ساجا ولا بريليانس ولا اسبرانزا ولا رينو ولا لانوس ؟

[maheralsisi]

المفروض حضرتك تحدد أنت عاوز أيه من العربية بالظبط .. هل هي استخدام أسرة .. أم استخدام شاب .. بتسافر كتير .. مصاريف تشغيلها (استهلاك البنزين ... قطع الغيار ..إلخ) .
وبما أن حضرتك ميال للأتوماتيك .. يبقى حتستبعد الاسبرانزا واللوجان واللانوس من الاختيارات .. حيتبقى البريليانس والساجا اللي بيبقى فيهم أتوماتيك .. وأرشح ليك إضافة byd أتوماتيك للمقارنة .. وده لينك فيه تقرير عنها
http://www.nilemotors.net/Nile/220537-byd-f3.html

و الله لولا الفلوس كنت حجزت الاوتوماتيك بس للاسف الاوتوماتيكك ب 84000

[bobozoro]

واضح ان المقارانات بين بروتن ساجا ورينو لوجان كتير, وانا شايف ان العربيتين حلوين وكل واحدة ليها مزاياها وعيوبها, والموضوع كله يرجعلك عايز عربية منتشرة هتسهلك موضوع قطع الغيار والتصليح لوجان ولا عرابية كفئتها عالية وتقفيلها احسن و شكلها شبابي بس شنطيتها اصغر وقطع الغيار مش منتشرة بس سعرها مش عالي قوي ساجا, وبصراحة انا شايف ان البروتون بدأت تنتشر وشوفت فيديو عن المصانع بتاعتهم تحفة بس مشكلتها ان تاريخها مش زي الرينو ولا البيجو مثلا, واحب برده اقول ان موضوع الانتشار مش مؤشر لكفائة السيارة, وربنا يوفق الجميع

[Dr'AhmZZong]

byd

[kimotop]

شكرا لكم

[M_Marwan]

اللوجان عربيه حلوه

[alaaosmanakl]

يبقى الموضوع مكانه قسم بروتون وزى ما انت عارف كل عربية لها مميزاتها وليها عيوبها
وانا معايا لوجان وبقولك ابعد عنها وشيلها من المقارنة علشان لو اشترتها حيتحرق دمك كل شوية

حضرتك معاك لوجان موديل كام ؟؟؟؟
وإية المشاكل اللي فيها تحرق الدم ؟؟؟؟

بصراحة من كتر الكلام علي مزايها أنا نويت اشتريها .
فياريت حضرتك توضح ليه قبل ما اشتري العيوب اللي فيها تخليني اندم علي شرائها ؟؟؟؟
منتظر الشرح تفصيلا لو سمحت ؟؟؟

[Ahmed A Rahman]

حضرتك معاك لوجان موديل كام ؟؟؟؟
وإية المشاكل اللي فيها تحرق الدم ؟؟؟؟

بصراحة من كتر الكلام علي مزايها أنا نويت اشتريها .
فياريت حضرتك توضح ليه قبل ما اشتري العيوب اللي فيها تخليني اندم علي شرائها ؟؟؟؟
منتظر الشرح تفصيلا لو سمحت ؟؟؟

باشا اقرا المشاركة رقم 14 تاني

[alaaosmanakl]

باشا اقرا المشاركة رقم 14 تاني

أنا شفت المشاركة رقم 14 يا أحمد باشا
ولاقيت كلام أ/ عمرو السيد . ليس فيه أي انتقاد للوجان .
مع علمي إنه يملك اللوجان وليس ضدها .

[hani_china]

fsv

للعلم انا اول مره اشارك برأي على نايل موتورز.

انا كان معايا بريليانس اف ايس في , طبعا كتير مركبوهاش بس انا هقول مميزات وعيوب
1- ارتفاع عن الارض ممتاز جدا وانت مركب فيها 5 بتاحد اي مطب وانت مستقيم ولا بتلف ولا تموج
2- سرعه جباره جداااااااااااااااااااااا واستهلاك بنزين 600 كيلو قالتفويله
3- ثبات ومراوغه اكتر من رائعه ومش بتعوم بعد ال 160 او 180 وعفشه ناعمه جداااااااااااا
4- وسع كبير جدا من جوه
5- تابوله شيك جدااااااااااااااااا جدااااااااااااااااا
6- عزل فوق الممتاز

عيوبها
1 فقط قد لايتواجد في سيارات اخرى وهو التقفيل مش 10/10 يعني رحت التوكيل مرتين لان الباب كان بيعمل صوت لما بهدي سرعه العربيه واتحلت الحمدلله

طبعا في ناس هتقول واحد معاه بريليانس لازم يشكر فيها , انا ركبت ابيزا واسبرانزا وبعت البريليناس للتغيير وحبيت اركب جيب فجبت تريوس , والله بلوم نفسي 100000 مره كل يوم
العربيه تتفوق على كل من الاتي وعن تجربة وللعلم قطع غيار مش غاليه نهااااائي
دايو لانوس و اوبترا ونيسان صني و افيو ونوبيرا و سيارتو وياريس ولوجان وميجان وستروين

شكرااااااااااااااااااااااااااا

[gamalo]

اهلا وسهلا بيك
انا تابعت المنتدى وشوفت فيه كتير حتى انت شوفتلك مشاركات كتير وتقريبا فيها مشاركات بتحمل نفس معنى مشاركتك دي
انت فعلا عندك حق
كل واحد بيتعصب لعربيته او على الاقل مش عايز يحس انه دفع فلوسه في حاجة مش كويسة
وانا مؤمن جدا ان كل عربية فيها مميزات وعيوب واكيد مفيش شركة هتنزل عربية فيها كل حاجة وبالسعر دا
دا حتى البي ام والمرسيدس ممكن نسمع عن عيوب فيها

انا بس هسألك سؤال محدد ليه عندك عقدة من الصيني لاني شايف سوقه ماشي برغم التحذيرات
وبيني وبينك انا ميال جدا للساجا الاوتوماتك وعايز بس اطمن

وشكرا لاهتمامك

انا من رايك يااخي كفاية ان الساجا تقفيل ماليزي ونسبة التسارع بينها وبين الوجان الساجا تتفوق انا نفس حيرتك بس ميال اوي للساجا بس خايف من قطع غيارها وتوكيلها انما السيارة كاوبشن وتوفير للبنزين اعتقداحسن انا مجربتهاش بس من كتر ماقرات وشفت فيديوهات عنها ميال ليها ربنا الموفق ليا وليك وميال بردة شوية للبي واي دي الصيني والله يااخي الصيني دة ملوش حل بس عقدت الخواجة بتاعتنا منها من قلة الدعايا للفئات الصيني بتقلقنا وانتم عارفين ان شركة زي bmw بتقفل ف مصانع برليانس ف الصين لدرجة ان البرليانس واخدة شكل امامي منها واسف علي الاطالة

[Nashaat Rady]

ابعد عن اللانوس خالص، كانت معايا ٢٠٠٩، مليانة عيوب لا تحصى ...
البريلينس سيارة كويسة مش وحشة، فيها عيوب في وحدة التحكم (computer) بس التوكيل بيصلحها طول ما هي في الضمان، بعد الضمان
التوكيل حايبهدلك.. و ما فيش غيره و ده عيب خطير.
الاسبرانزا سيارة فلوسها مش فيها من وجهة نظري و سيارة غير معمرة و بتشخلل مع الوقت
البروتون اختيار عظيم... بس مشكلتها في عدم الانتشار و ده حا يعود عليك في قلة توفر قطع الغيار و إعادة البيع
الاختيار الأمثل في هذه الفئة هو اللوجان
و الله اعلم و برده استشير الناس اللي ركبه السيارات ده
و أخيرا و ليس آخراً، استخير الله