هل تستطيع i30 المنافسه طويلا؟

[Ahmad Allawy]

يا باشا ما انا عارف ...انت هاتقولى
عشان كدة فى المواصفات اللى حاطتهالك
ماقولتلكش
عايزها كاملة

ما تقولى بقى ان العربية دى
تبقى ال
i 30

وحلال عليك

هي يا عم مفيش غيرها الاي 30..
خلاص كده يا عم..؟؟
بس بشرط واحد بقي..
متبقاش من غبور..
يا تكون من توكيل تاني..
يا تكون خليجي من غير ضمان..

[Mzeid]

أنا أعتقد أنها لن تستمر في المنافسة كثيراَ نظراَ لأن منافسينها عالمياَ إستفادوا من التجربة أمثال الفولكس و غيرها بالإضافة إلى أنا الإبيزا الجديدة هتكتسح السوق و سيكون لها نصيب كبير من الكعكة ..
و هذا رأيي و يحتمل الصواب أو الخطأ ..
:):)

[SEATLOVER]

هي يا عم مفيش غيرها الاي 30..
خلاص كده يا عم..؟؟
بس بشرط واحد بقي..
متبقاش من غبور..
يا تكون من توكيل تاني..
يا تكون خليجي من غير ضمان..

ما انا قولتلك

وتوكيلها معروف عشان مش بحب التوكيلات المبهمة !!!

شوفت ازاى

[fahd_628]

و بالنسبة للألنترا انت لازم تقارن الفئات برضة

علشان انت بتقول ان فية فرق 20 الف !

اول فئة فى الألنترا من موقع كونتكت ب 98
او فئة فى ال I30 من موقع كونتكت ب 103

و دة الطبيعى ان الأتنين يبقو تقريبا فى نفس السعر و الهاتشباك اغلى كمان و دة فى الخارج بيحصل و حاصل مع التيدا ( الهاتشباك اغلى من السيدان ب 5 الاف )

و العربية على فكرة Small family car مش supermini يعنى نفس فئة الألنترا

و جرب اركبها و لو حسيت انها صغيرة يبقالك الكلام :)

[Ahmad Allawy]

بالنسبة للسعر

الجولف ال 1600 سى سى 115 حصان ب £14,414 و دية فئة اسمها Match و ملقيتش فئة تانية لل 1600
الI30 ال 1600 سى سى 122 حصان ب £13,832 و دية Premium

و بالنسبة للامان فا بص على Score بتاع الجولف حتلاقية 33 و ال I30 33 برضة :)

الجولف :

http://www.euroncap.com/tests/vw_golf_2004/196.aspx

الI30 :

http://www.euroncap.com/tests/hyundai_i30_2007/302.aspx

و بص على الصور بتاعت الدمية حتلاقيهم تقريبا متقاربين من بعض و فى بعض القصور فى عربية و بعض القصور فى مكان اخر فى نفس العربية

اة و اعتقد الى خلا الجولف تاخد 5 و الهيونداى 4 ان الأمان بتاع الأطفال فى الجولف افضل

و انا معاك ان الجولف حتعيش اكتر بس فى الخارج العربيات مش زى عندنا يعنى بص على الضمان بتاع ال I30 برة :) 5 سنين بدون حد اقصى للكيلومترات !!!!! و معندهمش غبور

لو حنتكلم فى مصر احنا اولا بنتكلم فى فرق فلوس يجيب عربية تانية ( فيرنا او لانوس ) دة للفولى لودد لل I30 و ال BASIC فى الجولف

بس انا حقولك الصراحة انا لو فى الخارج انا حختار الجولف بس فى مصر حختار ال I30 لأسباب مادية فقط و ثانيا التوكيل سئ للغاية بتاع فولكس اسؤ من غبور و دة مش كلامى دة كلام ناس جربت

بس انا حبيت اوضحلك انها بتنافس برة كويس :)

و الأسترا الموديل المتوسط لل 1600 سى سى ب £13,294 و عربية معلهاش كلام بس شوف نازلة فى مصر بكام ؟ 150 !

و الجولف ب 170 او 175 و Basic و زى ما قلتلك سعرها برة + انها بتنزل برة بموتور FSI و هنا MPI زى ما انت عارف


يبقى انا مش شايف ان السعر مبالغ فية اوى

عالي..
بالنسبة للجولف.. فده مش اعلي موديل ليها..
اي ان الموديل الكامل بتاعها هيكون علي الاقل 1800 سي سي..
يا اما ال1400 التربو..
وده اكيد هيكون اغلي بكتير بقي من الهيونداي.. صح..؟؟
يبقي لما نقارن عربيتين النسخة الكاملة بالنسخة الكاملة.. يبقي فارق السعر لمصلحة الاعلي فعلا.. (الاعلي في الجودة بالطبع)
يعني مش هقارن ال1600 الفاضية بتاعت الجولف اقل كماليات بالكاملة المتكاملة بتاعت الهيونداي عشان هما ال2 1600..

بالنسة لالأمان انا معنديش اي اعتراض.. نجمة واحدة فرق مش كبير.. وخاصة ان في عربيات كتير جدا واخدة 3 نجوم و 4 نجوم و من مين.. فولفو يعني.. مش اي حد.. اللي هما اعلي عربيات امان في العالم..

انا مش عارف ليه انت مصر تقارنها بالجولف و الاسترا..
مع التحفظ علي ان العربيات اللي هاقولك عليها من من نفس الفئة.. بس كتقنية و جودة صناعه و عمر افتراضي و توكيل اعلي بكتير منها..
زي ما قولت الابيزا.. ولا حتي ال2009 اللي لسة هتنزل.. هتبقي ارخص منها.. و فيها تكنولوجي اعلي من الهيونداي بمراحل.. ودي مفيهاش جدال.. ومش باقصد تكمولوجي يعني سخان كرسي السواق ولا وصلات يو اس بي ولا اي بود.. لأ انا اقصد نظام الاتزان و غيره من انظمة القيادة الرياضية و اتزان السيارة و غيره و غيره..
وفي نفس الفئة ذكرت لسعاتك حاجات كتير منها النييسان التيدا.. و الالامبريزا و الفوكاس و غيرها من اللي مش فاكره..
ودول بقي من نفس الفئة مش زي الابيزا يعني..
وكل دول سعرهم متقارب..
و براند نيمز.. اعلي من الهيونداي .. و توكيلات انضف و احسن من غبور..

[Ahmed Anwer]

يا أ / أحمد ،، روح بس اركبها و افتح شنطتها و شوف قعدتها ورا و قدام

و انتا هتعرف ليه بنقولك انسي حكاية الإبيزا ،، دي

هوا اي توك توك الماني يبقي اجدع من اي صاروخ كوري

[fahd_628]

:) :) :) :) :) :)

و لقيتلك مفاجأة جامدة اوى اوى اوى اوى اوى علشان حتة التكنولوجيا

شوف يا عم اليابانى و الكورى :) منغير سخانات :)

شوف الاول دة علشان تدعيلى

http://www.youtube.com/watch?v=7spUPgmF830

و دية اهى يابانى

و شوف دية و ادعيلى تانى و مستنى ردك على احر من الجمر :)

http://www.youtube.com/watch?v=Ac3cv8eEtaY&feature=related

:) :) :)

جدعة يا I30 والله فرحتينى :)

[Ahmad Allawy]

يا أ / أحمد ،، روح بس اركبها و افتح شنطتها و شوف قعدتها ورا و قدام

و انتا هتعرف ليه بنقولك انسي حكاية الإبيزا ،، دي

هوا اي توك توك الماني يبقي اجدع من اي صاروخ كوري

خلاص يا سيدي حقك عليا..
بلاش الالماني خالص..
عشان مابقاش متحيز للألماني اللي انا باخبه..
واللي حضرتك بتقارن بيه.. :) :) :)
قارنها باللي قولتلكم عليه.. امبريزا- فوكاس- تيدا- سيراتو - في ايه تاني؟؟
بيتهيألي الياباني لحد دلوقتي كفاءة اعلي من الكوري.. ولا في اعتراض؟؟

[Mzeid]

أنا يا جماعة لي رأي في حكاية المنافسة دي .. أي نعم ال I30 نازلة علشان تنافس الجولف و إخواتها و لكن أنا أرى إنها المنافس الحقيقي لها ال 307 ..
و بعدين زي ما مسيو أحمد قال إن فيه الفوكاس و الأمبريزا و حاجات تانية كثير حد ممكن يقول لي مين الأحسن ال I30 و لا الآخرين ..
:):)

[Hesham A.Megid]

أولا وقبل اي كلام او رد..
احب احييك علي النفس الطويل.. والصبر علي غبور كل الفترة دي و كل العربيات دي..
ما شاء الله.. :) :) :) 3 عربات هيونداي.. ربنا يكون في عونك..

مش 3 عربيات....7 وحياتك!! :D

[fahd_628]

أنا يا جماعة لي رأي في حكاية المنافسة دي .. أي نعم ال I30 نازلة علشان تنافس الجولف و إخواتها و لكن أنا أرى إنها المنافس الحقيقي لها ال 307 ..
و بعدين زي ما مسيو أحمد قال إن فيه الفوكاس و الأمبريزا و حاجات تانية كثير حد ممكن يقول لي مين الأحسن ال I30 و لا الآخرين ..
:):)

ياريت تشوف الفيديو الى فى المشاركة السابقة :)

[Ahmad Allawy]

:) :) :) :) :) :)

و لقيتلك مفاجأة جامدة اوى اوى اوى اوى اوى علشان حتة التكنولوجيا

شوف يا عم اليابانى و الكورى :) منغير سخانات :)

شوف الاول دة علشان تدعيلى

http://www.youtube.com/watch?v=7spUPgmF830

و دية اهى يابانى

و شوف دية و ادعيلى تانى و مستنى ردك على احر من الجمر :)

http://www.youtube.com/watch?v=Ac3cv8eEtaY&feature=related

:) :) :)

جدعة يا I30 والله فرحتينى :)

لأ ماهو لو الموضوع كده بقي..
يبقي في المنحنيات و التحمل و الكلام ده..
وريني هيونداي اي 30 في الراليات يا باشا..
و راليات يعني امبريزا و فوكات و ايفوليوشن.. ولا؟؟

[Ahmad Allawy]

مش 3 عربيات....7 وحياتك!! :D

يا خبر ابيض..
مش هاقدر اقولك غير الله يكون في عونك..
بس اكيد في منه كتير زمان ساعة ما كان غبور من انضف التوكيلات..
قبل ما يجيله سعار وبقي باصص علي المكسب و مش باصص علي الزبون..

[Ahmed Anwer]

خلاص يا سيدي حقك عليا..
بلاش الالماني خالص..
عشان مابقاش متحيز للألماني اللي انا باخبه..
واللي حضرتك بتقارن بيه.. :) :) :)
قارنها باللي قولتلكم عليه.. امبريزا- فوكاس- تيدا- سيراتو - في ايه تاني؟؟
بيتهيألي الياباني لحد دلوقتي كفاءة اعلي من الكوري.. ولا في اعتراض؟؟

يا باشا مش قصدي ،،

هوا حد مبيحلمشي بالألماني

علي رأي اعلانات منصور ،،

بس قصدي من الصبح عمالين نقولك فئة تانية و عربية أكبر ،،

و برده مصمم ،،

العربيات اللي حضرتك قلتها كلها زي الفل

و الآي 30 زي الفل برده

باستثناء السيراتو ،،،، دي فيرنا تقفيل كوري

[fahd_628]

لأ ماهو لو الموضوع كده بقي..
يبقي في المنحنيات و التحمل و الكلام ده..
وريني هيونداي اي 30 في الراليات يا باشا..
و راليات يعني امبريزا و فوكات و ايفوليوشن.. ولا؟؟

و هل انا حدخل رالى بالعربية ؟؟؟؟؟؟؟؟؟؟؟؟؟؟؟؟؟ انا جايب عربية اركبها فى الشارع

المهم انها تفوقت اهو على ال امبريتزا :)

شوف دة كمان و ادعيلى :)

http://www.youtube.com/watch?v=FKpvJDnsB1I

تفوقت على الجولف و الكيا سييد فى الفرامل و الثبات و الوسع الداخلى و خسرت فقط فى التسارع !

الحمد لله جولف اهو علشان متقوليش اننا مصر انى اقارنها بالجولف :)

و قولى رأيك برضة بس بعد لما تشوف الفيديو للأخر


ما تساندنى شوية يا احمد باشا انور انت فييييييييييييييين :)