هل تستطيع i30 المنافسه طويلا؟

[SEATLOVER]

انما انتو مش ملاحظين حاجة غريبة !!
ان البنات بقت بتحب العربيات الكبيرة و السيدان و الجيب
واحنا بقينا بنحب الهاتش باك !!!

هو جرى اية فى الدنيا يا جدعان

[Amr_Moh]

ماشي انا معاك في الكلام ده..
بس معلش هاستأذن سعاتك في سؤال ممكن تجاوبني عليه..
لو سعاتك معاك عربيتك دي هاتش باك..
اللي هي واخدة احسن هاتش باك في اوروبا 2007..
و بنفس التمن الاي 30 مثال الكلام في الموضوع ده..
هتختار ايه..؟؟ هتفضل ايه..؟؟

law 7a7'tar ma3takedsh eni 7afakr agib I30

[Mzeid]

انما انتو مش ملاحظين حاجة غريبة !!
ان البنات بقت بتحب العربيات الكبيرة و السيدان و الجيب
واحنا بقينا بنحب الهاتش باك !!!

هو جرى اية فى الدنيا يا جدعان

لأن البنات على ما أعتقد بتحاول تعوض الضعف اللي عندهم سواء في الشخصية أو طريقة السواقة أو الخوف من الشارع فبيشتروا العربيات الكبيرة علشان يعوضوا الخوف و الضعف دة ..
أما بالنسبة للشباب فبيحبوا العربيات الهاتشباك و دة متعارف عليه عائلياَ في الخارج و دة لأن الشباب بيحبوا السرعة و المرونة و مدمجة علشان بقى سرعة و غرز و الذي منه ..
دة رأيي ..
:):)

[Amr_Moh]

لأن البنات على ما أعتقد بتحاول تعوض الضعف اللي عندهم سواء في الشخصية أو طريقة السواقة أو الخوف من الشارع فبيشتروا العربيات الكبيرة علشان يعوضوا الخوف و الضعف دة ..
أما بالنسبة للشباب فبيحبوا العربيات الهاتشباك و دة متعارف عليه عائلياَ في الخارج و دة لأن الشباب بيحبوا السرعة و المرونة و مدمجة علشان بقى سرعة و غرز و الذي منه ..
دة رأيي ..
:):)

:):) howa el mawdoo3 dah 2alab 3ala mashakel nafsia wala ehh ya camaro

[SEATLOVER]

لأن البنات على ما أعتقد بتحاول تعوض الضعف اللي عندهم سواء في الشخصية أو طريقة السواقة....:):)

مش عارف هى وجهة نظر برضو
بس بتهيألى عشان احنا فاهمين شوية وكل العربيات الجامدة اللى عمالة تنزل و اللى هاتزل معظمها هاتش باك
يعنى انا مثلاً نفسى فى الالتيا
وهتلاقى ناس كتير ذيى عايزين
ليون و جولف و سوبارو و استراو المازدا 2 و ال i30 عشان مانبقاش خرجنا عن الموضوع

يعنى كل الشديد اللى نازل و اللى لسة هاينزل هاتش باك

[mohamed ibiza]

انا جييييييييييييييييييييييييييييت يا جدعان ههههه انا ملاحظ ان سيرتي اتقطعت انا و الابيزا هههههه اتاريني بكح و الابيزا عتلت الصبح هههههه لا لا دي صحتها بتيجي لما حماده الاوي حبيبي و احد باشا انور يجيبوا سيرتها بتدور لوحدها و تجري:):):) توماتيكي توماتيكي:):)ههههه ايه يا جدعان الخناقة دي بالراحة شوية هدوا اعصابكو الاي 30 واخدة جايزة العام اوك مفيش مشاكل و الابيزا فئة تانية اصغر حجما من برة بس الابيزا الجديدة طالما هنقارن بالاي30 ابيزا 2009 اكبر حجما من برا و من جوه و انا جايب كل ده بالمقاييس في موضوع تفاصيل ابيزا 2009 روحو شوفوه و اقرأوا المقاييس هتلاقوها ان الحجم زاد كمساحة داخلية السقف علي و مساحة الارجل وسعت و المساحة الخلفية الكنبة يعني اتحلت مشكلتها رغم انها مش ضيقة للدرجة في الموديلات اللي قبلها يعني الابيزا 94 معايا انا بعد ورا مرتاح عادي لولا بس التهاب المفاصل كنت مضايقتش خالص خالص كمان انا داخل في 180سم 177 بظبط اغلب المصريين طولهم اقل من كده بالتالي العربية بالنسبة لناس كتير مناسبة و جميلة و الابيزا 2009 كمان هتبقي اوسع و اكبر و احسن اما بقي لو قارنا كتكنولوجيا فالابيزا كحجم و اتساع داخلي تكاد تكون متساوية بعد التعديلات و المساحة الجديدة و من جوا اظن في التابلوه سيات عاملة تصميم حديث و رائع جدا جدا جدا و مش موجود عند هيونداي اصلا و جمعت بين التصميم القديم و الجديد و جودة المكونات الاسبانية المقاومة للشمس الحارقة في الصيف عكس هيونداي اللي تابلوهاتها بلاستيك و حتي لو غيروا الخامات الاسبانية اكيد اعلي جودة ده تقييمي عن الداخل و كله برضه موجود في موضوعي تفاصيل الابيزا 2009 اما لو دخلنا في الاعتمادية و الميكانيزم في الاتنين هنلاقي نظام دفع واحد امامي الاي 30 تصنيع كوري ابيزا الماني تقفيل و تجميع اسباني اللي اثبت جدارة في التجميع بدون اي غلطات و بالذات في موديل 2009 لو هنقارن مواتير ببعض يبقي قطعا الاي 30 خسرانة يعني خسرانة ليه خسرانة اول حاجة سعر مش قليل و في الاخر باخد توكيل اقل ما يقال عنه زبالة و باخد في الاخر عربية كوري-تاني حاجة الابيزا الماني تقفيل و تجميع اسباني يعني قطعا التقفيل احسن 100 مرة-لو دخلنا في الموتور الابيزا 1600 105 حصان و الاي 30 1600 121 حصان الالمان بيجيبوا قدرات مواتيرهم من الاخر انما الكوريين لا و اكيد في فاقد في قدرة الاي 30-الاداء هيكون قطعا في صالح الابيزا اللي طول عمرها معروفة بالثبات المرعب و الاداء العالي و كمان قدرة عالية علي وزن و حجم اقل يبقي الابيزا هتتفوق بالثلث و بلاش نتكلم عنهم كأعتمادية و تحمل عشان النتيجة معروفة و يا ريت محدش يقولي الاي 30 هتكسب عشان انا مش بقارنها بأي حاجة دي ابيزا الماني مش كوري زيها ولا ايه؟؟؟؟؟؟؟؟؟؟؟؟

[Mzeid]

:):) howa el mawdoo3 dah 2alab 3ala mashakel nafsia wala ehh ya camaro

لا و لا مشاكل نفسية و لا حاجة دة بس تحليل ديموبيوغلبثروطيقي لإختيار البنات للعربيات الكبيرة ..
:):)

[Ahmad Allawy]

لا و لا مشاكل نفسية و لا حاجة دة بس تحليل ديموبيوغلبثروطيقي لإختيار البنات للعربيات الكبيرة ..
:):)

بس خلينا لا نغفل ان الشباب بيحبوا العربيات دي لسبب..
متعه القيادة بالعربيات دي.. صغيرة نسبيا.. من غير شنطة..
اسهل في الغرز و التعديات الضيقة.. و اشيك في الشكل..

في بنات بتحب الهاتش باك عشان موضوع سهولة القيادة..
و برضه في منهم بيحبها للشياكة..
ولازم نكون حياديين و صرحاء ان في بنات بتسوق احسن مننا يا شباب..
اي نعم نسبة قليلة.. بس موجودة.. و بنشوفها من فترة للتانية في الشوارع..
مش عيب يعني و كلمة حكمة سمتعها من اكتر من واحد..
ان السواقة مالهاش كبير..

[Mzeid]

بس خلينا لا نغفل ان الشباب بيحبوا العربيات دي لسبب..
متعه القيادة بالعربيات دي.. صغيرة نسبيا.. من غير شنطة..
اسهل في الغرز و التعديات الضيقة.. و اشيك في الشكل..

في بنات بتحب الهاتش باك عشان موضوع سهولة القيادة..
و برضه في منهم بيحبها للشياكة..
ولازم نكون حياديين و صرحاء ان في بنات بتسوق احسن مننا يا شباب..
اي نعم نسبة قليلة.. بس موجودة.. و بنشوفها من فترة للتانية في الشوارع..
مش عيب يعني و كلمة حكمة سمتعها من اكتر من واحد..
ان السواقة مالهاش كبير..

أنا أبصم بالعشرة إن البنات بتسوق أحسن من الولاد 10 مرات و بيشدوا كمان و الدليل على كدة بنات كتير عندنا في طنطا ..
و مرة أصلاَ كنت قاعد مع واحد بيعلم سواقة فواحدة عدت عليه بالعربية تقريباَ هو اللي كان معلمها فركت بالعربية و هي طالعة ..
و واحدة تانية بتشد شد و لا أجدعها ولد ..
و واحدة تانية داخلةفي الزحمة بقلب أسد ..
و واحدة ثالثة كانت بتغرز في الزحمة في إسكندرية ..
:):)

[SEATLOVER]

أنا أبصم بالعشرة إن البنات بتسوق أحسن من الولاد 10 مرات...:):)

معلش يا كمارو بس دة يتوقف هى راكبة اية
يعنى بولو او ابيزا او 206 او بونتو او جيتز ... اعرف ان فى مشاكل

[Mzeid]

معلش يا كمارو بس دة يتوقف هى راكبة اية
يعنى بولو او ابيزا او 206 او بونتو او جيتز ... اعرف ان فى مشاكل

اللي فركت كانت راكبة 504 ..
اللي بتشد كانت راكبة سبكترا و كانت هتشيلني في مرة ..
اللي كانت داخلة الزحمة كانت راكبة أكسنت القديمة ..
اللي بتغرز كانت راكبة صني ..
:):)

[Ahmad Allawy]

اللي فركت كانت راكبة 504 ..
اللي بتشد كانت راكبة سبكترا و كانت هتشيلني في مرة ..
اللي كانت داخلة الزحمة كانت راكبة أكسنت القديمة ..
اللي بتغرز كانت راكبة صني ..
:):)

بس خلي بالك من حاجة..
طنطا كلها صغيرة قوي..
يعني عن تعامل مع ناس من برة القاهرة و بنات..
لو نزلت القاهرة مش هتعرف تسوق هنا بسهولة..
لو مشيت جنب ميكروباص بس و كسر عليها ولا حاجة هتخيش وقتي..
السواقة في القاهرة طعم تاني..
ستات بيسوقوا و هما نايمين.. و سواقين ميكروباص بيسوقوا و هما مش باصين قدامهم ولا في مرايات اصلا..
وسواقين النص نقل طبعا.. بلطجة ما بعدها بلطجة.. (اكيد في لكل قاعدة شواذ..)
و سواقين اوتوبيسات بيمشوا و خلاص و بيستكبروا نفسهم.. و مش بيهتموا بالملاكي..
و شباب بيسخن علي روحه و بيشد مع نفسه.. و كده يعني..
الشارع مليان امثلة.. بس في الاماكن برة القاهرة الامثلة دي اقل شوية..

[SEATLOVER]

هو مين اللى صوت فوق لى ال i30
نعم تستطيع تحقيق معدلات عاليه داخل سوق الهاتش؟

هاتهولى

[crazylambada]

انا يا سيات لوفر
وسعوا يا رجالة انا جيت

[SEATLOVER]

انا يا سيات لوفر
وسعوا يا رجالة انا جيت

ايون ن ن ن ن ن ن
انا بقى عايز اعرف اللى صوت بنعم دة صوت لية

بعيداً تماماً تماماً العربية حلوة ولا وحشة ... نخلى كلامنا فى السوق
اللى هو محل الاستطلاع

crazy حبيبى تعال
على اى قواعد انت قولت نعم ...قواعد السوق كلها بتقول لا ؟؟
طب ازاى