استفسار ... سرينة الشرطة

[M.almaghraby]

صح الكلام يا محمد باشا

[eljazeera77]

ياجماعه هو مخالفه القانون عندنا هوايه سرينه الانذار مخصصه للشرطه والاسعاف والمطافى الامور الحرجه ليه دايما بنتفنن فى مخالفه المرور والله لما بشوف واحد بيضرب سرينه بعربيه ملاكى خاصه انى بحتقره وبحس انه لا شئ وعايز يظهر انه مهم ودا رأى الكل فيه
محدش يزعل من كلامى انا لا اقصد الاسائه لاحد بالخصوص انا بنكلم بوجه عام

[eljazeera77]

عارفين يا جماعه انا عايش بره ورحت دول اجنبيه وعربيه وانا دلوقتى فالسعوديه والله السرينه ديه ليها قيمتها واحترامها ومفيش حد بيركبها الا العربيات المرخص ليها بس
والله انا حزين من الى وصلنا ليه من اللا مبالاه والانانيه وحب النفس لو القرار بايدى مش هصادر السؤينه لكن حصادر العربيه كلها وححبس صاحبها غلى الاقل سنه علشان بحترم الاخرين
تقبلوا احترامى

[m7mda7md]

طب يا استاذ لما تكون مستعجل و قدامك واحد حيوان قافل الطريق ولا هامه و تديله كلكسات نور مفيش
هتعمل ايه؟
اعتقد السارينه هتخلص الموضوع.......

[m7mda7md]

ياريت حضرتك متقوليش"لكن في ناس بتعمل و تعمل و تسوي"
انا عندي سارينه و بستخدمها في الاغراض دي
يعني مثلا اخويا كان راكب العربيه علي طريق سريع و سائق سياره نقل و الله تسبب في ان العربيه تتقلب.....
اعتقد السارينه كانت هتخلص الموضوع
و بعدين ايه يعني مخالفه القانون,هو القانون ده كتاب سماوي
تقـــــــــــــــــــــــ مروري ـــــــــــــــــــبل

[M.almaghraby]

و بعدين ايه يعني مخالفه القانون,هو القانون ده كتاب سماوي

لا يا باشا مع احترامي لحضرتك بس منطقك خاطيء تماما

ايوا القانون ليه احترامه و هيبته و علي فكرة سبب الي احنا فيه دا عدم احترام القانون..

لكن مخالفة القانون تعتبر فيها اذية لغيرك في جميع الاحوال و دا سبب وضع القوانين في اي مجال اصلا

و السارينة غلط يا جدعان.... واي حيجادل فالحوار دا مش حيبقي كلام ليه لازمة لان مفيش جدال علي حاجة زي دي

وللمرة التانية بقول انا نفسي اركب الكلاكس الجامد بتاعها دا عشان بعض المواقف هههههههههههه لكن سارينة نفسها اعتقد شكلها مش ظريف

[m7mda7md]

اشكرك يا باشا لأدبك عشان بتقول منطقي خاطئ تماما و اي كلام ع السارينه مش حيبقي ليه لزمه
اما موضوع مخالفه القانون مش هيمنعني القانون من اني اتخلص من الحيوانات اللي كتروا في البلد و اتقلب بالعربيه 3 مرات بعد الاكل
و بعدين حضرتك مسكت في حته من الكلام كله
هتعمل ايه لو ماشي ع طريق سريع و عربيه نقل بتتطوح قدامك

[m7mda7md]

ممكن بعد اذنك برضه تشرحلي ازاي السارينه هتسبب "اذيه لغيري"

[M.almaghraby]

شكرك يا باشا لأدبك عشان بتقول منطقي خاطئ تماما و اي كلام ع السارينه مش حيبقي ليه لزمه

العفو يا باشا بس انا بتكلم بادب اكيد و احنا بنتناقش مش خناق يعني!!!

انا اصدي ان اي محاولة لاثبات انها ليها مبرر مش صح ......

ممكن بعد اذنك برضه تشرحلي ازاي السارينه هتسبب "اذيه لغيري"

لانك ببساطة لغيت الامتياز الي العربية الاسعاف و البوليس ماشية بيه و الناس بتوسعلهم الطريق عشانه......

كدا السرينة بقت عاملة زي النسر المعفن دا الي كله بيحطه....

كدا لو في اسعاف انتا ممكن متشوفوش و تقول دا واد اهبل بيلعب بالسرينة و تتسبب في موت شخص كان بحاجة الي المساعدة

[m2die4]

يا جماعه فى نقطة عايز رأيكو فيها , العربيه الملاكى الفعلاً فيها حاله طوارئ يعمل ايه ؟؟؟ , من غير ما يركب سرينه انا ضد اى حاجه ضد القانون , شفت مره منظر بجد خلانى اوسع السكه لاى عربيه عايزه تجرى , واقف امام مستشفى بالصدفه و الشارع واقف تماماً و عربيه باجيرو علق الزماره لدرجه تنرفز , نزل راجل من عربيه امامه و قاعد يزعق جامد , الراجل صاحب الباجيرو نزل و جرى فتح الباب التانى و شال زوجته مغمى عليها و جرى نص شارع كامل و ساب العربيه مفتوحه و الابواب مفتوحه , الراجل النزل زعلان اوى اتصدم من الشافه اقفل ابواب الباجيرو و جرى وراه للمستشفى , بجد الموقف على الحقيقه يزعل و موثر جداً , انا شخصياً مره واحده كنت لازم اوصل منطقه بعيده فى اقرب وقت فتحت الفلاشر و طرت فى ناس فهمت و طبيعى ناس تنرفز لدرجه رهيبه و بيزنقونى كمان , السؤال هنا افهم ازاى الناس ان العربيه دى فيها حاله طوارئ ؟؟؟؟

[M.almaghraby]

ممكن تدي انتظار

[m7mda7md]

ازاي هقول ده واد اهبل و بيلعب و مشفهوش
مش في مرايات
هتقولي جاي من بعيد هيبقي ده مش ذنبي ده ذنب اللي ماشي قدامه
ده طبعا غير الفنار بتاع الاسعاف و ده بتشوفه حتي في النهار
لأن اصلا عربيه الاسعاف عاليه و بتبان من بعيد جدا
و برضه مردتش هتعمل ايه مع الحيوانات اللي ماليين الشوارع

[factorialx]

لا يا باشا مع احترامي لحضرتك بس منطقك خاطيء تماما

ايوا القانون ليه احترامه و هيبته و علي فكرة سبب الي احنا فيه دا عدم احترام القانون..

لكن مخالفة القانون تعتبر فيها اذية لغيرك في جميع الاحوال و دا سبب وضع القوانين في اي مجال اصلا

و السارينة غلط يا جدعان.... واي حيجادل فالحوار دا مش حيبقي كلام ليه لازمة لان مفيش جدال علي حاجة زي دي

وللمرة التانية بقول انا نفسي اركب الكلاكس الجامد بتاعها دا عشان بعض المواقف هههههههههههه لكن سارينة نفسها اعتقد شكلها مش ظريف

+111111111111111111

غلط طبعا و عدم إحترامنا للقانون هو اللي وصلنا للإحنا فيه
خليك تكون في بلد بره و تعمل كده وشوف اللي يحصل

ربنا وحده هو اللي عالم باللي نفسي أعمله في اللي مشغلها على طول و الشارع واقف أساسا

[M.almaghraby]

و برضه مردتش هتعمل ايه مع الحيوانات اللي ماليين الشوارع

ماهوا اصلا حتي لو سمع صوت سارينة من ملاكي حيوسعلك ليه؟؟؟

و مع ذلك انا فاهم قصدك و عندك حق .... لكن دا مش حل...

[m7mda7md]

لأن اللي بدأوا يحطوا السارينه في عربياتهم هم الناس اللي واصلين بدون تحديد هويات معينه و بالتالي الحيوانات رسخ ف عقلهم الحوار ده و بيوسعوا للسارينه و ده ع الاقل ف اسيوط المحافظه اللي انا عايش فيها
و مش بقول كده من فراغ,بتحصل كتير و اعتقد في كتير من الاعضاء متفقين معايا في الرأي