استفسار ... سرينة الشرطة

[m7mda7md]

بس برضه الناس مش عاوزه تفهمني صح
بس في حاجه عاوز انبه ليها انا موجه كلامي لحضرتك فقط و ارجو احترام رغبتي
مين قال يا غالي اني مش محترم الناس دول ع راسي من فوق بس في حجات بتعصب و اكيد بتتعرضلها برضه مش عارف مش معترفين بيها ليه
طب يا باشا انا راضي ذمتك اركب مع حد مركب سارينه و يمشي عادي و خليك معاه لغايه ما يقابل سواق حيوان و يجرب الكلاكس و ميشلش ايده من عليه و طبعا بما ان السواق التاني ده حيوان مش هيبعد ,خليه بعدها يسمعه صوت السارينه ثانيه واحده و شوف الفرق......و عشان اكون صريح معاك مش كل الحيوانات هيبعدوا و هيعاندوا برضه
انا مش بقول ان انا بكره القانون ولا حاجه بس الناس مش مقتنعه ان القانون مش كتاب سماوي
يعني مثلا اقرب مثال التفييم
لو تفييم خفيف هيحصل ايه يعني,و ده يؤكد ان القانون مش كتاب سماوي

[m2die4]

و الله بنتعرضلها و بتشلنى كمان شخصياً , عارف انا فكرت اجيب كلاكس النقل و بعدين دورت فى النت على كلاكس القطر و سألت الناس على السرينه بس مجرد معرفت انها ممنوعه غيرت رأى و سبحان الله بجد بعد ما كنت خلاص حشترى كلاكس النقل بالصدفه على طريق المطار بليل عربيه متسوبيشى مركباها مجرد ما زمر بيها و اتفزعت فزعه موت لان المرايا مفهاش عربيات نقل غيرت رأى و اكتفيت بالزماره الشهيره بتاعت الناس ال هى فى الاصل شتيمه لاى مستفز فى الشارع , انا معاك ان القانون مش كتاب سماوى و فيه عيوب و ثغرات زى اى قانون فى الدنيا بس احنا ملزمين بيه و المخالف يدفع او يتحبس و صدقنى الفاميه ده شُبهه , ده انا كل لجنه كنت مشرف على جنب و مثبوت فى الرخصه , لان العايزه اكيد حضرتك عارف فى ايه , ممكن بعد كده اداره المرور تقتنع ان الخفيف ده ممكن يتسمح بيه بس لحد ما تقتنع هو ممنوع و مخالفه 150 جنيه و فحص للسياره علشان يتأكد انك شالته خلاص

[m7mda7md]

لو كل الناس ترد بذوق و موضوعيه زي حضرتك كانت كل المشاكل انتهت
الحمد لله اهو حد اعترف ان القانون مش كتاب سماوي و مش هو الفيصل
يعني مثلا كلاكس النقل يمكن يكون مش ممنوع لكن حضرتك رفضت تركيبه و ده مكنش استنادا للقانون و ده حاجه ايجابيه
سيبك من علاقه السارينه بالقانون,,السارينه تردع معظم الحيوانات
غير كده مش هتخليك تشتم الناس بالكلاكس عشان ممكن احد الحيوانات يكون سافل زياده عن اللزوم و يشتم و تظل السارينه حل ليس مثالي و لكن الافضل
و اشكرك تاني لذوقك و لو عاوزني اشيل الساريه هشيلها و اكسرها ههههههههه

[KoDaK_Gti]

يادي النيله
اللي بنقوله بنعيده و نزيده
ياريت تقرا الموضوع من الاول مش هكتب لكل واحد رد خاص بيه
المحترم مضطر يركبها عشان الحيوانات:c_laugh[1]::c_laugh[1]:

الاربع سطور دول ميخلونيش انى اكمل حوار معاك شوف انا كلامى فوق ازاى وشوف انت ردك كان ازاى
مع ان انا مستغرب جدا من الجملة اللى تحت اللى انت كاتبها دى

الذوق بيتبتني جدا
و قلته بتعصبني

[m2die4]

لو كل الناس ترد بذوق و موضوعيه زي حضرتك كانت كل المشاكل انتهت
الحمد لله اهو حد اعترف ان القانون مش كتاب سماوي و مش هو الفيصل
يعني مثلا كلاكس النقل يمكن يكون مش ممنوع لكن حضرتك رفضت تركيبه و ده مكنش استنادا للقانون و ده حاجه ايجابيه
سيبك من علاقه السارينه بالقانون,,السارينه تردع معظم الحيوانات
غير كده مش هتخليك تشتم الناس بالكلاكس عشان ممكن احد الحيوانات يكون سافل زياده عن اللزوم و يشتم و تظل السارينه حل ليس مثالي و لكن الافضل
و اشكرك تاني لذوقك و لو عاوزني اشيل الساريه هشيلها و اكسرها ههههههههه

يا باشا ربنا يخليك يبقى احنا وصلنا ان هو حل من ضمن الحلول بس افضلهم و مخالف لقانونا و يا باشا متشالهاش و لا حاجه طالما انت شايفها مفيده ليك و بتستخدمها صح بس بردو مخالف للقانون و عماتاً اكيد اى حد حيعرف يفرق لو العربيه الوراه اسعاف او مطافى او بوليس او ملاكى

[m7mda7md]

يا باشا ربنا يخليك يبقى احنا وصلنا ان هو حل من ضمن الحلول بس افضلهم و مخالف لقانونا و يا باشا متشالهاش و لا حاجه طالما انت شايفها مفيده ليك و بتستخدمها صح بس بردو مخالف للقانون و عماتاً اكيد اى حد حيعرف يفرق لو العربيه الوراه اسعاف او مطافى او بوليس او ملاكى

و هو المطلوب اثباته

[m7mda7md]

لا يا باشا مع احترامي لحضرتك بس منطقك خاطيء تماما
واي حيجادل فالحوار دا مش حيبقي كلام ليه لازمة

مش عارف علي اي اساس بيغلط و يصحح منطق الناس
كل اللي عندهم سارينه كلامهم ملوش لزمه و كلامك مواعظ

انما موضوع سارينه الشرطه دى بقت حاجه قذره الى ابعد الحدود
نما بقى موضوع السرينه فبجد بتزيد من مظاهر تخلف الشعب ونجاح الحكومه فى انها تخلى الشعب هايف للدرجه دى

مش عارف يطلع مين عشان يقول الشعب كله هايف و هو اللي ميه ميه
كده كل الناس اللي عندها سارينه قذره و هوه

فعلا كل واحد عاوز يطلع كلامه صح وهو عارف انه غلطان بس هتعمل ايه

وانا معاك فى الموضوع ده بصراحة كلامك مظبوط و طبعا حضرتك عارف المشاركه المشار اليها

كده حضرتك بتشاركه ف رأيه المتعدي

الاربع سطور دول ميخلونيش انى اكمل حوار معاك شوف انا كلامى فوق ازاى وشوف انت ردك كان ازاى
مع ان انا مستغرب جدا من الجملة اللى تحت اللى انت كاتبها دى

عرفت ليه يا استاذ حسام انا كتبت كلامي ده و انا عارف انه خالي من الذوق

[eljazeera77]

يا د.محمد يشرفنى انك تكون زميلى انا يا جميل تخصصى عنايه مركزه وبشتغل دلوقتى فالسعوديه بمستشفى الملك خالد وان كنت زعلان من موقفك من سرينه الشرطه مع انك طبيب ان شاء الله مستقبلا وعارف يعنى ايه قيمتها متعملش زى الاخوه ضباط الشرطه ووكلاء النيابه الى مفروض يحافظوا على القانون مش يكسروه يعنى حاميها حراميها
تقبل مرورى واحترامى للجميع

[eljazeera77]

انت اكبر من كدا يا جميل

[m7mda7md]

و انا ميرضينيش زعل حضرتك مع اني شرحت طريقه استخدامي ليها يعني مش مشغلها ليل نهار و ممكن يعدي عليا شهر من غير ما اشغلها كمان
و ارجو كلامي ميكنش زعل حضرتك

[mahmoud19]

مش عارف يطلع مين عشان يقول الشعب كله هايف و هو اللي ميه ميه
كده كل الناس اللي عندها سارينه قذره و هوه

ايـــــــــــــه يطلع مين دى ماتحاول ترتقى لأسلوب الكلام !!!!!!كان المفروض تقول ابن مين فى البلد كمان
وبخصوص الشعب كله هايف للأسف اهيف شعب فى العالم كمان علشان واحد يركب سارينه ويقعد طول ماهو ماشى عمال يقرف الناس بيها ومحسس نفسه انه حاجه ظننا من عقله المحدود ان بالمظاهر الكدابه دى انه بقى شخصيه مرموقه ولها اهميتها فى المجتمع وبقى ليه لزمه!!!!!

ومين بقى الى قال ان الناس الى بتستخدمها قذره وانا الى ميه ميه!!!!
الجمله دى بجد انا مش هرد عليها علشان بجد فى ناس عندها تمييز لما هتشوف المشاركه بتاعتى هتوصلها الصوره الى انا عاوز اوصلها
وبجد مش عارف اقول ايه

[م.أحمد_حماد]

أعزروني يا شباب أنا كنت عاوز أسأل عن أسعار السراين و هل في مقاسات

[m7mda7md]

ايـــــــــــــه يطلع مين دى ماتحاول ترتقى لأسلوب الكلام !!!!!!كان المفروض تقول ابن مين فى البلد كمان
وبخصوص الشعب كله هايف للأسف اهيف شعب فى العالم كمان علشان واحد يركب سارينه ويقعد طول ماهو ماشى عمال يقرف الناس بيها ومحسس نفسه انه حاجه ظننا من عقله المحدود ان بالمظاهر الكدابه دى انه بقى شخصيه مرموقه ولها اهميتها فى المجتمع وبقى ليه لزمه!!!!!

ومين بقى الى قال ان الناس الى بتستخدمها قذره وانا الى ميه ميه!!!!"انت اللي قلت"
الجمله دى بجد انا مش هرد عليها علشان بجد فى ناس عندها تمييز لما هتشوف المشاركه بتاعتى هتوصلها الصوره الى انا عاوز اوصلها
وبجد مش عارف اقول ايهبعد كل ده و مقلتش

اه ابــــــــــــــــــن مين في البلد يعني ولا تزعل نفسك
و رحم الله امرئ عرف قدر نفسه بما انك مصري و الشعب المصري اهيف شعب في العالم
و الحمد لله انا مش بقرف الناس بالسارينه
و الحمد لله برضه عقلي مش محدود و بالفعل شخصيه مرموقه حيث اني طبيب

[mahmoud19]

حسره على دكاتره مصر القــادمين

[m7mda7md]

حسره على دكاتره مصر القــادمين