اشتري JETTA ، OCtavica ،Civic؟

[solid_khaled]

يا جماعة أنا ببيع عربيتي السيرتو

و ناوي أذود و أجيب حاجة أعلي

إيه الأحسن Civic اوكتافيا JEtta

و يا سلام لو حد يقدر يقولي أسعار المستعمل فيهم 2008-2009 كل الفئات

و امبارح معرض بيقولي ال-jetta بتجيب فتيس و كمبرسر تكيف بس أنا حاسس إنو بيفتي

[maxpayne2010]

معلش انا هخرج عن الموضوع بس كنت عايز اسأل حضرتك ايه رايك فى السيراتو

[kamalsalem]

طب انت عايز ايه من بيع السيراتو؟ مش شكراً في السيراتو لكن عشان نعرف انت محتاج ايه زيادة

[solid_khaled]

up up up

[hosam2010]

أفضل الجيتا
ممكن تفكر في فورد فوكس ،أو سكودا فانتازيا

[mando_07]

if i were u i will go for jetta or civic vti

[a_sayed_20]

يا جماعة أنا ببيع عربيتي السيرتو

و ناوي أذود و أجيب حاجة أعلي

إيه الأحسن Civic اوكتافيا JEtta

و يا سلام لو حد يقدر يقولي أسعار المستعمل فيهم 2008-2009 كل الفئات

و امبارح معرض بيقولي ال-jetta بتجيب فتيس و كمبرسر تكيف بس أنا حاسس إنو بيفتي

افضل حاجة civic
لأن الاوكتافيا و الجيتا نفس كمبيروسر التكييف و بيبوظ بسرعة وانا مجرب الاوكتافيا

[medo_2060]

رأى الشخصى
honda civic vti

[solid_khaled]

هي ال-civic vti بكام مثلاً ال-2008 وال-2009


و أنا ادامي حالياً civic lxi

1.8 سي سي بتاعت قريبي ماشية 34500 ألف كيلو موديل 2008
كاسيت شكلو القديم

بس أنا خايف مل 1.8 مش عارف ليه

و كنت عايز أعرف ترخيص ال-1.8 سي سي كم في مصر فالسنة

[moody1]

خليك فالاوكتافيا a5

عربية محترمة جدا

[inspiron]

أولا يا ريت الناس تبطل إشاعات وكلام ملوش أساس من الصحة...

ثانيا ولا الجيتا ولا الأوكتافيا كمبريسور التكييف بتاعهم بيبوظ..والعيب ده كان موجود في 2006 - 2007 فقط وتم علاجه في الموديلات الأعلي.

ثالثا بالنسبة لموضوع الفتيس...فتيس الجيتا من أول 2009 في مشكلة ( dsg ) وهو ده اللي بيبوظ..ما قبل ذلك مفيش أي مشاكل.وفتيس الأوكتافيا والفانتازيا مفيهومش أي مشاكل في جميع الموديلات..وسواء الجيتا أو الأوكتافيا يراعي الإلتزام بمواعيد تغيير زيت الفتيس ( كل 60000 كم ) واللي مش بيلتزم بالكلام ده هو اللي بيصادف مشاكل بتكون نتيجة إهماله وإسترخاصه في صيانة عربيته..

رابعا سيفيك مييييين دي مع إحترامي لكل اللي راكبينها عشان تتقارن بالجيتا أو الأوكتافيا...

1- مينفعش أقارن ياباني بألماني.
2- صاج الياباني غير الألماني.
3- ثبات الياباني غير الألماني.
4- إعتمادية الياباني غير الألماني.
5- متانة الياباني غير الألماني.

-- توكل علي الله و هات جيتا 2008 أو فانتازيا 2009..وصدقني هتتبسط جدا

[Hondawy_2008]

رابعا سيفيك مييييين دي مع إحترامي لكل اللي راكبينها عشان تتقارن بالجيتا أو الأوكتافيا...

1- مينفعش أقارن ياباني بألماني.
لا ينفع طبعا ايه المانع !!!
2- صاج الياباني غير الألماني.
معاك حق بدليل السيفيك واخدة 4 نجوم في اختبارات الأمان الأوربية
3- ثبات الياباني غير الألماني.
صحيح السيفيك أتبت من الجيتا و الأوكتفيا بمراحل و لا يماثلها في فئتها الا السوبارو اليابانية بردو :)
4- إعتمادية الياباني غير الألماني.
فعلا السيفيك أقل سيارة في الأعطال بفضل الله
5- متانة الياباني غير الألماني.
تمام علشان الألماني أتقل في الوزن شوية وده بيخليها عالطريق بطة في الجري... حاجة على حساب حاجة

-- توكل علي الله و هات جيتا 2008 أو فانتازيا 2009..وصدقني هتتبسط جدا

مع احترامي ليك مفيش أعلى من السيفيك في فئتها غير البي ام و المرسيدس


لو بننكلم عن سيفيك و باسات طبعا الباسات تكسب لكن سيفيك و جيتا اسمحلي السيفيك تقطعها

[medo_2060]

رابعا سيفيك مييييين دي مع إحترامي لكل اللي راكبينها عشان تتقارن بالجيتا أو الأوكتافيا...

1- مينفعش أقارن ياباني بألماني.
2- صاج الياباني غير الألماني.
3- ثبات الياباني غير الألماني.
4- إعتمادية الياباني غير الألماني.
5- متانة الياباني غير الألماني.

اهو الى مينفعش فعلا الى انت بتقوله دا... وصدق او لاتصدق يا صديقى civic vti بالفم المليان كمان احسن من الاتنين...بس مش كل الناس هتوصلها الحته دى

[beeboo2005]

لو بننكلم عن سيفيك و باسات طبعا الباسات تكسب لكن سيفيك و جيتا اسمحلي السيفيك تقطعها

يا راجل ده كلام. طب على مهلك شوية, أيش جاب السيفيك للجيتا. حد يقول الكلام ده. ده حتى واحد قريبى كان نفسه يجيب الجيتا بس فرق أكتر من 57.000 ألف جنيه وقتها بين العربيتين منعه من ذلك. و لحد دلوقتى كل ما نشوف بعض يثنى على الجيتا (على فكرة أحنا أشترينا نفس السنة 2008 بفارق شهرين) و كل منا ركب عربية الأخر كثيرا.
آه السيفيك رائعة و أحسن يابانى فى فئتها، أنما أحسن منها اعتقد لن يوافقك أحد مطلقا فى هذا الرأى.

[inspiron]

يا راجل ده كلام. طب على مهلك شوية, أيش جاب السيفيك للجيتا. حد يقول الكلام ده. ده حتى واحد قريبى كان نفسه يجيب الجيتا بس فرق أكتر من 57.000 ألف جنيه وقتها بين العربيتين منعه من ذلك. و لحد دلوقتى كل ما نشوف بعض يثنى على الجيتا (على فكرة أحنا أشترينا نفس السنة 2008 بفارق شهرين) و كل منا ركب عربية الأخر كثيرا.
آه السيفيك رائعة و أحسن يابانى فى فئتها، أنما أحسن منها اعتقد لن يوافقك أحد مطلقا فى هذا الرأى.

إنت راجل بتفهم..وبرده مع إحترامي لصاحب الرد مع الأخذ في الإعتبار أسلوبه المستفذ وكلامه العجيب اللي ملوش أساس من الصحة..مش معني إنك راكب العربية إنها تدخل في مقارنة مع اللي أحسن منها بمراحل..أه كل واحد شايف عربيته دي بوجاتي فيرون..لكن إحنا هنا بنتكلم في حقايق..وعجبا يا أخي من اللي إنت بتقوله ده.قال إيه..قالك ثبات السيفيك الأعلي في فئتها.برافو عليك..لأ وكمان مفيش أعلي منها غير بي إم ومرسيدس..الله الله الله...إستني بقي شوية علي الردود العسل اللي هتشوفها