هل تستطيع i30 المنافسه طويلا؟

[Ahmad Allawy]

\/ \/ \/ \/ \/ \/ \/ \/ \/ \/

الفيديو بالألماني ،،

مفهمتش أوي ،،

بس من التعليقات اللي تحت ،،

واضح انهم اختاروا برده الكيا سييد ،،،

ههههههه

علي فكرة هما مش عبط عشان يقارنوا بين موتور 2000 سي سي و 1400 سي سي

ده الموتور الجديد Tsi

علي كلامهم المفروض بيخرج نفس القوة تقريبا

كيا سييد 143 حصان ،، و الجولف 1400 ،، 140 حصان علي حسب فهمي من الفيديو

و التسارع لحساب السييد ،، و السرعة القصوي واحدة ،، الجولف بس افضل في التوقف ،،

و اخر جدول و تقريبا هوا ده اللي قضي علي الجولف بالقاضية ،،

استهلاك البنزين متقارب 7.4 كم للتر للجولف ، 7.8 كم للتر للسييد ،،

انبعاثات الغاز للسييد اقل ،،

و الأهم في الآخر سعر السييد أقل ،،،

يعني هتشتري عربية سعتها اللترية قليلة ،، بنفس استهلاك البنزين بس بتديك نفس القوة و كمان مبتمشيش حسب ما سمعت

في المنتدي غير ببنزين 95

شكرا علي الفيديو ،،،،

دليل قاطع ،،،


بس للأمانة ،،،

أوتو بيلد رغم انها مجلة المانية ،، بس ما بتطيقشي فولكس ،،

و أي حاجة تبع فولكس تشركها

تعليقات ايه اللي مكتوبة تحت..؟؟
هو اان شوفت فيديو تاني ولا ايه..؟؟ عموما.. انا مشوفتش تعليقات مكتوبة تحت.. جايز عشان انا كنت خلاص بانام وانا قاعد..
انا معاك طبعا ان الموتور ال1400 بيطلع نفس الباور..
ودي لوحدها نقطة تحسب لموتور الجولف..
بس تحسب للكيا عشان نفس استهلاك البنزين تقريبا مع فارق 600 سي سي في الموتور
اللي انا فاكره ان التسارع كان في مصلحة الجولف..
ده حتي في الفيديو اللي انت كنت باعته كان التسارع اهم ما كان يميز الجولف فيه..
مسافةا لتوقف كانت في مصلحة الجولف برضه.. علي عكي الفيديو اللي فات كان في مصلحة الهيونداي وبعديها الجولف و بعدها الكيا..
بس الارقام كانت مختلفة خالص عن الارقام دي..

نسبة ثاني اكسيد الكاربون المنبعث اقل في الكيا.. ودي حاجة معروفة جدا في كل العربيات الالماني..
انهم مش بيهتموا بموضوع البيئة و الانبعاثات دي.. ومش عارف ليه بصراحة..
وبعدين جيتلي انت بقي دلوقتي برجليك..
وبتقولها في وشي..
ماهو هو ده سبب الاختلاف اللي بيناتنا من الاول..
انك قولت ان سعر السييد اقل.. وده اللي باتكلم فيه.. ان دي من الحاجات اللي بيتقاس عليها..

وبعدين في حاجة كمان.. انت بتقول هتشتري عربية سعتها اللترية اقل بنفس استهلاك البنزين بس بتديك نفس القوة و كمان مبتمشيش حسب ما سمعت في المنتدي غير ببنزين 95 انا مقولتش كده خالص..
بس كل اللي قولته انك لو قارنتها بالحاجات اللي بنفس السعر حاليا المتاحة.. هتلاقيها بنفس السعر وهو ما يفقدها ميزة التفوق في القيمة السعرية..

واشكرك علي الامانه في موضوع اوتوبيلد و الكلام ده..
انا بصراحة ماعرفش المعلومة دي و شكرا انك قولتها..
اتنا دورت علي فكرة علي فيديوهات مقارنات ليها مع اي حاجة تانية.. ملقيتش.. مش عارف ليه..
الظاهر لسة مبدأوش يقارنوها بحاجة لسة..انا مستني علي احر من الجمر مقارنتها بالاسترا..
لو لقيتها ابقي قولي..

[M.Mokhtar]

ديما باجى بعد ما الخناقه تخلص :)
يمكن بخاف احسن اتعور
بس واضح ان كل واحد ماسك فى التانى
وانا مش لاقى حد فاضى امسك فيه
مين هنا مع ال I30 عشان نمسك فى بعض؟:arghh:

بالنسبة للسعر

الجولف ال 1600 سى سى 115 حصان ب £14,414 و دية فئة اسمها Match و ملقيتش فئة تانية لل 1600
الI30 ال 1600 سى سى 122 حصان ب £13,832 و دية Premium

و انا معاك ان الجولف حتعيش اكتر بس فى الخارج العربيات مش زى عندنا يعنى بص على الضمان بتاع ال I30 برة :) 5 سنين بدون حد اقصى للكيلومترات !!!!! و معندهمش غبور

و الأسترا الموديل المتوسط لل 1600 سى سى ب £13,294 و عربية معلهاش كلام بس شوف نازلة فى مصر بكام ؟ 150 !

و الجولف ب 170 او 175 و Basic و زى ما قلتلك سعرها برة + انها بتنزل برة بموتور FSI و هنا MPI زى ما انت عارف


يبقى انا مش شايف ان السعر مبالغ فية اوى

انت بتتكلم فى ايه
الجولف نزلت خلاص مصر بموتور TSI 1400cc 120HP وواخد احسن موتور لسنه 2008
يبقى كده بالنسبة للموتور ال I30 هتركن على جنب

:) :) :) :) :) :)

و لقيتلك مفاجأة جامدة اوى اوى اوى اوى اوى علشان حتة التكنولوجيا

شوف يا عم اليابانى و الكورى :) منغير سخانات :)

شوف الاول دة علشان تدعيلى

http://www.youtube.com/watch?v=7spUPgmF830

و دية اهى يابانى

و شوف دية و ادعيلى تانى و مستنى ردك على احر من الجمر :)

http://www.youtube.com/watch?v=Ac3cv8eEtaY&feature=related

:) :) :)

جدعة يا I30 والله فرحتينى :)

هههههههههههههههه
طيب ما انا ممكن اركب لامبورجينى والعربيه تعرض منى عادى
واضح الاختلاف فى طريقه السواقه بين العربيتن (اكيد مش نفس السائق)
ال I30 داخل شمال بدرى لكن السوبارو دخل شمال متأخر وواضح جدا الفرق
ولو ال I30 دخل نفس دخله السوبارو مكنش هيعرف يلم نفسه تانى واتحدى

وحتى لو .... لو جبتلى المنتدى كله يقولى ان ال I30 ثابتها احسن من ال subaru هقولك مش معقوووووووووووووول نظريا ولا عمليا
السوبارو 4WD عارف يعنى ايه؟
مش قصدى الاختصارات طبعا انا قصدى الثبات

يا باشا مش قصدي ،،

هوا حد مبيحلمشي بالألماني

علي رأي اعلانات منصور ،،

بس قصدي من الصبح عمالين نقولك فئة تانية و عربية أكبر ،،

و برده مصمم ،،

العربيات اللي حضرتك قلتها كلها زي الفل

و الآي 30 زي الفل برده

باستثناء السيراتو ،،،، دي فيرنا تقفيل كوري

الالمانى معلوهوش غبار
بس انا مش بحترم هيونداى الا عشان عربيتين وبقوا ثلاثه بعد نزول ال I30
وهم الالنترا والسوناتا
وواضح ان هيونداى بتتطور وبتحاول تحتل مركز كويس فى السوق
وماتنسوش انها 3 اكبر شركه سيارات من حيث المبيعات فى العالم

بلاش دوول يا احمد عشان كل واحدة فيهم ..فيها كلام كبير مش وقتة
وبدام انت معترض على ال i30
جهز نفسك لحوار ذى دة لما اختها ال kia ceed تنزل دى لوحدها مصيبة وقالبة الدنيا برة

الدنيا بتطور ..ودوام الحال من المحال

كيا من العربيات المحترمه جدا اللى مش واخده حقها فى مصر

تعلي يا باشا..
انا مش باحابي ولا بانكر حاجة من مجرد العند و خلاص..
ماشي؟
تعالي لأوتو بيلد.. الجولف في السوق موديل 2006 يعني اواخر 2005.. في حين ان الهيونداي موديل كام..؟؟ 2007 حتي؟؟
يعني اواخر 2006؟ ور بيتهيألي بعد كده كمان.. يعني في فرق سنة في الموديل.. كويس؟
و سنة دي فيها فرق تكنولوجي و حاجات كبيرة جدا.... تمام..
وانا لا انكر اني مقتنع تماما بكلام المقال اللي سعاتك بعته..ولو اني مقتنع اكتر بان المقارنة دي او اتعملت كمان كام شهر النتيجة مش هتبقي كده.. عشان في جيل جديد نازل من الجولف..
بس كفاية ان دلوقتي الجولف هي اللي بقت بتجاهد و تطور عشان تلاخق علي المنافسة الشرسة من الماركات التانية و خاصة مجموعه هيونداي..
كويس؟

نعالي بقي للفيديو بتاع يو تيوب..
انا باتفرج عليه دلوقتي..
فرق الوسع اللي بتقول تتفوق عليه عادي مفيش مشاكل..
فرق التسارع اكيد كان واضح انه في مصلحة الجولف..
فرق مسافة التوقف كان فرق متر في مصلحة الهيونداي..
الثبات من الجزء اللي شوفته تقريبا واحد.. ولو ان كمان الفولكس كان بياخد الملفات دي بزاوية اضيق من اللي كان بياخدها الهيونداي..
حد خد باله من كده..؟؟ ولا انا بيتهيألي عشان هما جايبين دي بالوش و دي بالظهر.. ماعرفش..

والفيديو للأخر .. انا مش عارف يعني.. هو الموضوع غالبا اراء ناس عاديين ولا ايه..؟؟
دول ناس بيجربوا العربيات..
وباين وواضح جدا انهم عاجبهم شكل الكاسيت و التكييف بتاع الهيونداي و الكيا عن الجولف.. و فرق ال2 سم في المساحة الداخلية..
بين رجليهم و الكراسي يعني.. و بيتهيألي الوسع ده مش معجزة برضه..

يعني مش شايف التفوق الواضح بعيني في الفيديو يعني..
اللي واضح و اقدؤ اثق فيه كلام التست بتاع المجلة.. وبعدين هنشوف.. في موديل نازل.. وفي مقارنات بعربيات تانية..
وكله هيبان..

يا احمد باشا كلامك المفروض ما يتقلش عشان عيب
شوف الجولف والاسترا بقالهم قد ايه فى السوق والتطور والتكنولوجى اللى كل سنه بيزيد
اكيد مش هينفع ندخل معاهم I30 عشان مجرد انها نفس الفئة وموتورها شادد حيله دى مجرد عربيه كورى هنطقطقلها فى الشوارع
ثانيا دى لسه نازله ما كملتش سنه وشويه استنوا نشوف هتعمل ايه فى السوق وهيطلع فيها ايه



كلمة اخيره:

ال I30 من تحف هيونداى اللى هترفع اسم الشركه عاليا كاختها فى الرضاعه النترا الجديده بس بالنسبة للسعر اعتقد انه هينزل بعد ما العربيه تتعرف فى السوق اعتقد سعرها عالى عشان لسه موديل جديد وسمعته حلوه بس غبور هيلاقى الاقبال عليها مش جامد عشان سعرها عالى خصوصا مع سمعته اللى الكل عارفها

[fahd_628]

هههههههههههههههه
طيب ما انا ممكن اركب لامبورجينى والعربيه تعرض منى عادى
واضح الاختلاف فى طريقه السواقه بين العربيتن (اكيد مش نفس السائق)
ال I30 داخل شمال بدرى لكن السوبارو دخل شمال متأخر وواضح جدا الفرق
ولو ال I30 دخل نفس دخله السوبارو مكنش هيعرف يلم نفسه تانى واتحدى

وحتى لو .... لو جبتلى المنتدى كله يقولى ان ال I30 ثابتها احسن من ال subaru هقولك مش معقوووووووووووووول نظريا ولا عمليا
السوبارو 4WD عارف يعنى ايه؟
مش قصدى الاختصارات طبعا انا قصدى الثبات

ماشى يا باشا انا معاك ان السوبارو 4WD بس انا ليا النتيجة !! مش ملاحظ انها bouncy ؟؟؟؟؟؟؟

و دة اللينك و شوف واخدة كام فى الثبات 3 نجوم و ال I30 واخدة 4 نجوم

http://www.whatcar.com/car-review-summary.aspx?NEW_USED=1&MA_TYPE=1&MA=40&RT=2779&Submit1=GO

مليش دعوة بقى FWD ولا 4WD

[Ramy.Gamal]

وبالنسبه لموضوع الصاج كلنا عارفين ان هيونداى عبارة عن ورق مقوى وكل حوادثها حتى مع عربيات مش قويه زى اللانسر والكورولا بتبقى مدمره حتى الالنترا اللى هى اخت i30 الكبيرة . فأعتقد ان لو هى حلوة اوى كدة وسعرها عالى اوى كدة مش هيبقى مقبول انها تبقى بالضعف المخيف دة. ولا انتم ايه رأيكم

[fahd_628]

وبالنسبه لموضوع الصاج كلنا عارفين ان هيونداى عبارة عن ورق مقوى وكل حوادثها حتى مع عربيات مش قويه زى اللانسر والكورولا بتبقى مدمره حتى الالنترا اللى هى اخت i30 الكبيرة . فأعتقد ان لو هى حلوة اوى كدة وسعرها عالى اوى كدة مش هيبقى مقبول انها تبقى بالضعف المخيف دة. ولا انتم ايه رأيكم

يا باشا مش مشكلة الصاج المهم الأمان و هية واخدة 4 نجوم و كانت ممكن تاخد 5 بس لولا الأمان بتاع الصغار ميكفيش انها تجيب ال5 نجوم بس الأمان بتاع الكبار يكفى

[M.Mokhtar]

يا باشا مش مشكلة الصاج المهم الأمان و هية واخدة 4 نجوم و كانت ممكن تاخد 5 بس لولا الأمان بتاع الصغار ميكفيش انها تجيب ال5 نجوم بس الأمان بتاع الكبار يكفى

واضح انك مش فاضى فعلا عشان الامتحانات
وواضح انك منحاز جدا للI30
بس تفتكر ان العربيه اللى بيشكروا فيها اوى بره هى هى اللى عندنا فى مصر بكل وسائل الامان اللى فيها؟

[Ahmed Anwer]

وبالنسبه لموضوع الصاج كلنا عارفين ان هيونداى عبارة عن ورق مقوى وكل حوادثها حتى مع عربيات مش قويه زى اللانسر والكورولا بتبقى مدمره حتى الالنترا اللى هى اخت i30 الكبيرة . فأعتقد ان لو هى حلوة اوى كدة وسعرها عالى اوى كدة مش هيبقى مقبول انها تبقى بالضعف المخيف دة. ولا انتم ايه رأيكم

معلومة على السريع هيونداى أول شركة تستخدم صاج مجلفن فى سيارتها قبل تويوتا وغيرها و فيات أول شركة تستخدم صاج معالج بكيماويات

مقاومة للصدأ

مصدر المعلومة نايل موتورز ،،،

و ي ما فهد قال كفاية انها واخدة 4 نجوم في اختبارات الأمان الأوربية اللي هيا أقسي اختبارات ،،

و مش عارف ايه العربية اللي بتنزل مصر بنفس المواصفات ،،

المهم في اختبارات الأمان انها بتثبتلك قدرة تصميم العربية علي حماية ركباها

[fahd_628]

واضح انك مش فاضى فعلا عشان الامتحانات
وواضح انك منحاز جدا للi30
بس تفتكر ان العربيه اللى بيشكروا فيها اوى بره هى هى اللى عندنا فى مصر بكل وسائل الامان اللى فيها؟

يا عم معلش انا مش فاضى فعلا خلاص انا مش حدافع عنها خالص ! اتكلم براحتك خلاص مش حتفرق معايا المهم انا مقتنع بيها و مش منحاز ولا حاجة بس انا جبتلك الدليل و انت مش عاوز برضة تقتنع و لو راجعت ردودى قبل كدة حتلاقينى بقول انى لو كنت فى الخارج حشترى جولف لكن فى مصر فية فرق كبير ما بين الأتنين فى السعر و الفرق دة مش موجود فى الخارج و كمان الجولف BASIC

و متشكر لزوقك

[Ahmad Allawy]

معلومة على السريع هيونداى أول شركة تستخدم صاج مجلفن فى سيارتها قبل تويوتا وغيرها و فيات أول شركة تستخدم صاج معالج بكيماويات

مقاومة للصدأ

مصدر المعلومة نايل موتورز ،،،

و ي ما فهد قال كفاية انها واخدة 4 نجوم في اختبارات الأمان الأوربية اللي هيا أقسي اختبارات ،،

و مش عارف ايه العربية اللي بتنزل مصر بنفس المواصفات ،،

المهم في اختبارات الأمان انها بتثبتلك قدرة تصميم العربية علي حماية ركباها

الكلام هنا يا باشا مش علي موضوعا لصدا..
علي موضوع تحمل الصدمات و قوة الصاج نفسه..
وموضوع اختبارات الامان.. ده مفيش فيه كلام..
بس برضه في اوبشنز ممكن متكونش نازلة في العربية للأمان..
زي.. الاير باجز الكتير قوي.. اللي عندنا هنا في مصر ممكن تختصر ل2 او بالكتير 4..(باقول ممكن عشان مش متأكد..)
وزي انظمة امان بتبقي في الشاسيه بتاع العربية و حاجات مشابهة.. ممكن ماكونش علي دراية ووعلي كامل بالمواضيع دي..

وهاقولك تاني طالما واخدة 4 نجوم يبقي خلاص.. العبرة بالتقييم..
انا معاك في النقطة دي تماما..

[Ahmad Allawy]

وبالنسبه لموضوع الصاج كلنا عارفين ان هيونداى عبارة عن ورق مقوى وكل حوادثها حتى مع عربيات مش قويه زى اللانسر والكورولا بتبقى مدمره حتى الالنترا اللى هى اخت i30 الكبيرة . فأعتقد ان لو هى حلوة اوى كدة وسعرها عالى اوى كدة مش هيبقى مقبول انها تبقى بالضعف المخيف دة. ولا انتم ايه رأيكم

في كام معلومة كده.. مصادرها التوكيل.. و ملاك العربية من المنتدي هنا..
ان عندك الاكصدامات تقريبا ورق.. واي خبطة صغيرة جدا بتدمر صدر العربية..
ومن التوكيل بقي.. العربية تقريبا من قدام الصدر بتاعها فيبر..
يعني مع خبطات بيتكسر و بيتغير.. و مع اي ترييحة كده او خبطة صغيرة في حاجات كتير بتتكسر..
(ده لو عيب في حاجة هيبقي ميزة في حاجة تانية زي الوزن و التكاليف.. اللي هي اصلا مبالغ فيها يعني..)

[M.Mokhtar]

يا عم معلش انا مش فاضى فعلا خلاص انا مش حدافع عنها خالص ! اتكلم براحتك خلاص مش حتفرق معايا المهم انا مقتنع بيها و مش منحاز ولا حاجة بس انا جبتلك الدليل و انت مش عاوز برضة تقتنع و لو راجعت ردودى قبل كدة حتلاقينى بقول انى لو كنت فى الخارج حشترى جولف لكن فى مصر فية فرق كبير ما بين الأتنين فى السعر و الفرق دة مش موجود فى الخارج و كمان الجولف BASIC

و متشكر لزوقك

اتكلم براحتى قصدك اخبط دماغى فى الحيط
قول اه
هاتهووووووووووووولى
سيب القميص
قولتلك سيب
ياعم سيب احسنلك

انت داخلت فيا شمال ليه كده
طيب مش تبص فى المرايه الاول
بالراحه بس عليا
انت ايه اللى زعلك منى؟
انا شوفت توقعيك بيقول انك متغيب بسبب الامتحانات بس انا شايفك بترد على الكل وبقلب جامد :arghh:

فقولت انكشك بس مكنتش اعرف انى هتزعل اوى كده
وعلى فكره بقى
لو شوفتك بالعربيه دى فى الشارع هعرفك يعنى ايه هيونداى :boxing_smiley:

[Ahmad Allawy]

يا عم معلش انا مش فاضى فعلا خلاص انا مش حدافع عنها خالص ! اتكلم براحتك خلاص مش حتفرق معايا المهم انا مقتنع بيها و مش منحاز ولا حاجة بس انا جبتلك الدليل و انت مش عاوز برضة تقتنع و لو راجعت ردودى قبل كدة حتلاقينى بقول انى لو كنت فى الخارج حشترى جولف لكن فى مصر فية فرق كبير ما بين الأتنين فى السعر و الفرق دة مش موجود فى الخارج و كمان الجولف BASIC

و متشكر لزوقك

انا مش عاجبني ان الموضوع يقفل بقفش كده..
الخلاصة اللي وصلت ليها دلوقتي انا حاجة..
ان العربية الالماني اللي هنا في مصر مبالغ في سعرها جدا.. وده انا باقوله من زمان في الاسترا اصلا.. اللي هي اقل من الجولف..
وتاني حاجة اللي مقتنع بالوروبي و خاصة الالماني.. مش بيركب غيرها.. و هيحس بيها اللي مقتنع باي عربية تانية مع اول تجربة للألماني حتي لو كان اوبل علي رأي بعض الاخوة.. يعني مش شرط فولكس ولا بي ام ولا اودي ولا مرسيدس..

اللي مقتنع بالهيونداي دي لو قولتله ايه.. مش هيقتنع..
ولا هيقارنها بالعربيات اللي من نفس الفئة.. السعرية علي الاقل.. واللي هما اختيارات كتير و قوية جدا
و منهم الياباني و الكوري و كمان ايطالي و اسباني و غيره و غيره..
خلاص.. الخلاصة ان اللي بيقارنها بمصر.. شايف ان سعرها كويس مقارنة بالجولف..
(ان كنت انا عن نفسي معارض للفكرة لكوني باقارنها بعربيات تانية انا شايفها مش اقل منها في الكفاءة و مش هاقول اعلي منها..و هي بتقاربهم و بتعلي عليهم في السعر مع جودة و كفاءة العربيات التانية وهنقول في نفس مستواها مش اعلي..)

[Ahmed Anwer]

الكلام هنا يا باشا مش علي موضوعا لصدا..
علي موضوع تحمل الصدمات و قوة الصاج نفسه..
وموضوع اختبارات الامان.. ده مفيش فيه كلام..
بس برضه في اوبشنز ممكن متكونش نازلة في العربية للأمان..
زي.. الاير باجز الكتير قوي.. اللي عندنا هنا في مصر ممكن تختصر ل2 او بالكتير 4..(باقول ممكن عشان مش متأكد..)
وزي انظمة امان بتبقي في الشاسيه بتاع العربية و حاجات مشابهة.. ممكن ماكونش علي دراية ووعلي كامل بالمواضيع دي..

وهاقولك تاني طالما واخدة 4 نجوم يبقي خلاص.. العبرة بالتقييم..
انا معاك في النقطة دي تماما..

اشطه يا باشا ،،

علي فكرة الإبيزا و الكوردوبا لما اتفرجت عليها في التوكيل ،

كان الصدر ( اللي هوا متشال عليه الردياتير ) بلاستيك ،،،

و علقت علي النقطة ديه للبياع وشه احمر ،،

بس اللي عايز اقولك عليه اكيد فولكس فاجن عارفه هيا بتعمل أيه ،،

بخصوص موضوعك في منتدي هيونداي ،، لا هيونداي بعد اليوم ،،،،،،،،

نسيت اهم نقطة ،،،،

التجميع المحلي ،،،،،،،،،،،،،،،،،،،،

ده اللي هيشوه سمعة هيونداي خمسين سنة قدام في مصر ،،

أنا مستعد اروح معاك السفار ة الكورية ،،

نقولهم انتوا نظمتوا الأوليمبيات من عشرين سنة و كأس العالم و عندكم ال جي ، و سامسونج ، و هيونداي و كيا ،،،

بس العربيات اللي بيجمعها في غبور في مصر دي و يلطع عليها علامة هيونداي

هتشوه كل انجازاتكم لمدة 100 سنة قدام ،،

ده لو فيه حد بيهتم بمصر اساسا

[Ahmed Anwer]

عشان فهد باشا ،،

اعلان الآي 30

http://www.youtube.com/watch?v=kQml5z-7WUc

و اعلان تاني ظريف

http://www.youtube.com/watch?v=ppMEvKiFdHw

و اعلان كوري

http://www.youtube.com/watch?v=qbWDmoSkiy4

و مقارنة ليها مع الفوكاس

http://www.youtube.com/watch?v=AeCGNOuWi_E&feature=related

[fahd_628]

ربنا يخليك يا باشا متشكر جدا