رينو فلونس او هيونداي النترا

[mody3on]

محدش يقدر يقول ان الهيونداي تساوي البنتلي .. انا بقارن من ناحية واحدة
شوف سعر دي وسعر دي .. وشوف هل فعلا الفرق بينهم يستاهل اني بتمن البنتلي اجيب 5 عربيات اكوس ؟
انا بقارن من ناحية السعر .. البنتلي خرافة وكل حاجة .. بس هل تستاهل 300 الف دولار ؟
كفاية انها عملت عربية برفاهية قريبة من البنتلي وموتور قوي وشكل كويس بخمس الثمن
هل في عربية بي ام او بنتلي ب 60 الف دولار فيها اللي في الاكواس ؟

[mohdamin18]

انا عايز الناس تتفرج على الفيديو دا و تشوف صاحب الفيديو و هو ايرلندي بيقول اية
كلام من نوعية الشعب دا جاهل و مش عارف حاجة هو دا قمة الجهل بجد

لأننا كلنا في الهوا سوا و مش فالحين غير في حاجة واحدة بس و هي الإستهلاك
The Hyundai i40 Tourer - YouTube

[CryptonX]

ببساطة في مصر .

لو انت في مصر ... راي هات الانترا .... حتستنمع حبة حلوية و اقتصاديا اختيار عملي و شياكتيا شكلها شيك و مبيعات اعلى = قطع غيار اكثر + سعر اعادة بيع احسن

ممكن الفلوانس تكون امتع او احسن "كقيادة" لكن في الاول و الاخر العربية دي "صفقة" كاملة .. لازم تبصلها من كل النواحي .


بس لو انت برة مصر
...
انا اسف العربيتين زبالة ولا حجيب دي ولا دي :) ( وانا معيا الانترا هنا على فكرة lol )

[AshTurbo]

ألنترا وششششششش عربية جامدة فحت ردم وسيبك من الفليونس دي عربية تيت أي كلام في البدنجان .

ده الرد اللي مفروض أقوله هنا بمناسبة السلطة اللي حصلت لأني قرأت الردود كلها رد رد طبعاً في ردود محترمة ولكنها تاهت في العك اللي حصل الناس اللي بتعيب في الكوري وبتشكر فالأوروبي بقولهم أطمنوا المكانة محفوظة بالتأكيد ودوام الحال من الحال بردوا ولا أيه ؟ ..... وبالنسبة للناس اللي بتتحيز للكوري بشكل مبالغ فيه أقولهم التحيز ده بيفقدكم مصداقيتكم بالأضافة أن الكوري ليه عيوب واضحة الياباني والأوروبي بيتفوقوا فيهم .... في النهاية هي مدارس وكل مدرسة ليها منهج معين لو هتجيب كوري هتاخد شكل ولعب وكماليات وتسارع وأعتمادية وسعر ممتاز .... ياباني هتاخد أعتمادية وثبات ومتعة قيادة وتقفيل كويس .... أوروبي هتاخد متعة قيادة وعوامل أمان وجودة خامات وثبات .... في النص بين ال3 مدارس لازم في سقطات لعربية من عربيات كل مدرسة وبردوا في فلتات العامل الجوهري هنا في كل الكلام ده هي جملة واحدة :

" القيمة مقابل السعر " U Got Wut U Pay For

هوندا سيفيك هاي لاين : 200 ألف

فورد فوكس هاي لاين : 185 ألف

ألنترا هاي لاين : 160 ألف