ابيزا ولا جراند بونتو ولا بيجو 207

[BeroOo]

هى البيجو تمنها كام
انا شايف انها اقوى فى الصاج والثبات

البيجو على كونتاكت كارز كانت مكتوبة 100 ألف.. بس أنا لسة مشفتهاش فى المعرض

[BeroOo]

أنا بصيت على الابيزا فى المعرض ولقيت موديليين هما الاتنين 1400 cc بس واحده مانيوال ومفيهاش اى كماليات تقريبا وكانت ب 100 ألف والتانية كانت فول ابشن واوتوماتيك بالجيربوكس الجديد ده (7 سرعات) وسعرها 120 ألف ولونها جديد..

أنا بس مفهمتش ليه معدل استهلاك البنزين فى الأوتوماتيك أقل من المانيوال.. ده اللى كان مكتوب فى الكاتالوج بتاع الابيزا..

[CryptonX]

أنا بصيت على الابيزا فى المعرض ولقيت موديليين هما الاتنين 1400 cc بس واحده مانيوال ومفيهاش اى كماليات تقريبا وكانت ب 100 ألف والتانية كانت فول ابشن واوتوماتيك بالجيربوكس الجديد ده (7 سرعات) وسعرها 120 ألف ولونها جديد..

أنا بس مفهمتش ليه معدل استهلاك البنزين فى الأوتوماتيك أقل من المانيوال.. ده اللى كان مكتوب فى الكاتالوج بتاع الابيزا..

الفتيس الاوتوماتيك بتاع الابيزا اسمه dsg وده من تطوير vw و هو المفروض انه تكنولوجيا متطورة جدا عن الفتيس الاوتو العادي .

[Tayer]

أنا بصيت على الابيزا فى المعرض ولقيت موديليين هما الاتنين 1400 cc بس واحده مانيوال ومفيهاش اى كماليات تقريبا وكانت ب 100 ألف والتانية كانت فول ابشن واوتوماتيك بالجيربوكس الجديد ده (7 سرعات) وسعرها 120 ألف ولونها جديد..

..

الأبيزا الأتو 1600 سى سى مش 1400

[BeroOo]

طب ايه نظام التوكيلات بتاعة العربيات دى؟ أنا سمعت ان التوكيلات بصفة عامة فيها مشاكل..

[khaledelsakaty]

رأيي الشخصي فابيا ميني و دة عن تجربة

[ehab_mansour]

ابيزا 1600 dsg سبع سرعات بكل كمالياتها ب 120 الف
توكيل سيات كويس جدا في التعامل وذلك من خلال تجارب الأعضاء هنا في المنتدي لكن مشكلته أسعار قطع الغيار غالية حاجه بسيطة عن الكوري والياباني ولكن ألماني يعني معمره جدا جدا

ووربنا يوفق في الأختيار

[CryptonX]

طب ايه نظام التوكيلات بتاعة العربيات دى؟ أنا سمعت ان التوكيلات بصفة عامة فيها مشاكل..

توكيل بيجو زفت و حرامية و توكيل اوماترا يمكن اسوء :)

معرفش حاجة عن سيات .

[amrseba]

الفيات جراند بونتو كويسه جدا والى يقولك الماتور مش هيتسحمل عشان 1400 سى سى يا باشا اعتماد العربيه كله مبيبقاش على السى سى بس واهم حاجه تصميم الماتور ووعدد اللفات و حاجات كتيير وطبعا معرووف من زمان ان مواتير الفيات جباره حتى لو 800 سى سى بيعملوا بفن وتصميم يخليه احسن من ال 1600 وانا مش شايف ان فيه مشكله مع الماتور ياعنى مثلا اللانوس ماتورها 1500 يبقى اقوى معتقدش فى عده عوامل والعربيه امتيازيه جدا ووكيل اوماترا بيقولو انهم هى حسنوا خدماتهم وبصراحه ناس محترمين و اقل حاجه انهم بيتفعلوا مع اعضاء فيات فى قسم الفيات

[BeroOo]

توكيل بيجو زفت و حرامية و توكيل اوماترا يمكن اسوء :)

معرفش حاجة عن سيات .

ايه الروح العالية دى واضح ان حضرتك عانيت منهم كتير

[CryptonX]

الفيات جراند بونتو كويسه جدا والى يقولك الماتور مش هيتسحمل عشان 1400 سى سى يا باشا اعتماد العربيه كله مبيبقاش على السى سى بس واهم حاجه تصميم الماتور ووعدد اللفات و حاجات كتيير وطبعا معرووف من زمان ان مواتير الفيات جباره حتى لو 800 سى سى بيعملوا بفن وتصميم يخليه احسن من ال 1600 وانا مش شايف ان فيه مشكله مع الماتور ياعنى مثلا اللانوس ماتورها 1500 يبقى اقوى معتقدش فى عده عوامل والعربيه امتيازيه جدا ووكيل اوماترا بيقولو انهم هى حسنوا خدماتهم وبصراحه ناس محترمين و اقل حاجه انهم بيتفعلوا مع اعضاء فيات فى قسم الفيات

مع احترامي لحضرتك .

صناعة و بلد منشأ الموتور ( و انا من مالكي فيات يعني ) حتفرق في عمر الموتور او سهولة صيانته .

انما اداء السيارة مفيش حاجة اسمها 800 سي سي زي ال 1600 ...

الارقام .... وزن السيارة كام
محرك كام سي سي و بيطلع كام حصان .. و زمن التسارع من صفر الي 100 و هو اسهل طريقة لمعرفة اداء السيارة بالمحرك .

البونتو محركها 1400 سي سي 8 صمامات 77 حصان .. و وزنها مش تقيل و لكنها مش خفيفة ايضا .. مش بيكانتو مثلا ..

و بالتالي المحرك ضعيف عليها جدا.. او على الاقل مع تحميل 3-4 افراد و تشغيل التكييف في الصيف العربية بتبقى " بطة " ودي عن تجربة ...

مش علشان فيات عاملة المحرك حيبقى ال 77 خصان دول 105 حصان من الكوري والكلام ده .

[BeroOo]

و بالتالي المحرك ضعيف عليها جدا.. او على الاقل مع تحميل 3-4 افراد و تشغيل التكييف في الصيف العربية بتبقى " بطة " ودي عن تجربة ...

مش علشان فيات عاملة المحرك حيبقى ال 77 خصان دول 105 حصان من الكوري والكلام ده .

أشكرك على الرأى المحايد

[CryptonX]

أشكرك على الرأى المحايد

العفو على ايه , بس خلي بالك ان سيارات اوروبا في هذه الفئة كلها بمحركات مشابهة .

يعني الفابيا 1400 85 حصان
الابيزا نفس المحرك

البيجو لو مش ال 1600 ملهاش لازمة برده .

ممكن تضيفي للقائمة الهيونداي i20 الجديدة .. وهي محركها اقوى شوية بس بكماليات اقل .. و في نفس متسوى العربيات دي برده .

[BeroOo]

الابيزا نفس المحرك

هو الابيزا فيه منها ال1400 ومنها ال1600 الdsg الأوتوماتيك.. برده نفس المشكلة؟

وشكرا على المشاركة

[CryptonX]

هو الابيزا فيه منها ال1400 ومنها ال1600 الdsg الأوتوماتيك.. برده نفس المشكلة؟

وشكرا على المشاركة

لا طبعا !

ال 1600 dsg دي تحفة ... بس برده تمنها تحفة و تدخلك في فئة تانية من العربيات .