تشترى اوبل فيكترا 2008 ولا اوكتافيا A5 موديل 2008 ولماذا ؟

[M_HaFeZ]

ياجماعه مع احترامى الشديد لكم فى نقطه بتتكلموا عنها ومش واخدين بالكم منها
موضوع الاوتوماتيك فى الفيكترا اللى الناس فاكراه عيب
سبب عدم تواجد الاوتوماتيك فى الفيكترا لسبب بسيط ان النسخه الموجوده فى السوق 1600 سى سى والعربيه تقيله فلو نزلوا فتيس اوتوماتيك العربيه عزمها هيقل وخصوصا انا شايف ان عربيه بالوزن ده لازم بالميت موتور 1800 سى سى ان مكانش 2000 او 2400
وده سبب عدم نزول الموتور الاكبر من 1600 طبعا علشان موضوع التخفيضات الجمركيه لحد 1600 بس وبعد كده شريحه تانيه خالص
وده استفادت بيه العربيات الاسيويه الخفيفه
لكن الفيكترا تقيله ولو هتنزل عربيه خفيفه هتبقى عربيه مشوهه لا صاج ولا حاجه زى العربيات الالمانى اسما فقط بدون ذكر اسماء

[ASD peugeot]

الفيكترا مش محتاجه كلام

[Megane]

على فكره الفيكترا فئة اعلى من الأوكتافيا

على فكرة الإثنين فئة واحدة 1600 CC و للمعلومة الفئة تقدر بالـــ CC و ليس بأى شىء أخر

[Megane]

الفيكترا مش محتاجه كلام

الـ A5 مش محتاجة كلام و على فكرة الأوبل أقل سيارة من ناحية الجودة و ذلك فى المانيا و A5 تصنع فى مصنع VW فى تشيك الذى يصنع الباسات و الجتا و لذلك فهى أعلى من الفكترا فى الجودة.

[HNaga]

الأوبل أقل جودة؟؟؟؟؟؟

حتى لو- جودة الأمانى شئ مختلف

ممكن تبص على الموقع ده؟

http://www.whatcar.co.uk/car-review-summary.aspx?NEW_USED=1&MA_TYPE=1&MA=2&RT=451

[Megane]

الأوبل أقل جودة؟؟؟؟؟؟

حتى لو- جودة الأمانى شئ مختلف

ممكن تبص على الموقع ده؟

http://www.whatcar.co.uk/car-review-...=1&MA=2&RT=451

أنا من عشاق الأوبل بجميع أنواعها و لكننى كنت متواجد فى المانيا لمدة 3 سنوات وهناك الذى لا يمتلك فلوس يشترى أوبل حيث أنها أرخص سيارة فى ألمانيا و الـ Golf سيارة الشعب بمعنى الكلمة حيث أن كل طلاب الجامعات معهم GOLF .
و ايضا أريد أن أضيف أن ماتور A5 بالكامل صناعة الـ VW و أن خط إنتاج A5 هو نفس خط إنتاج الـ Bassat و أن الـ Golf 5 هى الوحيدة التى تنتج و تصنع 100% فى ألمانيا.
معنى ذلك إذا كانت الفكترا أحسن من الـ A5 إذاً أيضا هى أحسن من الـ Bassat و هذا مستحيل بجميع المقاييس.

[ahegazi]

أوكتافيا علشان الشكل الجديد للفكترا نازل فى صيف 2008

كلامك صح الفيكترا حاتغير من 2009 (يعني آخر السنة دي) لانها بتغير كل 7 سنين والموديل الموجود في السوق Vectra C نزل في أوروبا من 2002 لكن الوكيل نزلها من سنتين بس والناس اللي ماتعرفش ياعيني بتروح تشتريها وبعدين فجأة يلاقوها في كام شهر بس بقت موديل قديم.

والأوكتافيا هي كمان المفروض تغير 2009 لكن مافيش صور عنها للآن

[شاهين - بنز]

محدش ضامن الشكل الجديد بتاع الفكترا حيبقى في منه 1.6 ولا لأ

[sa3dawy]

طيب لية المقارنة تبقى بين دول بس
انا لو هشترى هاجيب جيتا ب169

[aif]

حسب علمي الاوكتافيا ضيقة جدا من ورا

[Goodle]

حسب علمي الاوكتافيا ضيقة جدا من ورا

ده بناء عن تجربة يا باشا؟؟

أرجو الرد

[h_hezzah]

على فكرة الإثنين فئة واحدة 1600 CC و للمعلومة الفئة تقدر بالـــ CC و ليس بأى شىء أخر

يعنى الباسات والجيتا فئة واحدة؟ :p
ماهو الاتنين 1600cc

[معتز]

اظن بعد وصول الفيكترا بالامكانيات الجديدة...فيكترا هتغير السوق...... اللى يقدر يدفع 150 الف فى عربية تجميع تركى ولا افريقى.....يزود 25 الف كمان وتاخذ امكانيات اعلى وصالون اوسع وصناعة المانى بحق وحقيق..........الكل لازم يراجع موقفه.......بصراحة منصور عمل ضربة معلم......وحكاية انه الشكل قديم....ده ممكن يكون ميزة برضه.....الشكل الجديد اكيد اغلى ...ولسة محدش اختبره حتى التوكيل هياخد سنة على الاقل للخبره...ويمكن مينزلش الشكل الجديد غير متاخر شوية...........بصراحة ان شايف ان فكترا 2008 سوف تكون حصان اسود خلال الكام شهر الجايين...........

[Mustafa_Farouk]

اظن بعد وصول الفيكترا بالامكانيات الجديدة...فيكترا هتغير السوق...... اللى يقدر يدفع 150 الف فى عربية تجميع تركى ولا افريقى.....يزود 25 الف كمان وتاخذ امكانيات اعلى وصالون اوسع وصناعة المانى بحق وحقيق..........الكل لازم يراجع موقفه.......بصراحة منصور عمل ضربة معلم......وحكاية انه الشكل قديم....ده ممكن يكون ميزة برضه.....الشكل الجديد اكيد اغلى ...ولسة محدش اختبره حتى التوكيل هياخد سنة على الاقل للخبره...ويمكن مينزلش الشكل الجديد غير متاخر شوية...........بصراحة ان شايف ان فكترا 2008 سوف تكون حصان اسود خلال الكام شهر الجايين...........

i agree with you , there will be a war between VW, Skoda and Opel

[Goodle]

يا جماعة اللي كان في المعرض أكيد قرأ بيانات الفكترا

المحرك سعته 1600 سم مكعب ووزن العربية 2300 كجم

دي قوتها 107 حصان عند 6000 دورة (يعني يكون الموتور على آخره عشان يجيب 107 حصان)

أنا شخصياً كنت بفكر أجيب المانيوال منها وحزنت جدا لما قرأت البيانات دي.

أنا كده شايف إن الأوكتافيا هاتكون الاختيار قدامي.. ومازلت حزين.