المستهلكين على تطبيقه لأن الكثير منهم لا يملك الأموال التى يدفعها لتبديل الجديد بالقديم.

وأوضح أنه لابد من دراسة مردود تجربة التاكسي أولا، ثم التفكير في الملاكي، مضيف أنه مازال هناك الكثير من السنوات الطويلة للتفكير في ذلك.

الحكومة تدرس المشروع

وكان رشيد قد أعلن يوم الاثنين أن الحكومة تدرس تقديم حوافز ضريبية للمستفيدين من مشروع إحلال السيارات "الملاكي" الذي تعكف وزارتا التجارة والصناعة والمالية على وضع اللمسات النهائية له، تمهيدًا لتطبيقه مع إقرار مجلس الوزراء العمل بالمشروع.

وقال رشيد إن هذه الحوافز ترتبط بخصم نسبي لم يتحدد بعد للضرائب المفروضة على تسجيل السيارات الجديدة على أن تقتصر على أصحاب السيارات "الملاكي" القديمة المشاركين في المشروع الذي يستهدف الحفاظ على البيئة وتقليل حوادث السيارات واختناقات المرور.

وبرر وزير التجارة تفكيره في هذا المشروع بوجود سيارات مر على تاريخ صنعها ٤٠ و٥٠ عامًا ومازالت تسير في الشوارع مسببة كمًا هائلًا من التلوث بما يوجب على الحكومة تغييرها دون التسبب بأي خسارة لأصحابها.

المشروع لم يتحدد موعد تنفيذه بعد

طلائع يرفض

من جانبه ، أكد محسن طلائع نائب رئيس الشعبة العامة للسيارات بغرفة القاهرة، أن هذا يُعد مخططا للشركات كي تبيع أكثر على حساب المستهلك، مشيرا إلى أن تجربة التاكسي أظهرت النية المبيتة فكيف تطبق على الملاكي ، حيث إن الحكومة تعطي سيارات لا يزيد عمرها الافتراضي عن سنتين أو ثلاث سنوات مقارنة بالسيارات القديمة المتينة.

وأضاف طلائع أن أول ما يجب أن تفكر فيه الحكومة هو العائد الذي يحصل عليه المستهلك من التغيير وأن تكون خطة متكاملة من الدولة لتوفير الأموال من الصندوق الاجتماعي أو غيره، لدعم المستهلك بالأموال التي يقوم بدفعها ولا تقوم بإعطائه 5000 جنيه وتتركه يصطدم بأقساط طائلة لتسديدها.

وأوضح نائب رئيس الشعبة العامة للسيارات بغرفة القاهرة، أن الحكومة لابد أن توضح أولا كيفية التخلص من السيارات القديمة، إما بتصديرها إذا كانت حالتها تصلح إلى وسط وغرب أفريقيا أو توجيهها إلى مصانع الحديد "البليت" لإعادة تصنيعها.

وبدوره ، قال جمال عبد العليم - مستهلك - أرفض بشدة هذا الاقتراح، مؤكدا أنه لو أن الأموال متوفرة لديه، لما استمر على موديل سيارته وقام بشراء أخرى جديدة دون تدخل من الحكومة.

في حين قال مصطفى أحمد، إن السيارات الجديدة كلها "ورق"، ولا تصلح للسير بها في شوارع القاهرة، في مدة لا تزيد عن سنة على الأكثر، مشيرا إلى أن "الخبطة" الواحدة بالسيارة الجديدة تكلفني من 2000 إلى 3000 جنيه، أما القديمة المتينة لا تتعدى تكلفتها 600 جنيه.
=============================

[ahmed000]

وبعدين طيب في الحيرة دي؟؟؟
ده انا كنت خلاص هاشتري اليومين دول عربية...
كل ماحد من اصحابي يسمع اني هاشتري يقولي استنى شوية..
طيب استنى ليه ياعم؟؟؟
مرة واحد يقوللي اصل الجمارك عليها تخفيض
ومرة يقوللي احلال الملاكي هاينزل الاسعار في الأرض..
ومرة يقولي شهر 10 قرب ولسه في عربيات زيرو 2008 هاتبقى برخص التراب..
ومتاااااااااهة ملهاش اخر ومحدش فاهم حاجة..والبركة في الحكومة ام عيون جريئة وقرارات جريئة
والله العظيم الواحد احتار في البلد دي..
ومع ذلك ادينا صابرين وساكتين

[MoToRiZeR]

البلد عاملة زي عمارة أيلة للسقوط في أي لحظة .. و الحكومة بقي شايفة إن الحل إن كل مواطن يبيض شقته قبل ما العمارة كلها تقع!!

و الله أصحاب العقول في راحة فعلاَ .. و غير كدة بتتحجج بالأمان .. طب فين الأمان في عربياتك المجمعة محلياَ يا غبور ؟؟
فين الطرق اللي كلها عوامل أمان يا سادة يا كرام .. انا بعدي علي كثير من الطرق الحيوية لا يوجد بها إنارة ولا يوجد بها خطوط علي الأرض لتقسم الطريق لحارات ولا يوجد عليها رقابة ولا أي شئ .. فين الإهتمام بالسائق اللي بتديله رخصة ينزل بيها الشارع يموت نفسه و غيره ؟ مش أولي تهتم بأن اللي بيسوق العربية يكون بيعرف يسوق فعلاَ .. مش أولي تقوم "نظامك" قبل ما ترمي بلاك عالغلابة .. مش أولي تشوف اللي عليك قبل اللي ليك !!؟

[egyptianmafia]

Guys, if you count how many cars in Egypt that drive in the streets and are in a very bad shape...you will be surprised....

I know that a lot of people wont be able to buy a new car....but then again, it is very dangerous driving a car that is over 20 years old. I see some of those cars...their lights dont work, the tires are worn out and need to be changed...you will say that it is the drivers fault....yes it is...they dont look after the car because it is so old and they dont want to spend money on it

what about the black smoke those cars produce from the muffler.....


for the member that said that in the US there are cars from the 1960's still being driven in the US...I just want to clarify to him that those cars fall under the category "Classic" and not all old cars can fall into it. The car MUST be in immaculate condition, the car must be in a good working condition (everything and I mean everything works) and that the car has passed the emission tests

You wont see a 128 for example in the US with worn out tires, broken bumper, broken tail-light, no side mirrors, etc....

[Bob2009]

guys, if you count how many cars in egypt that drive in the streets and are in a very bad shape...you will be surprised....

I know that a lot of people wont be able to buy a new car....but then again, it is very dangerous driving a car that is over 20 years old. I see some of those cars...their lights dont work, the tires are worn out and need to be changed...you will say that it is the drivers fault....yes it is...they dont look after the car because it is so old and they dont want to spend money on it

what about the black smoke those cars produce from the muffler.....


For the member that said that in the us there are cars from the 1960's still being driven in the us...i just want to clarify to him that those cars fall under the category "classic" and not all old cars can fall into it. The car must be in immaculate condition, the car must be in a good working condition (everything and i mean everything works) and that the car has passed the emission tests

you wont see a 128 for example in the us with worn out tires, broken bumper, broken tail-light, no side mirrors, etc....

طيب ما فيه فى المرور فحص الى بيتعمل كل 3 سنوات وفيه كمان ظباط فى الشارع المطالب منهم تحقيق كل الكلام الى حضرتك بتتكلم فيه وشروط الامن والمتانه والانوار والاطارات وكل الكلام ده.

المشكله مش فى العربيه نفسها المشكله فى الاهمال فيه برده عربيات جديده وفيها اكتر من الى حضرتك بتقوله على القديم المشكله فى مصر مشكله رقابه فقط لا غير والمشكله الاكبر ان الناس نفسها فى حد يخاف عليها فعلان هو لو بيعمل لصالح الناس هيفحص صح وهيراقب الطرق صح ويعمل صيانه للطرق ويخاف على الناس بجد المشكله مش فى الناس المشكله فيهم هما ولازم تتصلح

ومعلش انا عاوز اعرف مستوى الفقر هناك كام وهنا كام وكمان سعر افخم عربيه هناك كام وهنا كام لو كانت بتنزل اصلا

[Ghost2]

لا لا انا شايف الناس كده معتقداتها وردية .... نصحى شوية بس يا جدعان .... في ناس بتجيب حق البنزين بالعافيه ... انتو ازي بتقولو كده .... العربيات ماشية ولسه بترخص وفي امريكا الموديلات دي لسه موجودة ... والعربيات الجديدة في المتانة مش زي القديم ..... يعني الجديد موتور بيجري وتكييف وشوية اكسسوارات .... وانا ايه اللي يجبرني مثلا لو عندي عربية قديمة اني اغير دلوقتي ..او اني اشتري مش شركة او تنين محددين .... افرض انا را جل لا بحب الكوري ولا الصيني ... هتغصب عليا وتحددلي اركب ايه ومركبش ايه ... واللي قاعد بعيد عن العمار ومحتاج ان شالله 128 من اللي هي ب 10000 لازم يركب فيرنا ؟ .... لا يا جماعة نبص شوية للناس ... مش عشان معانا عربيات زيرو وجديده وفي مننا الي معاه اكتر من عربية .... نقول اه حلو عشان ميجيش واحد راكب مازدا ولا بيجو شكمانة يطلع دخان ولا يحكلي العربية اصل الصاج بتاعه ناشف اوي... سوري يعني ده اسمه دلع ... وياريت محدش يزعل مني بس ياريت نبص للاولويات ... احنا مصريين .. اوعو تنسو دي

[MoToRiZeR]

guys, if you count how many cars in egypt that drive in the streets and are in a very bad shape...you will be surprised....

I know that a lot of people wont be able to buy a new car....but then again, it is very dangerous driving a car that is over 20 years old. I see some of those cars...their lights dont work, the tires are worn out and need to be changed...you will say that it is the drivers fault....yes it is...they dont look after the car because it is so old and they dont want to spend money on it

what about the black smoke those cars produce from the muffler.....


For the member that said that in the us there are cars from the 1960's still being driven in the us...i just want to clarify to him that those cars fall under the category "classic" and not all old cars can fall into it. The car must be in immaculate condition, the car must be in a good working condition (everything and i mean everything works) and that the car has passed the emission tests

you wont see a 128 for example in the us with worn out tires, broken bumper, broken tail-light, no side mirrors, etc....

ممكن جداَ تشوف عربية موديل 2008 مخبطة من كل حتة و الفوانيس مكسرة و صاحبها مكسل يغيرها و المرايات الجانبية مكسورة و تلاقيه كمان حاطط ستارة خلفية و متفهمش ماشي إزاي !

انا عن نفسي بشوف عربيات كتير جدااااااااااااااااا جديدة مكملتش 5 سنين ولا 10 سنين فيها كل اللي بتقول عليه .. لأن الغلط مش من العربية .. الإهمال = أعطال .. الإهمال من البني أدم صاحب العربية ..

الأولي قبل كل ده .. إنهم يعلموا الناس السواقة !! و ميدوش الرخصة غير للي يستحقها .. مش واحد يروح "ينورهم" في المرور و يقعد عالكرسي و يتصور و ياخد الرخصة و يمشي و بعد كدة يفكر يتعلم !! إنت في محيط اللي تعرفهم كام واحد قالك أطلع الرخصة بعدين أفكر في عربية و أبتدي أتعلم عليها !؟

الأخطر من عربية فيها حاجة مش شغالة هي عربية بها كل عوامل الأمان سايقها واحد لا يصلح للقيادة .

و الحكومة السبب الرئيسي لوجود هذه الفئة في جميع سائقي مصر ملاكي و نقل و كل حاجة .. هي اللي إدتهم الرخصة "إنزلوا برطعوا في الشارع براحتكم" و هي اللي مش عاملة عليهم رقابة و سايبة المذبحة شغالة .. و هي اللي بتداري علي مصايب الكبار فيهم .. و اللي مش كبير بيبقي كبير بعشرين جنيه مطبقة في إيد العسكري .

كمواطن مصري عارف طرق البلد دي و حالتها و حالة المرور و معدل الحوادث اللي تحت عين الجميع و الطرق اللي بتتقفل كل يوم لموكب فلان و علان و الناس تخبط راسها في الحيط و بشوف بعيني العربيات المخالفة بتخش الكمين و تطلع عادي جداَ .. صعب جداَ عليا أصدق إن خطوة زي دي الحكومة قال إيه .. خايفة عليا فيها من العربيات القديمة !!

[SOBKY]

نفسي اعلق والله ....
بس الشباب قالوا كل اللي نفسي اقوله.
الله يبارك في الرجالة

[bassem.naguib]

والله يا جماعة انا شايف ان الموضوع ده أخد لغط كتير جداً جداً .. والحكومة لو عاوزة حاجة حتعملها غصب عن أي حد .. هي في الأول والأخر مش حتجبر حد على المشروع ده .. بس في المقابل حتحط قوانين ولوائح ونظم ورسوم ... إلخ علشان الناس تزهق من عربياتها وساعتها يا اما تدخل في المشروع لو قادرة الأقساط .. أو ترمي عربياتها في الشارع

[ayman2000ghazy]

دى مهزلة

الكلام ده يحصل فى بلد تانى مش فى مصر

أولاً : احنا بلد اقتصاده تعبان وفيه اذمه من غير متكون فيه اذمه عالمية
ثانياً : استحاله وزارة الماليه تقدر تدى تعويض للناس الى هندها عربيات قديمة لانهم كتير وصعب ان البنوك توافق لان موضوع التكسى محدش عارف الناس الي خدت القرض هتقدر تسدد القرض .
ثالثاً : لو انا عندى عربيه من 30 أو 40 سنه ومهتم بيها وماشيا معايا كويس ليه تجبرنى انى اشترى عربية جديدة واذاى هتقدر تحدد تعويض وانت عندك فئات كتيرة اوى من الملاكى ( التاكسى القديم فئاته قليله ومتقاربة السعر ) اما الملاكى فيه عربيه 128 بقلها 30 سنه وحلوه وعربيه مرسيدس بقلها 30 سنه وبرده حلوه

الحل الوحيد للموضوع ده
ان العربيات الجديدة تنزل بسعرها الاساسى من غير الجمارك والضرائب والربح الجشع لاصحاب التوكيلات وده مش هيعمل احلال للعربيات القديمة كلها ولكن بنسبه كبيرة لكن تقولى تعويض ده كلام فارغ

والله دى مهزلة و الحكومة مستفيدة كل العالم اسعارة اتهارت ما عدا مصر لو عايز البيئة و مش عارف ايه يبقى يسمح لاى مالك سيارة قديمة انه يشترى عربية جديدة بدون جمارك او رسوم بسعرها اللى كل الناس فى كل بلاد العالم بتشتريها بيه من غير جمارك لحماية شلة من مافيا السيارات المستغلين وواضح ان حكومة رجال الاعمال مصممة تحمى الطبقة المنتمية لها باى طريقة حتى لو داست على رقاب الشعب بالجزمة

[eg_falcon]

اللي انتو مش واخدين بالكم منه ان الحكومة معتقدة ان الناس معاها فلوس و شايلاها تحت البلاطة و مش عايزة تطلعها و ان الحل للازمات الاقتصادية الموجودة عندنا منذ زمن بعيد حتى اصبحت ازمات مزمنة يتعايش الناس معها هو ان الفلوس دي تنزل السوق و بما ان الناس مش عايزه بمزاجها يبقى الكلام دا يحصل بالغصب او بالنصب ايهما اقرب و الدليل على الكلام دا كلام الباش مهندس عز ان الناس تعيش في رفاهية بدليل مركات المحمول اللي في ايد الناس و العربيات الفارهة اللي ماشية في الشارع

[oss_m]

الخلاصة

والله يا جماعة انا شايف ان الموضوع ده أخد لغط كتير جداً جداً .. والحكومة لو عاوزة حاجة حتعملها غصب عن أي حد .. هي في الأول والأخر مش حتجبر حد على المشروع ده .. بس في المقابل حتحط قوانين ولوائح ونظم ورسوم ... إلخ علشان الناس تزهق من عربياتها وساعتها يا اما تدخل في المشروع لو قادرة الأقساط .. أو ترمي عربياتها في الشارع