عفوا يا أوبلاوية ... أعتقد أن النوبيرا تكسب !

[elshreef_hemo]

سلام ةعليكم يا جماعه
والله انا شايف اننا فعلا شعب معندوش ثقافه الحوار الاخ بيقول معاااااااااه مبلغ اد كده ومعروض عليه عربيتين 1 و2 وقارن بينهم انا مش شايف ان الاخوه الى معاهم نوبيرا غلطوا فحاجه ولا جرحوا فخصوصيات اسف عربيات حد تانيه
المقارنه مش عيب ولا حتكلم انى مش هقارن الى بين اوبل بس يا اخى حرام عليك عندك معلومه
كل واحد يقول الى عنده بامانه والسائل عليه يشوف الى يناسبه ويقرر
تقبلوا مرورى ومحدش يزعل من كلامى
اخوكم
د,محمد

رجل اخر من الرجال المحترمين المثقفين الفاهمين الف شكر ليك ولمرورك الكريم يا دكتور محمد
وفعلا أنا كان غرضى الاساسى من الموضوع انى أشارك ملاك الاوبل الفعليين فى الرأى يمكن أعرف حاجة مكنتش عارفها أو أستفيد برأى أو معلومة ، مش غرضى أبدا أطلع عربياتهم وحشة ومليانة عيوب لأنى فى النهاية لا املك اوبل ولا نوبيرا

[elshreef_hemo]

أظن انا المقصود بالكلام ده وده يوضح مدى ضحالة تفكيرك أنا بوضح رأيى واللى مش عاجبة ما يردش عليا فعلاً واللهى سوق العربيات فى مصر فعلاً سوق كفتة بالصلصة والله يخرب بيت أم البنوك اللى خربيت بيت الناس ودبستهم فى عربيات تقسيط وخليت كل الناس تركب موتوسيكلات وفاكرين إنها عربيات

وده نوع اخر من التفكير مينفعش ترد عليه أو تناقشه ، يدوب تعديه وتكتبله
No Comment

[elshreef_hemo]

عجبنى كلامك بس زعلتنى لما قلت "عيل تيت ........"
متنفعش على فكره ...
مهما كان رأى الشخص الى ادامك ..
لازم تحترمه ...
انا مش بقولك الكلام ده لاى سبب غير انى شايفك شخص محترم و الكلمه دى طلعت منك غصب عنك ..
و انا واثق انك هتعتبرنى اخوك الصغير ...

يا باشا أنا يشرفنى أنى اكون اخوك لانك راجل محترم ، وانا والله مش برد على حد تيييت خالص ... بفوته وأرد عالناس المحترمة اللى زيك

[Bonanza]

صلوا علي النبي يا جماعة
عليه الصلاة و السلام

الموضوع بسيط اوي و احنا بنساعد اخ لينا
الموضوع ان كل واحد يقول عيوب و مميزات العربية و خلاص .. مش عيوب و مميزات كلام و اراء الاخرين في العربية

ربنا يهدينا جميعا

[Turbo999]

وده نوع اخر من التفكير مينفعش ترد عليه أو تناقشه ، يدوب تعديه وتكتبله
no comment

* * * * * * *

[alrabeh]

أرجو من اللى حذروا من الفتيس الأوتوماتيك للنوبيرا أن يذكر معلومته هذه من السمعة المنتشرة أم عن تجربة مر بها أو مر بها أحد من معارفه لأننى ناوى اشتريها ان شاء الله علما أن فيه ميكانيكى قاللى ان الفتيس كله الأوتوماتيك موجود فى الحرفيين بأقل من الفين جنيه

[damasry]

يا باشا حضرتك ممكن تسأل السؤال ده فى قسم الدايو او الورشة وها يردو عليك ان الفتيس بتاعها بيضرب وبيبوظ بسرعة وشراء واحد استيراد ارخص من تصليحه.

[N.a.j.d]

اشرف باشا عايزين نقفل الموضوع هاا رسيت ع ايه اديك عرفت كل حاجه عن العربيتين
قولنا رايك ياباشا طمني بقى

[د.محمود صلاح]

أسلوب شيق في السرد والمقارنة ,, وطبعاً دي وجهات نظر طبقاً لظروف كل واحد

[elshreef_hemo]

قررت أشترى نوبيرا مؤقتا لحد ما تفرج بمبلغ كويس أروح بايعها وأجيب أوبل فيكترا 2003 المنيوال ال 1600 ان شاء الله ، وكمان محتار بفكر أجيب لانوس علشان لما أجى أبيعها تتباع بسهولة ومخسرش فيها كتير ، كدة كدة هتبقى حاجة مؤقتة ، أنتو أيه رأيكم؟

[ENG\AHMED]

قررت أشترى نوبيرا مؤقتا لحد ما تفرج بمبلغ كويس أروح بايعها وأجيب أوبل فيكترا 2003 المنيوال ال 1600 ان شاء الله ، وكمان محتار بفكر أجيب لانوس علشان لما أجى أبيعها تتباع بسهولة ومخسرش فيها كتير ، كدة كدة هتبقى حاجة مؤقتة ، أنتو أيه رأيكم؟

مبروك مقدما :)
النوبيرا احسن (اوسع والموتور اشد والاداء افضل وكمالياتها احسن) وبفرض انك مقدرتش تغير فى وقت قريب اهى قاعدة معاك واحسن من اللانوس
سواء النوبيرا او اللانوس مش هتخسر كتير العربيتين ماشيين فى السوق

[N.a.j.d]

ربنا يوفقك ف الاختيار الصح

[Atef Saleh]

انا برضه اللى مش فاهم او ماقريتش كويس

أيوة فعلا انت يا مقريتش الموضوع يا قريته ومش فاهم الكلام لأن ده كان نص كلامك
" لكن الغريب لما اكون راكب مرسيدس مثلا و اقول كده على الدايو تلاقى بتاع الدايو يقولك المرسيدس عربيه زباله و قطع غيارها نار و مش عارف ايه و يقارن عربيته بالمرسيدسو طبعاً المقارنه تطلع فى صالح الدايو !!!!! ماشى يا عم انا موافق خليك راكبها و سيبنى انا فى الكنبه اللى انا راكبها و مش عايزين مقارنات من اساسه "

مع انى فى الموضوع أصلا بتكلم عن مزايا الاوبل وحبى الشديد ليها زعلى انى مش هكون واحد من ملاكها ! مش بقول عليها زبالة ومطلع الدايو أحسن منها زى ما بتقول !

اولاً يا اخى العزيز كلامى ماكنش رد على سيادتك لو تعيد قراءه الموضوع انا كنت باتكلم على طريقه الرد للكل بصفه عامه و علشان كده بعدت عن الاوبل عن قصد و كان نفسى ماذكرش الدايو بس بدون قصد و الله و باعتذر عليها
ثانياً انا ماليش مصلحه انى اقول الاوبل احسن من اى عربيه لانى من سنتين بعت كل الاسهم بتاعتى اللى فى شركه جى ام و خرجت من مجلس الاداره - طبعا باهزر -
انا كل مافى الامر كنت عايز لما حد يسأل عن عربيتى و انا شايف فيها عيب اقوله و بلاش موضوع الحميه المصؤيه اللذيذه دى الا فى مواضيع مهمه مش موضوع بسيط زى اداء عربيه او شكل او قوه موتور و ثبات بس يا اخى العزيز و اخترامى الشديد لك و لسيارتك المصونه و ماركتها العتيده و لكل من ساهم فى الحوار و باقول فى النهايه ان ده هيكون اخر تعليق ليا فى موضوع المقارنات الا اذا كانت المقارنه بين سيارتين من نفس الماركه - حلو كده يا عم
و تقبل احترامى و تحياتى

[Atef Saleh]

فى جزئيه تانيه معلش نسيت اقولها لمعاليك انا عندى عربيه دايو يعنى المقارنه اللى عملتها من واقع تجربه مش من السمع من اصحابى و جيرانى و المجتمع و الناس بس علشان خاطرك انا هابيع الاوبل و اخلى الدايو بناء على رأى سيادتك السديد و نظرا لأنى مش بافهم كويس اللى باقراه - تعليم مجانى بقى اعذرنى - و تقبل احترام اخوك الصغير اللى بيفهم على اده فى العربيات - تاجر قطع غيار على فكره - و السلام عليكم .

[elshreef_hemo]

اولاً يا اخى العزيز كلامى ماكنش رد على سيادتك لو تعيد قراءه الموضوع انا كنت باتكلم على طريقه الرد للكل بصفه عامه و علشان كده بعدت عن الاوبل عن قصد و كان نفسى ماذكرش الدايو بس بدون قصد و الله و باعتذر عليها
ثانياً انا ماليش مصلحه انى اقول الاوبل احسن من اى عربيه لانى من سنتين بعت كل الاسهم بتاعتى اللى فى شركه جى ام و خرجت من مجلس الاداره - طبعا باهزر -
انا كل مافى الامر كنت عايز لما حد يسأل عن عربيتى و انا شايف فيها عيب اقوله و بلاش موضوع الحميه المصؤيه اللذيذه دى الا فى مواضيع مهمه مش موضوع بسيط زى اداء عربيه او شكل او قوه موتور و ثبات بس يا اخى العزيز و اخترامى الشديد لك و لسيارتك المصونه و ماركتها العتيده و لكل من ساهم فى الحوار و باقول فى النهايه ان ده هيكون اخر تعليق ليا فى موضوع المقارنات الا اذا كانت المقارنه بين سيارتين من نفس الماركه - حلو كده يا عم
و تقبل احترامى و تحياتى

يا باشا وحتى لو قصدك عليا مفيش مشاكل أحنا أخوات ... سيبك من العربيات والكلام الفاضى دى معرفة الرجال كنوز