ابيزا ولا جراند بونتو ولا بيجو 207

[BeroOo]

يا جماعة.. أنا معايا دلوقتى بيكانتو وعايزة أغير لحاجة "أثبت" و "أسرع" و "أمان أعلى" وطبعا كماليات!
أنا بفكر حاجة مابين 90-110 ألف

أنا بفكر فى العربيات دى:
- ابيزا مانيوال
- جراند بونتو مانيوال
- 207 مانيوال

أنا عايزة عربية حجمها مش كبير قوى (أفضل الهاتش باك) وفى نفس الوقت أكون سايقة على 120-140 من غير ماكون خايفة انها تطير من الهوا! علما بأنى فى اليوم بقطع مسافة مابين 80-120 كيلو ذهابا وايابا من الشغل! وطبعا احنا كلنا عارفين شوارع مصر عاملة ازاى من مطبات وحفر! فبرده عايزاها عفشة مش ناشفة..

ياللا مستنيا رأيكوا واقتراحاتكوا بقى

[hazemezzz]

جراند بونتو افضل

[hazemezzz]

انا معايا جراند بونتو ايزى ترونيك وبصراحة تحفة .. شكل وكماليات وثبات وعوامل امان 5 من 5

[sakrquraish]

شوف ميني فابيا

[ahmedmohamed7]

بونتو ايفو

[yoko]

بونتو إيفو فول أوبشن ب١٠٦ أحسن من كل ده فيها كل حاجة حتى البلوتوث!!!

[fouady]

بونتو إيفو فول أوبشن ب106 أحسن من كل ده فيها كل حاجة حتى البلوتوث!!!

أنا رايه كده بردو

[eng/muhamad]

انا رأى تزودى شويه و تشترى ابيزا اتوماتيك dsg
عربيه تحفه و يا سلام بقى لما يكون لونها احمر واااااااااااو

[BeroOo]

أنا كنت انهارده فى اوماترا (توكيل فيات) فى المهندسين وقالولى الاتى:
- جراند بونتو المانيوال فول ابشن 3 باب سعرها 92 وال5 باب أغلى سنة صغيرة وهما الاثنين second generation
- الايفو المانيوال نازلة ب 90 ألف و الsecond generation هتبقى ب 97 ألف

هذا من باب العلم..

[BeroOo]

انا معايا جراند بونتو ايزى ترونيك وبصراحة تحفة .. شكل وكماليات وثبات وعوامل امان 5 من 5

طب العفشة مش ناشفة؟

[Mustafa_Farouk]

السلام عليكم،

أنا بس عايز أعرف وجه نظر حضرتك في موضوع المانيول دة، أكيد طبعاً لما تكون أوتوماتيك أحسن كتير،

أنا بفضل البونتو وسعر اللي مش مانيوال فيها في حدود اللي مكتوب.

[CryptonX]

البونتو احلاهم و اشيكهم و يكمن اكثرهم كماليات .. بس اضعفهم في المحرك ... يعني 140 دي على فترات طويلة حتبقى اجهاد للمحرك .

لانه على الاقل حيكون معدي ال 4000 علشان يوصلها .

لو البيجو 207 - 1600 سي سي انا شايف انها افضل .

الابيزا من جوة سيئة جدا جدا و بالذات الفئة الاولى .

[BeroOo]

السلام عليكم،

أنا بس عايز أعرف وجه نظر حضرتك في موضوع المانيول دة، أكيد طبعاً لما تكون أوتوماتيك أحسن كتير،

أنا بفضل البونتو وسعر اللي مش مانيوال فيها في حدود اللي مكتوب.

أنا عارفة ان الأوتوماتيك أسهل فى البلد لكن بحس انه مش بيسحب بسرعة خصوصا فى الأول.. فى المانيوال أنا بعرف أتحكم فى الموضوع ده أكتر :) لكن ممكن أحط الأوتواتيك فى الاعتبار :)

[BeroOo]

البونتو احلاهم و اشيكهم و يكمن اكثرهم كماليات .. بس اضعفهم في المحرك ... يعني 140 دي على فترات طويلة حتبقى اجهاد للمحرك .

لانه على الاقل حيكون معدي ال 4000 علشان يوصلها .

لو البيجو 207 - 1600 سي سي انا شايف انها افضل .

الابيزا من جوة سيئة جدا جدا و بالذات الفئة الاولى .

شكرا جزيلا على المساعدة..

[mazennet2010]

هى البيجو تمنها كام
انا شايف انها اقوى فى الصاج والثبات