عفوا يا أوبلاوية ... أعتقد أن النوبيرا تكسب !

[N.a.j.d]

هومين اللى قال لحضرتك ان قطع غيار الدايو مش معمره....هو حضرتك ليه بتقول كلام من غير تجربه.....دى احسن حاجه فى الدايوانها قطع غيارها رخيصه وبتقعد كتير...وعلى فكره كلمه عن البقال دى ميزه كبيره.......ياريت الاوبل تبقى قطع غيارها عند البقال....وعلى فكره
بالنسبه لتكيف النوبيرا جامد جدا وبتاع عك وبتاع كله....واعذرنى مش فاهم معادله 3kt3 ghyar daweoo =1 opel


تمااام ياباشا والله كلمك زي الفل وشكرا لحضرتك بس هنا الشباب مش قصدها انه النوبيرا وحشه او حاجه لقدر الله بس الحكايه بنفرق بين الموديل دا ودا
وفعلا اشتري دماغك احسنلك ومدام الوكيل كداا ابعد عنه وخلاص وجيب عربيه الى اتريحك وبتوفرلك المواصفات اللى عايزها ومش شرط يكون الماني
تحياتي ليك
ومين برضو اللى قال لحضرتك ان ثبات النوبيرا ضايع....ماهو لو ضايع مكنتش اشتريتها لانى اول حاجه بفكر فيها الثبات لانى بروح مشاوير سفر كتير جدا والعربيه مظبوطه معايا...ودى اكتر عربيه كورى تقريبا ثابته (بالنسبه فى رينج سعرها)
وفى حاجه ياريت توضحها ليا...ماهى التكنولوجيا من وجهك نظرك بالظبط؟؟؟؟؟؟
العربيه سحبها كويس جدا وكل الكاماليات فيها...هيا لا c4 ولا فلونس ولابرافو ولا جوالف 6
طالما السحب كويس وكماليات كويسه وعجبانى........ يبقى مش ناقصنى حاجه ومعرفش حاجه اسمها تكنولوجيا بقا
من وجهه نظرى الفكترا متعبه فى مصر وممكن تشحت عشان تظبطها ومتعرفش تظبتها برضه....العربيه دى محدش بيفهم فيها غير التوكيل (بغض النظر عن انه حرامى) لو طلعت بره التوكيل تأكد انها اتخربت (تجربه صديق معاه اوبل فكتر 98 الشكل الجديد)...النوبيرا مريحه عن الفكترا فى الصيانات ودة مش راى دى حقيقه....وبينى وبينك الواحد مننا بيحب الحاجه اللى تريحه...وعندك مثال للبشمهندس سمير....كان معاه فكترا وتعب معاها جدا مصاريف وجاب النوبيرا والحمد لله ربنا يحفظهاله

انا فى راى الاوبل تتميز فى الاتى...
1-الصاج اقوى بمراحل
2-التقفيل ممتاز عن النوبيرا
3:عربيه بنت عيله وماركه محترمه

والنوبيرا افضل فى الاتى...
1-هتريحك فى البيع
2-قطع غيار سهله واى حد بيفهم فيها
3-اوسع من الفكترا
4-تكييف افضل....


بالتالى انا مجبر انى اجيب نوبيرا...مش عشان افضل ككل بس عشان ابسط واخف واكثر عمليه عن الاوبل.....امانه عليكم يا جماعه لما حد يقول حاجه يكون جربها

تقبل مرورى............

[N.a.j.d]

صلوا علي النبي يا جدعان هتخسروا بعض ولا إيه

أمال لو مكناش كلنا ولاد عم gm :)

عليه الصلاه والسلام
صحيح احنا كلنا ولاد جي ام وبنتناقش عادي ياباشا متقلقش مش حتوصل لحرب ههههه

منورنا ياباشا

[AhmedBahgat]

عليه الصلاه والسلام
صحيح احنا كلنا ولاد جي ام وبنتناقش عادي ياباشا متقلقش مش حتوصل لحرب ههههه

منورنا ياباشا

بيني وبينك إحنا ولاد عم أه
بس صعب موضوع الحرب ده بين الفيكترا والنوبيرا

فكرتني بنكتة ماتش البرازيل وبترول أسيوط

[ahmad--ezzat]

صلوا علي النبي يا جدعان هتخسروا بعض ولا إيه

أمال لو مكناش كلنا ولاد عم gm :)

عليه الصلاه والسلام.....ياخونا احنا بنتناقش...وانا حبيت اوضح موضوع قطع الغيار ده عشان الناس متفهمش غلط

[N.a.j.d]

تماام ياباشا
يالله بقى نكمل المناقشه بس بلاش تهور يا جماعه هههه
احلى شباب والله

[elshreef_hemo]

وطبعات نظرا لان العربية كانت نقلة جامدة أوى فى تكنولوجيا السيارات فلازم حد فاهم فيها اللى يشتغل فيها لكن النوبيرا مع إنها تبع جنرال موتورز الا انها مفيهاش أى تكنولوجيا
ودة مجرد رأى

هية الاوبل مش نقلة تكنلوجية جامدة أوى زى ما بتقول ، الاوبل بتعتمد على تكنولوجيا الرشاش الواحد اللى بيغذى الاربع سلندرات فى حين ان النوبيرا 4 رشاشات ، الاوبل كامة واحدة بس فى حين ان النوبيرا 2 كامة ، وكل ده بيفرق فى اداء العربية وتوفير البنزين والسخونة ، الاوبل غالبا بتكون 2 ازاز كهربا بس فى حين ان النوبيرا كلها 4 كهربا ومريات كهربا كمواصفات اساسية
بس طبعا الاوبل فيها حساسات وشاشات اعطال وشوية تكنولوجيا مش موجودة فى النوبيرا

[elshreef_hemo]

النوبيرا من رأى فيها كتير من روح اوبل
هى عربيه ممتازه جدا و عمرى ما شفت حد اشتكا منها
و الثبات بتعها ماشاء الله
و موتورها قوى جدا شدينا بيها قبل كده مع تويوتا كورولا الجديده و خيطناها
و جرينا مع بى ام 2005 والله لحد 190 مافيش مشاكل خالص
موضوع الرفارف و خصوصا قدام فعلا اى تريحه بسيطه اوى اوى بتدخله لجوه

+11111111111111

[elshreef_hemo]

بس انا عنصرى شويه للاوبل و متعصب كمان
انا اهم حاجه عندى فى العربيه مركتها ثم مركتها
اوبل اسم اكبر بكتير من دايو
و ده اللى خلانى اتجه ليها

على فكرة انا زيك بالظبط وممكن وانا بدور على نوبيرا تعجبنى أوبل تلاقينى خلصت فيها وانا واقف ( العربية دى عملالى عمل ) :b4_556:

[elshreef_hemo]

نصيحة لوجه الله
لو هتجيب نوبيرا هاتها مانيوال :)

طبعا ودى محتاجة كلام

[elshreef_hemo]

من غير زلط ولا مية ولا حاجة
الموضوع مش ماتش ومين كسب ومين خسر , انت قارنت بين العربيتين وانت نفسك قلت الفكترا احسن ........
بس انت اخترت الانسب ليك واللى مرتاح لها اكتر ...
يافرحتى بمرسيدس ويوم ماتعطل ملقيش محل جنبى اجيب منة قطعة غيار او ميكانيكى يشتغل فيها واضطر كل لما تعطل او تحتاج صيانة انى اسافر بيها محافظة تانية (لو انا مش من القاهرة) علشان اصلحها....بس !!

+11111111111111
أنجزت ووفيت يا استاذ احمد

[elshreef_hemo]

تعجبنى كده يا باشا ..
والله انت محترم و زى العسل ..
و فكرت فى الانسب ليك ...
و وصلت لنتيجه تنفعك ..
غيرك بقى لما يلاقى النوبيرا انسب ليه ..
يعد يشتم فى الاوبل مع انه عارفه انها احسن من النوبيرا ..
احييك على حياديتك و ربنا يرزقك باوبل انسنيا ههههههه

ههههههههههه ربنا يخليك يا كبير
وفعلا مش شرط أن العربية الاحسن تكون هية الانسب للواحد ، كل واحد بيشوف المميزات والعيوب ويختار العربية الانسب لامكانياته مش الاحسن من التانية

[elshreef_hemo]

بيني وبينك إحنا ولاد عم أه
بس صعب موضوع الحرب ده بين الفيكترا والنوبيرا

فكرتني بنكتة ماتش البرازيل وبترول أسيوط

طبعا ده كلام ملوش أى أساس من الصحة
عربيات الدايو بقالها اكتر من عشر سنين ماشية عالارض وفى ناس لسة مفكتش مسمار فى عربيتها ، ده فى واحد فى قسم الدايو مصور عداد الكيلو بتاع عربيته اللانوس داخل عال 900 الف كيلو

[hanykd]

السلام عليكم ورحمة الله وبركاته
أولاً فى فرق كبيير بين الفيكترا وبين النوبيرا فى كل حاجة من حيث الإمكانيات والخامات والتقفيل والتكنولوجى والفرق فى صالح الفيكترا
وبعدين ياجماعه الموضوع مش موضوع من فيهم أحسن ومين أسوأ
الموضوع موضوع مين فى الإتنين يناسب ظروفى وإمكانياتى وإحتياجاتى
النوبيرا عربية حلوة وقطع غيار متوفرة وميكانيكا سلسة أى حد يشتغل فيها
والأوبل زلطة ماشية على الأرض ثبات وقوة وإعتمادية
ولو الأوبل ماحدش يعرف يشتغل فيها غير التوكيل بس, كانت ضاعت من زمان ومكانش حد ركبها
وبعدين لولا إختلاف الأذواق لبارت السلع
واللى عاجباه عربية يشتريها من غير ما يجرح فى عربية تانية

أخوكم فى الله هانى

[Atef Saleh]

بسم الله الرحمن الرحيم
عجبتنى جدا مقوله اللى عاجباه عربيه يشتريها من غير مايجرح فى عربيه تانيه اللى قالها السيد المحترم / هانى .
و ليا تعليق على المواضيع بتاعه المقارنات دى - للأسف هنا فى مصر فى مشكله غريبه جداً و هى انك لما تسأل واحد عن عربيته يرد و كأنك بتسأله عن المدام و يبدأ فى ذكر محاسنها من حيث انها بنت عيله و متربيه و صوتها زى النسيم و مريحاه و امه اسعد رجل فى الدنيا مع انه بيكون واكل شبشبين قبل ماينزل !!!!!!! و ده شئ انا مستغربله جداً يعنى انا لو راكب عربيه تاعبانى جداً من اى ناحيه فهل لما حد ياخد رأى فيها اضلله و اقول انها محترمه و بعدين فى موضوع تانى ان حوالى 90 % مننا بيركبوا العربيه عن اضطرار ( يعنى لظروف اقتصاديه بحته ) يعنى الفلوس اللى معاك تركبك ايه و توكل على الله و ده موضوع كلنا متأكدين منه بس بنكابر فيه على ايه مش عارف و هتجنن بصراحه يعنى لما انا اقول ان العربيات الدايو دى مش عربيات من اساسه و انها مجرد 4 فرد كاوتش ( ده رأى العبد لله و انا عارف انه رأى متطرف شويتين ) متهيألى ان ده مايزعلش حد لكن الغريب لما اكون راكب مرسيدس مثلا و اقول كده على الدايو تلاقى بتاع الدايو يقولك المرسيدس عربيه زباله و قطع غيارها نار و مش عارف ايه و يقارن عربيته بالمرسيدسو طبعاً المقارنه تطلع فى صالح الدايو !!!!! ماشى يا عم انا موافق خليك راكبها و سيبنى انا فى الكنبه اللى انا راكبها و مش عايزين مقارنات من اساسه و عليه اتمنى ان المنتدى يعمل قسم مخصوص اسمه حرب المقارنات علشان عشاق الموضوع ده ....... و يا ريت حد
يشوف الموضوع بتاع الزميل المحترم اللى خد ارائنا عن ايهم افضل الباسات و الا الاوبل و رديت عليه و قولت انا الباسات احسن مع انى من اصحاب الاوبل و ناس كتير قالوا كده و اللى رجح الاوبل قال ليه و اللى فضل الباسات قال ليه و سيبنا الاختيار لصاحب القرار ....... فى النهايه علشان انا طولت قوى اللى راكب عربيه مجبر عليها مش من حقه يقول انها حلوه الا لما يكون فى استطاعته يركب فئه اعلى منها و يفضل عربيته عليها معلش اسف جداً لو كلامى رخم او هيزعل منى حد بس ده لا يقلل من احترامى للجميع يعنى جميع ارائكم على راسى من فوق ....... و شكراً

[N.a.j.d]

السلام عليكم ورحمة الله وبركاته
أولاً فى فرق كبيير بين الفيكترا وبين النوبيرا فى كل حاجة من حيث الإمكانيات والخامات والتقفيل والتكنولوجى والفرق فى صالح الفيكترا
وبعدين ياجماعه الموضوع مش موضوع من فيهم أحسن ومين أسوأ
الموضوع موضوع مين فى الإتنين يناسب ظروفى وإمكانياتى وإحتياجاتى
النوبيرا عربية حلوة وقطع غيار متوفرة وميكانيكا سلسة أى حد يشتغل فيها
والأوبل زلطة ماشية على الأرض ثبات وقوة وإعتمادية
ولو الأوبل ماحدش يعرف يشتغل فيها غير التوكيل بس, كانت ضاعت من زمان ومكانش حد ركبها
وبعدين لولا إختلاف الأذواق لبارت السلع
واللى عاجباه عربية يشتريها من غير ما يجرح فى عربية تانية

أخوكم فى الله هانى

تماام يا هاني بس الوكيل نفسه كمااان مش فاهم للعربيه عشان اي وكيل ف العالم كله الخاص لاوبل لازم يكون عنده ناس متخصصه ومتعلمه ف المانيا غير كدا مينفعش