ساجا ولا بريليانس ولا اسبرانزا ولا رينو ولا لانوس ؟

[SALLAM569]

اه طبعا زعلت منك جدا
ايه الاسلوب دة .. ومساعدة ايه اللى حاخدها منك بعد الاسلوب اللى انت كلمتنى بيه دة
وموضوعيه ايه اللى حتكلم بيها اذا كان حضرتك لم تذكر اى عيب من عيوب العربية .. فين الموضوعية !!
وعلشان سعادتك تعرف اد ايه انك متسرع فى الحكم على الاخرين انا ماعنديش مشاكل فى العربية
وحرقة الدم بتيجى من الكلام اللى بيتقال على العربية مش من عيب فى العربية
ولعلمك الاسلوب اللى بتتكلم بيه دة احد الاسباب اللى بتجعل ناس كتير متحفزة لاى موضوع يجى فيه سيرة اللوجان ودة من اهم اسباب حرقة الدم
ولعلم حضرتك انا ممكن اخد المشاركة بتاعتك واحولك المميزات دى كلها عيوب واعملك احلى قائمة عيوب
................................
يا ريت لو سمحت لو واحد معاه لوجان او معهوش عايز ينتقد اللوجان او يقول انه عنده مشاكل فيها
يا ريت ماتحجرش على رأيه وسيبه يتكلم بدل ما تتهمه بالكذب وانه ماعهوش العربية وانه من الثورة المضادة على العربية
ويا ريت تفتكر انه كما تدين تدان .. لانك ممكن فى يوم من الايام تدخل المنتدى تعرض شكوى ليك وتلاقى هجوم وتكذيب وانك ماعكش العربية وداخل تقول كلام فى الهواء زى ما بتقول

يا باشا مع كامل احترامى لحضرتك انا مش قصدى اجرح حضرتك بالكلام و لا حاجة من دى و لا متحيز للعربية و انا مش قاصدى عليك و انا معرفكش قبل كدة علشان اتهمك بالكذب انا بقول مثلا يعنى انت علقت على ممكن ميكونش معاك لوجان و يتتكلم فى الهواء و خلاص و سيبت ممكن تكون عربية حضرتك عاملة حادثة مثلا انا بفترض مش اكثر انما حضرتك مش كذاب و لا حاجة حضرتك انسان محترم للغاية و بالنسبة لعيوب العربية فالعربية بقلها معايا فترة قليلة فابلتالى مظهر فيها عيوب و لله الحمد ...
بس انا ممكن اتكلم عن بعض العيوب اللى ظهرت مع احد الأعضاء فمثلا فى ناس عندها تصفيرة غريبة بعد 120 و انا كان عندى هذا العيب و التوكيل حل هذه المشكلة و لله الحمد .......
فى ناس عندها اهتزاز فى دواسة البنزين و التوكيل بيحل هذه المشكلة برضه ....
و بالنسبة للأهتزاز الفتيس فدة بينتهى بعد 3000 كيلو و مكتوب فى الكتالوج بتاع العربية انها بتعمل بكفائة بعد 3000 كيلو و بعدين مش مداقانى و مش مأثر على اى حاجة فى العربية ....
فأعتقد ان كل هذه العيوب مش جوهرية للدرجة و بعدين التوكيل بيتغلب عليها و لله الحمد ....
و بعدين احنا مش هنخسر بعض علشان عربية يا باشا دى حتة حديد و ماشية على شوية هواء ....
بجد والله انا مقصدش ازعل حضرتك و لا اى حاجة و لو زعلت منى احب اقولك انا اسف ....
فى النهاية اسف على الأطالة و مش عاوز حد يزعل منى و ربنا يوفق صاحب القرار و يباركله فى العربية اللى هيشتريها سواء لوجان او غير لوجان و بعدين احنا اخوات و بنكمل بعض و بنتعلم من بعض و بعدين مش هنخسر بعض علشان حتة عربية .....

[arabian]

اللوجان ممتازه والساجا فوق الممتازه
لكن فعلا لو عاوز اوتو يبقى ساجا
لو مانيوال احسن لك اللوجان

[kimotop]

يا باشا مع كامل احترامى لحضرتك انا مش قصدى اجرح حضرتك بالكلام و لا حاجة من دى و لا متحيز للعربية و انا مش قاصدى عليك و انا معرفكش قبل كدة علشان اتهمك بالكذب انا بقول مثلا يعنى انت علقت على ممكن ميكونش معاك لوجان و يتتكلم فى الهواء و خلاص و سيبت ممكن تكون عربية حضرتك عاملة حادثة مثلا انا بفترض مش اكثر انما حضرتك مش كذاب و لا حاجة حضرتك انسان محترم للغاية و بالنسبة لعيوب العربية فالعربية بقلها معايا فترة قليلة فابلتالى مظهر فيها عيوب و لله الحمد ...
بس انا ممكن اتكلم عن بعض العيوب اللى ظهرت مع احد الأعضاء فمثلا فى ناس عندها تصفيرة غريبة بعد 120 و انا كان عندى هذا العيب و التوكيل حل هذه المشكلة و لله الحمد .......
فى ناس عندها اهتزاز فى دواسة البنزين و التوكيل بيحل هذه المشكلة برضه ....
و بالنسبة للأهتزاز الفتيس فدة بينتهى بعد 3000 كيلو و مكتوب فى الكتالوج بتاع العربية انها بتعمل بكفائة بعد 3000 كيلو و بعدين مش مداقانى و مش مأثر على اى حاجة فى العربية ....
فأعتقد ان كل هذه العيوب مش جوهرية للدرجة و بعدين التوكيل بيتغلب عليها و لله الحمد ....
و بعدين احنا مش هنخسر بعض علشان عربية يا باشا دى حتة حديد و ماشية على شوية هواء ....
بجد والله انا مقصدش ازعل حضرتك و لا اى حاجة و لو زعلت منى احب اقولك انا اسف ....
فى النهاية اسف على الأطالة و مش عاوز حد يزعل منى و ربنا يوفق صاحب القرار و يباركله فى العربية اللى هيشتريها سواء لوجان او غير لوجان و بعدين احنا اخوات و بنكمل بعض و بنتعلم من بعض و بعدين مش هنخسر بعض علشان حتة عربية .....

شكرا على اخلاقك العالية
وهي دي اخلاق الناس المحترمة

[kimotop]

اللوجان ممتازه والساجا فوق الممتازه
لكن فعلا لو عاوز اوتو يبقى ساجا
لو مانيوال احسن لك اللوجان

متشكر يا باشا على الاضافة المتميزة
والله المستعان

[mido_295]

السلام عليكم ورحمه الله وبركاته
شوف ياباشا أنا تقريبا بقالى 3 شهور بحاول أختار عربيه علشان أرسى عليها ودوشت هنا فى المنتدى ناس كتير أوى
وقارنت فى نفس الفئه السعريه بتاعتك بالظبط
وقارنت بين نفس العربيات تقريبا
وأخير الحمد لله بعد إستخارة على أكتر من عربيه
رسيت بأمر الله على ساجا أوتو مريحانى جدا وشوفتها فى التوكيل وجيبت ناس شافوها بيفهموا فى العربيات كويس والحمد لله شجعونى ليها أكتر وهيا ماشاء الله عربيه ممتازة ربنا يرزقنا خيرها ويبعد عننا شرها
وان شاء الله نازل أحجزها النهارده بالليل
ودعواااااااتكم

[alaasaid]

السلام عليكم

طالما حضرتك عاوز أتو يبقى الساجا و أهم حاجة الاستخارة ان شاء الله

[kimotop]

السلام عليكم ورحمه الله وبركاته
شوف ياباشا أنا تقريبا بقالى 3 شهور بحاول أختار عربيه علشان أرسى عليها ودوشت هنا فى المنتدى ناس كتير أوى
وقارنت فى نفس الفئه السعريه بتاعتك بالظبط
وقارنت بين نفس العربيات تقريبا
وأخير الحمد لله بعد إستخارة على أكتر من عربيه
رسيت بأمر الله على ساجا أوتو مريحانى جدا وشوفتها فى التوكيل وجيبت ناس شافوها بيفهموا فى العربيات كويس والحمد لله شجعونى ليها أكتر وهيا ماشاء الله عربيه ممتازة ربنا يرزقنا خيرها ويبعد عننا شرها
وان شاء الله نازل أحجزها النهارده بالليل
ودعواااااااتكم

ربنا يوفقك يا جميل للي فيه الخير
وان شاء الله تبقى تحكلينا عن التفاصيل و اجراءات الترخيص و معاملة التوكيل والذي منه
ربنا يكرمك يا معلم

[mido_295]

ربنا يوفقك يا جميل للي فيه الخير
وان شاء الله تبقى تحكلينا عن التفاصيل و اجراءات الترخيص و معاملة التوكيل والذي منه
ربنا يكرمك يا معلم

الحمد لله نزلت حجزت العربيه امبارح ومستنى الموافقه النهارده على بالليل أن شاء الله دعواتك ربنا يرزقنا خيرها ويبعد عننا شرها إن شاء الله
وهتابعك بالتفاصيل بأمر الله

[kimotop]

الحمد لله نزلت حجزت العربيه امبارح ومستنى الموافقه النهارده على بالليل أن شاء الله دعواتك ربنا يرزقنا خيرها ويبعد عننا شرها إن شاء الله
وهتابعك بالتفاصيل بأمر الله

منتظر التفاصيل وربنا يرزقك خيرها كله و يبعد عنك شرها كله
وان شاء الله تكون مصدر سعادة دائمة ليك

[mido_295]

اللهم أمين يا باشا وان شاء الله ربنا يهديك للخير برده وتجيب عربيه تسعدك وتريحك
وهتابعك بالتفاصيل أولا بأولا بمجر ما أستلم وأرخص وخلافه

[mtradwan]

متابع ....

بصو يا جماعة الصراحة انا متابع كل عربية من العربيات دي ومتابع مشاركتكم ومواضيع كل عربية

وسألت ناس راكبين بعضها
فمثلا اسبرانزا سالت سواق تاكسي كان بيغسل عربيته في مغسلة وانا بغسل عربيتي وقولتله اسبرانزا عاملة ايه معاك وقالي
العربية تحفة التحفة وكل حاجة فيها ليها سنسور وناعمة وبلف بيها طول النهار مبحسش اني سايق

اللانوس مع واحد صاحبي وقالي
انها عربية ناعمة جدا وقطع غيارها متوفرة بس عيبها انها واطية و كل شوية يغيرلها الشكمان علشان الخبط في المطبات دا غير شكلها القديم

البريليانس
معرفش حد معاه بس زيها زي اي عربية صيني فيها تكنولوجيا عالية و كماليات كتير بس صيني

الرينو الوجان
حلوة وناعمة وعالية وصاجها كويس بس قطع غيارها غالية دا غير شكلها كلاسيكي شوية وفقيرة في التكنولوجيا مش زي اسبرانزا مثلا

بروتون ساجا
الصراحة نادرة ومش بلاقيها كتير زي الوجان مثلا او الانوس بس قرأت عنها وانها ماليزي وفي القسم المخصص ليها هنا ناس كتير بتشكر فيها لكن بتشتكي من التوكيل الرسمي و بيفضلوا صيانتها بره وبردو فقيرة في التكنولوجيا

انا زي ما احد الاخوة سأل كدا عايزها في ايه واحتياجاتي
الصراحة انا مش جراي اوي يعني سواقتي هادية واصلا اصلا في مصر مفيش مجال غير انك تبقى هادي وبارد لدرجة اني ساعات لما بجيب الرابع بحس اني اتبرجلت لاني مش متعود على السرعة غير بقى لو على الدائري او الصحراوي او اكتوبر ودا كلام تاني لكن انا بتكلم علشان معظم مشاويري داخل القاهرة والجيزة
وطبعا اسرية
حكاية البنزين مش مهم انا متعود على الكع في البنزين
عايز عربية تكون مستعدة للاضافات يعني مثلا اركب على الكراسي من ورا شاشات ال سي دي علشان الاولاد اضيفلها مثلا جي بي اس مكان للمسند مكان للموبايل والكلام دا

فهل من افادة ؟
وشكرا

بسم الله الرحمن الرحيم
ايه رأيك لو تضيف سيارة اخرى والى حدا ما نفس الاسعار وهى من السيارات التى اعتقد انها جامعة كل المميزات الموجودة فى كل عربية من السيارات السابقة لانها معايا وهى النيو اكسنت... بلاش انا اتكلم عليها علشان محدش يقول علشان معاك العربية النيواكسنت فلازم تتكلم عليها حلو .. اسال عليها بره وشوف هيقلولك ايه ، والخيره فى ما يختاره الله ، ولا تنسى صلاة الاستخارة هتفيدك اوى.

[egyptiandiver]

100 - 100 Mazagange
For myself I chose Lanos

[mido_295]

النيو أسكنت ممتازة بس سعرها أعلى من الفئه اللى بنتكلم عليها على ما أعتقد

[kimotop]

بسم الله الرحمن الرحيم
ايه رأيك لو تضيف سيارة اخرى والى حدا ما نفس الاسعار وهى من السيارات التى اعتقد انها جامعة كل المميزات الموجودة فى كل عربية من السيارات السابقة لانها معايا وهى النيو اكسنت... بلاش انا اتكلم عليها علشان محدش يقول علشان معاك العربية النيواكسنت فلازم تتكلم عليها حلو .. اسال عليها بره وشوف هيقلولك ايه ، والخيره فى ما يختاره الله ، ولا تنسى صلاة الاستخارة هتفيدك اوى.

يا باشا النيو اكسنت طبعا ملهاش حل انا عارف لكن سعرها على ما اذكر بيبدأ من 85 الف جنية ! وانا هنا بتكلم عن حد اقصى 75 الف

[kimotop]

خلاص يا جماعة ان شاء الله ساجا اوتو قلبي مرتاحلها
بس يا ترى اللون الاسود منها متوفر ولا ؟