اشتري JETTA ، OCtavica ،Civic؟

[SaberMan]

اللى ركب السيفيك هو اللى عارف قيمتها، انا راكبها من سنة 1992 تقريبا بكل موديلاتها، وطبعا كل فترة بيجيلى احساس سخط على العربية ، بس دايما فى اللحظة دى بتصادف انى اركب او اسوق عربية ثانية ومنهم اللى انت بتقارنها بيهم وارجع اركب هوندتى واقول الحمد لله فالتحيا الهوندا.
السيفيك تعنى الثبات والقوه والامان وندره الاعطال وهذا اهم ما يميز السيفيك ، والله بدون مبالغة خلال تقريبا 18 سنة مفيش عربية من اللى راكبتهم عطلت منى غير مرة واحد وكانت سيفيك 92 ex.

111111111111 حضرتك تقريبا كتبت تجربتى بالهوندا سفيك

[inspiron]

كون الجيتا مجمعة فى المكسيك ده لا يعيبها مطلقا لأنه المصنع الوحيد فى العالم لصناعتها (لا يوجد فى ألمانيا) و السبب أن الجيتا مصنوعة خصيصا للسوق الأمريكى و لأن أتفاقية NAFTA تتيح للمصنوع فى المكسيك أن يدخل الولايات المتحدة يدون جمرك تقريبا فمن هنا كان اختيار المكسيك لصناعة الجيتا لسهولة دخول أمريكا و اليد العاملة الرخيصة أنما كل حاجة فيها ألمانى. دى VWيعنى معيار جودة لا يمكن التنازل عنه. و الدليل : هى العربة الأوروبية (ماحدش هناك قال المكسيكية) الأولى مبيعا فى الولايات المتحدة (أى أنها تفوقت على جميع الماركات الأوروبية المعروفة مثل المرسيدس و غيرها). على فكرة تم تجديد المصنع بالكامل فى 2005 قيل صناعة الجيل الخامس MKV بمبلغ مليار دولار (منها 400 مليون دولار فقط للروبوتات التى ستجمع الجيتا----يعنى مصنع جديد لنج لأحسن عربية أوروبية فى USA و أدخل على مواقع السيارات مثل yahoo auto و autos و شوف ترتيب العربيات فى أمريكا)
و معروف مدى صرامة معايير تواجد أى عربية فى أمريكا فما بالك انها رقم 1.
ثانيا: فعلا فى 2008 كان الفرق بين السيفيك الموجودة وقتها (150.000) و الجيتا الهاى لاين (207.000) بالضبط 57.000 و زى ما قلت أحنا قرايب و كنا حاجزين مع بعض فى توكيل هوندا بس أنا عجبتنى الجيتا و سحبت ال 10.000 جنيه مقدم الحجز وقتها و جبت الجيتا
ثالثا: أذا (على حسب رأيك) أن السيفك أحسن من bmw فسأترك هذا الرأى لرواد المنتدى للحكم على رأيك هل هو موضوعى و لا أنك شديد التعصب للسيفيك مما يجنبك الصواب فى أى مقارنة.

إنت راجل زي الفل.

وأحب أقول للعضو الفاضل اللي مقدرش أزعل منه لأنه محترم فعلا في مناقشته semsemkane إن أنا بقول جيبت بالعربية 208 بس مقولتش إنها صاروخ وبتجيبها في ثواني.لا أنا عارف موتور عربيتي وعارف قدرته وعارف وإنه 1600 و 105 حصان.مش 1600 و 175 حصان.بس أنا بوضح إن الفانتازيا بتجيب سرعات عالية ممتازة..وبالنسبة لموضوع الناس بتموت عشان تجيب 198 دي محصلتش معايا بصراحة.أنا عندي العربية الحمدلله بعد الـ 100 تسارع مرضي جدا لحد 190 و بعدين يبدأ يتقل لحد 200 ويبدأ يموت لحد 208.وأعتقد دي سرعات ممتازة بالنسبة لعربية بالوزن ده والموتور ده.علما بإن عربيتي موتورها متفتح ونافخ أمه علي طريق مصر إسماعيلية كتير.وطريق الساحل,يعني عملت التليين والتفتيح كما ينبغي.وبالنسبة لعربيتك اللي قطعت الفانتازيا في الغرز والمناورات أكيد اللي كان سايقها كان كفته,لأن عربيتي الحمدلله باخد بيها ملفات علي 170 وأنا ولا في دماغي مش حاسس بأي هزة حتي.فمعلش كلمة قطعت فانتازيا دي واسعة شوية.ومش عاوز أفتح موضوع جديد عن كمية السيفيك التسعينات اللي بشوفها مكرمشة علي طرق السفر.وده معروف إنه عشان موتور متوحش علي وزن خفييييف جدا.ومعروف ده بترتب عليه إيه.

وبعدين أنا مش فارق معايا 208 من 220 من 224 ولا حتي 230 لأن الحمد لله رب العالمين ربنا منعم عليا بعربية تانية بعدي بيها 245 كم وهي زي الأسفلت اللي ماشية عليه الله أكبر يعني. أقصد أقول إني مش واخد الموضوع قفش ومش تحدي ولا إنحيازية والله.وأنا مش بتكلم علي كل الأوروبي أنا بتكلم علي اللي أعرفه فقط لا غير. يا باشا أتمني إنك تتقبل مروري وربنا يبارك لكل واحد فينا في عربيته ويكفيك ويكفينا جميعا شر الطريق.

[beeboo2005]

وربنا يبارك لكل واحد فينا في عربيته ويكفيك ويكفينا جميعا شر الطريق.

يا رب

[الصيداح]

طيب بلاش نخلي المقارنة تأخد المنحى ده
نشوف صاحب الموضوع عايز ايه
السيفيك يعني الشبابية الأكثر التسارع الأقوى ثبات ممتاز لكن على حساب المتانة وضعف جسم السيارة

الجيتا والأوكتافيا فخامة وبعض الشبابية وخاصة الفانتازيا المتانة الممتازة وخاصة الفانتازيا والثبات الممتاز أيضا

هذه ركوبة وهذه ركوبة مختلفة
السيفيك شبابية بحتة والأخرتان فخامة وهيبة

وجهة نظري أنا الأوكتافيا هي الأنسب لمصر فالجيتا والسيفيك يعيبهم انخفاضهم على الأرض

هي صحيح وجهات نظر بس الفكرة مش تسارع وبس يعني أنا مش كل لما أجي أركب العربية هطير
أنا لو مكانك هجيب الفانتازيا متانة+ثبات+ارتفاع مناسب عن الأرض
هذه وجهة نظري
وربنا يوفقك لما فيه الخير

[tito_1980]

اوكتافيا ثم جيتا ثم سيفيك بالترتيب

[SAMEH_FOUAD]

إنت راجل زي الفل.

وأحب أقول للعضو الفاضل اللي مقدرش أزعل منه لأنه محترم فعلا في مناقشته semsemkane إن أنا بقول جيبت بالعربية 208 بس مقولتش إنها صاروخ وبتجيبها في ثواني.لا أنا عارف موتور عربيتي وعارف قدرته وعارف وإنه 1600 و 105 حصان.مش 1600 و 175 حصان.بس أنا بوضح إن الفانتازيا بتجيب سرعات عالية ممتازة..وبالنسبة لموضوع الناس بتموت عشان تجيب 198 دي محصلتش معايا بصراحة.أنا عندي العربية الحمدلله بعد الـ 100 تسارع مرضي جدا لحد 190 و بعدين يبدأ يتقل لحد 200 ويبدأ يموت لحد 208.وأعتقد دي سرعات ممتازة بالنسبة لعربية بالوزن ده والموتور ده.علما بإن عربيتي موتورها متفتح ونافخ أمه علي طريق مصر إسماعيلية كتير.وطريق الساحل,يعني عملت التليين والتفتيح كما ينبغي.وبالنسبة لعربيتك اللي قطعت الفانتازيا في الغرز والمناورات أكيد اللي كان سايقها كان كفته,لأن عربيتي الحمدلله باخد بيها ملفات علي 170 وأنا ولا في دماغي مش حاسس بأي هزة حتي.فمعلش كلمة قطعت فانتازيا دي واسعة شوية.ومش عاوز أفتح موضوع جديد عن كمية السيفيك التسعينات اللي بشوفها مكرمشة علي طرق السفر.وده معروف إنه عشان موتور متوحش علي وزن خفييييف جدا.ومعروف ده بترتب عليه إيه.

وبعدين أنا مش فارق معايا 208 من 220 من 224 ولا حتي 230 لأن الحمد لله رب العالمين ربنا منعم عليا بعربية تانية بعدي بيها 245 كم وهي زي الأسفلت اللي ماشية عليه الله أكبر يعني. أقصد أقول إني مش واخد الموضوع قفش ومش تحدي ولا إنحيازية والله.وأنا مش بتكلم علي كل الأوروبي أنا بتكلم علي اللي أعرفه فقط لا غير. يا باشا أتمني إنك تتقبل مروري وربنا يبارك لكل واحد فينا في عربيته ويكفيك ويكفينا جميعا شر الطريق.

ياباشا ان شاء الله مافيش زعل ولا حاجة وانا طبعا مقدرش ازعلك منى ولا اى حد عموما انتوا ناس زى العسل وكفاية اننا اتعرفنا بيكوا بس النقاش" لا يفسد للود قضية "

بالنسبة لموضوع ال208 كم طبعا انا مش هقول كلام على عربية وهو مش صح دلوقتى

صديق معانا هنا فى المنتدى اسمة محمد عباس معاة اوكتافيا 2009 على مأذكر فتح الماتور وربنا يباركلة فيه وعرض كليباتة هنا وجاب اقصى حاجة قدر يوصلها 195 ودة اقصى سرعة للعربية وممكن تسالة


* ياباشا انت قولت ان اللى انا سبقتة فى الملفات والمناورة يمكن يكون" كفتة " هو لية دايما لما حد بيسبق حد او يغلب حد فى ملفات او سواقة على طول يتقال انة تعبان ومابيعرفش يسوق وانت اية اللى ضمنك اننا كمان بعرف اسوق صح كدة ولا اية دية بقى انا اللى احكمها عشان انا كنت فى الطريق وانا اللى بجرى معاة وعلى فكرة هو ماشاء الله من الغرز اللى بيعملها واضح انة سواق فعلا ودية انا حكمت علية فعلا فيها من طريقة سواقتة

* ياباشا ربنا يباركلك فى عربيتك يارب ويحفظك ويحفظنا من شر الطريق بإذن الله

طيب تمام لو حضرتك جربت سيفيك الجديدة وسوقتها بنفسك بس الله ماشاء الله عليها فى ثباتها

ماشى وبالنسبة للسيارتى بقى فية عضو هنا معنا كان راكب معايا وكنت جايب 150 كم فى نفق الازهر وعلى نفس الحارة بتاعتى وهو ماكنش حاسس والسرعة بتزيد عند الملفات يعنى مابهديش وبعد كدة ادوس تانى

والحمد لله السيارة فى منتهى منتهى الثبات مش عايز اقول تقف كدة رأس برأس قدام اى عربية وعارف انا بقول اية كويس

* بالنسبة للسيفيك التسعينات اللى مكرمشة ياباشا دة قدر ونصيبة كدة بس فعلا اول مرة اعرف ان السيفيك البودى بتاعها خفيف على ماتورها الكلام دة ينطبق على الفيرنا مش الهوندا دة اصلا الموديل دة يالذات اللى رفع اسم الهوندا فوق طيب انا هاقولك حاجة لو زى ماحضرتك بتقول كدة هل كانوا ينزلوا لية ماتور SiR 175 حصان اذا كان ال130 حصان قوى على العربية يبقى ال175 حصان هتدى الامركة هتلاقى العربية فوق سطح عمارة صح

ياباشا العربية دية من اثبت موديلات هوندا على الاطلاق العربية دية واخدة اربع نجوم فى الثبات فى الSI العادية فمابالك بقى الSiR اللى عفشتها اكبر وجنطها اكبر

ياباشا حضرتك لو شوفت اية اكتر السيارات المباعة فى امريكا هتلاقيهم السيارات اليابانية لانها

اكثر قوة من سى سى قليل ودة طبعا بيوفر فى البنزين وانبعاثات الغاز , امانهم عالى واوبشن كتير وسعر اقل من الاوروبى واعتمادية جدا احسن من الاوروبى وبعض الموديلات

الاوروبى كويس فى حاجات زى قوة الصاج , كثرة عوامل الامان , الفخامة لكن مايقدرش يضاهى اليابانى فى قوة المواتير لو نفس الفئة , قوة التكييف , الاعتمادية , قلة الاعطال , ورخص قطع الغيار

ياباشا سعدت جدا بمناقشتك الجميلة وشكرا على ذوقك وعلى كلامك الجميل واسف اذا كان ظهر لك فى كلامى اى شىء فهمتة بصورة خاطئة او غير اللى انا اقصدة طبعا لانك اقدرك واحترمك كاخ ليا تقبل مرورى

[moody1]

اوكتافيا ثم جيتا ثم سيفيك بالترتيب

اؤيدك بشدة فى هذا الترتيب

[fares515]

أنا من رأيي
جيتا ثم سيفيك ثم فانتازيا

[modiabbas]

صديق معانا هنا فى المنتدى اسمة محمد عباس معاة اوكتافيا 2009 على مأذكر فتح الماتور وربنا يباركلة فيه وعرض كليباتة هنا وجاب اقصى حاجة قدر يوصلها 195 ودة اقصى سرعة للعربية وممكن تسالة

سمسم باشا حبيب الملايين
انا الفيديو بتاعى كان لحد 180 و بعد كده لقيت مطب فا وقفت

لكن انا مقلتش ان اخرها 195 ده كلام كتالووجااات و الكليب اهوو


http://www.youtube.com/watch?v=2JyxRTiw8qw


ظرووف الكليب :
1- العربيه عامله 20.000 كيلو كانت لسه مش متفتحه ..
2- مركب فلتر اسبورت صغير و كان فى مكان سخن ...
3- الطريق مكسررررر و مطالع و مناازل ...
4- انا اللى سايق و ماسك الدريكسيون بى ايد واحده .... و بصور بالتانيه ..
5- المكان : وسط الصحرااء فى عز الظهر و الشمس ...

اعتقد لو فى ظروف عكس الظروف ديه كان هيكون التسارع احسن من كده بكتيير ..

و انا جبت ال 180 فى 50 ثانيه ..... مع الظرووف اللى فووق ديه

و ده كليب سيفيك جابت ال 180 فى حوالى 42 ثانيه


http://www.youtube.com/watch?v=PaLPFNLWmm8


طبعا هتوقفوا عند 180 هتلاقوا 39 ثانيه ... لكن الكليب بادئ من سرعه 17 بتفرق على فكره ثانيتين ...

يعنى الفرق بين 102 حصان و 140 حصان ( حسب ما بيقولوا ) 8 ثوانى ....

تقبلواااا مروررررى !!

[hosam2010]

أولا أنا حابب اعلق على بعض النقط اللي اعتقد انها ممكن تفيدنا كلنا في مسألة مقارنة سيارتين من أي نوع .
أول حاجة أنا ملاحظها إن في تحيز كبير من كتير من اللي في المنتدى لنوع سيارتهم أو بلد المنشأ إلى اخره ، ثاني حاجة في كثير من الأحكام المطلقة مثلا إن كل السيارات الأروبية أفضل مين اليابانية وده طبعا مش صح على كدة مثلا ممكن نقول إن رينو رانبو موديل 98 أفضل من كرولا 97 بس عشان هيا أروبية ، محدش يفهم كلامي غلط على فكرة أنا من عشاق السيارات الأروبية وعربيتي أصلا أروبية لكن أنا ضد التعميم و المفاهيم المطلقة .
برضو من الناحية الأخرى نلاقي ملاك السيارات اليابانية بيتكلمو عن ندرة الأعطال كأنها شئ ثابت في كل السيارات اليابانية وده برضو كلام مش سليم أه اكيد في بعد الموديلات اليابانية بتتصدار احصائيات زي JDPower مثلا بس برضو في موديلات ياباني بتتزيلها يعني مثلا الكرولا الجنوب أفريقي لو اتعمل عنها إحصائية اكيد مش هتخد مركز كويس نظرا لعدد الشكاوي الكبير منها سواء اتفقنا عليها أو لا

تاني حاجة أحب اتكلم فيها هيا التوب سبيد والتسارع عامتا : أه كلنا بنحب السرعة ولها متعتها لكن عمر ما السرعة تبقى هيا المقياس الوحيد ولا الاهم خصوصا في مصر ليه؟ لان الشوراع عندنا مابتسمحش أصلا بكدة ده غير سوء حالة الطرق والزحمة الرهيبة يعني لو حسبناها بجد هتلاقي إنك ماستعملتش إمكانيات موتور عربيتك إلا بنسبة 10 % من إجمالي استخدامك ليها، لو مش مصدقين ياريت كل واحد يشوف متوسط سرعته من ساعة مجاب سيارته أنا مثلا عندي 55KMH مع اني سافرت كتير وعديت 180 كتير !!!!

طيب نختار على أساس ايه ؟ أول حاجة لازم كل واحد يرتب أولوياته ويشوف ايه اللي أكتر حاجة بتحاققهالو، يعني مثلا بالنسبة لي أنا كنت محتار بين فورد فوكاس-سكودا فانتزيا - هوندا سيفيك
طيب ايه كانت أولوياتي :
-الأمان : لقيت إن الفوكس وخدا أعلى تقييم في الامان بتقييم euro ncap
-الراحة ومتعة القيادة :الفوكس و السكودا كان مستواهم قريب من بعض السيفيك ماعجبتنيش قعدتها تماما لأني مش بحب أبقى قاعد تحت اوي كدة غير أبعادها حست انها صعبة .على فكرة أنا مش بعيب فيها يعني ممكن واحد تاني يقولك شعر فيها من الاخر هيا مسألة أذواق فانت جرب كل واحدا وشوف مين اللي مريحاك أكتر لأن في الاخر أنت اللي هاتسوق مش هتجيب سواق
- توافقها مع الطرق المصرية :أنت هاتسوق في أسوء طرق في العالم بلا فخر فمينفعش أجيب عربية عفشتها ناشفة تتعبلي ظهري وماتريحش اللي بيركبو معايا عشان كدة أنا استبعدت السيفيك تماما ورسيت على الفوكاس لأنها أكتر واحدة حاققتلي أولوياتي

من الاخر التلات عربيات اللي أنت متردد فيهم كويسين بدليل اقتناع ملاكها التام بها أنا لو مكانك هاختار السكودا ده على حسب أولوياتي أنا لكن شوف أنت ايه أولوياتك ورتبهم وشوف مين أكتر وحدة فيهم حتحققها
والسلام عليكم

[الصيداح]

أولا أنا حابب اعلق على بعض النقط اللي اعتقد انها ممكن تفيدنا كلنا في مسألة مقارنة سيارتين من أي نوع .
أول حاجة أنا ملاحظها إن في تحيز كبير من كتير من اللي في المنتدى لنوع سيارتهم أو بلد المنشأ إلى اخره ، ثاني حاجة في كثير من الأحكام المطلقة مثلا إن كل السيارات الأروبية أفضل مين اليابانية وده طبعا مش صح على كدة مثلا ممكن نقول إن رينو رانبو موديل 98 أفضل من كرولا 97 بس عشان هيا أروبية ، محدش يفهم كلامي غلط على فكرة أنا من عشاق السيارات الأروبية وعربيتي أصلا أروبية لكن أنا ضد التعميم و المفاهيم المطلقة .
برضو من الناحية الأخرى نلاقي ملاك السيارات اليابانية بيتكلمو عن ندرة الأعطال كأنها شئ ثابت في كل السيارات اليابانية وده برضو كلام مش سليم أه اكيد في بعد الموديلات اليابانية بتتصدار احصائيات زي jdpower مثلا بس برضو في موديلات ياباني بتتزيلها يعني مثلا الكرولا الجنوب أفريقي لو اتعمل عنها إحصائية اكيد مش هتخد مركز كويس نظرا لعدد الشكاوي الكبير منها سواء اتفقنا عليها أو لا

تاني حاجة أحب اتكلم فيها هيا التوب سبيد والتسارع عامتا : أه كلنا بنحب السرعة ولها متعتها لكن عمر ما السرعة تبقى هيا المقياس الوحيد ولا الاهم خصوصا في مصر ليه؟ لان الشوراع عندنا مابتسمحش أصلا بكدة ده غير سوء حالة الطرق والزحمة الرهيبة يعني لو حسبناها بجد هتلاقي إنك ماستعملتش إمكانيات موتور عربيتك إلا بنسبة 10 % من إجمالي استخدامك ليها، لو مش مصدقين ياريت كل واحد يشوف متوسط سرعته من ساعة مجاب سيارته أنا مثلا عندي 55kmh مع اني سافرت كتير وعديت 180 كتير !!!!

طيب نختار على أساس ايه ؟ أول حاجة لازم كل واحد يرتب أولوياته ويشوف ايه اللي أكتر حاجة بتحاققهالو، يعني مثلا بالنسبة لي أنا كنت محتار بين فورد فوكاس-سكودا فانتزيا - هوندا سيفيك
طيب ايه كانت أولوياتي :
-الأمان : لقيت إن الفوكس وخدا أعلى تقييم في الامان بتقييم euro ncap
-الراحة ومتعة القيادة :الفوكس و السكودا كان مستواهم قريب من بعض السيفيك ماعجبتنيش قعدتها تماما لأني مش بحب أبقى قاعد تحت اوي كدة غير أبعادها حست انها صعبة .على فكرة أنا مش بعيب فيها يعني ممكن واحد تاني يقولك شعر فيها من الاخر هيا مسألة أذواق فانت جرب كل واحدا وشوف مين اللي مريحاك أكتر لأن في الاخر أنت اللي هاتسوق مش هتجيب سواق
- توافقها مع الطرق المصرية :أنت هاتسوق في أسوء طرق في العالم بلا فخر فمينفعش أجيب عربية عفشتها ناشفة تتعبلي ظهري وماتريحش اللي بيركبو معايا عشان كدة أنا استبعدت السيفيك تماما ورسيت على الفوكاس لأنها أكتر واحدة حاققتلي أولوياتي

من الاخر التلات عربيات اللي أنت متردد فيهم كويسين بدليل اقتناع ملاكها التام بها أنا لو مكانك هاختار السكودا ده على حسب أولوياتي أنا لكن شوف أنت ايه أولوياتك ورتبهم وشوف مين أكتر وحدة فيهم حتحققها
والسلام عليكم

أحلى كلام
فعلا الأولويات واحتياجاتك هي المقياس
للعلم أنا من عشاق السيفيك وياما عشت في أحلام السفيك ومنظر العدادات والشكل الإنسيابي لكني اقتنعت وبعد بحث على مدار ما يقارب العام في المنتدى والنت أن الأنسب لحياتي ولظروفي هي الفانتازيا
ولو هجيب هجيبب الفانتازيا علشان عارف أن السيفيك مش هتحققلي احتياجاتي
وربنا يوفقك لما في الخير

[hosam2010]

بالظبط هو ده اللي بتكلم فيه ترتيب الأوليات اللي بتفرق من شخص لشخص