بولو ولا بنتو ؟!

[SEATLOVER]

يا ريت محتاجين معانا ناس بتحارب علشان فيات لحد اخر قطره بنزين في التانك:p:D

اعمل حسابك بقى يا حازوم تكمل السكة كلها زق ق ق ق ق ق ق ق ق ق
اصل مفيش فايدة ..مفيش فايدة ..مفيش فايدة
:D:D:D

[hazem_khidr]

شكر اوي يا جماعة

بس محدش رد عليا هل الفابيا تستحق تدخل المنافسة

مع العلم انها واخدة جوايز كتير بره و whatcar
مديها هيا و بنتو 4/5
و مدي البولو 3/5

الفابيا رغم انها تقنيه فولكس فاجن زيها زي السيات بالضبط و نفس لالمواتير و نفس قواعد العجلات الا انها قطع غيارها نادره و لا تستحق المقارنه بالبونتو و لا حتي البولو.
و رايي زي ما قولته اول الموضوع هات بونتو و مش حتندم بشرط الحاله.
البولو موتورها ضعيف و اخرها لو مشغل التكييف 140 و بالقوه و مش حتزيد عن كده و انا دي بقي مجربها بنفسي.

[hazem_khidr]

اعمل حسابك بقى يا حازوم تكمل السكة كلها زق ق ق ق ق ق ق ق ق ق
اصل مفيش فايدة ..مفيش فايدة ..مفيش فايدة
:D:D:D

انسي يا عمرو :D:D:D:D:D:D
مواتير فيات اقتصاديه و ما تقفش بنزين ابدا:p:p:p:p:p:p:p:p

[hazem_khidr]

قلتش حاجة أنا :p

على فكرة يا جماعة أنا بسمع كتير عن باور ال punto وازاي el city steering بيخلي الدركسيون ناعم جداً ف دي حاجة تتحسب لل punto بردو بس ياريت لو حد جرب يقول فعلاً السيتي ستيرنج دا حلو ذي ما بيحكو عنو ولا زي أي باور

انا جربته :)
بس علي الواقف :D
الكلام دا من اربع سنين لقيت واحد معاه بونتو عند محل كماليات
و فتحنا كلام سوا و بتفرج علي العربيه لقيت الزرار دا (شمال الكونسول الوسطي)
فبسأله دا ايه
قالي شغل العربيه و و اضغط عليه و انت تعرف
و فعلا لقيت الدركسيون دا بيتحرك باصبع ايدك الصغير
عجبني جدا يومها

[Ubuntu]

شكرا خالصض يا جماعة علي الافادة

و خلاص كده و ضحت الصورة

ان شاء الله هجيب بنتو

انا مزانيتي من 50-60 الف
المبلغ ده يجبلي punto 2003 عاملة كام كيلو ؟!
و ايه الي اتاكد منه عند الشراء

علشان ميضحكش عليا و خصوصا اني علي ادي في العربيات

[hazem_khidr]

شكرا خالصض يا جماعة علي الافادة

و خلاص كده و ضحت الصورة

ان شاء الله هجيب بنتو

انا مزانيتي من 50-60 الف
المبلغ ده يجبلي punto 2003 عاملة كام كيلو ؟!
و ايه الي اتاكد منه عند الشراء

علشان ميضحكش عليا و خصوصا اني علي ادي في العربيات

يا سلاااااااااام ريحت قلبي يا راجل
افرحوا يا عصابه الفيات :D.
نيجي للجد بقي
اول حاجه تبص عليها الدواخل
لازم تكون فابريكه دواخل
و بما انك حتجيب موديل 2003 يبقي لازم تكون فابريكه خوارج او اسوء الظروف سقف و شنطه و كابود فابريكه.
م تبقاش عامله اكتر من 70 الف كيلو و لو اقل من كده خير و بركه.
طبعا الصالون تكون حالته كويسه و الكراسي متكوش هابطه لازم تكون قاعدتها ناشفه لسه .
الموتور تقيسه في اي بنزينه او مركز خدمه
و لازم يكون فيه حد بيفهم معاك علشان يبص علي اساسيات العربيه و دواخلها لان اللعب اليومين دول في العربيات نضيف اوي و مش اي حد بياخد باله منه.
و ربنا يكرم و نباركلك علي البونتو قريب:)

[Ubuntu]

شكرا يا حازم باشا

بس سؤال صغير يعني ايه فبريكه

[mido_osman]

فبريكة من الداخل

يعنى العربيه متكونش عملت حادثه والشاسيه بتاعها انضر بشى وتم لحمه واترش من الداخل الكابوت من قدام

او بمعنى اصح تكون العربيه من داخل الكابوت من قدام برش المصنع الى خرجت بيه من المصنع ميكونش صاحبها رش الجسم من جوا لان الغالبيه بيرش لما بتكون عامله حادثه والشاسيه اتعوج او اتقطم مثلا وراح لحمه ورشه تانى لان لو العربيه شيست بيقل تمنها للنص على طول لانه بيضعف العربيه جامد جدا

وفبريقه من الخارج

يعنى بردو بيكون دلاله ان العربيه معملتش حادثه قبل كده مثلا واترشت من بره بس دى مش مهمه قوى لان فيه ناس بترش العربيه من بره مجرد تجديد للون او كنظافه للسياره
او بتكون اتخبطت مثلا وصلح الجزء المخبوط
اهم شى العربيه متكونش مشيسه او تكون راشه من الداخل ( الكابوت )


المصدر : http://www.egyptsons.com/misr/showthread.php?t=59072


و انا التاني بدور علي بنتو لو لقيت حاجة حلوة متنساش اخوك ;)

و متخقيش يا عصابة الفيت رجالتك بيكترو يوم ورا التاني

[CryptonX]

المزيد و المزيد في عصابة الفيات !
اهلا بيكم جميعا .

SEATLOVER

هما حرفين تغيرهم - ال S و ال E
و حتبقى زي الفل ان شاء الله :p

:)

[SEATLOVER]

المزيد و المزيد في عصابة الفيات !
اهلا بيكم جميعا .

SEATLOVER

هما حرفين تغيرهم - ال S و ال E
و حتبقى زي الفل ان شاء الله :p

:)

والله يا كريم انا ممكن اغيرهولك
واسيبهولك و تحط انت بدل ال S تحط بدلها H

ويبقى اسمك HEATLOVER

:p:p:p:p:p:p:p:p:p:p:p

[CryptonX]

والله يا كريم انا ممكن اغيرهولك
واسيبهولك و تحط انت بدل ال S تحط بدلها H

ويبقى اسمك HEATLOVER

:p:p:p:p:p:p:p:p:p:p:p

lol حلوة منك !

بس اعقتد انت قصدك علي ال
Seat 133 ام باب شنطة مفتوح علي طول للتهوية XD



مش فيات :P

[mido_osman]

بما اني دخلت عصابة فيات كنت لسه هردح لسيت لافر

بس مقدرش لان الراجل ده زي العسل :)

[dr_3eshoo]

ايه يا رجاله بالراحه علينا هو علشان ال 128 منتشره هتعملوا عصابه ميصحش بالراحه عليينا
المهندس عمرو اجيب الرجاله و اجي و لا بلاش

[mido_osman]

هتيجب رجالة هنجيب رجالة

و شوف كام واحد بيركب فيات في مصر :D

هنرميكو في البحر :p

[dr_3eshoo]

طب ارمينا في حته قريبا علشان اعرف اروح الجامعه الصبح