هيونداي فيرنا ولا رينو لوجان؟؟؟

[ahit]

نيجي بقى للتسمية دي مجرد سياسة تسويقيه لوجان في المكسيك إسمها نيسان أبريو بس اللي راكبها راكب رينو برضه

ده كلام سليم

شوفو الموضوع المهم ده للمهندس سبعاوى

البطاقة الفنية الكاملة للرينو لوجان

[menocomp]

معرفش لية طول عمرنا احنا المصريين مبنقبلش اى شى جديد بسهولة.
أنا معايا لوجان 2010 وكل الناس قاليتلى هات قيرنا...أنا مش حقارن بين العربيتين هنا لكن معظم ان لم يكن كل الناس اللى فاليتلى اجيب فيرنا عمرها مركبت لوجان ولا حتى شافتها.. كلوا فاللى هات فيرنا تحت مبدا مصر الشهير "اللى نعرفة احسن من اللى منعرفوش" واللى بنطبقة فى حياتنا بشكل عام.
أنا مبأولش ان الفيرنا وحشة ولا حاجة بس ياجماعة التنوع لازم يبقى موجود ..
مش ممكن كل الناس اللى معاها اقل من 70000 كلهم يجيبوا فيرنا.
الفكرة ان كل من العربيتين ومعاهم اختهم لانوس تقريبا فى نفس السعر.لكن كل عربية فيهم ليها مميزات وعيوب.
طلب أخير ياجماعة .. مش معنى انى عملت مقارنة وفى النهاية جبت لوجان او فيرنا او لانوس يبقى لازم ادافع عن العربية حتى النهاية.

[MoHaMed HaMeD]

اخى انت لا قرأت تاريخ لوجان اصلا كفايا انى الماتور عليه علامه رينو لو مكنتش تبع رينو مكنوش حطه عليه علامه رينو
مكان الكلاكس موجد ف البيجة الى 406 ام 100 الف
اخى خد بالك من كلامك العربيه ثابته وسوف تحقق نجاح ف الاشهر قادمه وسوف تكسح فيرنا وانا عمرى ماعيب ف الفيرنا لانها ايضا عربيه تستحق الاحترام وقولت راى بحاديه دون تحيز

قال رسول الله صلى الله عليه وسلم

فلتقل خيرا او لتصمت

واسف ع الاطاله

[zkralla]

لوجان تكسب بلا مناقشة
لوجان ثبات اكثر عمر افتراضى اطول متانة اكثر ارتفاع عن الارض وسع داخلى وشنطة كبيرة جدا شكل احلى
فيرنا ماتور اقوى ( وده يعتير عيب على بدن العربية الضعيف ) قطع غيار رخيصة جدا بس مش معمرة واللوجان بعد الانتشار والحجز لشهور لاستلامها هتنتشر اكيد وقطع غيارها هتبقى عند السوبر ماركت وهى اصلا اسعار قطع غيارها بالتوكيل معقوله جدا بالمقارنة بانها اسعار توكيل يعنى اغلى كتير من بره
وبعدين شوف فى المعارض الفيرنا عليها جينهات دهب لو اشترتها وتستلم فورى
اللوجان تحجز ب 10000 جنيه وتستلم بعد 6 شهور يعنى قطع غيار هتبقى رخيصة وإعادة بيع هتكون ممتازة - إن شاء الله

[SharpArrow]

جرب تشوف البروتون ساجا الجديدة
1300 سي سي 70 حصان
و حجمها و شكلها لزيز جدا
و بروتون صناعة بلد مسلمين و صناعة محترمة تفوقت على الكوري جدا
و سعرها 63000 فول اوبشنز مانوال و 69000 فول اوبشنز اوتوماتيك
و منزلش منها غير الفول اوبشنز اصلا

ده لينك ليها

http://www.nilemotors.net/Nile/107467-a.html

[Youssef.Awad]

جرب تشوف البروتون ساجا الجديدة
1300 سي سي 70 حصان
و حجمها و شكلها لزيز جدا
و بروتون صناعة بلد مسلمين و صناعة محترمة تفوقت على الكوري جدا
و سعرها 63000 فول اوبشنز مانوال و 69000 فول اوبشنز اوتوماتيك
و منزلش منها غير الفول اوبشنز اصلا

وأنا رأيى من رأيك برضه ..
بلاها سوسو (فيرنا ) .. بلاها نادية (لوجان) ... خد فوزية (ساجا)

[nomercy22]

اللوجان

[zkralla]

سعادتك اللوجان اصلا مش مندرجة تحت تصنيف رينو رسميا، مجرد وورلد كار يعني عربية للعالم الثالث، زيها زي الباراتي و السوران و الباليو و العك ده كله
اللوجان شكلا رديئة جدا، و عموما دي مسألة أذواق، بس اهم حاجة تبقى عارف انك لما تشتري اللوجان انت مش هيبقى اسمك راكب رينو نهائيا

اذا كنت تقدر تستحمل تركب عربية شكلها زي ما يكون طفل بيلعب صممها و لم يتم الاعتناء بالتفاصيل الداخلية للسيارة زي مكان زراير الزجاج الكهربا و الكلاكس اللي في ذراع الاشارات (دي موتتني من الضحك)، يبقى تقدر تفكر في اللوجان

و لو اني أشتري اسبرانزا a516 احسنلي بكتير من اني أشتري اللوجان او الفيرنا...

اللوجان مغرقة اوربا الى مش بيخشها اى جاجة الا بعد معايير جودة مش سهلة
وبعدين لمعلومات حضرتك شركة رينو مش ها تحط اسمها على عربية لوجه الله كده عشان تحط اسمها على لوجان العملية عمليه مصانع قريبة من الاسواق يعنى مصنع داشيا فى رومانيا بيدى اوربا ومصنع صوماكا المغرب عشان افريقيا والمصنعين يتبعان رينو طيب ما التيوتا الكورلا واليارس بتتقفل فى جنوب افريقيا يبقى بقت جنوب افريقى والى بيتفل فى مصر بقى مصرى
وبعدين من حضرتك نستفيد هى اللوجان مندرجة رسمية تحت ايه طالما مش رينو ( داشيا ولا نيسان ديه سياسات تسويقية مش اكتر )
اللوجان افضل سيارة فى فئتها من وجهة نظرى المتواضعة مع احترامى للجميع
وكل سنة وحضرتك طيب وجميع اعضاء المنتدى

[TheInfernal]

شباب. ما الLanos بتنزل بعلامة شيفروليه, مع انها كمان دلوقتي أوحش من لما كانت بتتباع بعلامة دايو.
و السوزوكي ماروتي و الألتو بتصنعهم شركة هندية اسمها ماروتي.

أيوة اللوجان مش واخدة علامة الرينو غير انها عايزة تبيع.
و شركة رينو زيها زي شيفروليه و سوزوكي سمعتها أقوى بكتير من انها تتأثر بعربية "اقتصادية" زي اللوجان لو طلع فيها عيوب.

اللوجان كمان مش بتصنعها داشيا الرومانية. اللوجان بيصنعها مصنع جديد في المغرب تحت اسم داشيا و بالتالي كمان مينفعش نقارنها باللي بيتباع هناك لأن ممكن يكون فيه فارق في جودة التقفيل أو الكماليات.

أنا بكلامي ده مش عايز أبين ان العربية فيها عيب -لا قدّر الله-. أنا بس عايز أنبه ان دي عربية مغربية ملزوق على طارتها رمز رينو. مينفعش نقفز لأي استنتاجات عن جودتها أو تقفيلها أو ثباتها على أساس الماركة. الحكم على التجربة.

[raedegypt]

الفيرنا ملها ؟؟؟ عربيه مع اصحابى زى الفل وحلوة وشيك وتكييف حلو ثلاجه وامكانيات بالنسبه لسعرها معقول جدآ . لا طبعآ الهيونداى افضل . اللوجان فيه ناس اشتكت من اهتزاز عصايه الفتيس والعربيه قطع غيار غاليه والتوكيل اسعارة اوفر حتى فى الكيا وكلها شكاوى مسجله فى المنتدى من قبل ومش اول واحد يتكلم عنها

[zkralla]

شباب. ما الlanos بتنزل بعلامة شيفروليه, مع انها كمان دلوقتي أوحش من لما كانت بتتباع بعلامة دايو.
و السوزوكي ماروتي و الألتو بتصنعهم شركة هندية اسمها ماروتي.

أيوة اللوجان مش واخدة علامة الرينو غير انها عايزة تبيع.
و شركة رينو زيها زي شيفروليه و سوزوكي سمعتها أقوى بكتير من انها تتأثر بعربية "اقتصادية" زي اللوجان لو طلع فيها عيوب.

اللوجان كمان مش بتصنعها داشيا الرومانية. اللوجان بيصنعها مصنع جديد في المغرب تحت اسم داشيا و بالتالي كمان مينفعش نقارنها باللي بيتباع هناك لأن ممكن يكون فيه فارق في جودة التقفيل أو الكماليات.

أنا بكلامي ده مش عايز أبين ان العربية فيها عيب -لا قدّر الله-. أنا بس عايز أنبه ان دي عربية مغربية ملزوق على طارتها رمز رينو. مينفعش نقفز لأي استنتاجات عن جودتها أو تقفيلها أو ثباتها على أساس الماركة. الحكم على التجربة.

من فضل حضرتك اقرأ الردود الى على الموضوع وأنت هتتأكد أن الكلام الى أنت بتقوله غلط 100% وبعدين مصنع داشيا فى رومانيا مش فى المغرب مصنع المغرب اسمه صوماكا وبيتم التصنيع فى المصنعين و 3 مصانع اخرى والخمس مصانع بتوع شركة رينو المتحدة مع نيسان والعربية كمان بتنزل بعلامة نيسان وموضوع اللانوس مختلف لان شركة دايو مبلقهاش وجود بعد ما فلست واشترتها جنزال موتورز ولا حضرتك شايف ايه
وبعدين يعنى أيه رينو مش ها تتأثر بعربية اقتصادية هو أنت متهيالك أن الناس ديه بتلعب ولا هما مفتحين زى المصريين الى انت بتقول عليه ده يبقى اسمه نصب وفيه فرق بيان السياسات التسويقية والنصب والاحتيال هياثر على اى شركة مهما كانت لانه بيفقدها مصدقيتها عند عملائها

[TheInfernal]

من فضل حضرتك اقرأ الردود الى على الموضوع وأنت هتتأكد أن الكلام الى أنت بتقوله غلط 100%

ياريت توضح

وبعدين مصنع داشيا فى رومانيا مش فى المغرب مصنع المغرب اسمه صوماكا

مفرقتش.

وبيتم التصنيع فى المصنعين و 3 مصانع اخرى والخمس مصانع بتوع شركة رينو المتحدة مع نيسان والعربية كمان بتنزل بعلامة نيسان

1) معتتقدش ان نيسان نفسها بتصنعها.
2) معتقدش التوكيل في مصر هيجيب عربية مصنوعة في رومانيا و هو قدامه يجيبها من غير جمارك من المغرب.

وموضوع اللانوس مختلف لان شركة دايو مبلقهاش وجود بعد ما فلست واشترتها جنزال موتورز ولا حضرتك شايف ايه

كان ممكن عربياتها تتباع بماركة دايو عادي ايه المشكلة. انت نفسك قايل ان جنرال موتورز اشترتها. و اشمعنى تتباع بعلامة شيفروليه؟

وبعدين يعنى أيه رينو مش ها تتأثر بعربية اقتصادية هو أنت متهيالك أن الناس ديه بتلعب ولا هما مفتحين زى المصريين الى انت بتقول عليه ده يبقى اسمه نصب وفيه فرق بيان السياسات التسويقية والنصب والاحتيال هياثر على اى شركة مهما كانت لانه بيفقدها مصدقيتها عند عملائها

للأسف هو ده اللي بيحصل دلوقتي. و ده مش نصب و لا حاجة مادام قانوني. بعدين الناس بره حالتها المادية أحسن من انها تفكر تشتري العربيات دي.

[Eng.Geo]

The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morroco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand.
وده اللينك http://en.wikipedia.org/wiki/Dacia_Logan
اما بالنسبة لموضوع ليه جينيرال موتورز مانزلتهاش باسم دايو :
بكل بساطة: لو عندك واحد جارك عنده محل وفلس وحب يبيع المحل وجالك عشان يعرض علك وانت قبلت هتسيب اسمه علي المحل؟؟؟؟
اكيد لأ وبرده لو كان في فكرة في انك تسيب الاسم فمن الافضل تغيره عشان يزيد الاقبال وهو ده اللي عملته جنيرال موتورز
بالنسبة لان الناس برة مابيفكروش في العربيات ده :
العربية ده حاليا ماشية في شوارع المانيا وفرنسا واسبانيا وفي عربيات اقل موجوده برده
مش عارف احنا ليه وجهة نظرنا عن الناس ده غلط ..هما بيحبوا الحاجة العملية مش اكتر يعني اللي تقضي الغرض

[amr.elsayed]

بعدين الناس بره حالتها المادية أحسن من انها تفكر تشتري العربيات دي.

المعلومة دى بالذات غلط
لان احنا عندنا تصور ان كل الناس فى اوروبا راكبة فيرارى ومايباخ
مع ان العكس صحيح حضرتك لو رحت المانيا حتلاقيها غرقانة داتشيا لوجان
مع انها من اكبر بلاد صناعة السيارات .. تفتكر ليه

[factorialx]

بعدين الناس بره حالتها المادية أحسن من انها تفكر تشتري العربيات دي.

و الله الناس بره مش زي مل بنشوف في الأفلام و التلفيزيون

Romania's Dacia Logan becomes cult car for crisis-hit Germany - BUSINESS NEW EUROPE

سيارة داشا الجديده تصبح موضة السيارات في المانيا المتأثرة بالأزمه



To support plummeting domestic car sales - and of course help the environment - Merkel's government introduced an "environmental bonus," paying owners of cars over nine years old €2,500 to junk their smelly old bangers and buy new environmentally-friendlier wheels.

As a direct, but unintended, result, Dacia Logan sales surged six-fold in February. The Logan now enjoys cult status in Germany as an ironic symbol of the crisis.

The reason: German policymakers forgot that owners of nine-year-old cars in crisis conditions aren't likely to fork out for a brand-new Merc, BMW or Audi, even for a €2,500 euro bonus. Rather they gun for the €7,500 Logan. The €2500 euro bonus constitutes a 33% reduction - which car dealers are now writing directly onto price labels.

So Dacia is the cheeky winner of Germany's stimulus plan, proving how difficult such things are in a globalised world.

And the sudden surge in demand from Germany couldn't come at a better time for Dacia. In the last quarter of 2008, Romanian demand for cars collapsed, leading to a production stop at the plant that employs 14,000.

Now the plant will restart production for a month to assemble 30,000 models for export to Germany.


الملخص عشان و رايا إمتحانات
إن أنجيلا ميركل مستشارة المانية قررت منح 2500 يورو مكافئة بيئية للي هيشتري عربية جديده منها تحافظ على البيئة و منها تحرك السوق المحلي اللي راكد من الأزمه العالمية و راحت الناس بدل ما تشتري مرسيدس و لا بي إم و لا أودي أشترت اللوجان و أرتفعت مبيعاتها 6% و تمتعت بخصم من الحكومه يصل ل 33% لأن تمنها كان 7500 يورو و كان في مصنع هيقف لداشا جراء الأزمه العالمية و لكن جتلوا طلبية 30000 سيارة لألمانيا
في عالم العولمه فازت داشا بخطة المانيا لإنعاش الصناعه الوطنية