جين 2 ولا اكسنت ار بي ولا كيـا ريوو

[Mizo17k]

يا جماعه مالاخررررر كيـا ريو اول فئه ولا جين 2 ولا اكسنت ار بي اول فئه سيبكم من الشكل خالص انا عايز حاجه متتعبنيش تكون متينه يعني من الاخر :b4_048:

[S O P H O S]

اعتقد كيا مناسبة عربية ثابتة توكيل افضل وماتور جيد
والله اعلم ..

[Dawns_Mist]

خلينا نركن الأكسنت على جنب .. لإنها الأقل في الموتور ، لإنها السوأ في العفشة ، لإنها الأقل في النعومة ، لإنها الأقل في الكامليات ، لإنها الأقل في الثبات و الأمان .

الكيا ريو الجديدة و الجين 2 :

جين تو تتفوق بجدارة في الموتور و السحب على كل السرعات
جين تو تتفوق بجدارة في الثبات و الأمان لحد ماتقفل الأمبير

ريو تتفوق في النعومة نسبيا أنعم من الجين
ريو توكيلها أفضل من توكيل بروتون و كمان قطع الغيار تقدر تلاقيها بسهولة أكتر

العربيتين كمالياتهم قريبة من بعض ... لكن أوبشنز الجين تو مازالت أفضل

* أنا لو مكانك و هقدر أتغلب على موضوع قطع الغيار و التوكيل ده .. على طول جين تو في الفئة السعرية دي ولا عربية تقدر تتكلم معاها .

[البرنس]

خلينا نركن الأكسنت على جنب .. لإنها الأقل في الموتور ، لإنها السوأ في العفشة ، لإنها الأقل في النعومة ، لإنها الأقل في الكامليات ، لإنها الأقل في الثبات و الأمان .

الكيا ريو الجديدة و الجين 2 :

جين تو تتفوق بجدارة في الموتور و السحب على كل السرعات
جين تو تتفوق بجدارة في الثبات و الأمان لحد ماتقفل الأمبير

ريو تتفوق في النعومة نسبيا أنعم من الجين
ريو توكيلها أفضل من توكيل بروتون و كمان قطع الغيار تقدر تلاقيها بسهولة أكتر

العربيتين كمالياتهم قريبة من بعض ... لكن أوبشنز الجين تو مازالت أفضل

* أنا لو مكانك و هقدر أتغلب على موضوع قطع الغيار و التوكيل ده .. على طول جين تو في الفئة السعرية دي ولا عربية تقدر تتكلم معاها .

علي فكرة الأكسنت موتورها 124 حصان و الريو 109 و الجين تو 110 يبقي إزاي هي الأسوء في الموتور ؟؟؟ هل حضرتك جربت الأكسنت و ركبتها علشان كده بتقول مش ناعمة و العفشة ناشفة ؟؟ و لا سمعت من حد ؟؟

[OMAR61995]

خلينا نركن الأكسنت على جنب .. لإنها الأقل في الموتور ، لإنها السوأ في العفشة ، لإنها الأقل في النعومة ، لإنها الأقل في الكامليات ، لإنها الأقل في الثبات و الأمان .

الكيا ريو الجديدة و الجين 2 :

جين تو تتفوق بجدارة في الموتور و السحب على كل السرعات
جين تو تتفوق بجدارة في الثبات و الأمان لحد ماتقفل الأمبير

ريو تتفوق في النعومة نسبيا أنعم من الجين
ريو توكيلها أفضل من توكيل بروتون و كمان قطع الغيار تقدر تلاقيها بسهولة أكتر

العربيتين كمالياتهم قريبة من بعض ... لكن أوبشنز الجين تو مازالت أفضل

* أنا لو مكانك و هقدر أتغلب على موضوع قطع الغيار و التوكيل ده .. على طول جين تو في الفئة السعرية دي ولا عربية تقدر تتكلم معاها .

كلام جميل
gen 2 أحسن اختيار
و الأحسن أنك شلت الrb من المقارنة
العربية دى ثبات ضايع و بتنط من ورا بطريقة غريبة

[ahmad--ezzat]

الكيا افضلهم

[Dawns_Mist]

علي فكرة الأكسنت موتورها 124 حصان و الريو 109 و الجين تو 110 يبقي إزاي هي الأسوء في الموتور ؟؟؟ هل حضرتك جربت الأكسنت و ركبتها علشان كده بتقول مش ناعمة و العفشة ناشفة ؟؟ و لا سمعت من حد ؟؟

لو حضرتك معاك آر بي ... إيه رأيك نطلع في يوم على أي حد بيقيس الباور على التونر الجهاز اللي بيقيس باور العربية ده سوى ... ولو طلعت 100 حصان بس ليك مني أبيع البوما و أشتري آر بي زيرو و أعلنها في المنتدى هنا ... و أنا قد كلمتي .. هاتلي بس منها من على الكاوتشات 100 حصان مش هقولك 124 و بعدها نتكلم .

مش كانوا بيقولوا على السيراتو 124 حصان ؟ و لما حطيناها جنب عربية 109 حصان ياباني بنفس سعرها ماعرفتش تشوفها على طول الخط و الفيديو نزل على المنتدى يا باشا في موضوع معروف و قديم و مشهور ... هو حضرتك بتصدق أرقام الكوريين ؟

لما تجرب حضرتك الجين تو اللي هي 110 حصان هتعرف إن الآر بي عمرها ماتجيب 100 حصان .. و لما تجرب البوما اللي هي 109 حصان و المازدا اللي هي 107 حصان و لما تجرب الشارك اللي هي 1500 سي سي على 110 حصان هتتأكد من كلامي .. و أنا بقولك جرب بنفسك .. لإن لو على كلام حضرتك إن فعلا الـ 124 حصان دول حقيقيين و كمان وزن الأكسينت خفيف جدا .. المفروض إنها تخيط الهونداسيفيك و تخيط الجولف و تخيط الفانتازيا و تخيط الفوكس و تخيط جيتا كمان .... هل ده كلام منطقي !!!
الأكسينت دي 1600 .... و رهاااااان عمرها ماتعرف تطلع من السيتي اللي هي 1300 .. مع إن السيتي بدون تربو ، و مع إن السيتي أقل من 100 حصان و مع إن السيتي وزنها أتقل !!!!

أنا سوقت الأكسينتات بجميع إصداراتها من ساعة ما هيونداي قالت يلا يا أكسينت ..
و برضه سوقت كل الموديلات اللي في فئتها و غيرها أكيد ..
و بقولك عن تجربة الآر بي ناشفة زي المستشفى .. و عموما ده رأيي الشخصي .. هي أرحم شوية والله من الفيرنا ( ربنا يستر و ماتقوليش الفيرنا ناعمة ) .. لكن بالنسبة للصني مثلا اللي بيتقال عليها ناشفة تعتبر الأكسينت ناشفة أكتر ، و بالنسبة للريو الجديدة و القديمة الأكسينت أنشف ، و بالنسبة للبوما الأكسينت أكيد أنشف مع إن البوما برضه مش ناعمة للدرجة دي ، و بالنسبة للإلنترا 2008 تعتبر الأكسينت آر بي كنبة بلدي من كتر ماهي ناشفة ...... أنا عمري ما حد قالي كلمة إن الآر بي ناعمة أبدا !!!!!! و أقصد بكلمة ناشفة يعني لما تاخد نؤره أو مطب على السريع أو تنتش فجأة أو تفرمل فجأة أو ملف مع رجرجه على الطريق أو طريق مش مرصوف كويس .

و في الأول و في الآخر الموضوع ده نسبي و يفرق من واحد للتاني ، لكن أنا أكيد جربت الآر بي دي منتشرة زي الرز في كل مكان و لا أي حد قالي عليها ناعمه أبدا بجد أنا مستغرب و عن تجربتي العربية ناشفة كتير كمان مش ناشفة بس ... فيه موضوع تاني مقارنة برضه أنا قولت فيه نفس الكلام ده و كل الناس موافقاني و بيقولوا عن تجربة ناشفة برضه مش أنا لوحدي والله .. و في النهاية حتى لو حضرتك مش مقتنع دي وجهات نظر و أنا بحترم رأي حضرتك في النهاية .

و للعلم أنا مهندس ميكانيكا ، و موضوع العربيات ده عندي هواية ، و مع إني شغال في مجال الأوراق المالية أصلا لكني واخد كلية هندسة قسم قوى ميكانيكية من كتر حبي في مجال السيارات كهواية و دخلت توكيلات كتير كمهندس مش عميل و جربت عربيات كتير جدا جدا ، و قسم المقارنات فيه مشاركات كتير ليا .. فأنا والله بحاول على قد ماقدر أكون حيادي .. أصلا الكيا و الهيونداي الاتنين كوري و أنا مش هجبي على حد فيهم و أنا بطبعي مش عاطفي ولا أمتلك ولا واحده فيهم ولا عمري هشتري حاجة فيهم فأنا دايما بقول رأي على قد ماقدر منطقي و حيادي و ماقصدش أتحيز أبدا .. و اعذرني لو كنت طولت في الرد .

[toty_305]

لو حضرتك معاك آر بي ... إيه رأيك نطلع في يوم على أي حد بيقيس الباور على التونر الجهاز اللي بيقيس باور العربية ده سوى ... ولو طلعت 100 حصان بس ليك مني أبيع البوما و أشتري آر بي زيرو و أعلنها في المنتدى هنا ... و أنا قد كلمتي .. هاتلي بس منها من على الكاوتشات 100 حصان مش هقولك 124 و بعدها نتكلم .

مش كانوا بيقولوا على السيراتو 124 حصان ؟ و لما حطيناها جنب عربية 109 حصان ياباني بنفس سعرها ماعرفتش تشوفها على طول الخط و الفيديو نزل على المنتدى يا باشا في موضوع معروف و قديم و مشهور ... هو حضرتك بتصدق أرقام الكوريين ؟

لما تجرب حضرتك الجين تو اللي هي 110 حصان هتعرف إن الآر بي عمرها ماتجيب 100 حصان .. و لما تجرب البوما اللي هي 109 حصان و المازدا اللي هي 107 حصان و لما تجرب الشارك اللي هي 1500 سي سي على 110 حصان هتتأكد من كلامي .. و أنا بقولك جرب بنفسك .. لإن لو على كلام حضرتك إن فعلا الـ 124 حصان دول حقيقيين و كمان وزن الأكسينت خفيف جدا .. المفروض إنها تخيط الهونداسيفيك و تخيط الجولف و تخيط الفانتازيا و تخيط الفوكس و تخيط جيتا كمان .... هل ده كلام منطقي !!!
الأكسينت دي 1600 .... و رهاااااان عمرها ماتعرف تطلع من السيتي اللي هي 1300 .. مع إن السيتي بدون تربو ، و مع إن السيتي أقل من 100 حصان و مع إن السيتي وزنها أتقل !!!!

أنا سوقت الأكسينتات بجميع إصداراتها من ساعة ما هيونداي قالت يلا يا أكسينت ..
و برضه سوقت كل الموديلات اللي في فئتها و غيرها أكيد ..
و بقولك عن تجربة الآر بي ناشفة زي المستشفى .. و عموما ده رأيي الشخصي .. هي أرحم شوية والله من الفيرنا ( ربنا يستر و ماتقوليش الفيرنا ناعمة ) .. لكن بالنسبة للصني مثلا اللي بيتقال عليها ناشفة تعتبر الأكسينت ناشفة أكتر ، و بالنسبة للريو الجديدة و القديمة الأكسينت أنشف ، و بالنسبة للبوما الأكسينت أكيد أنشف مع إن البوما برضه مش ناعمة للدرجة دي ، و بالنسبة للإلنترا 2008 تعتبر الأكسينت آر بي كنبة بلدي من كتر ماهي ناشفة ...... أنا عمري ما حد قالي كلمة إن الآر بي ناعمة أبدا !!!!!! و أقصد بكلمة ناشفة يعني لما تاخد نؤره أو مطب على السريع أو تنتش فجأة أو تفرمل فجأة أو ملف مع رجرجه على الطريق أو طريق مش مرصوف كويس .

و في الأول و في الآخر الموضوع ده نسبي و يفرق من واحد للتاني ، لكن أنا أكيد جربت الآر بي دي منتشرة زي الرز في كل مكان و لا أي حد قالي عليها ناعمه أبدا بجد أنا مستغرب و عن تجربتي العربية ناشفة كتير كمان مش ناشفة بس ... فيه موضوع تاني مقارنة برضه أنا قولت فيه نفس الكلام ده و كل الناس موافقاني و بيقولوا عن تجربة ناشفة برضه مش أنا لوحدي والله .. و في النهاية حتى لو حضرتك مش مقتنع دي وجهات نظر و أنا بحترم رأي حضرتك في النهاية .

و للعلم أنا مهندس ميكانيكا ، و موضوع العربيات ده عندي هواية ، و مع إني شغال في مجال الأوراق المالية أصلا لكني واخد كلية هندسة قسم قوى ميكانيكية من كتر حبي في مجال السيارات كهواية و دخلت توكيلات كتير كمهندس مش عميل و جربت عربيات كتير جدا جدا ، و قسم المقارنات فيه مشاركات كتير ليا .. فأنا والله بحاول على قد ماقدر أكون حيادي .. أصلا الكيا و الهيونداي الاتنين كوري و أنا مش هجبي على حد فيهم و أنا بطبعي مش عاطفي ولا أمتلك ولا واحده فيهم ولا عمري هشتري حاجة فيهم فأنا دايما بقول رأي على قد ماقدر منطقي و حيادي و ماقصدش أتحيز أبدا .. و اعذرني لو كنت طولت في الرد .

-أنا عايز أنقل تجربه مع LANCER 2006 ِ AUTO صيانات في التوكيل عامله 207 ألف عربيه مفيهاش نفس تطلع من LANCER 1300 موديل 1999عامله 250 ألف بس مانيوال و بقت تعبانه أخر حاجه دي لانسر و عن تجربه

- أنا عندي RB و من كلامك الصراحه فكرت أبيعها يعني أنا ركبت أوبل و لانسر بس عادي يعني الفرق الفظيع بس مع أوبل عشان الثبات لكن لانسر مش فظيعه يعني فرق التعليق الخلفي و الكوتش الأكبر مش فظيعه فرق بسيط للانسر

-حكايه الشد دي الصراحه مستغرب هوندا 1500 أو مازدا ماشي لاكن لانسر صعب شويه

-الانسر البوما بقت عربيه شعبيه منتشره حدا طبعا عشان الأداء فوق الفظيع

-و كل و احد و تجربته يا صديقي

[ahmad--ezzat]

هيا البوما اداء فظيع من امتى ؟

دة النوبيرا برقيتها فى السحب

[Dawns_Mist]

الموضوع اتقلب تريقة على لانسر .. ماشي يا جماعة .. لانسر أنا معاكم إنها عربية شعبية جدا لدرجة إنها بقت زي الشباشب في رجلين الناس أنا معترف بكده .. و عي مش واو أبدا و أنا عمري ماقولت على لانسر واو .. و هنعتبر إنها بطة يا سيدي و بتزحف و سلحفاه و النوبيرا بتطلع منها ( آاااخ يا زمن .. هاها !! ) .. أوكاي .. كلامك على عيني و راسي ...

بس ماتطلعوناش بره الموضوع ... الليله مافيهاش لانسر أصلا .. كلامي كان على الآر بي .. قولت اللي يعرف يطلعلي منها الـ 124 حصان بتوعها دول يبقى بطل .. و قولت إنها ماتعرفش تطلع من عربيات 1300 و 1500 أقل منها في الحصان و السعة اللترية .. و ماحدش رد عليا في كلامي و كلكم بتشتموا في لانسر !!

كلامي برضه على الآر بي إنها ناشفه .. و برضه ماحدش رد على كلامي و كله بيشتم في لانسر !!

عموما أنا سايبكم لضميركم .. و بكررها تاني .. لو الآر بي 124 حصان .. ليه مش بتطلع من السيفيك ولا الجيتا ولا الجولف ولا الأسترا ولا السيتي ولا الفانتازيا ولا الشارك ولا المازدا ؟؟؟

و الله أنا مش داخل أشكر في عربيتي .. البومة من العربيات المتوسطه اللي أنا ركبتها .. قبلها كان فيه عربيات تانية ركبتها برقبتها .. و قريب أشتري عربية تانية أعلى منها .. أنا مش بقول عليها واو أبدا .. بس على الأقل اليابانيين مش بيكدبوا أبدا و هما بيدوني اللانسر ... عربيتي بعد 6 سنين عمر .. و عمري ما عملت صيانة في توكيل .. و بعد 135 ألف كيلو مازالت بتجيب من 0 - 100 في 9 ثواني .. و معاكم فيديوهين كده على السريع لعربيات من مصر لانسر 2005 - 2006 أوتو بتجمعها في أقل من 10 ثواني و من غير فرك و نركز على النقطة دي .. يعني مش أنا لوحدي اللي بقول كده :
My Lancer GLX 1.6 (0-100) in 10 sec ! - YouTube
lancer acceleration from 0 to 100 km/sec - YouTube
الأخير ده مانيوال لكنه برضه مجمعها في أقل من 10 ثواني .. و الجميل إنه مجمع من 0 - 180 في أقل من 45 ثانية
يعني زيه زي الإلنترا الجديدة اللي كل الناس بيقولوا عليها 130 حصان !!!
2005 lancer glx 1.6 - YouTube

و برضه علشان نحق الحق .. هنجيب فيديو لإنترا 2012 أوتو و هي برضه بتجمع من 0 - 100 في 10 ثواني .. يعني العربية الكوري أم 130 حصان .. بتجمع زيها زي الياباني الـ 109 حصان !!! و كمان على السرعات العالية من 0 - 180 العربيتين في 45 ثانية تقريبا .. يعني بنأكد على المعلومة كويس أوي علشان الناس تفهم يعني إيه حصان كوري !! :
‫تسارع ألنترا 2012 أوتو‬‎ - YouTube

نرجع بقى لأصل الموضوع .. و نسيبنا من الانسر و الإلنترا .. أنا بس كنت بثبتلكم إنكم ماينفعش أبدا تصدقوا أرقام الكوريين بسهولة كده ..

و ياريت نقفل بقى النقطة دي .. و نركز في الأكسينت و الريو يا جماعة .

[ahmad--ezzat]

ههههههههههههههههههههههههههههههههههه

خلاص يعم انا اسف ... انت سخنت كده ليه

اصل انا سوقت لانسر بومه سبورت باكدج بتاعت جوز اختى وسافرت بيها

عزمها معجبنيش نهائى وثباتها معجبنيش برضه نهائى على السرعات وشايف مواتير ال etec عزم افضل وقوتها اعلى ودة شىء محسوس جدا

عموما هيا اراء...وانا ميهمنيش مين اسرع من مين وشغل الهطل ده :)
دة كله حديد ف حديد

[Dawns_Mist]

هيا البوما اداء فظيع من امتى ؟

دة النوبيرا برقيتها فى السحب

يا باشا البومة عمرها ماكان أدائها فظيع .. والله أنا عمري ماقولت أداءها فظيع أبدا
أنا بسوق الـ 307 و الهوندا و المازدا و الأوكتافيا بكون مش عايز أسوق البومة تاني ...
بس معلش يعني يا كبير مش لدرجة إلنوبيرا ... عيب أوي كده !!

طبعا انت شوفت فيديوهات البوما ... أنا سوقت النوبيرا كتير .. و جربت تجميعها .. أوتو 1600 من 0 - 100 في أكتر من 15 ثانية والله و كده أنا كرمتها كمان .. هنقول ممكن يكون النوبيرا اللي معايا هي اللي حالتها وحشه .. قعدت أدورلك على النت على أي فيديو يكرم النوبيرا كده و يرفع راسها .. و ربنا يعلم إني أي فيديو ينزله لأي عربية بيكون أفضل حاجة شوفتها و لازم يكون اللي منزله كاتب التفاصيل بتاعت العربية ... والله يا برنس مالاقيت فيديو أحسن من ده على اليوتيوب كله :
Chevrolet Nubira 2004 acceleration 0-100 km/h - YouTube
نوبيرا 1800 يعني بتطلع 120 حصان .. و أوروبي كمان مش مصري .. و شيفروليه 2004 كمان مش دايو و ماعرفتش تجمعها في أقل من 14 ثانية !!!

* بص والله ماقصد أستفزك .. بس بجد الكلام ده مش منطقي .. قولي سيراتو قولي إلنترا قولي أي كوري تاني ممكن نتكلم .. لكن مش لدرجة نوبيرا يا راجل عيب !! الناس يقولوا علينا إيه بس دلوقتي ؟؟

- خلينا نرجع لموضوعنا يا باشا الله يكرمك أنا تعبت من المناقشات الجانبية دي .. و نقول للراجل ده يجيب الأكسينت ولا لأ .

[ahmad--ezzat]

يا باشا البومة عمرها ماكان أدائها فظيع .. والله أنا عمري ماقولت أداءها فظيع أبدا
أنا بسوق الـ 307 و الهوندا و المازدا و الأوكتافيا بكون مش عايز أسوق البومة تاني ...
بس معلش يعني يا كبير مش لدرجة إلنوبيرا ... عيب أوي كده !!

طبعا انت شوفت فيديوهات البوما ... أنا سوقت النوبيرا كتير .. و جربت تجميعها .. أوتو 1600 من 0 - 100 في أكتر من 15 ثانية والله و كده أنا كرمتها كمان .. هنقول ممكن يكون النوبيرا اللي معايا هي اللي حالتها وحشه .. قعدت أدورلك على النت على أي فيديو يكرم النوبيرا كده و يرفع راسها .. و ربنا يعلم إني أي فيديو ينزله لأي عربية بيكون أفضل حاجة شوفتها و لازم يكون اللي منزله كاتب التفاصيل بتاعت العربية ... والله يا برنس مالاقيت فيديو أحسن من ده على اليوتيوب كله :
Chevrolet Nubira 2004 acceleration 0-100 km/h - YouTube
نوبيرا 1800 يعني بتطلع 120 حصان .. و أوروبي كمان مش مصري .. و شيفروليه 2004 كمان مش دايو و ماعرفتش تجمعها في أقل من 14 ثانية !!!

* بص والله ماقصد أستفزك .. بس بجد الكلام ده مش منطقي .. قولي سيراتو قولي إلنترا قولي أي كوري تاني ممكن نتكلم .. لكن مش لدرجة نوبيرا يا راجل عيب !! الناس يقولوا علينا إيه بس دلوقتي ؟؟

- خلينا نرجع لموضوعنا يا باشا الله يكرمك أنا تعبت من المناقشات الجانبية دي .. و نقول للراجل ده يجيب الأكسينت ولا لأ .

برضه انت مصمم انى بزعل وان الموضوع ذات اهميه رهيبه عندى :)))

ياسيدى الفاضل شكلك متعرفش حاجه عن الدايو....مش اقصد اشكك فى خبرتك اطلاقا مع احترامى

بس نوبيرا ايه حضرتك اللى بتجيب ال 100 فوق ال 15 ثانيه !!!!!...انت بتتكلم على انهى عربيه مش فاهم !؟
انا بجيب ال 100 ف 10 ثوانى يا فندم من الصفر
سيبك من فيديوهات اليوتيوب اللى مبتجبش همها..انت جايب اوبترا اصلا :)....انا ليا دعوه باللى تحت رجلى واللى مجربه ...عشان نكون واضحين

خدلك بصه فى قسم دايو...فى عضو معاه لانوس ماشاء الله مقطع عربيات كتير وموتوره 2 كامه 1500 سى سى

سيدى الفاضل انا عربيتى مانيول وحالتها الحمد لله كويسه جدا وبجيب بيها 210 والعزم عزم والسحب سحب ما شاء الله

المازدا اللى حضرتك فاكرها طياره اخرها 185 وياماااااااااااااا قطاعناها انا واصحابى بالنوبيرا ايام الشقاوه...شىء مهين لما تجيب توب سبيد 210 وعربيه اغلى منك مش قادره تجيب راميها وراك فتره :)))

انا لا يهمنى نوبيرا ولا لانوس ولا حاجه...بس بقلك انت معندكش خبره نهائى فى الدايو ومواتير ال etec

وطالاما بتحب فيديوهات اليوتيوب اللى انا مش بعترف بيها اصلا بص على الفيديو دة لانه بيثبت عكس كلامك نهائى

http://www.youtube.com/watch?v=3nmvViTyq1o&feature=related

[Dawns_Mist]

انت ليه محسسني إن الـ e-tec ده موتور جاي من الفضاء ؟؟
ده من العيلة الأولى لمواتير جنرال موتورز .. يعني قديم جدا و مافيهوش التكنولوجيا اللي انت متخيلها أبدا !!
أفضل حاجة في كل أجيال الـ e-tec اللي اتعملت 1.6 بيطلع 107 حصان و عزم 142 نيوتن .. و ده اللي موجود في الكروز دلوقتي على الناحية التانية الـ 4g18 من ميتسوبيشي و اللي برضه يعتبر قديم بيطلع 151 نيوتن ... فين العزم اللي حضرتك عمال تتكلم فيه و محسسني إني مش فاهم حاجة في المجال ده ليه ؟؟
والله أنا مهندس ميكانيكا متخصص في الاحتراق كمان يا جدعان ... و مش هدخل معاك في تفاصيل .. بس مدام حضرتك مهندس برضه .. يبقى مين اللي يتقال عليه فيه تكنولوجيا ؟
الـ e-tec ولا الـ cvvt
الـ e-tec ولا الـ gdi
ده في شريحة الكوري لسه .. مش هتكلم على شرايح الياباني و الأوروبي كمان
الـ e-tec مش وحش .. بس قديم فعلا .. و التكنولوجيا اللي فيه دلوقتي تعتبر من الروايش بتاعت جنرال موتورز بالنسبة لفئة الـ 1600 من العربيات !!

و بعيدا عن المواتير خالص .. أنظمة الجر دي لوحدها بتمثل 40 % من نجاح العربية في التسارع
شوف الفيتيس الأوتو بتاع النوبيرا .. و شوف الـ CVT بتاع لانسر ... شوف فرق التكنولوجيا كاااااام سنة
بعيدا بقى عن إن الـ CVT ده ممل .. أو وحش .. بس شوف ده معمول سنة كام و ده سنة كام ... و ده بيتحط في عربيات إيه و ده عربيات إيه ..

بعيدا يا سيدي عن الأرقام و خلينا نتكلم بوجه عام كمان مش عن النوبيرا و لانسر بس ... لا عن فكر الكوريين و فكر اليابانيين ..
أولا الكوريين عايشين على فتات جنرال موتورز و غيرها من الشركات ولا عمرهم ابتكروا أي أي جديد في عالم العربيات قبل 2008 في حياتهم .. و اللي ابتكروه كمان طلع فيه ناس قبلهم عملته بس بمسميات و حيثيات تانية .
أهم حاجة يعمل مبيعات كتير بعيدا عن البحث العلمي و الريادة .. بالتالي بياخد فتافيت العلوم يجمعها بتكلفة أقل علشان يبيع بسعر رخيص ... و هتلاقي الفرق واضح أوي لما تشوف الأوبل الـ e-tec تركبها و تجربها و تسوقها .. و تشوف الدايو الـ e-tec مع إن الاتنين نفس الموتور !!!

و أحقاقا للحق .. هيونداي بدأت من 2008 تقريبا تطلع شغل جديد و كويس جدا .. لكن ده كان بعد الفرع الحديد اللي عملواه في ألمانيا و اللي فيه خبرات ألمانية كتير جدا .. يعني حتى اللي طلعوه جديد جاي من الأساس من مهندسين ألمان ....... و برضه كيا بدأت تنافس و تطلع حاجات كويسه مؤخرا ... لو استمروا على الطريقه دي هيكون فعلا ليهم دور في إنهم يرفعوا السوق الكوري كله و يكون ليه وزنه العالمي في مجال البحث العلمي و الابتكار .

[ahmad--ezzat]

انت ليه محسسني إن الـ e-tec ده موتور جاي من الفضاء ؟؟
ده من العيلة الأولى لمواتير جنرال موتورز .. يعني قديم جدا و مافيهوش التكنولوجيا اللي انت متخيلها أبدا !!
أفضل حاجة في كل أجيال الـ e-tec اللي اتعملت 1.6 بيطلع 107 حصان و عزم 142 نيوتن .. و ده اللي موجود في الكروز دلوقتي على الناحية التانية الـ 4g18 من ميتسوبيشي و اللي برضه يعتبر قديم بيطلع 151 نيوتن ... فين العزم اللي حضرتك عمال تتكلم فيه و محسسني إني مش فاهم حاجة في المجال ده ليه ؟؟
والله أنا مهندس ميكانيكا متخصص في الاحتراق كمان يا جدعان ... و مش هدخل معاك في تفاصيل .. بس مدام حضرتك مهندس برضه .. يبقى مين اللي يتقال عليه فيه تكنولوجيا ؟
الـ e-tec ولا الـ cvvt
الـ e-tec ولا الـ gdi


.

مين قال ان ال etec شىء فضائى وحديث....اطلاقا
انا بكلمك من منطلق عزم العربيه والتسارع
مش تكنولوجيا مواتير...مش اى موتور حديث ممتاز فى السحب...وانا معرفش انت ليه بتتكلم على النوبيرا الاتوماتيك بالتحديد ... صدقنى يا فندم العربيه اللى حضرتك جربتها اكيد خربانه..

لان مفيش عربيه سليمه هتجيب 100 فوقت ازيد من ال 15 ثانيه ( حضرتك بتبالغ جدا جدا)

الفيديو بتاع الاوبترا اللى حضرتك حاطه دة عيب سواق 100%....هو فى حد برضه عايز يعمل تسارع فوقت قليل يطلع على 2 rbm !!!!!!!!

وحضرتك ذكرت العزم بالارقام....هو العزم دة وحش فى ايه !!!! :))

بص يا فندم انا ليا من الناحيه العمليه وزى ما قلتلك الموتور اللى تحت رجلى هو اللى بيخلينى اتكلم...مش الارقام اللى على الورق

اسمحلى اقلك على شىء...
الانسر 1.6 على 150 ل 200 (ازا جابتهم اصلا) عزمها سىء جدا جدا جدا بالنسبه للنوبيرا حتى مع سبورت درايف (صوت موتور عالى والنتيجه مش قد كده)....طب التكنولوجيا عملتلى ايه !!!!!!!؟؟؟؟
تعالى فى النوبيرا...اكبس بنزين هتحس بالعزم والتسارع...مع ان التكنولوجيا قديمه بالنسبه للانسر..بس

تعالى فى الثبات...تنطيط من الانسر على السرعات وعدم اتزان ....طب ليييييه معرفش !!!!...العربيه سبورت باكدج سبويرا جنوط كساحات (سعرها على فكره 125 اللف من 2008)
اركب النوبيرا....ثابته عنها بمراجحححل...ليه..الله اعلم

فالموضوع مش ارقام ولا ورق نهائى....وانا كلامى دة مش عشان ابينلك ان النوبيرا عربيه محصلتش...اطلاقا


دة لو عرضوا عليا لانسر ولا نوبيرا اختار لانسر طبعا عشان اليابانى محترم فى التقفيل والعمر الافتراضى

هى دى القصه...وهلا بيك يابشمهندس

تحياتى