هيونداي فيرنا ولا رينو لوجان؟؟؟

[TheInfernal]

بعدين الناس بره حالتها المادية أحسن من انها تفكر تشتري العربيات دي.

شباب. أنا بعتذر عن الجملة دي. بس ياريت منخرجش عن سياق الموضوع.

[amr.elsayed]

شباب. ما الlanos بتنزل بعلامة شيفروليه, مع انها كمان دلوقتي أوحش من لما كانت بتتباع بعلامة دايو.
طيب ايه علاقة اللوجان بالموضوع هو عشان شيفورلية بوظت اسم عربية يبقى كل الشركات التانية وحشة وحتعمل مثلها
و السوزوكي ماروتي و الألتو بتصنعهم شركة هندية اسمها ماروتي.
!!!!!!!!!!!! هو حضرتك عايز عربية سعرها 35000 جنيه تكون متصنعة فين .. فى المانيا مثلا .. ومع ذلك ايه علاقة دة باللوجان
أيوة اللوجان مش واخدة علامة الرينو غير انها عايزة تبيع.
هو حضرتك العربية اللوجان دى بتتصنع فى المغرب تحت بير السلم ماهو مصنع سوماكا دة مملوك لرينو
وبغض النظر عليها العلامة ولا معاليهاش المهم العربية ذات نفسها والعربية زى الفل
و شركة رينو زيها زي شيفروليه و سوزوكي سمعتها أقوى بكتير من انها تتأثر بعربية "اقتصادية" زي اللوجان لو طلع فيها عيوب.
دة على اساس انهم بيجربوا العربية لاول مرة فينا
اللوجان كمان مش بتصنعها داشيا الرومانية.
المعلومة دى غلط اللوجان بتتصنع فى داتشيا رومانية لحد وقتنا هذا وتنزل باسم داتشيا لوجان
اللوجان بيصنعها مصنع جديد في المغرب تحت اسم داشيا
اسمه مصنع سوماكا وبتتصنع فى المغرب ورومانيا
و بالتالي كمان مينفعش نقارنها باللي بيتباع هناك لأن ممكن يكون فيه فارق في جودة التقفيل أو الكماليات.
احب اقول لحضرتك ان المصنع اللى بينزل العربية مصر هو هو اللى بينزل العربية لبلاد تانية كتير
أنا بكلامي ده مش عايز أبين ان العربية فيها عيب -لا قدّر الله-.
طيب ماتوضحلنا حضرتك عايز تقول ايه بدل ما احنا عمالين نلف فى دايرة مغلقة مفيش منها اى فايدة
أنا بس عايز أنبه ان دي عربية مغربية ملزوق على طارتها رمز رينو.
والتنبيه دة مصدره ايه وايه الدليل عليه مع ان المصنع اللى بيصنع العربية مملوك لرينو
وشركة رينو العالمية بجلالة قدرها حتحط علامتها على عربية سيئة ليه ماسكين عليهم زلة
مينفعش نقفز لأي استنتاجات عن جودتها أو تقفيلها أو ثباتها على أساس الماركة. الحكم على التجربة.
تجربة ايه دة فى فالمنتدى ما لا يقل عن 30 عضو معاه العربية ممكن حضرتك تتفضل فى قسم رينو وتشوف التجارب بنفسك

يا ريت توضحلنا اكتر حضرتك عايز توصل لايه بالظبط

[Eng.Geo]

شباب. أنا بعتذر عن الجملة دي. بس ياريت منخرجش عن سياق الموضوع.

يا سيدي مفيش مشاكل
احنا مخرجناش عن الموضوع
حضرتك كتبت شوية نقط واحنا علقنا عليها
خلاص سيبك من الناس بتاعة برةفي نقط تانية احنا كاتبنها زي نيسان و بتتصنع فين و تغيير اسم دايو و و و ..

[amr_2010]

أنا برشح الرينو لوجان

[mohamed6069]

نظرة علي اللوجان

بعيدا عن المقارنة
استطيع القول بعد خبرتي في ركوب العربية الداتشيا نوفا موديل 1999 ولمدة 9 سنوات وحتي الان واللي هي تعتبر جيل سابق من الرينو لوجان ولو حد شافها هيعرف بنظرة واحدة يعني ايه الجيل السابق للوجان مع الوضع في الاعتبار انه لا وجه للمقارنة بين الاتنين في التكنولوجيا وعوامل الراحة نظرا فقط لاختلاف التكنولوجيا بحكم فرق تلك السنوات وايضا لان تبني رينو لتلك السيارة يعد فارق كبير لصالح السيارة،
فانا علي يقين ان اللوجان عربية نزلت في مصر من رينو يعني توكيل رينو يعني قطع غيار رينو وجودة ومميزات وعيوب رينو ومعناه انك هتتعامل مع مميزات وعيوب توكيل وعربية كاي عربية رينو في مصر مع اختلاف في مستوي فئة السيارة طبعا

-وبالنسبة لوجودها في اوروبا بغض النظر عن ادراجها ضمن رينو او نيسان او داتشيا فده يعتبر دليل علي انها سيارة لها مكانة ومعترف بيها وان لم تكن كسيارة صاحبة مستوي عالي من الرفاهية او كقمة في الاداء او الجودة ولكن كسيارة اقتصادية ممتازة في فئتها وتخدم باعتمادية في المستوي اللي صنعت من اجله

-وبخصوص التصميم الخارجي انا شايف يا جماعة انه هو التصميم اللي ممكن يعطي رحابة فائقة في المقصورة الداخلية وده لا خلاف عليه اطلاقا وايضا الوسع في الحقيبة الخلفية(وراجعو تصميم الرينو كليو)
يعني نقدر نقول ده تصميم لعربية تقدر تخدم بتفوق في الغرض اللي صنعت من اجله فهي ليست كوبيه وليست ليموزين وليست رودستر، بل هي سيارة تصميمها صنع لها لتؤدي الغرض منها.
-اما التصميم الداخلي فكل نقطة فيه لما نقارنها بالرينو السابق وايضا الداتشيا السابقة نجد ان كل زرار وكل مكان لاي اوبشن داخل السيارة ليس شيء محدث وليس تجربة جديدة بل هو النمط التقليدي لها واستطيع ان اجزم بانه لو نزل موديل احدث منها سيكون علي نفس هذا النظام المتداول في رينو
ده طبعا اقصد بيه مكان الكلاكس ومكان زراير الازاز والسنتر والتكييف وغيره لانها هي بالظبط اللي عندي في الداتشيا نوفا(اللي هي رينو في بعض الدول الاخري)

-عايز اقول ان اللوجان بمميزاتها وعيوبها ليست سيارة تجريبية ولا هي تصميم شاذ بل هي نتاج تصميم مدروس واعتمادي وموجه ليخدم فئة مهمة في السيارات، سيارة تقفيلها منظم بعناية، وتنظيمها الداخلي والخارجي ليس تقليدي بالنسبة للكثير من الناس ولكنه تقليدي جدا بالنسبة لاصحاب الخبرة مع رينو وسيارة جودتها مناسبة لفئتها ومنافسة جداااا لسيارات اخري من المفترض انها بتخدم في نفس القطاع.

-وعاوز اقولكم اني كنت في قمة الاندهاش بجد لما عرفت من اللي ركبو اللوجان ان عفشتها ناعمة جدااااا ومكنتش مصدق وده بسبب اني بركب الداتشيا نوفا اللي هي عمري ما شفت في حياتي ولا هشوف عفشة انشف من عفشتها

-واخيرا انا لما شفتها في معرض اوتوماك كنت منبهر بيها لما قارنتها بالداتشيا نوفا لاني مازلت وساستمر اري ان اللوجان هي الموديل التالي والاحدث من الداتشيا نوفا

ده كان انطباعي عن السيارة واترك لكم ابداء ارائكم
واشكر الجميع

[zkralla]

اللوجان ملاكها فى المنتدى حوالى 110 ولسه
0 وما فيش واحد فيهم الا وبيشكر فى العربية ومبسوط منها ممكن حترضك تخش قسم رينو وتشوف اراء ملاك العربية

[wmz]

لوجان هى الاختيار الصح

[sha2e]

بصراحه مش عارف ليه الناس متعصبه كده
اللوجان انتاج داتشيا الرومانيه بتكنولوجيا رينو الفرنسيه
يعنى بتجمع ميزتين مهمين
الميزه الاولي : الاعتماد على تكنولوجيا رينو المتطوره والاعتماديه فى الاجزاء المهمه زى الفتيس والموتور والشاسيه
الموتور : موتور رينو ميجان1 . - الشاسيه : من تصميم شركة نيسان اليابانيه
الميزة الثانية : الاعتماد على انتاج شركة داتشيا للاجزاء الثانويه داخل السيارة
وده هيكون ليه فايده مهمه فى رخص قطع غيار السياره لتصل لسعر قريب او متساوى من قطع غيار السيارات الكوريه

يعنى كون العربيه تصميم فرنسي وانتاج روماني ده ميزه تتحسب ليها مش عيب ينحسب عليها

[mimo_15]

بصراحه مش عارف ليه الناس متعصبه كده
اللوجان انتاج داتشيا الرومانيه بتكنولوجيا رينو الفرنسيه
يعنى بتجمع ميزتين مهمين
الميزه الاولي : الاعتماد على تكنولوجيا رينو المتطوره والاعتماديه فى الاجزاء المهمه زى الفتيس والموتور والشاسيه
الموتور : موتور رينو ميجان1 . - الشاسيه : من تصميم شركة نيسان اليابانيه
الميزة الثانية : الاعتماد على انتاج شركة داتشيا للاجزاء الثانويه داخل السيارة
وده هيكون ليه فايده مهمه فى رخص قطع غيار السياره لتصل لسعر قريب او متساوى من قطع غيار السيارات الكوريه

يعنى كون العربيه تصميم فرنسي وانتاج روماني ده ميزه تتحسب ليها مش عيب ينحسب عليها

+11111111111111111111

[raedegypt]

بص يا باشا . لو عايز عربيه تصلحها فى اى ورشه فى الجمهوريه وتلاقى قطع غيارها واسعارها ببلاش خليك فى الفيرنا . والله اشيك تاكسى ابيض او ملاكى شوفته واحلى مافيها تقبل الدلع فى الاكسسورات والتعديلات بالجنوط والاسبولير بتخليها تحفه الفيرنا وبس

[zkralla]

بص يا باشا . لو عايز عربيه تصلحها فى اى ورشه فى الجمهوريه وتلاقى قطع غيارها واسعارها ببلاش خليك فى الفيرنا . والله اشيك تاكسى ابيض او ملاكى شوفته واحلى مافيها تقبل الدلع فى الاكسسورات والتعديلات بالجنوط والاسبولير بتخليها تحفه الفيرنا وبس

تانى ؟

[moda76]

سعادتك اللوجان اصلا مش مندرجة تحت تصنيف رينو رسميا، مجرد وورلد كار يعني عربية للعالم الثالث، زيها زي الباراتي و السوران و الباليو و العك ده كله
اللوجان شكلا رديئة جدا، و عموما دي مسألة أذواق، بس اهم حاجة تبقى عارف انك لما تشتري اللوجان انت مش هيبقى اسمك راكب رينو نهائيا

اذا كنت تقدر تستحمل تركب عربية شكلها زي ما يكون طفل بيلعب صممها و لم يتم الاعتناء بالتفاصيل الداخلية للسيارة زي مكان زراير الزجاج الكهربا و الكلاكس اللي في ذراع الاشارات (دي موتتني من الضحك)، يبقى تقدر تفكر في اللوجان

و لو اني أشتري اسبرانزا a516 احسنلي بكتير من اني أشتري اللوجان او الفيرنا...

اولا حضرتك مركبتش الوجان وعلى ما اعتقد انت اصلا مشفتهاش لان العربيه تصميم مركز تصميمات رينو بضاحيه بجوار باريس ورينو قامت بتصميم السياره من الاف للياء ووضع جميع مواصفاتها وهى بذالك سياره اعتماديه حاصله على 3 من 5 فى اختبار الامان الاوروبى ومطابقه لمواصفات الجوده الاورببيه ونفس السياره بنفس الشكل والمواصفات بتتباع فى اميركا الاتينيه وتحمل علامه النيسان والرينو ثانيا موضوع اماكن الزراير وخاصه الكلاكس دى مسئله تعود انا النهاردا كنت راكب تويوتا 98 وحبيت ادوس على الكلاكس من زرار الاشارات وافتكرت ان دى مش لوجى حبيبتى وياريت سعتك تجيب اسبرانزا زيرو وبعد سنه نتقابل بس ياريت كمان تقول لنا انت معاك اه

[a7med4u]

لوجان وقولنا رأيك

[Michael_Lanos]

العربيه اللى اوروبا تقبل بيها تبقى ممتازه

[mmwwaassffyy]

انا عندى العربيتين الفيرنا واللوجان بس راى اللوجان افضل كتير عيبها شكل الشنطة زى الاوبل كورسا