استفسار ... سرينة الشرطة

[m7mda7md]

برضه لسه في ناس بتقولي بره و مشغلها علي طول
ياريت لما نتكلم عن حاجه محدده نتفق ف الرأي الاول او ع الاقل نخلص منها و بعدين نتكلم عن حاجه تاني

[eljazeera77]

يا استاذ محمد احنا ممكن نطلع اعذار لاى شئ يعنى ممكن اقول ان ابويا وزير اوانا ظابط او اخويا وكيل نيابه او كلمتنا المشهوره فى مصر انتا مش عارف بتكلم مين علشان مثلا اخد حقى او اعمل حاجه انا شايفها حقى (طبعا كذب الكلام ده بس اسمه كذب)
يعنى مش علشان شويه شواز اكسر القاعده ليه نعمل الغلط علشان نصلح غلط انتا مقراتش تعليق الاخ الى كان بيتكلم عن سياره الاسعاف الى كانت بتضرب السرينه ومحدش معبرها
يا اخى الفاضل انا طبيب عنايه مركزه والله سرينه الاسعاف فمصر معتش ليها اى قيمه وده بسبب الاخوه الى بيسيئو استخدامها هنا مثلا ىفالسعوديه او فى اوروبا السرينه ديه لما بتضرب الشارع كله بيركن على جنب ومهما كان الشارع زحمه بتتفتح حاره اوتوماتيكيا لسياره الشرطه او الاسعاف
اعمل الى انتا عايز تعمله بس ثق تماما انك بتتعدى على حقوق الاخرين
تقبل احترامى وتقديرى

[M.almaghraby]

يا اخ محمد بلدك لذيذة اوي و دا بيتيح فيها كسر القوانين بكل سهولة...

فا من الاخر لو عايز تركب سرينة ركب و دي حريتك يا باشا

لكن متحاولش تخلي الناس تقتنع بالعافية يا ريس

ركبها و استعملها استعمال كويس و خلاص علي كدا :))

[m7mda7md]

دحنا طلعنا زملا
بس انا لسه طالب ف طب
اما حوار السارينه ف انا مش بحاول اقنعك بيها و سبب ردي الاول عليك انك كاتب بسمع سارينه بحتقر صاحبها
ف حبيت افهمك ان في ناس محترمه مضطره تركبها
و زي ما في عربيه اسعاف محدش وسعلها برضه اخويا و 3 اصحابه العربيه اتقلبت بيهم بسبب سواق نقل حيوان
و بكرر ان القانون ده مش كتاب سماوي
لكن للاسف في ناس متربسه دماغها و تقولي برضه القانون و بره بيعملوا مش عارف ايه و هنا الناس بتعمل ايه و التاكسيات و التكاتك و كل واحد عاوز يطلع كلامه صح و خلاص

[semsem_uno]

يا جماااااااعة مش كل من بيجري يبقي طايش و لو حتي عيل طايش و معديتهوش هيهدي انما لو بيحاول يعدي منك تاني و تالت يبقي ممكن يكون في حاجة و بعدين كده او كده مش هتخسر حاجة لو عديته بدام مفيش حاجة هتئذيك ز ربنا يهدي
انا عن نفسي بما ان في ناس بتعاند و في ناس هنا بتقول بلاش السرينة خلاص ان موافق بس بعد كده لو حصل حاجة و لازم اجري او في ظروف و اللي ادامي قاصد يعاند هسقطله التاني و احدفه ادام شوية و اعدي منو و يبقي يعاند تاني بدام هي كده
و للعلم انا مركب كلكس gti و لما بتقل ايدي الناس بتدعي عليا في الأشارة

[m7mda7md]

الجهل وحش
ايه يا باشا كلاكس ال gti ده

[semsem_uno]

الجهل وحش
ايه يا باشا كلاكس ال gti ده

هما بيسموه جي تي اي
بس اكيد ال اسم ده جه علي اساس انو كان بينزل في الجولف و البيجو ال جي تي اي تقريبا و بحس انو صوتو قريب منهم
و هو فردتين كلكس باصين في وش بعض و صوتهم حلو و مميز و عالي جدااااا و لو فتحتهم بيبقي صوتهم اعلي بكتييييييير و بردو حلو بس بالأمانة صوتو بشع

[m7mda7md]

الف شكر يا باشا
يعني صوته قريب من التويوتا و المرسيدس ولا شبه الاوبل و المازدا و الافيو صوتهم مكتوم

[semsem_uno]

الف شكر يا باشا
يعني صوته قريب من التويوتا و المرسيدس ولا شبه الاوبل و المازدا و الافيو صوتهم مكتوم

و يمكن اعلي :))) هتشوف بنفسك و كمان انا جايب الهندي و العلبة لونها سماوي و في انواع اغلي بكتيييير بس ده زي الأصلي

[eljazeera77]

يا جماعه اهو كلاكس زى الى الاخ بقول عليه ده والله بميت سرينه لما بيضرب ورايا وانا سايق والله بيعملى لوسه ولو زود حبتين بيبئا هاين عليا انط من العريه واسيبها من اللخبطه وبرقبه ميت سرينه اه والله

[mahmoud19]

تمام اوى الموضوع ده بس الى غايظنى انى بسمع مبررات لتركيب سارينه الشرطه!!!!!!!!!!!؟
طاب لو اى حد وراه ظرف او مستعجل اوى مايعلق ايده على الكلاكس بتاع العربيه وخلاص انما موضوع سارينه الشرطه دى بقت حاجه قذره الى ابعد الحدود
انا عن نفسى مش عاجبنى حاجات كتيـــــــــــر فى قانون المرور منها مثلا ان الفاميه ممنوع بكل درجاته>اهى دى حاجه بقى تخنئ الواحد المفروض يكون الشفاف مثلا يعنى مش ممنوع ,انما بقى موضوع السرينه فبجد بتزيد من مظاهر تخلف الشعب ونجاح الحكومه فى انها تخلى الشعب هايف للدرجه دى

[KoDaK_Gti]

دحنا طلعنا زملا
بس انا لسه طالب ف طب
اما حوار السارينه ف انا مش بحاول اقنعك بيها و سبب ردي الاول عليك انك كاتب بسمع سارينه بحتقر صاحبها
ف حبيت افهمك ان في ناس محترمه مضطره تركبها
و زي ما في عربيه اسعاف محدش وسعلها برضه اخويا و 3 اصحابه العربيه اتقلبت بيهم بسبب سواق نقل حيوان
و بكرر ان القانون ده مش كتاب سماوي
لكن للاسف في ناس متربسه دماغها و تقولي برضه القانون و بره بيعملوا مش عارف ايه و هنا الناس بتعمل ايه و التاكسيات و التكاتك و كل واحد عاوز يطلع كلامه صح و خلاص

والمحترم مضطر يركبها ليه معلش فهمنا ؟؟؟
المحترم مش هيخالف القانون ويعمل حاجة غلط
لما القانون مش كتاب سماوى يبقة لما عربيتك تتسرق وحقك يضيع فى اى مكان متروحش تعمل محضر علشان القانون مش كتاب سماوى !!!!!!!!!
وهل السرينة هى اللى كانت هتنقذ اخوك واصحابه من الحادثة !!!!!!!!!!؟؟
فعلا كل واحد عاوز يطلع كلامه صح وهو عارف انه غلطان بس هتعمل ايه

تمام اوى الموضوع ده بس الى غايظنى انى بسمع مبررات لتركيب سارينه الشرطه!!!!!!!!!!!؟
طاب لو اى حد وراه ظرف او مستعجل اوى مايعلق ايده على الكلاكس بتاع العربيه وخلاص انما موضوع سارينه الشرطه دى بقت حاجه قذره الى ابعد الحدود
انا عن نفسى مش عاجبنى حاجات كتيـــــــــــر فى قانون المرور منها مثلا ان الفاميه ممنوع بكل درجاته>اهى دى حاجه بقى تخنئ الواحد المفروض يكون الشفاف مثلا يعنى مش ممنوع ,انما بقى موضوع السرينه فبجد بتزيد من مظاهر تخلف الشعب ونجاح الحكومه فى انها تخلى الشعب هايف للدرجه دى

وانا معاك فى الموضوع ده بصراحة كلامك مظبوط

[m7mda7md]

والمحترم مضطر يركبها ليه معلش فهمنا ؟؟؟
المحترم مش هيخالف القانون ويعمل حاجة غلط
لما القانون مش كتاب سماوى يبقة لما عربيتك تتسرق وحقك يضيع فى اى مكان متروحش تعمل محضر علشان القانون مش كتاب سماوى !!!!!!!!!
وهل السرينة هى اللى كانت هتنقذ اخوك واصحابه من الحادثة !!!!!!!!!!؟؟
فعلا كل واحد عاوز يطلع كلامه صح وهو عارف انه غلطان بس هتعمل ايه

يادي النيله
اللي بنقوله بنعيده و نزيده
ياريت تقرا الموضوع من الاول مش هكتب لكل واحد رد خاص بيه
المحترم مضطر يركبها عشان الحيوانات
و القانون مش كتاب سماوي عشان العربيه اتقلبت و صرفت عليها 20 الف جنيه و الحيوان اللي كان السبب و اللي كان هيضيع حياه 4 حر طليق يمارس حيوانيته علي مزيد من البشر و الحيوانات
السارينه كانت هيه اللي هتنقذهم طبعا و ده مش رأيي لوحدي,في ناس مشتركه معايا في الرأي مش عارف راحوا فين
السارينه ليه غلط؟؟؟!فهمنا؟؟؟؟؟؟؟؟؟

[m2die4]

يا باشا معلش انا قرأت كل المشاركات بس برده مفيش مبرر , مفيش حاجه اسمها انا لازم اخلاف القانون علشان فى ناس مبتعرفش تسوق او اللفظ ال انت مصمم عليه , كل المركبها عارف انها ضد القانون و مش بيطلع مبرر , يعنى ممكن حد يقول انا مش عايز اتعامل بالعمله دى ؟؟ , بتوع امن الدوله حيجبوه و يعرفو مش عجباه ليه العمله ان شاء الله , مينفعش تتعامل مع القوانين كده هى فى الاساس لمصلحتك و مصلحه غيرك مش بيرخمو علينا يعنى , و الفاميه المجنن الكل ده انت مش حتعمل حاجه بيه , غيرك حيعمل , يبقى يتقفل على الكل و انا ركبتو و الرخصه مثبوت فيها و اتسحبت و بردو ححترم القانون و الناس الوقفه فى الشارع لمصلحتنا و اتمنى تغير رأيك

[m7mda7md]

يا باشا و الله كفايه عليا اوي احترامك و ذوقك و ادبك
ده الشئ الاساسي المستفز بالنسبالي
و عشان خاطرك هشيل السارينه من العربيه هههههه
الذوق بيتبتني جدا
و قلته بتعصبني