اشتري JETTA ، OCtavica ،Civic؟

[Hondawy_2008]

اهو الى مينفعش فعلا الى انت بتقوله دا... وصدق او لاتصدق يا صديقى civic vti بالفم المليان كمان احسن من الاتنين...بس مش كل الناس هتوصلها الحته دى

+111111111111111

لعيب و الله

[Elsarrawy]

بامانة يا جماعة العربيات الاوربي عموماً افضل بكتير جداً من الياباني والالماني احسن الاوربي بالتأكيد والياباني افضل من الكوري والكوري افضل من الصيني


وماحدش هايقدر يعرف الكلام دا كويس غير الي ركب كل العربيات دي فترة كويسه ويكون ركيب عربيات علشان يعرف يقيمها

وكل الكلام دا طبعاً ينطبق على نفس مستوى الفئات بتاعة العربيات وموديلاتها

والافضلية هنا مش تسارع وبس لأ حاجات كتير جداً زي الامان واستهلاك الوقود والثبات والراحة والرفاهية ومعدل تكرار الصيانة واسعار قطع الغيار ونسبة العادم وحاجات كتير جداً

فالعربية بتتحسب كلها على بعضها مش نقطة واحدة بس
يعني لو على التسارع ممكن نجيب هوندا sir ونقول انها احسن من هوندا سيفك 2010 علشان اسرع منها ودي هوندا ودي هوندا

ولو ثبات نجيب e46 موديل 2000 ونقارنها بالسفيك ونقول البي ام اثبت صح؟؟

لأ ماينفعش مش كده لأن في حاجات تانية كثر بنكلم عليها مش تسارع وثبات وبس وإلا كانت مصانع عربيات كتير قفلت او انتجت عربية موديل واحد بس طول عمرها

والمقصود بالكلام دا برده انه ماينفعش اجيب احسن عربية ياباني واقارنها باقل عربية اوربية واقول اهو الياباني افضل

وانا هدي مثال صغير على الكلام دا بان في مواصفة في اوربا دلوقت للعربيات اسمها يور 5 شوفوا كام عربيه ياباني ممكن تدخل اوربا مطابقة للمواصفة دي مع العلم ان المواصفة دي متطبقة على كل العربيات الاوربية (مع العلم برده ان العربيات الياباني الي بتتباع في اوروبا مواصفاتها غير الي بتتباع في اي مكان تاني في العالم مابالك بالي بتتباع في مصر)

والسبب في كل الكلام دا ان في مصر الجمارك وضرائب الترخيص بتخلي العربيات يحصل بينها مقارنات عجيبة وغريبة جداً

ويارب تكون وجهة نظري واضحة وبدون تحيز

[Hondawy_2008]

يا راجل ده كلام. طب على مهلك شوية, أيش جاب السيفيك للجيتا. حد يقول الكلام ده. ده حتى واحد قريبى كان نفسه يجيب الجيتا بس فرق أكتر من 57.000 ألف جنيه وقتها بين العربيتين منعه من ذلك. و لحد دلوقتى كل ما نشوف بعض يثنى على الجيتا (على فكرة أحنا أشترينا نفس السنة 2008 بفارق شهرين) و كل منا ركب عربية الأخر كثيرا.
آه السيفيك رائعة و أحسن يابانى فى فئتها، أنما أحسن منها اعتقد لن يوافقك أحد مطلقا فى هذا الرأى.

لعلمك الخاص الجيتا مكسيكي مش ألماني و فعلا مينفعش نقارن مكسيكي بياباني ههههههههههه
و بعدين 57 ألف مين دي السيفيك الهاي لاين ب 190 ألف يعني أغلى من الجيتا

[Hondawy_2008]

إنت راجل بتفهم..وبرده مع إحترامي لصاحب الرد مع الأخذ في الإعتبار أسلوبه المستفذ وكلامه العجيب اللي ملوش أساس من الصحة..مش معني إنك راكب العربية إنها تدخل في مقارنة مع اللي أحسن منها بمراحل..أه كل واحد شايف عربيته دي بوجاتي فيرون..لكن إحنا هنا بنتكلم في حقايق..وعجبا يا أخي من اللي إنت بتقوله ده.قال إيه..قالك ثبات السيفيك الأعلي في فئتها.برافو عليك..لأ وكمان مفيش أعلي منها غير بي إم ومرسيدس..الله الله الله...إستني بقي شوية علي الردود العسل اللي هتشوفها

بص أنا ركبت بي ام 318 و أقسم بالله العظيم السيفيك أحسن منها و أريح منها في السواقة يمين حيحسبني عليه ربنا مش أنت

[haythamkmal]

اللى ركب السيفيك هو اللى عارف قيمتها، انا راكبها من سنة 1992 تقريبا بكل موديلاتها، وطبعا كل فترة بيجيلى احساس سخط على العربية ، بس دايما فى اللحظة دى بتصادف انى اركب او اسوق عربية ثانية ومنهم اللى انت بتقارنها بيهم وارجع اركب هوندتى واقول الحمد لله فالتحيا الهوندا.
السيفيك تعنى الثبات والقوه والامان وندره الاعطال وهذا اهم ما يميز السيفيك ، والله بدون مبالغة خلال تقريبا 18 سنة مفيش عربية من اللى راكبتهم عطلت منى غير مرة واحد وكانت سيفيك 92 ex.

[SAMEH_FOUAD]

الجيتا نفس معاملة الاوكتافيا الاتنين شبة بعض جدا بس اختلاف البودى حتى الماتور زى بعض , بس معلش انا ماركبش اوكتافيا او جيتا بماتور 102 حصان ويجى حد راكب عربية كورى يروح معلم عليا وماعرفش اسد معاة

يعنى بردة العربية مش فخامة وثبات بس لازم يبقى فية ماتور قوى يدل على العربية واسمها

وانا من وجهة نظرى التلاث موديلات : لو يتقارنوا يتقارنوا كدة

1: الجيتا الهاى لاين : فخمة , شكل رياضى وبرستيج فى نفس الوقت , ثبات
عيوبها : قريبة من الارض , ناشفة فى مطباتها , ماتور متوسط الاداء , تكييف لا يرقى لمستوى اليابانى , قطع غيار غالية جدا
سعرها 200 الف جنية

2: الاوكتافيا فانتازيا هاى لاين : نفس مميازات الجيتا ماعدا , برستيج , ناعمة فى المطبات , عالية عن الارض , واسعة
عيوبها : قطع غيار غالية , ماور متوسط الاداء ,تكييف لا يرقى لمستوى اليابانى,مش ثابتة زى الجيتا , السعر 209 الف

3: السيفيكvti : سيارة رياضية وشبابية من الدرجة الاولى , ماتور تحفة فى التسارع وعلى توب سبيد موجود مابين ال1600 وال2000 سى سى , ولا ناشفة ولا ناعمة متوسطة الاداء فى المطبات , ثابتة جدااااااااااااا وعن تجربة , شكل التابلوة رهيب , تكييف تلاجة , قطع غيار مش غالية زى الاوروبى , مش واسعة ومش ضيقة مظبوطة , تقفيل عالى قوى بدون اخطاء , عمر افتراضى واعتمادية عالية جدا الثمن 190 الف جنية
عيوبها : قرببة من الارض , بتليق اكتر للشباب

انا من رائى : قوة ماتور + ثبات + سحب لازم يبقوا متوافرين كاختيار اساسى وتكون اعتماديتها عالية , وبعد كدة اشوف الرفاهية , والامكانيات وكل دول موجودين فى السيفيك

يبقى دة احسن اختيار ليك

[sniperfox]

الجيتا 2009 مع صحبى جيبها خليجى سبات خراااااااااااااااااااااااااااااافى على الطريق مع السرعات العليه والغرز والتكيف مبيطفيش وعلى طول بنجرى بالعربيه والتكيف شغال ومحصلوش اى حاجه والفتيس زى الفل بس متلعبش بالعربيه لان الفتيس ال اوتو مبيتلعبش بيه واى معلومات تحب تعرفها ابعتلى على الخاص

[inspiron]

شوف من الآخر..إركب التلات عربيات وقارن بينهم في الآتي :-

1- الخامات الداخلية المستخدمة وطبعا معروف مين أحسن.
2- الكماليات وطبعا معروف الكماليات اللي ملهاش حصر في الجيتا والفانتازيا مع زيادة بعض الكماليات في الفانتازيا.
3- الفتيس ( جيتا وفانتازيا 6 سرعات teptronic في مقابل 5 في السيفيك وعدم وجود ستيبترونك )
4- الدهان الخارجي اللي معروف مدي إستياء ملاك السيفيك منه وإنه ضعيف.وشوف الجيتا والفانتازيا.
5- قارن بين تقفيل الموتور في الجيتا والفانتازيا عاملين إزاي..وفي السفيك عامل إزاي.
6- أدخل في شارع مكسر كده بالتلات عربيات وقول إيه أخبار العفشة.
7- شوف الشنطة..في الجيتا والسيفيك زي بعض.في الفانتازيا ممكن الواحد يدخل يسطح فيها.
8- قارن بين صاج التلات عربيات كده وقول رأيك.لما واحد يسند بجسمه علي عربية سيفيك.زي ما بيسند بجسمه علي جيتا أو فانتازيا ؟

9- شوف المظهر الخارجي في التلات عربيات وأنا هسهل عليك الموضوع ده..

دي الفانتازيا من جوة....






ودي يا سيدي من برة...





ودي السيفيك من برة....






ودي السيفيك من جوة....





ودي الجيتا من برة....





ودي جيتا من جوة...






هتسمع شوية كلام سيييس كده زي اللي يقولك عداد ديجيتال في السيفيك.وهو ميعرفش إنه موجود في الجيتا والفانتازيا.واللي يقولك سحب وشد وشراسة وجري السيفيك.وهو ميعرفش ناس جايبة بالفانتازيا مثلا 208 كم علي العداد الديجيتال والناس دي منهم العبد لله..وهتسمع كلام كتييييير أوي.الموضوع كله أنا لخصته أهو. والقرار الأخير يرجعلك.


--وبعد ما تشوف الرد أدخل علي الموضوع ده كده وقولي رأيك...

http://www.nilemotors.net/Nile/154784-a.html

[Hondawy_2008]

يا عم السكودا أحسن عربية في الدنيا تحيا جمهورية التشيك العربة الشيقيقة ههههههههههههههه

[mshamy]

يا جماعة الخير...صلوا على النبي "عليه أفضل الصلاة والسلام"

الموضوع مش مستاهل كل الشد ده...

تاني باكرر.....المثل بيقول إيه؟

لولا إختلاف الأذواق ....لبارت السلع

الراجل زميلنا اللي طالب الإستشارة متهيألي الموضوع كده وضح بالنسبة له مميزات وعيوب كل عربية
الباقي إن الراجل يشوف كل عربية على الطبيعة و يجربها
وبعدة كده يحدد إحتياجاته في الفتره اللي ناوي يحتفظ خلالها بالسيارة
وبعد كده يستخير ربنا و يتوكل على الله في العربية اللي حيكون أكثر إقتناعا بيها

متهيألي محدش فينا مشارك في هوندا و لا سكودا و فولكس

[EgyptianTune]

يا جماعة الخير...صلوا على النبي "عليه أفضل الصلاة والسلام"

الموضوع مش مستاهل كل الشد ده...

تاني باكرر.....المثل بيقول إيه؟

لولا إختلاف الأذواق ....لبارت السلع

الراجل زميلنا اللي طالب الإستشارة متهيألي الموضوع كده وضح بالنسبة له مميزات وعيوب كل عربية
الباقي إن الراجل يشوف كل عربية على الطبيعة و يجربها
وبعدة كده يحدد إحتياجاته في الفتره اللي ناوي يحتفظ خلالها بالسيارة
وبعد كده يستخير ربنا و يتوكل على الله في العربية اللي حيكون أكثر إقتناعا بيها

متهيألي محدش فينا مشارك في هوندا و لا سكودا و فولكس

+111111111111 كلام 100% وانا واحد من الناس اللى مش ممكن يفكر يشترى عربية يابانى (مش تقليل من قيمتها ده زوقى وإختيارى) لأنى بأركب اوروبى بقالى أكتر من 20 سنة (أودى ، بى إم ، بيجو ، فيات ، فولكس ، ألفا روميو ) لإعتبارات ذكرها أغلبية الأعضاء ومع ذلك بأكره المرسيدس

[solid_khaled]

أنا بحب الجتا جدننننن ديماً حلمي اني اجبها و بعديها الشروكي 2010 انشالله

أنا لسه مش مكرر أصلاً أبيع عربيتي ولا لأ و شكراً على المعلومات الجامدة ده

و امبارح أختي هما سمعت اني هبيع السيرتو بتالي هخدهة منك

أنا ادمي جتا 2009 hightline زنون كل حاجة مشية 25 ألف بتاعت صاحب عريبي و مضمون طبعاً على 160 بس تنزل عن كدة أعتقد بس لونها مش عجبني رصاصي على أخضر كدة مش فهمه

[inspiron]

يا عم السكودا أحسن عربية في الدنيا تحيا جمهورية التشيك العربة الشيقيقة ههههههههههههههه

طبعا ده موضوعك بقي إنك شايفني منحاز لسكودا..وفي الواقع إنك إنت اللي منحاز لهوندا بشكل مبالغ فيه..وعلي فكرة أنا الحمدلله عندي جنب السكودا 523 يعني مش مستاهلة أنحاز لحاجة معينة لأني مش ناقص عربيات الحمدلله..

وأخيرا متزعلش نفسك..الهوندا مفيش زيها في العالم كله..واللي يقول غير كده مبيفهمش..مبسوط كده..تحيا هوندا...هوووندا هوووندا هوووندا......ها فرحان كده.إوعي تزعل نفسك.سلام

[SAMEH_FOUAD]

ياجماعة انتوا لية اغلب مشاركتكوا بتقلب بخناقة محدش يعرف يتكلم كدة بالراحة وبالادلة وخلاص الموضوع انتهى من غير حد مايزعل

على العموم الشكل دة ازواق , سواء جوة او برة

وبالنسبة للثبات اللى الخرافى للجيتا والاكتافيا والله انا لسة جاى حالا كنت بشد مع فانتازيا والله بهدلتها فى الملفات على كدة لو الفانتازيا ثابتة الثبات او الاوكتافيا يبقى الهوندا ثبات فوق العادة

ياجماعة معلش انتوا بتتحازوا اوى للاوروبى هو طبعا كويس بس ماينفعش يتقارن هنا فى مصر انا عمرى ماركب عربية تقيلة على ماتورها او ماتور تقيل على العربية ولا دة هيجرى ولا دة هعرف اجرى بية

ومعلش حضرتك جيبت 208 بالاوكتافيا بس جيبتهم فى كام ساعة اصلى الناس هنا فى المنتدى بتموت عشان توصل ل198 كم

السيفيك بتجيب 220 مستريح و224 بعد فترة مع الثبات

ياجماعة انتوا بتتكلموا على يابانى و honda مش اى عربية كفاية انها نازلة بتمن الاوربى بعكس الكورى اللى بينزل اقل ب70 الف جنية , لكن السيفيك 190 الف ماعتقدش ان الناس دية كلهاااااااااااااااا هتدفع 190 الف جنية فى عربية فيها عيوب اللى الناس قالتها حسستونى اننا راكبين عربيات بلاستيك

[beeboo2005]

:s_thum1[1]:

لعلمك الخاص الجيتا مكسيكي مش ألماني و فعلا مينفعش نقارن مكسيكي بياباني ههههههههههه
و بعدين 57 ألف مين دي السيفيك الهاي لاين ب 190 ألف يعني أغلى من الجيتا

بص أنا ركبت بي ام 318 و أقسم بالله العظيم السيفيك أحسن منها و أريح منها في السواقة يمين حيحسبني عليه ربنا مش أنت

كون الجيتا مجمعة فى المكسيك ده لا يعيبها مطلقا لأنه المصنع الوحيد فى العالم لصناعتها (لا يوجد فى ألمانيا) و السبب أن الجيتا مصنوعة خصيصا للسوق الأمريكى و لأن أتفاقية NAFTA تتيح للمصنوع فى المكسيك أن يدخل الولايات المتحدة يدون جمرك تقريبا فمن هنا كان اختيار المكسيك لصناعة الجيتا لسهولة دخول أمريكا و اليد العاملة الرخيصة أنما كل حاجة فيها ألمانى. دى VWيعنى معيار جودة لا يمكن التنازل عنه. و الدليل : هى العربة الأوروبية (ماحدش هناك قال المكسيكية) الأولى مبيعا فى الولايات المتحدة (أى أنها تفوقت على جميع الماركات الأوروبية المعروفة مثل المرسيدس و غيرها). على فكرة تم تجديد المصنع بالكامل فى 2005 قيل صناعة الجيل الخامس MKV بمبلغ مليار دولار (منها 400 مليون دولار فقط للروبوتات التى ستجمع الجيتا----يعنى مصنع جديد لنج لأحسن عربية أوروبية فى USA و أدخل على مواقع السيارات مثل yahoo auto و autos و شوف ترتيب العربيات فى أمريكا)
و معروف مدى صرامة معايير تواجد أى عربية فى أمريكا فما بالك انها رقم 1.
ثانيا: فعلا فى 2008 كان الفرق بين السيفيك الموجودة وقتها (150.000) و الجيتا الهاى لاين (207.000) بالضبط 57.000 و زى ما قلت أحنا قرايب و كنا حاجزين مع بعض فى توكيل هوندا بس أنا عجبتنى الجيتا و سحبت ال 10.000 جنيه مقدم الحجز وقتها و جبت الجيتا
ثالثا: أذا (على حسب رأيك) أن السيفك أحسن من bmw فسأترك هذا الرأى لرواد المنتدى للحكم على رأيك هل هو موضوعى و لا أنك شديد التعصب للسيفيك مما يجنبك الصواب فى أى مقارنة.