عفوا يا أوبلاوية ... أعتقد أن النوبيرا تكسب !

[hanykd]

خالص الشكر و الاحترام للاخوه اللى شافوا ردى مالوش علاقه بالموضوع و ده شئ متوقع ........... و علشان كده انا قررت ماتكلمش فى اى موضوع يخص المقارنه بين اى عربيتين طالما الاتنين مش اوبل علشان الاخوه زى ماقلت قبل كده بيشوفوا ان ده رجس من عمل الشيطان و بيقولوا كلام يزعل و الله بس معلش المسامح كريم و الف شكر مره تانيه للساده المحترمين اللى شايفين الكلام على موضوع تانى و للاخ اللى شايف انى مافهمتش الموضوع و ان كل العربيات 4 فرد كاوتش انا كنت متخيل ان الدايو بس هو اللى ب 4 فرد و الباقى 6 بس الواحد عرف حاجه جديده .

السلام عليكم ورحمة الله
تزعل إزاى بس ياعم عاطف إنت
مش من حقك تزعل النوبيرا أحسن من الفيكترا 1000000000000مرة
الأوبل دى عربية أساسا مالهاش لازمة
متتقارنش إلا مع توك توك أو فسبا بالكتير
دة فى واحد هنا كمان قال إن الدايو تكنولوجبا أعلى من الأوبل
ياجماعة زى ماقولنا قبل كدة
اللى عاجباه عربية يشتريها من غير ما يجرح فى باقى العربيات
واللى بيدافع عن عن عربية يدافع بموضوعية وحياد

أخوكم فى الله هانى

[zanativich]

بس انا عنصرى شويه للاوبل و متعصب كمان
انا اهم حاجه عندى فى العربيه مركتها ثم مركتها
اوبل اسم اكبر بكتير من دايو
و ده اللى خلانى اتجه ليها

هو انت من شبين الكوم
اصل انا بشبه على عربيتك

[N.a.j.d]

السلام عليكم ورحمة الله
تزعل إزاى بس ياعم عاطف إنت
مش من حقك تزعل النوبيرا أحسن من الفيكترا 1000000000000مرة
الأوبل دى عربية أساسا مالهاش لازمة
متتقارنش إلا مع توك توك أو فسبا بالكتير
دة فى واحد هنا كمان قال إن الدايو تكنولوجبا أعلى من الأوبل
ياجماعة زى ماقولنا قبل كدة
اللى عاجباه عربية يشتريها من غير ما يجرح فى باقى العربيات
واللى بيدافع عن عن عربية يدافع بموضوعية وحياد

أخوكم فى الله هانى

معلش با هاني متزعلش

[Ahmed_lol2007]

هومين اللى قال لحضرتك ان قطع غيار الدايو مش معمره....هو حضرتك ليه بتقول كلام من غير تجربه.....دى احسن حاجه فى الدايوانها قطع غيارها رخيصه وبتقعد كتير...وعلى فكره كلمه عن البقال دى ميزه كبيره.......ياريت الاوبل تبقى قطع غيارها عند البقال....وعلى فكره
بالنسبه لتكيف النوبيرا جامد جدا وبتاع عك وبتاع كله....واعذرنى مش فاهم معادله 3kt3 ghyar daweoo =1 opel

ومين برضو اللى قال لحضرتك ان ثبات النوبيرا ضايع....ماهو لو ضايع مكنتش اشتريتها لانى اول حاجه بفكر فيها الثبات لانى بروح مشاوير سفر كتير جدا والعربيه مظبوطه معايا...ودى اكتر عربيه كورى تقريبا ثابته (بالنسبه فى رينج سعرها)
وفى حاجه ياريت توضحها ليا...ماهى التكنولوجيا من وجهك نظرك بالظبط؟؟؟؟؟؟
العربيه سحبها كويس جدا وكل الكاماليات فيها...هيا لا c4 ولا فلونس ولابرافو ولا جوالف 6
طالما السحب كويس وكماليات كويسه وعجبانى........ يبقى مش ناقصنى حاجه ومعرفش حاجه اسمها تكنولوجيا بقا
من وجهه نظرى الفكترا متعبه فى مصر وممكن تشحت عشان تظبطها ومتعرفش تظبتها برضه....العربيه دى محدش بيفهم فيها غير التوكيل (بغض النظر عن انه حرامى) لو طلعت بره التوكيل تأكد انها اتخربت (تجربه صديق معاه اوبل فكتر 98 الشكل الجديد)...النوبيرا مريحه عن الفكترا فى الصيانات ودة مش راى دى حقيقه....وبينى وبينك الواحد مننا بيحب الحاجه اللى تريحه...وعندك مثال للبشمهندس سمير....كان معاه فكترا وتعب معاها جدا مصاريف وجاب النوبيرا والحمد لله ربنا يحفظهاله

انا فى راى الاوبل تتميز فى الاتى...
1-الصاج اقوى بمراحل
2-التقفيل ممتاز عن النوبيرا
3:عربيه بنت عيله وماركه محترمه

والنوبيرا افضل فى الاتى...
1-هتريحك فى البيع
2-قطع غيار سهله واى حد بيفهم فيها
3-اوسع من الفكترا
4-تكييف افضل....


بالتالى انا مجبر انى اجيب نوبيرا...مش عشان افضل ككل بس عشان ابسط واخف واكثر عمليه عن الاوبل.....امانه عليكم يا جماعه لما حد يقول حاجه يكون جربها

تقبل مرورى............

بص ياباشا أولا أحب أحى حضرتك على اسلوبك الممتاز اللى اتحاورت بيه
ثانيا أنا أتكلمك لان واحد جارى كان جايب واحدة أوروبى وفيها abs وحاجات جامدة جدا بس الثبات مش زى أى عربية فيكترا
ثانيا الدايو قطع الغيار موجودة عند محل قطع غيار طلب ليه ؟ لان الكورى منتشر كتير جدا وهو اللى ماشى عندنا فى مصر وقطع الغيار فى الحنين لانها مش معمرة زى الفيكترا (بردة من جارى اللى معاه النوبيرا) (غير كبالن ومساعدين مرة وظبط التكييف كذا مرة طب ليه مع إنى أنا مامديتش إيدى فى العربية وإحنا الاتنين ساكنين جمب بعد فرق بيتين بس يعنى نفس المطبات )
تكييف الفيكترا حلو بس مش بتاع عك لان العربية كلها مش بتاعة عك أما الدايو شعلها كله بيبقى مش محتاج توكيل ولا حد شعال دايو فقط لان التكنولوجيا المستخدمة بسيطة (مش كل حاجة لازم تكشف بالكمبيوتر لكن الفيكترا لازم عشان كل حاجة متوصله على الكمبيوتر)
بس أنا ليه إستفسار (بجد والله أنا مش فاهمه) إيه هيا الفيكترا 98 الشكل الجديد لانى والله مش فاهم

[eljazeera77]

سلام ةعليكم يا جماعه
والله انا شايف اننا فعلا شعب معندوش ثقافه الحوار الاخ بيقول معاااااااااه مبلغ اد كده ومعروض عليه عربيتين 1 و2 وقارن بينهم انا مش شايف ان الاخوه الى معاهم نوبيرا غلطوا فحاجه ولا جرحوا فخصوصيات اسف عربيات حد تانيه
على فكره انا معايا نيسان صنى وكنت راكب قبلها فورد كراون فكتوريا 99 طبعا انتو عارفينها الى دايما تشوفوها فالافلام الامريكى كسيارات شرطه
طبعا الفرق معروف مين الاحسن الفورد 4600سى سى يعنى طبعا كام حصان وكماليات لا موجوده فالاوبل ولا فكتير من المرسيدس ولا الدايو ولا النيسان ال1600 سى سى باور وتكييف وكاسيت بس
بس فى اخر الامر والله ثم والله انا مسترح اكتر فالنيسان محدش سأل ليه علشان النيسان على قدى وصيانتها رخيصه وتكييفها تلاجه وقطع غيارها متوفره واى حد يعرف يصلحها والسرعه الامنه الى ممكن امشى بيه بالعربيتين هى 100 كيلو والثبات حلو
المقارنه مش عيب ولا حتكلم انى مش هقارن الى بين اوبل بس يا اخى حرام عليك عندك معلومه عن عربيتك قولها بامانه وسيب غيرك يقرر متقولش مقاطع وساحه حرب
وكل واحد فينا بيشوف الى يناسبه الى عايز اسم ومركه وكماليات وامكانياته تسمح يجيب فرارى ولى عايز شويه امكانيات وسعر رخيص وصيانه تحت البيت لو عطلت عربيته يجيب الدايو ولا الهيونداى
والله الفورد بيتتنى فالشارع يومين علشان فيوز طبعا لما كنت بره مصر يعنى لانها مش موجوده فمصر
وعمر النيسان معملتها معايا ابدا
كل واحد يقول الى عنده بامانه والسائل عليه يشوف الى يناسبه ويقرر
يعنى التكتك الى بعض الاخوه بيتنقوروا عليه فاتح بيوت وساتر ناس وعندهم احسن من خمسمئه اوبل وغيروا
تقبلوا مرورى ومحدش يزعل من كلامى
اخوكم
د,محمد

[N.a.j.d]

يا جماعه انتو عملت قلق جاامد ف المنتدي عشان الموضوع داا عايزين نشوف راي صاحب الموضوع النهائي ف المقارنه دي لا نقعد نعاتب دا ولا دا خلاص عايزين الخلاصه والموضوع دا نقفله هااا ايه رايك يا اشرف باشا

[hanykd]

سلام ةعليكم يا جماعه
والله انا شايف اننا فعلا شعب معندوش ثقافه الحوار الاخ بيقول معاااااااااه مبلغ اد كده ومعروض عليه عربيتين 1 و2 وقارن بينهم انا مش شايف ان الاخوه الى معاهم نوبيرا غلطوا فحاجه ولا جرحوا فخصوصيات اسف عربيات حد تانيه
على فكره انا معايا نيسان صنى وكنت راكب قبلها فورد كراون فكتوريا 99 طبعا انتو عارفينها الى دايما تشوفوها فالافلام الامريكى كسيارات شرطه
طبعا الفرق معروف مين الاحسن الفورد 4600سى سى يعنى طبعا كام حصان وكماليات لا موجوده فالاوبل ولا فكتير من المرسيدس ولا الدايو ولا النيسان ال1600 سى سى باور وتكييف وكاسيت بس
بس فى اخر الامر والله ثم والله انا مسترح اكتر فالنيسان محدش سأل ليه علشان النيسان على قدى وصيانتها رخيصه وتكييفها تلاجه وقطع غيارها متوفره واى حد يعرف يصلحها والسرعه الامنه الى ممكن امشى بيه بالعربيتين هى 100 كيلو والثبات حلو
المقارنه مش عيب ولا حتكلم انى مش هقارن الى بين اوبل بس يا اخى حرام عليك عندك معلومه عن عربيتك قولها بامانه وسيب غيرك يقرر متقولش مقاطع وساحه حرب
وكل واحد فينا بيشوف الى يناسبه الى عايز اسم ومركه وكماليات وامكانياته تسمح يجيب فرارى ولى عايز شويه امكانيات وسعر رخيص وصيانه تحت البيت لو عطلت عربيته يجيب الدايو ولا الهيونداى
والله الفورد بيتتنى فالشارع يومين علشان فيوز طبعا لما كنت بره مصر يعنى لانها مش موجوده فمصر
وعمر النيسان معملتها معايا ابدا
كل واحد يقول الى عنده بامانه والسائل عليه يشوف الى يناسبه ويقرر
يعنى التكتك الى بعض الاخوه بيتنقوروا عليه فاتح بيوت وساتر ناس وعندهم احسن من خمسمئه اوبل وغيروا
تقبلوا مرورى ومحدش يزعل من كلامى
اخوكم
د,محمد

السلام عليكم ورحمة الله
أولاً أنا ذكرت التوك توك على سبيل المثال وليس على سبيل النقورة (من حيث الإمكانيات)
ثانياً ودة الأهم
مافيش زعل من أى كلام موضوعى
مافيش زعل من أى مقارنة تتبنى على أساس سليم
مافيش زعل من أى حوار يكون الكلام فيه على أساس مش كلام وخلاص

أخوكم فى الله هانى

[hostook]

الموضوع ده سخن قوي وانا حاسس ان اكتر من كده يبقى في دم ربنا يستر.

[Turbo999]

أنا مش عارف إنتوا إزاى بتقارنوا أوبل بدايو وكمان نوبيرا

اللى ما ركبش أوروبى ما ركبش عربيات ركب موتسيكلات فى صورة عربيات

الناس بشترى موتيسيكلات يابانى بأربع عجلات بأغلى من ماركات اوروبى وموتيسيكلات كورى بأربع عجلات بسعر قريب من الأوروبى . واللهى العظيم انا مش عارف الناس اللى بتشترى العربيات ديه بتفكر إزاى

وحسبى الله ونعم الوكيل فى اللى بوظ عقول الناس فى البلد ديه

[م.أحمد_حماد]

أنا مش عارف إنتوا إزاى بتقارنوا أوبل بدايو وكمان نوبيرا

اللى ما ركبش أوروبى ما ركبش عربيات ركب موتسيكلات فى صورة عربيات

الناس بشترى موتيسيكلات يابانى بأربع عجلات بأغلى من ماركات اوروبى وموتيسيكلات كورى بأربع عجلات بسعر قريب من الأوروبى . واللهى العظيم انا مش عارف الناس اللى بتشترى العربيات ديه بتفكر إزاى

وحسبى الله ونعم الوكيل فى اللى بوظ عقول الناس فى البلد ديه

على فكرا المناقشه المفروض أنها لا تفسد لأي ود قضيه و المفروض بردوا منجرحش أي عربيه من العربيات....
رقم واحد: كل العربيات فيها مشاكل بس بتفرق في أن الاعطال أكتر أو أقل
رقم أثنين: هو أن المواطن الكوري أكيد أكيد فيه دماغ و عارف كويس يعمل أيه
رقم ثالثه: هو أن يرجع رخص سعر النوبيرا مش علشان الأمكانيات علشان العامل الكوري رخيص الأجر و الأرخص الصيني طبعا
رقم أربعه: هو يا عالم مش الدايو سبيرو متورها يركب على الأوبل و حد يقولي لأ بأه الدشم و الركب بتاعت الإسبيرو هيا هيا الفيكترا أيه 94-95 و لا أيه.
دا لا يمنع أن زي ما قال الأخوه أن التقفيل بتاع الفيكترا و جودة الخامات أكثر جوده و عدد ساعات العمل تحت الضغوط لصالح الفيكترا.
(و عندي الخبره بما أنني واحد من أصحاب الفيكترا و عندي الخبره الكافيه بما أنني واحد من ضمن مالكي مراكز صيانه أوبل
م / أحمد حماد

[ENG\AHMED]

متابـــع بأهتمــام جدااااااااااااااا

اصلــى معرض عليه اوبــل 1997 وممكن اجيب لانوس 2010 بس دى اول عربية وخبرتى تقريبــا فى السيارات زيـــــــــــرو .

هات لانوس 2010


اما بالنسبة للموضوع الاصلى خلاصة الكلام فية قبل مايقلب خناقة
بالنسبة للمقارنة بين الفكترا B والنوبيرا 2

1- الفكتترا كتصنيف فئة اعلى من النوبيرا , الفكترا من الفئة المتوسطة الكبيرة مع الباسات والفئة التالتة و ....... اما النوبيرا من الفئة المتوسطة الصغير مع الاسترا واللانسر والبورا والاوكتافيا

2- الابعاد : العربيتين تقريبا ابعادهم متقاربة مع طول قاعدة عجلات اكبر للفكترا يعنى الصالون اكبر ولكن مشكلة الالمانى سمك القوايم والابواب الكبير مع حجم كبير للكراسى والكنبة علشان كدة هتحس ان النوبيرا اوسع

3- الموتور : الفكترا ن 96 الى 99 كانت بموتور كامة واحدة 8 صمام مع رشاش واحد , النوبيرا موتور كامتين 16 صمام مع 4 رشاشات (ومش نفس موتور الفكترا الايكوتك دى حاجة ودى حاجة موتور الدايو E-TECH)
طبعا فى فرق باور بين الموتورين لصالح النوبيرا مع فرق وزن لصالح الفكترا (امسك باب فكترا وباب نوبيرا وهتعرف الفرق) وبالتالى طلعة الفكترا اتقل على النقلة الاولى والتانية انما بعد كدة السحب بيتحسن وتجميع السرعات سلس على كل السرعات سواء العالية او المنخفضة يعنى مش هتلاقى صعوبة تجميع على اى سرعة بعكس عربيات تانية طلعتها طلقة وعلى سرعات عالية بطة بلدى هتنام جنبها علشان تجمع , طبعا النوبيرا طلعتها اخف من الفكترا ولكن كاداء على سرعات عالية ومقارنتة بالفكترا مجربتش

4- الشكل سواء الداخلى او الخارجى : بالرغم من فرق العمر بين العربيتين لصالح النوبيرا بس الفكترا كتصميم وتناسق ابعاد وفخامة سواء داخلية او خارجية احسن ودى مسألة ازواق
بس انا عموما بميل للتصميمات الاوروبية اكتر من الاسيوية والدليل على كدة نجاح العربيات الاسيوية ذات التصميم الاوروبى وتفوقها على مثيلاتها ذات التصميم الاسيوى (كمثال المازدا 3)

5- التقفيل والخامات : الفكترا وبفرق واضح جدا كفاية ان تقفل الباب وهتحس بالفرق

6- الثبات والراحة : بالنسبة للثبات انا مسوقتش نوبيرا على سرعات عالية بس الفكترا اللى جربها يحكم ووقت لما تحب تفرمل على اى سرعة هتلاقيها كلبشت , اما بالنسبة للراحة الفكترا سواء قاعد قدام ولا ورا ووضعية القيادة افضل

7- الكماليات :
الفكترا 1.6 من 96 الى 99
2 زجاج كهربا اماى اوتوماتيك , سنتر لوك بالريموت مع الشنطة وتنك البنزين , باور ستيرينج , تكييف مع تلاجة بدرج التابلوة + فتحات للتكييف تحت الكراسى الامامية للركاب فى الخلف , ايموبلايزر , نور صالون theatre dimming , مسند يد خلفى , امكانية طى الكنبة الخلفية مع وجود لوك لها لو حبيت تقفلها , شاشة لعرض بيانات الساعة والردايو ودرجة الحرارة الخارجية , dead lock , التحكم بمستوى اضاءة الكشافات الامامية , التحكم باضاءة نور التابلوة , اضاءة بدرج التابلوة , احزمة امان بخاصية الشد المسبق , نور شبورة خلفى , فرامل ABS , دواسات الفرامل والبنزين تنفصل تلقائيا فى حالات الحوادث الكبيرة لتقليل اصابة السائق

النوبيرا 2
4 زجاج كهربا (زجاج السائق بس اوتوماتيك) , سنتر بالريموت , فتح التانك والشنطة من الداخل , تكييف , باور ستيرينج مسند يد خلفى وامامى , مرايات كهربا , نور شبورة امامى ... دة اللى فاكرة فى النوبيرا

8- الصيانة : صيانة النوبيرا اسهل وقطع الغيار ارخص من الفكترا ومش محتاجة متخصص وبالتالى عربية مناسبة اكتر للبهدلة والمشى داخل المدن
مشكلة الفكترا واى عربية المانى مينفعش حد يمد ايدة غير حد فاهم فيها مش اى ميكانيكى وقطع الغيار الاصلية , هتبقى مكلفة شوية بس فى المقابل كل اللى عايزة من العربية هتلاقية غير كدة العربية هتبقى عشة وهتقرفك مشاكل وصيانة

9- الامان والصاج : الفكترا وبفرق واضح

انا معايا لانوس وفكترا ... طبعا علشان اقارن بين الاتنين بالورقة والقلم هيبقى ظلم علنى للانوس ولكن كتجربة فعلية بفضل اللانوس فى الزحمة والبهدلة بسبب العربية اخف وبالتالى حركتها اخف فى الزحمة مع الاول والتانى , حجمها اصغر وباتالى اسهل فى ركنتها , انها تتخبط تتبهدل مش مشكلة تصليحها سهل ومش قضية ... باختصار عربية على اد فلوسها بتؤدى الغرض منها

انما الفكترا فى اى مشوار تانى مش بتاع بهدلة وفى السفر تحميل احسن واوسع واريح واثبت وقفل عدادك براحتك
اعتقد كدة مفيش حاجة تانية نقارن فيها بين النوبيرا والفكترا , دى الفروق بين العربيتين وفى الاخر انت بتشوف الانسب لك انت اللى هتشترى وانت اللى هتدفع وانت اللى هتركب وانت اللى هتبيع بعدين
الموضوع مش مستاهل خناق ووج دماغ محدش غلط فى حد
وياريت محدش يتكلم على العربية كأنها مراتة او اختة هى فى الاخر شوية صاج والموضوع مش مستاهل

[elshreef_hemo]

والله يا استاذ أحمد مش عارف أقولك أيه ... بس فعلا هوة ده أسلوب الانسان المحترم المثقف فى التفكير والمقارنة والرد ... وفعلا أنت قربت ووضحت الصورة كتير ، ومفيش أى داعى لأى مناقشات تانى فى الموضوع ، مش يطلع * * * * * يقعد يصرخ ويقولك المانى وكورى وتوك توك ومينفعش نقارن ... بشكرك مرة تانى والله الموفق


انذار لمخالفة القاعده 13

مشرف الساحه

[KHALED AYMAN]

والله يا استاذ أحمد مش عارف أقولك أيه ... بس فعلا هوة ده أسلوب الانسان المحترم المثقف فى التفكير والمقارنة والرد ... وفعلا أنت قربت ووضحت الصورة كتير ، ومفيش أى داعى لأى مناقشات تانى فى الموضوع ، مش يطلع عيل تييييييت يقعد يصرخ ويقولك المانى وكورى وتوك توك ومينفعش نقارن ... بشكرك مرة تانى والله الموفق

عجبنى كلامك بس زعلتنى لما قلت "عيل تيت ........"
متنفعش على فكره ...
مهما كان رأى الشخص الى ادامك ..
لازم تحترمه ...
انا مش بقولك الكلام ده لاى سبب غير انى شايفك شخص محترم و الكلمه دى طلعت منك غصب عنك ..
و انا واثق انك هتعتبرنى اخوك الصغير ...

[elshreef_hemo]

خالص الشكر و الاحترام للاخوه اللى شافوا ردى مالوش علاقه بالموضوع و ده شئ متوقع ........... بس معلش المسامح كريم و الف شكر مره تانيه للساده المحترمين اللى شايفين الكلام على موضوع تانى و للاخ اللى شايف انى مافهمتش الموضوع و ان كل العربيات 4 فرد كاوتش انا كنت متخيل ان الدايو بس هو اللى ب 4 فرد و الباقى 6 بس الواحد عرف حاجه جديده .

أيوة فعلا انت يا مقريتش الموضوع يا قريته ومش فاهم الكلام لأن ده كان نص كلامك
" لكن الغريب لما اكون راكب مرسيدس مثلا و اقول كده على الدايو تلاقى بتاع الدايو يقولك المرسيدس عربيه زباله و قطع غيارها نار و مش عارف ايه و يقارن عربيته بالمرسيدسو طبعاً المقارنه تطلع فى صالح الدايو !!!!! ماشى يا عم انا موافق خليك راكبها و سيبنى انا فى الكنبه اللى انا راكبها و مش عايزين مقارنات من اساسه "

مع انى فى الموضوع أصلا بتكلم عن مزايا الاوبل وحبى الشديد ليها زعلى انى مش هكون واحد من ملاكها ! مش بقول عليها زبالة ومطلع الدايو أحسن منها زى ما بتقول !

[Turbo999]

والله يا استاذ أحمد مش عارف أقولك أيه ... بس فعلا هوة ده أسلوب الانسان المحترم المثقف فى التفكير والمقارنة والرد ... وفعلا أنت قربت ووضحت الصورة كتير ، ومفيش أى داعى لأى مناقشات تانى فى الموضوع ، مش يطلع عيل تييييييت يقعد يصرخ ويقولك المانى وكورى وتوك توك ومينفعش نقارن ... بشكرك مرة تانى والله الموفق

أظن انا المقصود بالكلام ده وده يوضح مدى ضحالة تفكيرك أنا بوضح رأيى واللى مش عاجبة ما يردش عليا فعلاً والله سوق العربيات فى مصر فعلاً سوق كفتة بالصلصة والله يخرب بيت أم البنوك اللى خربيت بيت الناس ودبستهم فى عربيات تقسيط وخليت كل الناس تركب موتوسيكلات وفاكرين إنها عربيات