جين 2 ولا اكسنت ار بي ولا كيـا ريوو

[toty_305]

-أنا كان قصدي أن حضرتك معاك لانسر و أكيد لما ركبت ال rb قارنت الفرق بينهما مش أكتر ولا أقل

[Hosam_Optrawy]

انت ليه محسسني إن الـ e-tec ده موتور جاي من الفضاء ؟؟
ده من العيلة الأولى لمواتير جنرال موتورز .. يعني قديم جدا و مافيهوش التكنولوجيا اللي انت متخيلها أبدا !!
أفضل حاجة في كل أجيال الـ e-tec اللي اتعملت 1.6 بيطلع 107 حصان و عزم 142 نيوتن .. و ده اللي موجود في الكروز دلوقتي على الناحية التانية الـ 4g18 من ميتسوبيشي و اللي برضه يعتبر قديم بيطلع 151 نيوتن ... فين العزم اللي حضرتك عمال تتكلم فيه و محسسني إني مش فاهم حاجة في المجال ده ليه ؟؟

ال E-Tec II الموجود فى الاوبترا 107 حصان 150 نيوتن @ 3600 Rpm تسارع الاوتوماتيك فى 10 ثوانى تقريبا , يعنى المانيوال تكسر ال 10 ثوانى مرتاح ( وكذلك النوبيرا )

وهو فعلا مش تكنولوجى جديده ده عمره 10 سنين

وموتور اللانسر برضه مش جديد من 10 سنين برضه

105-106 حصان و 138-142 نيوتن , الارقام اللى حضرتك جايبها مش مظبوطه افتح اى بروشور للانسر وانت تشوف

[lanos2004]

انت ليه محسسني إن الـ e-tec ده موتور جاي من الفضاء ؟؟
ده من العيلة الأولى لمواتير جنرال موتورز .. يعني قديم جدا و مافيهوش التكنولوجيا اللي انت متخيلها أبدا !!
أفضل حاجة في كل أجيال الـ e-tec اللي اتعملت 1.6 بيطلع 107 حصان و عزم 142 نيوتن .. و ده اللي موجود في الكروز دلوقتي على الناحية التانية الـ 4g18 من ميتسوبيشي و اللي برضه يعتبر قديم بيطلع 151 نيوتن ... فين العزم اللي حضرتك عمال تتكلم فيه و محسسني إني مش فاهم حاجة في المجال ده ليه ؟؟
والله أنا مهندس ميكانيكا متخصص في الاحتراق كمان يا جدعان ... و مش هدخل معاك في تفاصيل .. بس مدام حضرتك مهندس برضه .. يبقى مين اللي يتقال عليه فيه تكنولوجيا ؟
الـ e-tec ولا الـ cvvt
الـ e-tec ولا الـ gdi
ده في شريحة الكوري لسه .. مش هتكلم على شرايح الياباني و الأوروبي كمان
الـ e-tec مش وحش .. بس قديم فعلا .. و التكنولوجيا اللي فيه دلوقتي تعتبر من الروايش بتاعت جنرال موتورز بالنسبة لفئة الـ 1600 من العربيات !!

و بعيدا عن المواتير خالص .. أنظمة الجر دي لوحدها بتمثل 40 % من نجاح العربية في التسارع
شوف الفيتيس الأوتو بتاع النوبيرا .. و شوف الـ CVT بتاع لانسر ... شوف فرق التكنولوجيا كاااااام سنة
بعيدا بقى عن إن الـ CVT ده ممل .. أو وحش .. بس شوف ده معمول سنة كام و ده سنة كام ... و ده بيتحط في عربيات إيه و ده عربيات إيه ..

بعيدا يا سيدي عن الأرقام و خلينا نتكلم بوجه عام كمان مش عن النوبيرا و لانسر بس ... لا عن فكر الكوريين و فكر اليابانيين ..
أولا الكوريين عايشين على فتات جنرال موتورز و غيرها من الشركات ولا عمرهم ابتكروا أي أي جديد في عالم العربيات قبل 2008 في حياتهم .. و اللي ابتكروه كمان طلع فيه ناس قبلهم عملته بس بمسميات و حيثيات تانية .
أهم حاجة يعمل مبيعات كتير بعيدا عن البحث العلمي و الريادة .. بالتالي بياخد فتافيت العلوم يجمعها بتكلفة أقل علشان يبيع بسعر رخيص ... و هتلاقي الفرق واضح أوي لما تشوف الأوبل الـ e-tec تركبها و تجربها و تسوقها .. و تشوف الدايو الـ e-tec مع إن الاتنين نفس الموتور !!!

و أحقاقا للحق .. هيونداي بدأت من 2008 تقريبا تطلع شغل جديد و كويس جدا .. لكن ده كان بعد الفرع الحديد اللي عملواه في ألمانيا و اللي فيه خبرات ألمانية كتير جدا .. يعني حتى اللي طلعوه جديد جاي من الأساس من مهندسين ألمان ....... و برضه كيا بدأت تنافس و تطلع حاجات كويسه مؤخرا ... لو استمروا على الطريقه دي هيكون فعلا ليهم دور في إنهم يرفعوا السوق الكوري كله و يكون ليه وزنه العالمي في مجال البحث العلمي و الابتكار .

فيه حد بيتكلم عن دايو
نبتدى من الاول كان عندنا ليجانزا زيروا فى الطلعه لو قارص العربيه كانت بتتطوح من قوه الماتور-على الطريق لزقه بصمغ فى الارض كنت بقفل بيها 220 ووزنها للعلم 1450 كيلو
بعدين انا شخصيا كان عندى نوبيرا 2001 مش هقول الصحراوى من القاهرة الى الاسكندريه بوصل فى وقت قد ايه-وثبات لا تقلى لانسر ولا تويوتا ولا غيرة-طبعا عربيه سليمه-
نيجى الان انا معايا لانوس 1500 سى سى -طبعا محرك e-tec-تكنولوجيا قديمه على كلام حضرتك
شوف هوة 109 حصان و137 نيوتن ارقا م متواضعه بالنسبه لليومين دول على وزن 1070
الانسر بتاعت حضرتك مفكرش اجرى معاها اصلا لانها خارج المنافسه-
اوكتافيا الى عجباك سواء فانتازيا او مش فانتازيا -جنبى كانها 128 وهوة جايب اخرة
المازدا اخرها 180 وتجميع عادى جدا-اجرى معاها ليه
الحمد لله معلمه على شركه هيونداى كلها-وتويوتا كلها-ومتسوبيشى كلها-وعلى كيا كلها-ومثبت مع passat tsi بعد 130-وطالع من 316 i-وعربيات فى المرسيدس طالع منها-وعربيات مثبت معاها
لدرجه انى زهقت علشان مش لاقى عربيه تعدى الانوس 1500e-tec
شوف العادى من صفر الى 100 فى 9 ثوان-ومن صفر الى 160 فى 24 ثانيه وتوب سبيد 220
والعربيه بدون اى تعديل نهائى-وتقلى e-tec تكنولوجيا قديمه انا بقه عاشق للقديم الى بيبهدل الجديد

[osama.m]

كل سنة و انت طيب
لما نقول على ال rb فيها مشاكل ومش زي البروتون .. مفيش اختلاف .. لو دخلت اللانسر في المقارنة دي هيبقى ليها افضلية من كذا ناحية

انما النوبيرا بتجيب ال 100 في 15 ثانية مكانتش هتتباع ومكانتش حتبقى ناجحة بالطريقة دي
النوبيرا لو سليمة بتكسر ال 10 ثواني وثبات على سرعات عالية

لو بتتكلم على تكنولوجي قديم عندك ال sir يعتبر عفا عليها الزمن ولحد دلوقتي حاجة مش هتتكرر تاني مواتير معمرة جدا

[Dawns_Mist]

باشمهندس أحمد عزت ...
أنا بتكلم عن الأوتو من النوبيرا لإني الأوتو من النوبيرا هي اللي كانت معايا فترة طويلة و حافظها ، و كمان لإن عربيتي أوتو فلما بقارن بقارن أوتو بأوتو .. و اتكلمت عن الإي تك و التكنولوجيا بتاعته لإنك حسستني إن الإي تك ده شيء فضائي و هو عادي جدا و كل الشركات عملت أحسن منه ، و النوبيرا اللي حضرتك جايبها دي الـ 2000 الأوروبي .. أما الكلام على إن لانسر بتتنطط و النوبيرا ثابتة فده أنا مش مقتنع بيه لإني سايق الاتنين كتير .. و عربيتي لسه بتجيب الـ 200 لحد النهارده و هي أوتو ، و المانيوال مع واحد صاحبي بتقفل أمبير .. و عيب تقارن المازدا بالنوبيرا ( موتور - فيتيس - شاسيه - عفشة - ثبات ) فرق كبير بجد .. برضه لإني سايق الاتنين .

حسام باشا حبيبي .. أرقامي من ويكيبيديا و اتأكد منها كويس يا باشا ..

أما الأستاذ ( لانوس 2004 ) فأنا بعد كلامك ده والله ماقادر أعلق من كتر الضحك .. على أساس إنك بتكلمني عن لانوس موستانج شيلبي جي تي .. هاها .. و على أساس إن البي إم و المرسيدس و السكودا و الهوندا اللي بيشتريهم ده بيرمي فلوسه في الأرض .. فأنا مافيش في بالي غير كلمة أحمد حلمي ( طب والله مانا رادد ) !!
و مش هجيبلك فيديوهات اللانوس بتاعت ابن خالتي و إحنا مصورين 3 مرات مع 3 سواقين علشان نجيب بيها أحسن أكسيليريشن و كانت أجدع حاجة حد فينا عرف يجيبها بعد مافرك أبوها 12 ثانية و طبعا كانت مانيوال .. مش هنزل الفيديوهات بجد علشان ماتقوليش مش مقتنع بالفيديوهات و انزلي و الكلام ده ..... انت كده حلو أوي ... مدام انت مقتنع إن اللانوس ربنا يبارك فيها بقت بتتقارن بالـ tsi و بتعدي من الـ i و بتخيط الـ i-vtec و كمان الكمبروسر يبقى انت كده يا باشا ( وصلت ) ....

شكرا يا شباب على حبه المناقشه الحلو دي كده قبل الفطار يفرفشوا الواحد .. و ماحدش يزعل مني والله أنا بحب كده بس أنغز حبايبي علشان نقعد نتكلم شوية .. و بالنسبة لصاحب الموضوع انت أكتر واحد مظلوم معانا !!!

[lanos2004]

باشمهندس أحمد عزت ...
أنا بتكلم عن الأوتو من النوبيرا لإني الأوتو من النوبيرا هي اللي كانت معايا فترة طويلة و حافظها ، و كمان لإن عربيتي أوتو فلما بقارن بقارن أوتو بأوتو .. و اتكلمت عن الإي تك و التكنولوجيا بتاعته لإنك حسستني إن الإي تك ده شيء فضائي و هو عادي جدا و كل الشركات عملت أحسن منه ، و النوبيرا اللي حضرتك جايبها دي الـ 2000 الأوروبي .. أما الكلام على إن لانسر بتتنطط و النوبيرا ثابتة فده أنا مش مقتنع بيه لإني سايق الاتنين كتير .. و عربيتي لسه بتجيب الـ 200 لحد النهارده و هي أوتو ، و المانيوال مع واحد صاحبي بتقفل أمبير .. و عيب تقارن المازدا بالنوبيرا ( موتور - فيتيس - شاسيه - عفشة - ثبات ) فرق كبير بجد .. برضه لإني سايق الاتنين .

حسام باشا حبيبي .. أرقامي من ويكيبيديا و اتأكد منها كويس يا باشا ..

أما الأستاذ ( لانوس 2004 ) فأنا بعد كلامك ده والله ماقادر أعلق من كتر الضحك .. على أساس إنك بتكلمني عن لانوس موستانج شيلبي جي تي .. هاها .. و على أساس إن البي إم و المرسيدس و السكودا و الهوندا اللي بيشتريهم ده بيرمي فلوسه في الأرض .. فأنا مافيش في بالي غير كلمة أحمد حلمي ( طب والله مانا رادد ) !!
و مش هجيبلك فيديوهات اللانوس بتاعت ابن خالتي و إحنا مصورين 3 مرات مع 3 سواقين علشان نجيب بيها أحسن أكسيليريشن و كانت أجدع حاجة حد فينا عرف يجيبها بعد مافرك أبوها 12 ثانية و طبعا كانت مانيوال .. مش هنزل الفيديوهات بجد علشان ماتقوليش مش مقتنع بالفيديوهات و انزلي و الكلام ده ..... انت كده حلو أوي ... مدام انت مقتنع إن اللانوس ربنا يبارك فيها بقت بتتقارن بالـ tsi و بتعدي من الـ i و بتخيط الـ i-vtec و كمان الكمبروسر يبقى انت كده يا باشا ( وصلت ) ....

شكرا يا شباب على حبه المناقشه الحلو دي كده قبل الفطار يفرفشوا الواحد .. و ماحدش يزعل مني والله أنا بحب كده بس أنغز حبايبي علشان نقعد نتكلم شوية .. و بالنسبة لصاحب الموضوع انت أكتر واحد مظلوم معانا !!!

تقريبا انته متعرفش اى شىء عن المحركات e-tec
اولا الانوس انا مقلتش انى جريت مع مرسيدس كمبروسر ومقلتش انى عديت من الباسات انا ثبت معاها بعد 130 لحد 180 وبعدها الطريق قفل-وبالنسبه للهوندا انا عمرى مجريت مع sir
نرجع بقه دى فديوهات بتاعت عربيتى -
دة من زيرو الى 100 ومكنش يهمنى الباقى
lanos 1.5 16V 0 to 100.AVI - YouTube
ودة كنت مع بى ام 316 على العين السخنه
lanos 1.5 16v VS bmw 1.6i - YouTube
ودى فيرنا كانت بتتحدى الانوس تخيل فيرنا تتحدى لانوس
Nissan Juke Vs Verna Vs Lanos Drag race acceleration - YouTube
ودى تويوتا ياريس مع لانوس
Toyota Yaris 1.3L Vs Daewoo Lanos 1.5 Dual cam 16V Drag Race - YouTube
ودى بقه نفس الياريس مع لانسر بالفتيس الوهمى لانسر 1600
Toyota Yaris 1.3 L vs Lancer 1.6 CVT Drag Race - YouTube
وخد دة وكمان من غير بوابه vgis مكنتش شغاله ومكنتش عارف

http://www.youtube.com/watch?v=xJPrluJd1AI&feature=con....-cha

كفايه كدة الفيديوهات دى بتاعت عربيتى ماشيه 230 الف كيلو محرك 1500 سى سى e-tec
من الواضح ان حضرتك بتتكلم عن عدم معرفه تامه عن محركات دايو
على فكرة انا توب سبيد 225 للعلم فقط والهوندا 2010 توب سبيد 220

[Dawns_Mist]

أجمل حاجة إنك بتتكلم بجد ... يعني انا حاسس إنك فعلا مقتنع !!
و على فكره فيديو الياريس ده بتاع أحمد هنا في المنتدى و اتناقشنا فيه قبل كده و قولنا إن الانسر هي اللي معديه أصلا مش الياريس ..

أوكاي .. مش هزعلك .. و هنسلم بإن كلامك ده كله مظبوط و مش هزود عليه و إن اللانوس بتجمع في 10 ثواني برضه .. مع إن الأصل إننا بناخد بالمتوسط .. يعني بنجيب 10 عربيات لانوس و نشوف متوسط التجميع و علشان كده أنا كنت عامل موضوع في منتدى ميتسوبيشي و جيبت أكتر من 15 فيديو للبوما و هي بتجمع في 9 ثواني و 10 ثواني أوتو بالفيتيس اللي مش عاجبك ده ..
ده معناه إن المانيوال هتجيبها في أقل من 9 ثواني كمان ..
عربيتي بتجمع بالاوتو أبو فيتيس أي كلام ده من 0 - 180 في 45 ثانية .. و بتقفل 200 آخرها بصراحه ... لكن المانيوال عادي بتكسر الـ 220

حط في اعتبارك إني مسلم إن الانوس بتاعتك دي هي الستاندر .. لإني متأكد إني لو جبت 20 لانوس هلاقي متوسط التجميع أكتر من 12 ثانية للمانيوال ... ولو أوتو يبقى موت يا جمار .. أنا كنت مهندس شغال في المركز الكوري للصيانة على طريق اسكندرية الزراعي .. و صاحبي شريك في مركز يوجي في كفر الزيات .. يعني والله مجرب متين لانوس قبل كده و مجرب كل الموديلات اللي في السوق كويس .. بس برضه مش هزعلك و هشتري منك للآخر ..

اللانوس بتاعتك يا بوب بتجمع في 10 ثواني مانيوال .. بومتي بتجمعها في 9 أوتو
عايز مني 500 فيديو للـ 9 ثواني من عيوني ..
ادخل انت لوحدك على اليو تيوب و هات أزبل بوما 1600 ولو كانت أقل من 10 ثواني يبقى ليك الكلام
برضه كل ده و بأكد أنا لا عمري حطيت فلتر رياضي ولا لعبت في الإكزوزت ولا في أي حاجة في الإنجكشن ولا عمري عملت صيانة في توكيل أصلا و بحط بنزين 90 عادي ولا الدماغ ..

وبعدين عايز أقولك حاجة .. أنا بتكلم معاك دلوقتي .. لكن انت لو قولت الكلام اللي انت بتقوله ده لأي حد غيري انت عارف رد فعله هيكون عامل إزاي .. ليه ؟؟ لإن كلنا سوقنا لانوس و حافظينها .. و كلنا شوفنا الفيرنا و هي بتمسح بكرامة اللانوس الأرض .. و كلنا شوفنا لانسر و هي بتمسح بكرامة كل موديلات دايو الأرض .. لانوس و لانسر و فيرنا و ياريس و مازدا و هوندا دي كلها عربيات في الرجلين يعني بنعرف نسوقها و نشوفها كل يوم .. فانت هتقول مهما هتقول .. ماحدش هيصدقك .. لإننا كل يوم و كل شوية على الطريق بنشوف اللانوس و هي بتكح تراب ورا أي عربية 1300 كمان ... يا راجل ده السيريون مرمطط أمها قدامي .. يا عم ده كل المقارنات اللي داخل فيها لانوس أول عيب أي حد بيقوله سحبها مش حلو .. معقول كلهم مجانين ؟؟ .. هتقعد تقولي والله أنا مش لاعب فيها و العربية استوك ماحدش هيصدقك .. هتقعد تقولي أي لانوس كده يبقى انت جاي من كوكب تاني .. خلاصة الكلام انت بتتكلم عن عربية بـ 60 ألف أكتر بيعها في الأرياف .. يعني كل الشعب المصري ساقها ... و برضه لانسر كل الشعب المصري ساقها .. مش معقول يعني نكون كلنا جهلة .. و بلاش لانسر علشان ماتقوليش أنا متعصب لعربيتي .. انت بتتعامل مع المازدا على إنها حشرة و مع البي إم 316 و الفانتازيا و السيفيك .. انت فاهم انت بتقول إيه ؟؟؟ انت واعي يعني للي بتقوله ؟؟

[lanos2004]

أجمل حاجة إنك بتتكلم بجد ... يعني انا حاسس إنك فعلا مقتنع !!
و على فكره فيديو الياريس ده بتاع أحمد هنا في المنتدى و اتناقشنا فيه قبل كده و قولنا إن الانسر هي اللي معديه أصلا مش الياريس ..

أوكاي .. مش هزعلك .. و هنسلم بإن كلامك ده كله مظبوط و مش هزود عليه و إن اللانوس بتجمع في 10 ثواني برضه .. مع إن الأصل إننا بناخد بالمتوسط .. يعني بنجيب 10 عربيات لانوس و نشوف متوسط التجميع و علشان كده أنا كنت عامل موضوع في منتدى ميتسوبيشي و جيبت أكتر من 15 فيديو للبوما و هي بتجمع في 9 ثواني و 10 ثواني أوتو بالفيتيس اللي مش عاجبك ده ..
ده معناه إن المانيوال هتجيبها في أقل من 9 ثواني كمان ..
عربيتي بتجمع بالاوتو أبو فيتيس أي كلام ده من 0 - 180 في 45 ثانية .. و بتقفل 200 آخرها بصراحه ... لكن المانيوال عادي بتكسر الـ 220

حط في اعتبارك إني مسلم إن الانوس بتاعتك دي هي الستاندر .. لإني متأكد إني لو جبت 20 لانوس هلاقي متوسط التجميع أكتر من 12 ثانية للمانيوال ... ولو أوتو يبقى موت يا جمار .. أنا كنت مهندس شغال في المركز الكوري للصيانة على طريق اسكندرية الزراعي .. و صاحبي شريك في مركز يوجي في كفر الزيات .. يعني والله مجرب متين لانوس قبل كده و مجرب كل الموديلات اللي في السوق كويس .. بس برضه مش هزعلك و هشتري منك للآخر ..

اللانوس بتاعتك يا بوب بتجمع في 10 ثواني مانيوال .. بومتي بتجمعها في 9 أوتو
عايز مني 500 فيديو للـ 9 ثواني من عيوني ..
ادخل انت لوحدك على اليو تيوب و هات أزبل بوما 1600 ولو كانت أقل من 10 ثواني يبقى ليك الكلام
برضه كل ده و بأكد أنا لا عمري حطيت فلتر رياضي ولا لعبت في الإكزوزت ولا في أي حاجة في الإنجكشن ولا عمري عملت صيانة في توكيل أصلا و بحط بنزين 90 عادي ولا الدماغ ..

وبعدين عايز أقولك حاجة .. أنا بتكلم معاك دلوقتي .. لكن انت لو قولت الكلام اللي انت بتقوله ده لأي حد غيري انت عارف رد فعله هيكون عامل إزاي .. ليه ؟؟ لإن كلنا سوقنا لانوس و حافظينها .. و كلنا شوفنا الفيرنا و هي بتمسح بكرامة اللانوس الأرض .. و كلنا شوفنا لانسر و هي بتمسح بكرامة كل موديلات دايو الأرض .. لانوس و لانسر و فيرنا و ياريس و مازدا و هوندا دي كلها عربيات في الرجلين يعني بنعرف نسوقها و نشوفها كل يوم .. فانت هتقول مهما هتقول .. ماحدش هيصدقك .. لإننا كل يوم و كل شوية على الطريق بنشوف اللانوس و هي بتكح تراب ورا أي عربية 1300 كمان ... يا راجل ده السيريون مرمطط أمها قدامي .. يا عم ده كل المقارنات اللي داخل فيها لانوس أول عيب أي حد بيقوله سحبها مش حلو .. معقول كلهم مجانين ؟؟ .. هتقعد تقولي والله أنا مش لاعب فيها و العربية استوك ماحدش هيصدقك .. هتقعد تقولي أي لانوس كده يبقى انت جاي من كوكب تاني .. خلاصة الكلام انت بتتكلم عن عربية بـ 60 ألف أكتر بيعها في الأرياف .. يعني كل الشعب المصري ساقها ... و برضه لانسر كل الشعب المصري ساقها .. مش معقول يعني نكون كلنا جهلة .. و بلاش لانسر علشان ماتقوليش أنا متعصب لعربيتي .. انت بتتعامل مع المازدا على إنها حشرة و مع البي إم 316 و الفانتازيا و السيفيك .. انت فاهم انت بتقول إيه ؟؟؟ انت واعي يعني للي بتقوله ؟؟

حضرتك احنا بنتكلم عن محرك e-tec-16v ومينفعش تقارن لانسر مع محرك 8 صباب لو حضرتك بتفهم فى المواتير فعلا
لانوس 8 صباب 85 حصان لانوس 16 صباب 109 حصان
احمد ك يا رب عندنا لانسر سوبر اكشن 1600 سى سى وفتحت سقف واخرها 190 ههههههههه190-------تخيل
ثانيا هات الانسر بتاعك والطرق كتير علشان تشوف بيحصل ايه فى الانسر وهيه بتتشطف لورا مع الانوس 16 صباب
وكمان اى حد بيجرى معايا -جريه مرتبه-لازم افتح الكبوت علشان يعر ف انها استوك
موضوع الياريس والانسر والانوس شوف الانوس عملت ايه والانسر عملت ايه هتعرف ان لانوس تخيط مليون لانسر بكل انواعها
وخليك عقلانى وغير متعصب
ولو انته بتبيع عربيات فالحمد لله ان الى وقع عقد دايو صديق شخصى ليا ومن غير ذكر اسماء
ومعلومه صغيرة كل لانوس 8 صباب 1350 مش 1500 سى سى البلوك 1500 والاجزاء المتحركه 1350 سى سى تفهمها ازاى دى مشكلتك

[Dawns_Mist]

-أنا كان قصدي أن حضرتك معاك لانسر و أكيد لما ركبت ال rb قارنت الفرق بينهما مش أكتر ولا أقل

لا يا أفندم .. لما ركبت الآر بي كنت بقارنها بفئتها .. لانسر فئة أعلى من الآر بي
مش علشان لانسر عربيتي .. لانسر دي عربية شعبية جدا جدا .. و منتهى الاعتيادية كمان
لكن كلنا عارفين إنها فئة إلنترا .. و لما الناس بتقارن بتقارن لانسر بإلنترا .. و النترا فئى اعلى من اكسينت ... يبقى بومه فئة اعلى ..
بتالي أنا لازم اكون منصف و ماظلمش الاكسينت و علشان كده لازم اقارنها بفئتها من العربيات اللي في نفس سعرها و نفس مستواها من إصدارات الشركات المختلفة ..
فئة الـ 100 ألف فيها :
صني - جين تو - سيريون 1500 - سانديرو - بونتو إيفو - كيا ريو - ياريس - .....
و هنا أنا قولت على الأكسينت إنها ناشفة مقارنة بعربيات كتير من اللي فاتت دي
و قولت عليها موتورها أضعف برضه من معظم مواتير الفئة دي
و قولت عليها كماليات قليلة بالنسبة لمعظم عربيات الفئة دي

فأنا لما آجي أقارن لازم برضه أكون منطقي ..
الصني و الجين تو و السيريون و الريو الجديدة ... مواتيرهم أفضل من موتور الآر بي
و الياريس و السيريون و البونتو و الجين تو و الريو و حتى الصني ... أطرى نسبيا في العفشة من الآر بي

و في النهاية ده رأيي الشخصي

[lanos2004]

صاحب الموضوع الجين تو تتفوق فى الثبات على الطرق فقط -وشكلها اصبح قديم ومشاكلها كتير وقطع غيارها زفت -عندنا بيرسونا سوداء وجين تو فضى يبقه ركز فى كيا وهيونداى

[ahmad--ezzat]

و في النهاية ده رأيي الشخصي

كل دة وراى شخصى...ياراجل دنا كنت نازل ابيع عربيتى من كلامك

انت واضح انك كان معاك نوبيرا كفرانه سابت عندك افكار سوده

كل سنه وانت طيب ياباشا

[lanos2004]

كل دة وراى شخصى...ياراجل دنا كنت نازل ابيع عربيتى من كلامك

انت واضح انك كان معاك نوبيرا كفرانه سابت عندك افكار سوده

كل سنه وانت طيب ياباشا

جايز تكون كانت ماشيه بالسولار

[Dawns_Mist]

كل دة وراى شخصى...ياراجل دنا كنت نازل ابيع عربيتى من كلامك

انت واضح انك كان معاك نوبيرا كفرانه سابت عندك افكار سوده

كل سنه وانت طيب ياباشا

يا باشا انت واخد حته من كلامي عن الأكسينت و بتعملها إسقاط على النوبيرا !!
المشاركة اللي انت خدت منها الكلمة دي كنت بقارن بين الأكسينت و الفئة بتاعتها من العربيات ..
و قولت رأيي و في الآخر قولت رأي شخصي .. و الكلام مادخلش فيه سيرة النوبيرا خالص
و النوبيرا اللي كانت معايا كانت 2006 تقريبا أوتو فبريكة .. بجد كانت بتطلع عيني في السحب
و جربت غيرها .. المانيوال كان كويس .. لكن الأوتو سيء جدا
وبعدين يا جماعة نوبيرا و لانوس و لانسر .. عربيات كلها شعبي و كل الناس عارفاهم .. و أنا كمان مهندس ميكانيكا .. عيب لما تيجي تقولي ماتعرفش حاجة عن النوبيرا و أنا كنت أول امبارح بعمل تست للـ x6 من البي إم !!!
و يا سيدي لو النوبيرا بتاعتك سحبها حلو و عزمها تمام و مريحالك فربنا يباركلك .. هو أنا جاي أكره الناس في عربياتها ؟
ادخل على مقارنات كتير هنا في القسم فيها لانسر و شوف أنا بتكلم عنها بالحق إزاي .. شوف مسحت بكرامة لانسر الأرض قدام 307 و قدام الفوكس و قدام عربيات تانية فعلا أحسن منها .. و حتى اللي في فئتها بقول الحق زي مانا شايف بالظبط .. أنا شخص مش عاطفي أبدا في الحكم على الأشياء .

و بالنسبة للأستاذ ( lanos 2004 ) .. أنا ماعملتش إقتباس ولا رديت على كلامك لإن أسلوبك في المناقشة خرج بره حدود التقدير و الذوق .
و بتتكلم عن الـ 16 فالف كإنه اختراع فضائي برضه !! ماهو الـ 16 فالف دي بتطلع أقل من مواتير كتير 8 فالف في العزم و الحصان و اقرا الأرقام يا أستاذ و التاريخ كويس .. و مش هقعد أتنطط عليك و أقعد أشرح بالتفصيل و المصطلحات إيه اللي ممكن يخلي موتور 16 فالف فاشل قدام 8 فالف .. و فيه عوامل كتير حضرتك ماتعرفهاش .. ده إذا كنت تعرف أي أنواع مواتير تانية غير الـ e-tec اللي انت فاكره آخر أسطورة صنعها البشر على مر التاريخ !!!

لو قعدت أفندلك ليه دي لانوس بـ 60 ألف و ليه دي لانسر بـ 120 ألف و ليه فيه فرق سعر الضعف بينهم هاخد موضوع كامل في 10 صفحات منهم 5 صفحات على الأقل مش هتفهم كلامي فيهم ياللي بتتريق على الـ CVT اللي بيجر عربيات 2012 بتعدي الـ 300 حصان دلوقتي و مع ذلك يعتبر فيتيس مش جبار لإن لسه فيه عيوب من رأيي .

و اعتبرني مجنون ... و حاول تسأل أي حد غيري .. اعمل موضوع مستقل خالص للمقارنة بين تسارع و قوة لانسر و تسارع و قوة لانوس ... ولو أٌل من 80 % من اللي موجودين قال لانسر يبقى انت ليك حق و أنا واحد مخبول في نافوخي و ماعرفش حاجة عن العربيات .
إحنا اتجننا على آخر الزمن هنقارن لانسر بلانوس !!!!!!!!!!!!
و حتى لو لانسر آخرها 140 و لانوس بتجيب 300 برضه كل اللي ركب الاتنين هيقولك مافيش حد عنده عقل بيقارن لانوس بلانسر .... هو تقييم العربيات ده بيكون عندك إزاي ؟؟
تخيل الانسر دي أزبل عربية في كل العربيات اللي انت بتقول إنك بتعدي منهم ... تخيل بقى الناس هتقول إيه لو سمعت المقارنات الجبارة بين لانوس و 316 أو و الـ TSI أو و الـ I-vtec !!!!

[Dawns_Mist]

ياريت الأستاذ lanos2004 يدخل و يشارك فيه 3 مواضيع على الصفحة الرئيسية لقسم المقارنات بيقارنوا بين لانوس و فيرنا ..... فيهم لحد دلوقتي أكتر من 20 تعليق بيقول موتور و سحب الفيرنا أقوى بمرااااااااحل من لانوس ..... والله ده مش كلامي ... مستني أشمع ردك هناك يا باشا

[Dawns_Mist]

ده حتى استشاااااااااااااري قسم دايو بنفسه بيقول إن موتور الفيرنا أقوى و سحبها أحسن :

http://www.nilemotors.net/Nile/3874453125-post14.html

أنا بجد مش عارف أقولك إيه يا مستر لانوس