برافو ولا استرا ولا جولف ولا فوكس

[Formulator]

القوه..استرا بس التيربو
الثبات هى و الجولف واتوقع الاسترا اثبت

على فكرة.. الأسترا التربو "أبطأ" عربيات فئتها فى الـPower-Level ده..؟؟!!! وبالأرقام والتجربة..
الفتيس الأوتو قاتل التسارع بتاع العربية فى الـLow-to-Mid Range.. فـ التوب-سبيد مش عامل مشكلة أوى (بتوصل 240 عادى)..!!
والكلام ينطبق على الـinsignia الجديدة 1.6 180 حصان, وتقدر تتأكد من الريفيوهات ومنتديات الـOpel/Vauxhall.

العربية دى كانت عايزة فتيس مانيوال (زى البرافوGT 150) أو ديوال-كلتش (زى الجولف 160 GT).. عشان تستفيد بالـ180 حصان.
للأسف GM/Opel متخلفة عن باقى الشركات فـ تطوير الفتيسات (طول عمرها), وفـ الآخر جابوا فتيس أوتو عادى بفولام/محول عزم من Aisin-Warner قتل الباور بتاع الموتور؟؟!!!

أقولك: الأسترا تربو تسارعها من 0-100 فـ 9.1-9.2 ثانية.. (رقم مخجل الصراحة).
- الجولف 160 حصان DSG.. من 0-100 فـ 8.5 ثانية, وأسرع سيكا فـ الـLaunch-Control
- البرافو 150 حصان مانيوال.. من 0-100 فـ 8.5 ثانية, و 8.2 ثانية فـ الـOverboost
وطبعا هتلاقى الجولف والبرافو أسرع فـ الـMid-Range كمان.. من 80-120 ومن 120-160.
الأسترا ممكن توصل لتوب-سبيد أعلى منهم, بس هيكون الـRace انتهى؟!! ههههههههههههههههه

بالنسبة للثبات:
الأسترا بتعليق الـTorsion-Beam حتى مع Watt-Link.. مش أثبت من الجولف6 بالـMulti-Link.. عن تجربة للعربيتين (بس مش تربو)؟؟!!!
واللى أعرفه (وشوفته بعينى ) مفيش فرق فـ العفشة بين الأسترا العادية والتربو غير السوست.. لكن الـZ-Link/ Compound Crank وااااااااحد بالمللى.

بالنسبة للجولف فهي معدتش تنزل TSI ﻷن سعرها هيبقى غالي حوالي 255 ألف حسب كلام الناس في التوكيل علشان كدة بقت تنزل 1600 بس

+111
بالطلب من المصرية أوتوموتيف الوكيل.. كانوا بيتكلموا فـ 240 ألف من سنة ونصف تقريبا,
دلوقتى ممكن يكون كلامك مضبوط وسعرها زاد فعلا لـ255 وأكثر كمان..؟!!

الأول و الثالث مش بينزلوا دلوقتي و الموجود ال 120 حصان

+1
فعلا الـ90 حصان اختفت من الوجود (Underpowered أوى)
الـ150 حصان بدلوها بالـ1.4 MultiAir T-JET بيطلع 140 حصان, ونفس العزم.. بس تقريبا أوماترا عندها مشكلة نفسية مع المواتير الجديدة الملتى-اير..؟؟!!!

[Dawns_Mist]

طيب رأيك إيه في المقارنة يا باشمهندس مصطفى .. لو هنقارن البرافو ، بالأسترا العادلية ، و الجولف ، و الفوكس ؟؟؟

[mody3on]

الفوكس 125 حصان اقوى منهم كلهم ( عالورق عالاقل ) الجولف متتركبش اقل من 1.4 tsi

[Mzeid]

- الجولف 160 حصان dsg.. من 0-100 فـ 8.5 ثانية, وأسرع سيكا فـ الـlaunch-control

الجولف 120 كانت فعلا 8 و كسور
انما ال 160 كانت نازلة تحت ال 8 تقريبا 7.8 بس رقم اكبر من الشيروكو

[Sehsss]

برافو

[mohaismail]

جولف
استرا
فوكس
برافو

[Formulator]

طيب رأيك إيه في المقارنة يا باشمهندس مصطفى .. لو هنقارن البرافو ، بالأسترا العادية ، و الجولف ، و الفوكس ؟؟؟

مقارنة Technical فقط:
- أداء وسرعة (موتور): البرافو T-JET 120, بعدها الفوكاس أقوى موتور N/A.
- فتيس: الجولف والفوكاس ديوال-كلتش, البرافو فتيس F1.. ثم أقلهم فتيس الأسترا الأوتو.
- تصميم عفشة وهاندلينج/ثبات: الفوكاس والجولف أعلى من الأسترا والبرافو..

خد بالك ان كلهم فئة واحدة Euro C-Segment Hatchback, (و ضيف عليهم الـ308 والميجانIII)..
صعب تلاقى فروق جامدة بينهم.. يعنى مثلا الأمان والأوبشنز هتلاقيهم متقاربين جدا...etc

الفوكس 125 حصان اقوى منهم كلهم ( عالورق عالاقل ) الجولف متتركبش اقل من 1.4 tsi

مش أقوى ولا حتى عـ الورق فقط..
الفوكاس مش أقوى من الجولف الـ122 حصان, ولا البرافو الـ120 حصان..!! لا عـ الورق ولا فـ الـReal Life

انت اخدت برقم الهورسباور وسقطت رقم العزم ليـــــه؟؟؟!!

يعنى الـ5/3 حصان فرق عن الجولف/البرافو.. صباح الفل يعنى, ولا ليهم لازمة قصاد 40/50 نيوتن لمواتير التربو الـTSI/T-JET

الجولف والبرافو التربو.. أسرع من الفوكاس فـ أى رينج, عـ الأقل فـ الـLow-to-Mid ان لم يكن فـ التوب-سبيد كمان..
- يبقى عـ الورق وعـ الأرض الفوكاس مش أقوى ولا حاجة.

الجولف 120 كانت فعلا 8 و كسور
انما ال 160 كانت نازلة تحت ال 8 تقريبا 7.8 بس رقم اكبر من الشيروكو

عيب عليك يامان,
الجولف الـ122 حصان من 0-100 فـ 9.5 ثوانى.. مانيوال (مقابل 9.6 للبرافو Dualogic)
والجولف الـ160 حصان من 0-100 فـ 8.0 ثوانى.. مانيوال, 7.9 للـDSG (مقابل 8.2 للبرافو الـ150 مانيوال) Sport-Mode Overboost

btw: دايما فـ المقارنة بين VW vs FIAT فـ الـEquivalent Power-guise هتلاقى:
- الفولكس أسرع من 0-100.. وأعلى فـ التوب-سبيد بفرق صغير, (يعنى تحت من الثبات, وفوق أوى), لكن...
- الفيات أسرع فـ الـOvertaking-Acceleration وأعلى فـ الـMid-Range (من 80-120, ومن 120-160) بفرق كبيييييييييير..!!!
وتقدر تتأكد من كلامى (بالأرقام), هما بيعملوا عربياتهم كده.. ممكن بقى State-of-Tune أو Gear-Ratios ولا Aero.. ماتعرفش؟؟!!!

[mody3on]

لا انا بتكلم عالجولف ال 1.6 ال 102 حصان اللي هنا ال 158 نيوتن
بينما الفوكاس 125 حصان 159 نيوتن يعني مفيش فرق في ال Torque
هي اعلى من البرافو في الاحصنة بس اقل في ال torque
بس هي اعلى من الجولف ( البطة اللي بتنزل هنا ) عالاقل مفيهاش كلام :)

[Mzeid]

[COLOR=royalblue]

عيب عليك يامان,
الجولف الـ122 حصان من 0-100 فـ 9.5 ثوانى.. مانيوال (مقابل 9.6 للبرافو Dualogic)
والجولف الـ160 حصان من 0-100 فـ 8.0 ثوانى.. مانيوال, 7.9 للـDSG (مقابل 8.2 للبرافو الـ150 مانيوال) Sport-Mode Overboost

btw: دايما فـ المقارنة بين VW vs FIAT فـ الـEquivalent Power-guise هتلاقى:
- الفولكس أسرع من 0-100.. وأعلى فـ التوب-سبيد بفرق صغير, (يعنى تحت من الثبات, وفوق أوى), لكن...
- الفيات أسرع فـ الـOvertaking-Acceleration وأعلى فـ الـMid-Range (من 80-120, ومن 120-160) بفرق كبيييييييييير..!!!
وتقدر تتأكد من كلامى (بالأرقام), هما بيعملوا عربياتهم كده.. ممكن بقى State-of-Tune أو Gear-Ratios ولا Aero.. ماتعرفش؟؟!!!

أنت صح :)

عيوب الزهايمر

أنا دخلت عندي الارقام في بعض لأني كنت بقارن ال 122 بال 160 بالشيروكو

[Hosam_Optrawy]

فوكس وبعدها استرا

[hurgada90]

استرا تربو طبعا
ماحدش جاب سيرة الفتيس dsg وال مصايب اللي عملها ليه؟ ده نقمة
الاسترا ثابتة جدا أكتر من الجيتا وده عن تجربة أنا معايا جيتا وصاحبي معاه استرا بس العادية
وبعدين فرق الثانية دي مش عايشين في سبق احنا الواحد عاوز عربية ميحسش إنها تقيلة وتكون بتسحب كويس
استرا تربو وهتدعيلي

[hurgada90]

كمان الاسترا فيها esp وده مش موجود في الثانيين

[alnmr79]

انا من عشاق الاوبل بس بصراحة الفورد فوكاس عفشة وفتيس وصوت وعزل وارتفاع وطلعة ونعومة افضل من كل المنافسين ودة عن تجربة______الفوكس عربية محترمة وتوكيل وقطع غيار كويسة جدا تقارنها بالكورى بس عيبها اعادة البيع وحشة قوى.

[melagouze]

كمان الاسترا فيها esp وده مش موجود في الثانيين

و ده فارق مهم جدااااااااا

و انا من رأيي تجيب الاسترا العاديه...معقوله ادفعلي حوالي 40 الف جنيه علشان 4 ثواني من الصفر الي 100 ....يا سيدي اعتبر نفسك انك خسرت السبق

[Formulator]

فوكس وبعدها استرا

أقفل ياعم انت الكبوت اللى فـ توقيعك ده, دا حتى الموتور بلاستيك!!
هههههههههههههه

ماحدش جاب سيرة الفتيس dsg وال مصايب اللي عملها ليه؟ ده نقمة

ماحنا قولنا ان الفتيسات الـDSG من 2010-- مفيهاش مشاكل النسخ/الجيل الأول.. راجع المشاركات.

الاسترا ثابتة جدا أكتر من الجيتا وده عن تجربة أنا معايا جيتا وصاحبي معاه استرا بس العادية

قد تكون أثبت من الجيتا (ولو أنى مش مقتنع, عشان ركبت الـ2.. بس الجيتا كانت High-Line جنط 17" وESP), بس Ok
لكن مش أثبت من الجولف, ولو الـ1.6 بتاع مصر اللى احنا بنقول عليها بطـــــة..؟!!

وبعدين فرق الثانية دي مش عايشين في سبق احنا الواحد عاوز عربية ميحسش إنها تقيلة وتكون بتسحب كويس

احنا اتكلمنا فـ فروق هندسية وفنية.. مش بس فـRace وشد وجرى..؟؟!!!
يعنى أيه عربيات أقل منها بـ 30/20 حصان (الجولف والبرافو).. وتنفخها على كل السرعات؟؟؟!!

فرق الثانية كاملة ده.. يدل ان GM/Opel عندها مشكلة فـ العربية (فتيس, Traction أو Aero)..
بس أنا بقول فتيس, لأن هو الفرق الواااااااااضح جدا للعين الغير الخبيرة..!!
Edit: أنا بعشق حاجة اسمها أوبل, والأسترا من الشيب اللى فات H.. عربية جاااااااااامدة جدا جرى وثبات,
بس التجارب السيئة مع أصحابى وجيرانى (وGM ومنصور).. بتخلينى لااااااازم أبقى مهسس شوية قبل مآخد قرار شراء (أو أنصح حد بيه).
وتقدر تراجع قسم المقارنات.. أى مقارنة فيها أسترا عادية/تربو, أنا بحطها فـ الـPreferences

كمان الاسترا فيها esp وده مش موجود في الثانيين

و ده فارق مهم جدااااااااا

البرافو الـT-JET 120 فيها ESP فـ Pkg6 السبورت/هاندلينج باكدج.
الجولف6 الـ1.6 DSG فيها ESP بينزل as Standard..

و انا من رأيي تجيب الاسترا العاديه...معقوله ادفعلي حوالي 40 الف جنيه علشان 4 ثواني من الصفر الي 100 ....يا سيدي اعتبر نفسك انك خسرت السبق

1- نفس الرد اللى فوق.. احنا بنتكلم فـ فروق فنية,
ليــــــــه الأوبل أبطا (بثوانى) رغم أنها أقوى فـ الهورسباور (برقم مش قليل)؟؟؟!!
2- وياسيدى لو الثانية فرق فـ التسارع = 10 آلاف جنيه (4 ثوانى=40 ألف)... يا بلاش!!!
ده الجماعة الـTuners بتاع المنتدى هيفرحوا أوى, الناس بتتشقلب عشان يسرع عربيته ثانية؟؟!!

بس معلش, برضه مفهوم حضرتك للباور قاصر على حاجة واحدة بس..؟؟؟!! التسارع من 0-100.

- طب والتسارع فـ بقية الرينجات من 80-120 ومن 120-160 لحد الـ200 (زى ماقولنا فوق) وكمان التوب-سبيد.
- لما أوبل تغير حاجات فـ العفشة والفتيس وتعمل Upgrade للفرامل والـSteering.. ومايلزم بقى من مكونات (قواعد موتور وفتيس ووو...).. هو ده مش فرق؟؟
- الـintake كله متغير, وكذلك الشكمان بالكامل (عشان التربو), طلمبات البنزين بالرشاشات, طلمبة الزيت والمياه.. كل ده متغير لـSpecs أعلى, ماستر الفرامل أكبر..
كل دى مش فروق تستاهل الـ40 ألف؟؟!!!
- يعنى لما العربية (الأسترا تربو) تبقى فاضية بتجرى مليانة بتجرى, والعادية N/A لما يركب فيها 3-4 وتبقى بطة.. هو ده مش فرق؟؟!!!

اسمحلى أقولك ان الأسترا العادية عربية, والأسترا التربو عربية تانى خااااااااااالص.. أى Rookie لو ركب الأثنين هيعرف الفرق الشاسع بين العربيتين..
(أنا ركبت العادية فقط, بس ركبت أسترا H القديمة بنفس الموتور 1.6T.. وعارف كويس أوبل بتعمل العربيات دى أزاى, وبتغير فيها أيه)؟؟!!!

فيه فرق لما تركب عربية 1600cc N/A, عن لما تركب عربية 2300-2500cc يافندم (=1.6 Turbo دى حسبة بأقل Factor)..