تشترى اوبل فيكترا 2008 ولا اوكتافيا A5 موديل 2008 ولماذا ؟

[NaderNabil]

انا بفضل اوبل فيكترا

عربيه المانى زى اسكودا

بس الفرق انها المانى من شركه واحده قائمه بذاتها وسعر اعاده البيع يبقى الاوبل كمان

وده مش معناه ان اسكودا وحشه بس مابحبش ان العربيه يكون فيها اكثر من

شركه مصنعه

كلام غريب و مش مقنع خالص....اذا كانت الاوبل تتبع شركة GM و بتنزل بكذا اسم بره زي:
vauxhaul
holden
saturn

كل الحاجات ديه عادية في سوق السيارات العالمي...المصنعين بيعملوا كده عشان :

اولا استهداف أسواق مختلفة
ثانيا تلبية متطلبات مستهلكين مختلفين رغم انها نفس السيارة بس شكلا مختلفة

"ُEat yourself Before someone Eats you"

[KHALED012500]

ياجماعه انا اقصد بكذا شركه مصنعه

يعنى انت لو فتحت الاسكودا واتفرجت على الموتور هتلاقى علامات

1- فولكس

2- اسكودا

3- اودى

يعنى بحس انها عربيه مجمعه

وبعدين الشركه القابضه عليهم فى الاخر فولكس واجن

وانا مش بتكلم خااااااااااااااااالص على اسم الموديل لانه عادى انه يتغير

[crazylambada]

لا الموتور عليه علامة سكودا بس
هو تصنيع فولكس واجن
لكن العلام انا متاكد منها و انزل اصورلك موتور العربية لو مش مصدقني

[h_hezzah]

لا الموتور عليه علامة سكودا بس
هو تصنيع فولكس واجن
لكن العلام انا متاكد منها و انزل اصورلك موتور العربية لو مش مصدقني

العلامة دى على الغطاء البلاستيك بس. زيها زى العلامة اللى على الدركسيون
بس انا برضه مش شايف فيها اى حاجة لما تبقى القطع مشتركة بين كذا شركة
بالعكس، لما يبقى نفس الموتور مستخدم فى كذا عربية لأربع شركات كبيرة ده دليل انه موتور ناجح جدا.
نفس الكلام لبقيت القطع
ماتلاقيش حاجة عليها علامة شركة واحده، بس ده لأنها بتستخدم فى كذا ماركة مش ان كذا شركة مصنعاها.
شركات السيارات هى اللى بتعمل التصميم ومتابعة الجودة، انما تصنيع الاجزاء بيتم فى مصانع مختلفة

[KHALED012500]

نادر باشا كاتب فى الموضوع بتاعه عن اسكودا اوكتافيا A5

ان الموتور بيحمل كذا علامه وكونه عنده العربيه فيعتبر كلامه ثقه

http://http://www.nilemotors.net/Nil...ead.php?t=8283

[NaderNabil]

نادر باشا كاتب فى الموضوع بتاعه عن اسكودا اوكتافيا A5

ان الموتور بيحمل كذا علامه وكونه عنده العربيه فيعتبر كلامه ثقه

http://http://www.nilemotors.net/Nil...ead.php?t=8283

أيوه ايه المشكله في كده:)

دي شئ يشرف ان الموتور يبقي مشترك بين كل الشركات ديه..معناه انه موتور أثبت كفاءه..

و خلينا نرجع لفايدة الاندماجات و التحالفات اللي بتبقي مابين الشركات....عشان يقللوا النفقات و يستفادوا من خبرة بعض....

يعني مثلا...الدينامو في A5 مصنوع في أسبانيا و عليه علامة سيات....هل ده يعيب العربية مثلا؟
بالعكس دي ميزة انك مستفاد من احسن مصدر ممكن تاخد منه القطعة ديه.

في النهايه احب أقولك ان مافيش عربية في الدنيا شركة واحدة بس اللي بتصنعها...يكفي ان مرسيدس 40% من السيارة مصنعة بواسطة شركة BOSCH الألمانية.

أرجو ان الفكرة تكون وصلتلك بنجاح:)

[amadoooo]

استنوا الشكل الجديد للفكترا تححححححححححححفة

[SEATLOVER]

العربية مش مجرد ركوبة حلوة و اداء متميز وقطع و توكيل .. و لو كل العوامل دى تشابهت فى عربية و دخلتك فى حيرة ...فلازم تفتكر انت اكيد فين ...؟

دة بيخليك تعرف انك محدود بعوامل كتير بتظهر بعد السؤال دة

عشان كدة يبقى الاوكتافيـــــــــــــــــــــــا طبعاً .

[tmz9111]

اوبل فيكترا

[mahamedaraby]

بص طبعا انا مش هشترى دى ولا دى

بس انا افضل الفيكترا من ناحيه الشكل طبعا مع القطع الغيار الغاليه جدا

لكن لو معايا الفلوس هشترى الa5

[مدحت منيب]

ولا دى و لا دى فى البلد دى

لماذا؟ اعداء البشر ها يملوها خرابيش

قطع غياراسعارها مبالغ فيها بطريقه استفزازيه

ها تشترى العربيه فى يوم.. و هاتشترى قطع غيار كل يوم..هاتتكوى كل يوم

اما لو مصمم على " الوجاهه الاجتماعيه " هات سوناتا

اسمها هيونداى ، برضو اكسسوارها ارحم

[Goodle]

طيب إيه الحل في الغلاء الفاحش في الأسعار يا جماعة؟

[Ahmed Samy]

اما لو مصمم على " الوجاهه الاجتماعيه " هات سوناتا

اسمها هيونداى ، برضو اكسسوارها ارحم

سوناتا
بعد اللي حصل ؟؟؟؟
2000 و 2400 !!!!!!!!!
اظن ماعادتش اختيار مناسب

[mohamed ibiza]

اوكتافيااااااااااااااااااااااااااااااااااااااااااا اااااااااااااا الفيكترا حلوة بس غلوها اوي كمان الايزي ترونيك و النتشة اللي فيه مش بحبها بس الاوكتافيا موتور مكتوب عليه made in volks audi seat عربية مكنة مكنة مكنة مكنة من الاخر تححححححححححححححححححححححححححححححححححححفة

[sniper2010]

يا باشا ما تقارنش الألماني ع الزيرو بأي عربية تانية
الفكترا خارج المناسبة
وعلى فكرة أنا بحب الستب ترونيك عن الأتوماتك