تشترى اوبل فيكترا 2008 ولا اوكتافيا A5 موديل 2008 ولماذا ؟

[h_hezzah]

يا جماعة اللي كان في المعرض أكيد قرأ بيانات الفكترا

المحرك سعته 1600 سم مكعب ووزن العربية 2300 كجم

دي قوتها 107 حصان عند 6000 دورة (يعني يكون الموتور على آخره عشان يجيب 107 حصان)

أنا شخصياً كنت بفكر أجيب المانيوال منها وحزنت جدا لما قرأت البيانات دي.

أنا كده شايف إن الأوكتافيا هاتكون الاختيار قدامي.. ومازلت حزين.

عايز اعرف جبت 2300 كجم دى منين؟؟
ده الشيروكى اللى هى تقيلة وزنها 1550 كجم بس
الفكترا وزنه فى الكتالوج 1395 كجم فارغة، واقصى حمولة مسموحة ليها (ركاب وشنط) 475 كجم
يعنى رسمى اقصى وزن ليها 1870 كجم.
ممكن تراجع الكلام ده هنا:

http://www.opel.de/res/download/pdf/0J_69_specs.pdf

http://www.globalcar.com/datasheet/Opel/2005_Opel_Vectra_1.6_16v.htm

ال A5 وزنها فارغة 1345 كجم يعنى مش فارقة

http://www.globalcar.com/datasheet/Skoda/2004_Skoda_Octavia_Combi_1.6.htm

[Megane]

:)

يعنى الباسات والجيتا فئة واحدة؟ :p
ماهو الاتنين 1600cc

السلام عليكم
طبعا الباسات و الجيتا فئة واحدة وهذا إذا كنت تقارن بين الباسات 1600 سى سى و الجيتا 1600 سىسى و الدليل على كلامى فى الرليات بيتم السباق بين فئة ال 1600 سى سى أو فئة 2000 سى سى او فئة 2500 سى سى و ليس فئة الأوبل و فلكس فاجن و المرسيدس أو الباسات و الجيتا و الفكترا و سى 180 مثلا.
وطبعا فى أوروبا الباسات و الجيتا ليست فئة واحدة لان مفيش باسات فى أوروبا 1600 سى سى و لكنها تبدأ ب 2000 سى سى .:)

[h_hezzah]

:)
السلام عليكم
طبعا الباسات و الجيتا فئة واحدة وهذا إذا كنت تقارن بين الباسات 1600 سى سى و الجيتا 1600 سىسى و الدليل على كلامى فى الرليات بيتم السباق بين فئة ال 1600 سى سى أو فئة 2000 سى سى او فئة 2500 سى سى و ليس فئة الأوبل و فلكس فاجن و المرسيدس أو الباسات و الجيتا و الفكترا و سى 180 مثلا.
وطبعا فى أوروبا الباسات و الجيتا ليست فئة واحدة لان مفيش باسات فى أوروبا 1600 سى سى و لكنها تبدأ ب 2000 سى سى .:)

اولا الباسات فى اوروبا بتنزل بموديلين 1600: ال 1600 ال 102 حصان بس دى مانوال بس
، وال 1600FSI ال 115 حصان دى اوتوماتيك بس ، وفيه منها كمان 1400TSI ودى تربو 122 حصان وفيها لغاية 3200 سىسى
و كل دول فئة واحدة وهى فئة الباسات

ماينفعش تقارن تقسيم فئات عربيات الرالى بالسيارات العادية
فى الرالى التقييم بيعتمد بشكل مباشر على قوة الموتور، اما فى سيارات الركوب التقسيم بيكون بحجم السيارة.

مثال تانى BMW 325 و BMW 525 برضه هاتقولى انهم فئة واحدة؟؟؟

[Megane]

اولا الباسات فى اوروبا بتنزل بموديلين 1600: ال 1600 ال 102 حصان بس دى مانوال بس
، وال 1600FSI ال 115 حصان دى اوتوماتيك بس ، وفيه منها كمان 1400TSI ودى تربو 122 حصان وفيها لغاية 3200 سىسى
و كل دول فئة واحدة وهى فئة الباسات

ماينفعش تقارن تقسيم فئات عربيات الرالى بالسيارات العادية
فى الرالى التقييم بيعتمد بشكل مباشر على قوة الموتور، اما فى سيارات الركوب التقسيم بيكون بحجم السيارة.

مثال تانى BMW 325 و BMW 525 برضه هاتقولى انهم فئة واحدة؟؟؟

السلام عليكم
إنت كلامك صح و 100/100
بس الفكترا مش فئة أعلى من الأوكتافيا A5 و الإثنين صناعة ألمانى و إمكنيات الأوكتافيا أعلى بمراحل من الفكترا(الصاج ؛ العفشة ؛ الرفاهية من الداخل كوجود 3 ثلاجات بها مثلا...:))
و يمكن عيب الأوكتافيا الوحيد عن الفكترا ضيقة من الخلف و شكرا.

[NaderNabil]

الفيكترا في فئة الباسات و السوبيرب...اذا فهي فئة أعلي من الاوكتافيا

الأوكتافيا فيها ثلاجتين مش 3 :)

الفيكترا الأوتو اللي ب 195 ممكن نقول ان فيها كماليات زي الأوكتافيا...لكن المانيوال في الضياع

الأوكتافيا واسعة جدا من ورا...الموديل القديم هو الديق

شنطة الاوكتافيا أكبر من الفيكترا

عفشة و ثبات و موتور الاتنين واحد في رأيي

[Powert]

اوكتافيا ال A4 هي اللي ضيقة في القاعدة ورا

اما ال A5 عدلوا العيب ده فيها وهي واسعة من ورا

وشنطة بتاعتها كبيرة بحر

انا من رأيي انك تروح تركب دي وتركب دي وتشوف اني واحدة

ترتاح فيها اكتر لان الاتنين تقريباً زي بعض

[Megane]

الفيكترا في فئة الباسات و السوبيرب...اذا فهي فئة أعلي من الاوكتافيا

الأوكتافيا فيها ثلاجتين مش 3 :)

الفيكترا الأوتو اللي ب 195 ممكن نقول ان فيها كماليات زي الأوكتافيا...لكن المانيوال في الضياع

الأوكتافيا واسعة جدا من ورا...الموديل القديم هو الديق

شنطة الاوكتافيا أكبر من الفيكترا

عفشة و ثبات و موتور الاتنين واحد في رأيي

السلام عليكم

لو إعتبارنا إن الفكترا فئة أعلى من الأوكتافيا سيكون هذا عيب فيها و ليس ميزا و هذا لسبب
1) الأوكتافيا أرخص.:)
2) الأوكتافيا أوسع جدا من الداخل.:)
3) الأوكتافيا كماليات أكثر بكثير.:)
4) الأوكتافيا تصفيح العفشة أقوى.:)
5) الأوكتافيا صاج قوى جدا.:)
6) الأوكتافيا ماتور الـ VW ألمانى و ليس ماتور الأوبل .:)

بس لمقولة حق ليس إلا (توكيل الأوبل فى مصر أحسن بكثير جدا جدا جدا من الأوكتافيا).:):):)

[Ahmed Samy]

اوكتافيا طبعا
ببساطة كده احنا اشترينا اوكتافيا elegance
العربية بجد ممتاااااااااااازة و لا يعيبها غير صوت العفشة العالي في الطرق الوعرة
بس العفشة قوية و ثبات رائع
كنا رايحين بيها اسكندرية يوم السبت اللي فات في جو زي الزفت - مطرة و طين ماقوللكش- و كنت ماشي على 140 و ثبات عالى و فرامل مطمئنة جدا
و التابلوه مريح و سهل و شيك و الCD ال 6 اسطوانات ده حاجة ممتازة و خصوصا التحكم في المقود ..
العربية مش ناقصها حاجه و حكاية الموتور التقيل اللي الكل بيقول عليها
أنا مش شايف انه تقيل ولا حاجة الموتور عفي جدا و بيسعف وقت اللزوم على الوضع المانيوال . هو مش موتور سباقات و شد بتاع الشباب بس لا يمكن - من وجهة نظري- أن يوصف بأنه تقيل ..
في كمان عيب ان صوت الباب مهوا بيقفل بيرن ساعات كأن فيه حاجة سايبه جوا
بس لما تتعود علية مش هتسمعه :)
انا ركبت الفيكترا في المعرض و كنت متنبئ للسيارة مستقبل باهر ولكن للأسف الصالون كان محبط جدا و السعر كمان مش مشجع
و على فكرة اللي في الفيكترا مش fridge لأ دي cooler يعني ماتسقعش حاجه زي التلاجه في الأوكتافيا

بدون تحيز والله
اوكتافيا A5

[aif]

ده بناء عن تجربة يا باشا؟؟

أرجو الرد

آسف علي التأخير كنت مسافر و لما رجعت كان الموضوع قدم ولسة شايفة دلوقت
انا طبعا اقصد ال A4 اما ال A5 فمعلوماتي عنها ضعيفة
آسف للخلط بينهم العتب علي النظر

[mohamed ibiza]

فيكتراeasy tronic نفس سحب المانوال و سهولة الاوتوماتيك فتيس مبتكر و جديد من opel عربية جامدة جداااااااااااااااااااااااااا و اوكتافيا جامدة جداااااااااااااااااااااااااااااااااااااا بس انا بفضل مواتير vw and audi عن opel ناس كتير اجمعت ان عمرها اطول كموتور و قطع و كده هي حيرة شديدة و العربيتين جامدين جدا لان و توكيل الفيكترا افضل ارتوك اوتو مش عارف نظامه بصراحة بس انا واحد قالي ان فانوس الاوكتافيا ب 1500 جنيه طبعا ده كتير جدا بس انا لو هشتري واحدة من دول المفاضلة هتبقي ان الفيكترا شكلها احلي و انا ميال ل موتور الاوكتافيا اكتر و بما اني مش بهتم بالشكل ف انا رأيي octavia














IBIIIIIIIIIIIIIIIIIIIIIIIIIIIIIIIIIIIIIIIZZZZZZZZZ ZZZZZZZZAAAAAAAAAAAAAAAAAAAAAAA FOR EVER

[crazylambada]

بجد عن امانة
جيب الاوكتافيا A5
و مش حتندم صدقني

[ahmedateya]

يا راجل بص عليهم يا راجل
اكيد الفيكترا

[KHALED012500]

انا بفضل اوبل فيكترا

عربيه المانى زى اسكودا

بس الفرق انها المانى من شركه واحده قائمه بذاتها وسعر اعاده البيع يبقى الاوبل كمان

وده مش معناه ان اسكودا وحشه بس مابحبش ان العربيه يكون فيها اكثر من

شركه مصنعه

[crazylambada]

على فكرة سعر اعادة البيع للسكودا الاوكتافيا
مش الاوبل فكترا
دا انتا عندك اوبل فكترا موديل 2002 المشهورة ب 70 الف جنيه دي لو حالتها نضيفة اوي

[crazylambada]

انا مش فاهم نقطة فيها اكتر من شركة مصنعة دي