جين 2 ولا اكسنت ار بي ولا كيـا ريوو

[Dawns_Mist]

ههههههههههههههههههههههههههههههه ايه يا محمود ..... فينك يابني
مزعل الناس لييييييييه :)))
انت مفتري ....... انت مش يابني قلتلي ان الصني برقبة اللانسر هههههههههههه
طيب يوم الخميس فيه حفلة شد للي عايز يجي
في حفلة ثأر فيرنا من لانوس :)))
مش هاتيجي بقي :d

لصاحب الموضوع ..... اعتقد الكيا افضلهم

حبيب قلبي يا سونا ... واحشني جدا جدا يا باشمهندس
انت عارف بقة إني غلباوي و بتاع مشاكل
وبعدين الصني دي ست العربيات أصلا .. دي حبيبتي من أيام شبين الكوم
يوم الخميس ماقدرش أوعدك .. عندي أنا كمان عزومة والله هنا ..
لكن لو انت اللي هتعزمني يوم الخميس أنا ماقدرش أتأخر يا عم حسين
تتعوض قريب بإذن الله .. وبعدين انت لسه ماتعزمتش عندي في المطعم بتاعي
أصلا لسه الافتتاح على العيد .. بس لازم تحضر و تكون مجهز نفسك كده و ماكلتش من أسبوع ولا حاجة
الجديد عندنا شوية فطاير و كريبات بس من الآخر .. الواحد شكله هينسى أم الهندسة و ينسى كمان البورصة و يشتغل طباخ !!!

[lanos2004]

الجين تو عربية محترمة .. ولولا إني مقيم في طنطا و هنا قطع غيارها ماكانتش لسه انتشرت و أنا بشتري عربيتي كنت أكيد هشتريها ...

بس أنا هنا بسأل حضرتك على حاجة مهمة ..
حضرتك كان معاك لانوس 2007 و بيعتها ... و دلوقتي معاك جين 2 .. ياريت تحكيلنا عن تجربتك و عن الفرق بين قيادة لانوس و جين تو ؟؟

انا هقولك
الانوس منخفضه وبتحك فى مطبات شارع سعيد وشارع عبد الحليم وميدان هارون وكمان مطبات قحافه بعد القناه السادسه
الانوس بورها تقيل ومش سلسل-بس فيها ميزة زاويه دوران العجل واسعه
الانوس خامات بلاستيك بس مش بيشقق من الشمس وقوى نوعا ما
الانوس ماتورها مش ناعم لانه مش معزول اصلا
الانوس فراملها مش اى حد يعرف يوقفها
الانوس لما بتشغل التكييف كانك دوست فرامل
الانوس صاجها الخارجى ضعيف وبيطبق بسهوله خاصه عند الرفارف
الانوس الطلاء بتاعها بيجرب زى الاوبل بالظبط

الانوس الشنطه ضيقه
كفايه كدة صح
اصل بقيه العيوب صعبه قوى انى اقولها

[lanos2004]

كنت داخل استفيد من المقارنة - لقيت موضوع من اسخف الموضوعات في المنتدي : خناقة و تنطيط و تريقة !!!

والله عندك حق يا باش مهندس

[Dawns_Mist]

هوة فيه حد قال ان الانوس احسن عربيه انا قولت كده-الانوس اكتر عربيه عمليه فقط -
انا بتكلم عن ماتور مش سيارة-الكلام كان عن محرك e-tec--مش عن جمال الانوس وحلاوتها ولا ثباتها على الطرق دى عربيه بلاسيك اصلا --
شوف الانوس ماتور e-tec---دة وحش مش ماتور بحجمه الصغير وسعته الضئيله والتكنولوجيا القديمه لسه باقى وبيتفوق على تكنولوجيا اعلى منه بمراحل
مش زى الانسر الى بتجعر بسبب الفتيس cvt
وبالنسبه للعربيات الى سوقتها دى عربيات فى العيله عندنا حاجه عاديه جدا يعنى
شوف احلى احساس لما تركب عربيه جربانه وتمنها قليل واعدى على عربيه اضعاف تمنها وميعرفش يحصلنى وكمان بايه 1500 سى سى يا جمالك يا لانوس
الانوس دى معجزة اقتصاديه بمعنى الكلمه
وبالنسبه للبرتون سيبك انها عندنا روح شوف مشاكل قسم البرتون وانته تعرف -شوف سعر اعادة بيع وانته تعرف-وكفايه كدة كلام -لاننا خرجنا عن الموضوع الرئيسى

تصدق أنا غلطان إني بهتم بكلامك أصلا ..
أنا داخل أقولك أنا بعتذرلك و ماتزعلش مني و خلينا نفيد الناس و مانزعلش حد مننا مع إنك من البداية اللي بتتكلم بأسلوب سيء و بتغلط فيا و بتغلط في غيري ..... و في الآخر منفضلي ولا كإني بتكلم معاك .. و أهم حاجة تقول البؤين الحلوين ( لانسر اللي بتجعر ، و لانوس الجميلة اللي بموتور وهمي ماحصلش ) !!! مع إن أصلا الكلام كان على الجين تو !!!
والله لولا إحترام المنتدى و احترام أعضاء المنتدى الواحد كان هيقول كلام تاني ..
لكن بجد أنا اللي غلطان و آسف إني من البداية اتشديت معاك في أي نقاش .. حقك على راسي من فوق و انت اللانوس بتاعتك جميلة واو يالهوي أنا انبهرت جدا .. و أنا اللانسر بتاعتي كخ إتفوه يعع ..

كنت داخل استفيد من المقارنة - لقيت موضوع من اسخف الموضوعات في المنتدي : خناقة و تنطيط و تريقة !!!

والله العظيم انت راجل محترم ... و بحد عندك حق ... أنا بوظت الموضوع كله بإني بتشد في كلام جانبي و بهتم بكلام لا يستحق إن حد أصلا يقراه أو يهتم بيه ...
والله بجد أنا غلطان فعلا من غير تريقة .. و بتأسف لكل المتابعين معانا في الموضوع و أولهم صاحب الموضوع ..

[mido_soliman]

طب احطلك صورى مع البريسونا ولا مع الجين تو ولا مع باسات ولا مع e300 ولا مع 528 توين تيربو ولا مع فورد ولا لانسر سوبر اكشن ولا كورلا ولا فوكس ولا مع بورش كايين ولا مع bmwx6 مش متصور جنبهم لا جواهم -احب اقولك تقريبا مافيش عربيه مركبتهاش -دة حتى مراكب البحر واللنشات واليخوت ركبتها -صباح الفل يا عم الحج
الجين تو العربيه البلاستك من جوة الى مفاتيح التكييف مستخبيه ورا عصايه الفتيس وحواف البلاستيك ما فيش شويه عيال يصنفروها فى المصنع--ولا خد دى البوهيه بتطلع من مسدس الغسيل فى البنزينه الهيونداى برقبه الجين تو الا فى موضوع الثبات غير ان الجين تو بلاعه بنزين

اية دة كولووووووووووووووو اية دة كولووووووووووووووو ههههههه
فاكر محمد صبحى فى لعبة الست هههههههه
اهو كم العربيات دى وانا قاعد بقرا البوست دة فكرنى بالمشهد دة موت ضحك بجد الله يجازيك يا لانوس
على فكرة انت مجاوبتش على ولا استفسار من اللى انا قلتهم !!! امال اقتبست كلامى لية انا مش عارف ؟؟؟؟؟
وللاسف حيروح الكلام دة مع اخوة اللى قبلة فى الجنيــــــــــنة !!!!!!!!!

[mido_soliman]

والله العظيم انت دمك زي السكر .. الجين تو في رأيي شكلها لحد النهارده شبابي جدا و بينافس موديلات 2012 .. و كمان شكل التابلوه عاجبني جدا .. و خاماتها صحيح بعضها مش عالي لكن بالنسبة لي مقبوله برضه جدا لإنها بتتكلم في فئة أقل من 100 ألف بالتالي كده تبقى محترمة والله ..
و فعلا حاجة مستفزة لما جد يقولك ( عندنا ) مفتوحه و حلوة كده !!
و ثبات الجين تو مع تجربتي أفضل من البومة .. مع إني أمتلك البوما لكن الحق يتقال .. و معنى إن البوما تبقى كاتيجوري أعلى من الجين تو في السعر .. و الثبات يبقى بالطريقة دي .. يبقى الجين تو تفوقت على نفسها و في رأيي أفضل ثبات في كل الفئة السعرية دي بالكامل ولو هنقارنها في الثبات يبقى هتتقارن بفئة الـ 150 ألف في الثبات ..
موتورها جيد جدا .. عفشتها ماقدرش أفتي فيها لإني يادوب تجاربي معاها بسيطة بالتالي ماعرفش ليها مشاكل ولا لأ .. بس اصحابي اللي معاهم الجين عمرهم ماشتكوا من عفشة !!! و كمان دي من جيل المالتي لينك يعني تكنولوجيا أعلى من فئتها كلها برضه و ده واضح جدا في الثبات ..
أما الكماليات ماينفعش أبدا برضه تتقارن بفئتها السعرية في الكماليات ..
حتى لو قطع غيارها مش منتشرة أو توكيلها نص كم ... بس كعربية ماينفعش حد يبخسها حقها ... دي أفضل عربية في الفئة السعرية دي في رأيي .

روح يا شيخ الله يبارك فيك
والله انت الوحيد اللى فهمتنى
اللى يجننك ان الناس فاكرة انى متعصب للجين2
والاغرب ان انت الوحيد اللى فهمت كلامى بوضوح شديد
والله كلامك دة ريحني بجد

[lanos2004]

اية دة كولووووووووووووووو اية دة كولووووووووووووووو ههههههه
فاكر محمد صبحى فى لعبة الست هههههههه
اهو كم العربيات دى وانا قاعد بقرا البوست دة فكرنى بالمشهد دة موت ضحك بجد الله يجازيك يا لانوس
على فكرة انت مجاوبتش على ولا استفسار من اللى انا قلتهم !!! امال اقتبست كلامى لية انا مش عارف ؟؟؟؟؟
وللاسف حيروح الكلام دة مع اخوة اللى قبلة فى الجنيــــــــــنة !!!!!!!!!

شوف يا ميدو يا اخويا
انا بعيب على الجين تو فى حاجتين فقط والعربيه ثابتها فوق الممتاز عن تجربه وتسارعها ممتاز جدا
الاول العربيه حلوة جدا من برة وشكلها غير ممكن على الاطلاق حتى لو اصبحت قديمه-دة مش عيب طبعا--العيب بقه انها من جوة غير من برة خاص -من جوة تاخد 5 من عشرة ومن بره تاخد عشرة على عشره
الحاجه التانيه عدم توافر قطع الغيار وندرتها
بس خلاص وكل سنه وانته طيب ورمضان كريم
بس ارجع واقول الى يعض فى محركe-tec بتاع دايو دة بيعض فى قلبى ههههههههههه

[toty_305]

aaa

[mido_soliman]

والله ياميدو انا اكتر حاجه بتكرهنى فى المنتدى اسلوب السخريه
فى المشاركات

وانا اكتر حاجة بتكرهنى فى حياتى مش فى المنتدى الفتى !!!!!!!!!!!!!! وبعدين مين اللى اوحالك انها سخرية هوة معنى انى بضحك يبقى بسخر ابدا انا فعلا فطسان من الضحك لان الكلام اللى بقراة بيضحكنى فعلا هوة حضرتك مقرتش قبل كدة رواية كوميدية وضحكت ؟؟؟؟ جة السيناريست ولا المؤلف قالك بتضحك لية انت كدة بتسخر منى ؟؟؟؟؟؟ اطلاقاااااااااااااااا وبعدين انا مين اصلا علشان اسخر من حد اعوذ بالله

...كل دة عشان ايه يعنى
اه الجين 2 فيها عيوب واول عيب التقفيل وعيوب العفشه...
مفيش عربيه كامله..وانت عارف بقى مواضيع الحدفه والتزييق اللى مش بينتهى فى البروتون وخلافه
وسعر اعاده البيع سىء جدا عن الهيونداى

والله ماعرف يا اخى !!!! ولو كنت اعرف مكنتش اشتريتها
اللى اعرفة لو عندك حدفة بتظبط زوايا واى عربية كدة مش البروتون بس
واللى اعرفة كمان ان العربية معايا تلات سنين وبمشى بيها على الارض مش شايلها على كتفى يعنى وعمر ما العفشة زيقت ولا عمرى اصلا ما سمعت ان فى مشكلة واحدة فى عفشتها

والنعومه لصالح الهيونداى

هوة فى انعم من الهيونداى دة من النعومة بتحس ان العربية حتتقلب بيك على 100 والبركة فى علبة الدريكسيون والباور الدقيق جدااااااااااااااااا :)
على فكرة طول عمرى بقول ان الجين2 ناشفة مع ان كل اللى بيركب معايا بيقولى دى بالنسبة للسيراتو مثلا ملبن وانا لما ركبت الفوليستر تحديدا حسيت انى ماشى على الاسفلت بالصاج مش على كاوتشات من النشوفية وادخل كدة على اى مقارنة انا شاركت فيها كنت بقول عيوب ومميزات العربية كاملة

واه الجين 2 شكلها قدم...العربيه بتنزل من 2006 يا ميدو...يعنى بقالها اكتر من 6 سنين نفس الشكل

مانا عارف وقايل الكلام دة فى مشاركتى ان التصميم من 2006 لكن ينفع تبقى من سلبيات العربية ان شكلها قدم !!!!!!!!!!!!! الجين2 لا ينطبق عليها الموضوع دة لاى بنى ادم عاقل اولا لان مفيش منها موديل احدث فى الشكل وثانيا لانها مش منتشرة اساسا يعنى كل فين وفين لما بتشوفها دة تلات اربع الشعب المصرى العظيم ميعرفش صناعتها لحد دلوقتى ولا يعرف ينطق البراند بتاعها اصلا صح هههههههه ياراجل اسكت

ايه اللى اتقال غلط يستحق كل هذا الضحك والسخريه!!!؟

مفيش سخرية ولا حاجة بالعكس الاحساس معكوس كل ما هنالك انى لقيت فقرة كوميدية فعلا بالنسبالى حرام اضحك يعنى وبعدين مين انا علشان اضحك انا حيالة معايا جين2 :)

بلاش موضوع تقديس الاشياء ده

لو الاحساس دة وصلك من كلامى اللى فات يبقى والمصحف مانا رادد :))

وفى الاول وفى الاخر...كل واحد بيروح للحاجه اللى بيتريحه

تقبل مرورى

[Raul_7]

الجين تو عربية محترمة .. ولولا إني مقيم في طنطا و هنا قطع غيارها ماكانتش لسه انتشرت و أنا بشتري عربيتي كنت أكيد هشتريها ...

بس أنا هنا بسأل حضرتك على حاجة مهمة ..
حضرتك كان معاك لانوس 2007 و بيعتها ... و دلوقتي معاك جين 2 .. ياريت تحكيلنا عن تجربتك و عن الفرق بين قيادة لانوس و جين تو ؟؟

باختصار شديد مفيش مقارنة...في أي حاجة.

كل حاجة الجين 2 تعتبر أفضل.... بكتير.

بالنسبة لاحساس السواقة, تحس انك راكب عربية قريبة من الالماني بجد بدون مبالغة لو انت من النوع الي بيركز مع كل نقرة في الأرض و العفشة بترد ازاي هتفهم كلامي, غير الكوري الخالص. لحد ما تركب الماني فتحس انك عايز تعيط من كتر مانت حاسس قد ايه هما عازلينك عن الأرض. هههههههههههههههه



أه علي فكرة التابلوه بقاله سنتين مركون في الشمس و الحمد لله مقشرش.

[SonaSteel]

اييييييييييييييه فيه ايه خيييييييييير يابشر :))

يعني لما اخش الاقي عبد الهادي (lanos) و محمود (downmist) ......... مولعينها كده ؟؟؟

يا عبد الهادي الراجل عازمنا علي فطير و كريب عنده وهناكل عنده اسبوع هههههههههههههه

انت متعرفش محمود يا احمد ........ وانت يا محمود متعرفش احمد

انا اعرفكم بقي الجوز و اقد اقول انها لحظة غضب وانتوا من الناس المحترمة اللي عرفتها

ربنا يصلح الحال ويهديكم يارب

@downmist .......... انا عازمك ياسيدي بس كده ؟؟؟؟
تنورنا يا صاحبي كفاية انك معبرتنيش بولا مكاالمة ههههههههههههههه
لما نشوف الاكل اللي هانكله :))

@lanos ....... يااحمد انت المفروض تكت علي العربية من بره 1500 - 2 كامة
علشان الناس متعرفش الماتور ده ايييييه :))


واخيرا .. الجين تو ديه عربية تييييييييييييييييييت حلوة يعني بس عز العرب اللي تيييييييييييت
هههههههههههههه
ربنا يبارك لملاكها فيها و يكفيهم شر طريقهم

انا معرفش حاجة عن ماتور الجين تو ........ ياريت تكلموني عنه شويه

حبيب قلبي يا سونا ... واحشني جدا جدا يا باشمهندس
انت عارف بقة إني غلباوي و بتاع مشاكل
وبعدين الصني دي ست العربيات أصلا .. دي حبيبتي من أيام شبين الكوم
يوم الخميس ماقدرش أوعدك .. عندي أنا كمان عزومة والله هنا ..
لكن لو انت اللي هتعزمني يوم الخميس أنا ماقدرش أتأخر يا عم حسين
تتعوض قريب بإذن الله .. وبعدين انت لسه ماتعزمتش عندي في المطعم بتاعي
أصلا لسه الافتتاح على العيد .. بس لازم تحضر و تكون مجهز نفسك كده و ماكلتش من أسبوع ولا حاجة
الجديد عندنا شوية فطاير و كريبات بس من الآخر .. الواحد شكله هينسى أم الهندسة و ينسى كمان البورصة و يشتغل طباخ !!!