بولو ولا بنتو ؟!

[CryptonX]

ايوة يا باشا

يارجال ؟ عملة معاك ايه ..
انا معايا اختك الكبيرة سنة XD
الباليو 1300 برايلي .. كلمني علي الخاص علشان منسرقش الموضوع .

[mohameduoser]

انا ركبت الاثنين و سوقت البولو بصراحة البولو عفشتها احسن و اعدتها اريح و ثبتة جدا على الطريق
اما حكاية الشكل دى حاجة ترجع للشارى و ذوفة

[SEATLOVER]

اةةة بدام الموضوع سخن كدة و دخل فية رامى و حازم خضر العقلية و دكتور عيشو معلم الفولكس و كريب تونكس ابارث ... يبقى لازم ارد بقى هههه:D

يا zeyad1810 باشا حضرتك داخل بصورة البونتو فطبعاً ملهاش لازمة نعقدك من عربيتك ربنا يباركلك فيها ... لكن هاقولك حاجة حلوة
البونتو متتقارنش بالبولو .... تتقارن بالابيزا :)
و ساعتها الابيزا برضو تكسب عشان بنت خالت البولو الالمانى ...
بس لو قارنت الابيزا بالبولو ... الابيزا تكسب فقــــط لعوامل السوق هنا اللى مش فى صالح البولو
(عشان العين عمرها ماتعلى عن الحاجب)

انا قولت البولو احسن عشان

(قوة تحمل-سحب ممتاز-ثبات-تكنولوجى سابقة عصرها -قلة اعطال-فخامة-معمرة )

قوة التحمل : بص على اى عربية بولو (مهما كانت مفحوتة من الشباب ) ماشية فى الشارع و بص على اى بونتو ... وقولى
ملحوظة شخصية (مرة نزلت بالفردة الشمال فى بلاعة ) و طلعت منها بالعربية
النتايج : شوية خدوش فى بطنية الوش

سحب ممتاز: مش هاكلمك على الموتور ال 1300 لا الموتور ال 1000 هاتلى موتور فى وقتها كان 1000 بيدى اكتر من 50 h.p بالايروديناميكية دى
اقولك حاجة
اركب بولو 2000 و لف العجل على اخرة .. و اطلع على سرعة عالية ... وقولى العربية تعبت ولا لأ
او انت حتى حسيت بالطلعة دى ..ولا لأ

ثبات : اظن اللى جرب البولو بعد ال 120 فى سفريات يعرف دى كويس اوى
حتى منظرها على الطرق واضح جداً كلبشتها فى الارض

تكنولوجى سابقة عصرها : مش هاقولك كمبيوتر العربية اللى بيعمل شيك فعال قبل ما يطلعلك اى حاجة واللى بيفرق كتير اوى فى العربية لما بيبقى مش مظبوط دليل على اهميتة القصوى و انة مش محطوط عياقة .....لأ هاقولك

بص على التابلوة هنا و بص علية فى البونتو (فرق عصور من التطور )

قلة اعطال : اظن اللى بيجيب البولو عارف كويس اوى ان حاجاتها غالية و توكيلها سيىء ...
وبالرغم من كدة بيجبها و تقعد معاة سنين و يتبسط بيها قبل ما يتقرص فيها
ومش هاكلمك عن اعطال البونتو انت اكيد مجربها كلها

فخامة: برضو مش هاقولك كلام كتير
بص على اكرة الباب من جوة اللى على يمينك وانت قاعد فى البولو
و بص على الاكرة التانية اللى بتبقى خايف تطلع فى ايد اللى نازل

معمرة : فى ناس لسة بتبيع اول يد فى البولو الى يومنا هذا
البونتو عربية لفت على جامعات مصر الحكومية و الخاصة

----------------------------------------------

واخيراً ...
انا يا جماعة لما بقول حاجة دة مجرد رأى شخصى عن تجربة و feedback من عشرات الاشخاص اى حد طبعاً لة ياخد بية او ميقتنعش بية او يرد بعكسة ..كلها وجهات نظر مش اكتر
وبعدين ونبى بلاش (اوروبا ) دى عشان احنا لينا باللى بينزلنا هنا و لينا بالعربية اللى بتثبت نفسها فى معركتها مع الايام هنا و ماتنسوش احنا اكيد فين ..؟؟

كلمة اخيرة .. بص على سعر الاتنين فى المستعمل وطلب السوق على البولو عشان تعرف ان الغالى تمنة فية
واللى بيبيع بونتو بيبقى عايز يحضر ارواح عليها عشان يبعها :D:D:D

[casper2010]

بص .. انا جبت بولو 1300من 4 شهور و للاسف طلعت كلها تقريبا مكسرة لان اللي كشف عليها ميكانيكي فيات قديم و عرفش فيها :: غيرت : كبالن - جلب و بيض مقصات- علبة دركسيون - طقم دبرياج كامل طنابير امامي - تيل - حساس ايدل (كان ميكانيكي بوظهولي ربنا يسامحة بقس) - عصا فتيس- قنطرة - الشاسية اخد لحام مكان مسمار القنطرة - و قويت الشاسية لان كان مطرح تحت البطارية ضعيف - و عيرت علبتين شكمان ... و لسه ورايا شويت حاجات ::::::::::::::::::
المهم العربية كانت مقلب صح , بس للحق اقولك العربية دي ملهاش حل - يعني لو تعبت من تصليحها يا اما اشتري بولو 1300 تكون فابريكة و متصانة _ او جولف 4.
علي فكرة انا باركب عربيات كتير زي اللانسر و الجين لكن اظن البولو متفرقش عنهم حاجة ...
انا ركبت ابيزا 1300 و ابيزا 1000 - واضح فرق القوة و التسارع لصالح 1300 جدا

[zeyad1810]

مع احترامى ليك و لتحليلك بس بصراحة انا شايف انة فية حاجات غلط " ودى وجهة نظرى " وطبعا فى ناس تانية ممكن تقول اذا كان كلامك صح ولا غلط ودى كلها اراء فى الاخر علشان نوصل للصح يمكن انت تكون غلطان او انا اكون غلطان

اسمحلى ارد على بعض تعليقاتك :
قوة التحمل : بص على اى عربية بولو (مهما كانت مفحوتة من الشباب ) ماشية فى الشارع و بص على اى بونتو ... وقولى " البونتو تكسب بصراحة"

ثبات : انا شايف البونتو كثبات هايلة

تكنولوجى سابقة عصرها : انا مش شايف ان البولو فيها اى حاجة سابقة عصرها بعكس البونتو والسيتى بور اللى فيها

بص على التابلوة هنا و بص علية فى البونتو (فرق عصور من التطور فى مصلحة البونتو من وجهة نظرى )

قلة اعطال : انت بتقول "ومش هاكلمك عن اعطال البونتو انت اكيد مجربها كله " انا علشان معايا العربية بقوللك انها نادرة الاعطال وبصراحة انت اول واحد اسمعة بيقول ان البونتو مشهورة بالاعطال

فخامة: برضو مش هاقولك كلام كتير " اكيد بس دى اذواق وانا شايف البونتو افخم
بص على اكرة الباب من جوة اللى على يمينك وانت قاعد فى البولو و بص على الاكرة التانية اللى بتبقى خايف تطلع فى ايد اللى نازل " كلامك دة مش صح اطلاقا وممكن تشوفة وتجربة بنفسك لان من كلامك انا حاسس انك بتكلم من غير تجربة
بالعكس انا اللى اسمعة "بس مش عن تجربة " ان زراير التابلوة بتاعة البولو بتقع من مكانها على طول ويا ريت لو حد مجرب يقولنا

معمرة : فى ناس لسة بتبيع اول يد فى البولو الى يومنا هذا فى دى ماعرفش بس اللى اعرفة ان البونتو معمرة جدا جدا جدا
البونتو عربية لفت على جامعات مصر الحكومية و الخاصة " يعنى اية ؟؟؟ "

بعدين يا سيات لافر الحكاية مش انى معايا بونتو وبدافع عنها بس انا بصراحة شوفت فى تحليلك تحيز كامل للبولو ومش معنى كدة انها وحشة بالعكس دى عربيات جميلة جدا بس بردة انت قولت كلام كتير غلط عن البونتو وانا بصححة عن تجربة وطبعا دة كلة فى الاخر علشان الناس تستفاد وتعرف اى معلومة هى عاوزاها عن العربية اللى بتفكر تشتريها

[Ubuntu]

شكرا اوي يا جماعة علي التفاعل

بس بجد انتو كده حيرتوني اكتر
واحد يقول قليلة الاعطال و التاني يقول ملكة الاعطال مين الصح و مين الغلط

و معلش عندي سؤال لو حد يعرف
البولو 1000 cc - م 2000
من 0 - 100 كم في اد ايه
و الهورس بور بتاعها كام

و البنتو 1300 cc - م 2003
من 0-100 كم
و الهورس بتاعها برده

الف الف شكر مرة تاني يا جماعة علي التفاعل مع الموضوع

[mohamed ibiza]

طالما الموضوع فيه بولو و ابيزا يبقي لازم اخش:)





سيات لوفر قال كلام زي الفل و زياد في حاجات مش عاجباه في الكلام ده اسمحولي ابدي {ايي من خلال تجارب ابيزا و بولو و ملاك و خبرة 5 سنين مع فولكس و سيات



اول حاجة موضوع القدرة علي التحمل و الشقاء والشغل البولو تكسب لكن الفرق بينهم مش ضخم لكن البولو تكسب كقطع و موتور معمرة اكتر من البونتو

السحب بتاع البولو ممتاااااااااااااااااااااااز انا مش فاهم الناس معترضة عليه ليه العربية كوزن وحجم و تصميم مناسبة جدا ل 1000 سي سي بص علي تصميم العربية للجنب و المقدمة المنخفضة و الايروديناميكية و شوف العربية و هي بتخترق الهوا بالمقدمة بتاعتها و اتخفاض العربية اللي بيديها ثبات ممتاز و المقدمة المنخفضة اللي بتقلل من دهول الهوا تحت العربية و بتدعم ثباتها و بتساهم في منع تكون دوامات الهوا في منتصف فاعدة العجلات اللي بيدعم ثبات البولو جداااااااااااااااااا رغم الحجم و الوزن القليل.......مش معني كده ان البونتو مش ثابتة لكن عمرها ما توصل لثبات البولو
-موضوع تطور التابلوه ده والاوبشنز لا يعنيني اصلا لاني لما بدور علي عربية بدور علي مكنة شديدة و عفشة عفية مش تابلوه و كلام من ده

الاعطال موجودة في كل عربية حتي المرسيدس اما موضوع اعطال البولو و البونتو انت عربيتك معاك و عارف اعطالها ايه و البولو اعطالها تكاد تكون معدومة حتي لو البونتو اعطالها قليلة علي حسب كلام زياد يكفي ان البولو الماني لظن لو قارننا الماني بأيطالي هيكون التفوق لمين و محدش يقولي برا مي عارف عاملة ايه خلينه هنا و النبي احنا مش اد مبيعات برا ولا عربيات برا
زراير البولو مش بتقع من مكانها ولا اي حاجة من الكلام ده انا كنت لسه امبارح راكبها عند فولكش هاوس ولا اي حاجة من الحاجات دي موجودة التابلوه في البولو و الداخل عموما مشاكله معدومة و للعلم الكونصول بتاعي لما اتسرق جبت كونصول بولو......:)


في النهاية الاتنين معمرين سواء دي او دي و التجربة هي اللي بتقول و العقل هيتكلم الماني ولا ايطالي اللي معهوش فلوس الالماني يجيب ايطالي لانه معمر و بيعيش اما اللي عايز يعيش اللحظة ويتذوق حلاوة الالماني و ميسيبوش ابدااااااااااااااااااااااااااااااااااااااااااااااا ااااااا يبقي بولو و البولو كموتور و عفشة حمالة اسية عن البونتو الماني يعني الكلمة لوحدها كفاية

والاختلاف في الرأي لا يفسد للود قضية:)








Ibiiiiiiiiiiiiiiiiiiiiiiiiiiiiiiiiiizzzzzzzzzzzzzz zzzzzzzzaaaaaaaaaaa For Ever

[SEATLOVER]

بص يا زياد باشا
كلامك كلو حلو و على عينى و على راسى و دى وجهة نظرك و انا باحترمها
ما عدا دى ...

انا حاسس انك بتكلم من غير تجربة

انا مابحبش اذكر تجارب شخصية فى كلامى ..لكن هاقولك حاجة بسيطة
بعد لف كام شهر على بونتو و تجربتها ....... ما اشتريتهاش ولو رجع الزمن برضو مش هاشتريها

انا مش بقول البونتو وحشة ... لكن لما يكون معاك فلوس دى .. ودى .. الموضوع يفرق اوى
ودة حالة صاحب الموضوع اللى احنا بنعرض وجهات نظرنا علية

انت قولت كلام كتير غلط عن البونتو

انا كل دة ولسة ماجبتش سيرة البونتو اصلاً .... انا بس بعرض ميزات البولو ...فقط لاغير

على العموم العربيتين حلوين ... بس البولو احلى :)

[zeyad1810]

اية دة ؟ محمد ابيزا وسيات لافر " يعنى اتنين المانى :o والاتنين عليا علشان ايطالى

انا مش هتكلم تانى يا عم لاحسن انزل الاقى حد خرملى الكاوتش :D:D:D:D

طبعا انت قولت الاختلاف في الرأي لا يفسد للود قضية ودة اكبر صح

وانا فى انتظار الدعم من افراد الجالية الايطالية الفياتية :p:p:p:p:p

[mohamed ibiza]

والله يا زياد انا مش ضامن افراد الجالية الايطالية هيعملوا ايه معاك:):) اصل المنافسة محسومة هو معاه مبلغ يجيب الاتنين يبقي ليه اجيب اقل لما ممكن اجيب الاحسن و كمان انا قلت الحق والله من غير تحيز قعلا الفرق بينهم مش ضخم في التحمل لكن الفرق يحسب للبولو










Ibiiiiiiiiiiiiiiiiiiiiiiiiiiiiiiiiiiizzzzzzzzzzzzz zzzzzzzaaaaaaaaaaaaaaa For Ever

[SEATLOVER]

يا عم زياد ... دعم اية و جالية اية
احنا كلنا اخوات و حبايب ..
ولو عايز حتة حلوة من عندى تديلك دعم ..خد يا سيدى
البونتو سحبتها و التسارع بتاعها من 0 الى 60 لا يُعلى علية و فعلاً تثبت البولو جنبها

اية رايك بقى :d

[mohamed ibiza]

و انصح صاحب الموضوع انه يكبر دماغه من البولو و البونتو و يجيب ابيزا شكلها احسن من الاتنين و الماني و عربية ممتازة عن تجربة بجد جامدة جدا جدا جدا و 1000 سي سي سحبها حلو و لو عايز تزود سحبها يبقي فلتر هواء و بوجيهات ايريديوم و طقم سلوك و هتلاقي في فرق ملحوظ في الاداء عن تجربة كمان لواحد صاحبي عامل التعديل ده فيها و جريها بقي اشد و احسن










Ibiiiiiiiiiiiiiiiiiiiiiiiiiiiiiiiiiiiiizzzzzzzzzzz zzzzzzzzzzzaaaaaaaaaaaaaa For Ever

[CryptonX]

شكرا اوي يا جماعة علي التفاعل

بس بجد انتو كده حيرتوني اكتر
واحد يقول قليلة الاعطال و التاني يقول ملكة الاعطال مين الصح و مين الغلط

و معلش عندي سؤال لو حد يعرف
البولو 1000 cc - م 2000
من 0 - 100 كم في اد ايه
و الهورس بور بتاعها كام

و البنتو 1300 cc - م 2003
من 0-100 كم
و الهورس بتاعها برده

الف الف شكر مرة تاني يا جماعة علي التفاعل مع الموضوع

حبيت اوضح لسؤالك . البولو 37 كيلووات يعني 49 - 50 حصان بالظبط . يعني شيري QQ تطلع منها ( بمبدا الوزن و الحجم و الموتور )

و مفيش حاجة اسمها ده موتور فولكس و ده موتور مريخي ... في الاخر بيطلع اد ايه و العربية وزنها ايه .

معنديش رقم ل0 > 100 لكن اعتقد انه حيعدي 17 ثانية .

البونتو 2003 - موتور 1242 سي سي - 8 فا 44 كيلووات - يعني 59 - 60 حصان .
من صفر الي مائة في 14 ثانية .

و في 16فالف - 80 حصان
من صفر الي مائة في 11.2 ثانية

بس انا مش متاكد انهي الي في مصر

للعلم بمناسبة الكلام عن التكنولوجيا ... ال 1242 ال 16فالف في تكنولجيا CVT الي اليابانيين طالعين فيها حاليا.
-------

راي الاخير .. 2003 ولا 2000 ؟
انا مع المستعمل الاحدث ..

وكما ذكر اخ فاضل هنا شوف احسن حالة سيارة بفلوسك ! يعني لو البونتو 2003 دي حالتها جيدة - اتكل علي الله ( تذكر ا نها بقالها 5 سنين و عدادها حيبقى اقل من البولو )

لو البولو حالتها جيدة ( تذكر انها بقالها 8 سنين و عدادها حيبقى كتير )
برده اتكل علي الله .

بس برده تذكر انك لو من هواة التكيف و ده عن تجربة .. العملية محصلها بعضيها ؟ ليه ؟
البولو تكيفها حلو .. لكن في سيارة لا تتعدى حتى ال 50 حصان .. سحبها بيبقى شبه معدوم !!! و ده عن تجربة .
البونتو علي العكس .. التكييف متوسط .. بس الموتور بستخمله عن البولو .

و برده حرام تقارن بولو 2000 ببونتو 2003
ممكن تقارن بونتو 2003 ببولو 2003 .بس طبعا شوفها بكام !

[CryptonX]

اية دة ؟ محمد ابيزا وسيات لافر " يعنى اتنين المانى :o والاتنين عليا علشان ايطالى

انا مش هتكلم تانى يا عم لاحسن انزل الاقى حد خرملى الكاوتش :D:D:D:D

طبعا انت قولت الاختلاف في الرأي لا يفسد للود قضية ودة اكبر صح

وانا فى انتظار الدعم من افراد الجالية الايطالية الفياتية :p:p:p:p:p

عيب ! الدعم وصل !

[Ubuntu]

الف شكر يا جماعة
و انا بدور في car100100 علي عربية هاتش باك في حدود السعر ده لقيت
ال 206 و الابيزا(في اتنين هنا من اتباعها و خايف يغوني ) و الفابيا

ايه رأيكم فيهم