عاااااجل جداااا - تويوتا ياريس ولا نيسان تيدا

[S O P H O S]

يا عمدة فموضوع قطع الغيار الاستيراد ده اعتقد التيدا هتتفوق
انت سيد العارفين العربية فالسرعات والثبات عاملة ازاي وكل شوية متشالة
مش عارف ايه الي فتصميم العربية دي بس هي عربية جميلة بردوا
لكن الياريس افضل من رأي فالنهاية ..

[Y a r i s]

يا عمدة فموضوع قطع الغيار الاستيراد ده اعتقد التيدا هتتفوق
انت سيد العارفين العربية فالسرعات والثبات عاملة ازاي وكل شوية متشالة
مش عارف ايه الي فتصميم العربية دي بس هي عربية جميلة بردوا
لكن الياريس افضل من رأي فالنهاية ..

١١١١١١١+
معاك حق يابوحميد ... بس انا خوفت لاحمدونج ياخود على خطرو مني :) لو قلت كده .... ومش عاوزين نزعل صقور نيسان حبايبنا مننا هههههه بس صدقني احنا اكمن ساكنين في المدن الجديدة والطرق الهاي واي فبنشوف العربيات الي بتدعك قوام قوام ... وياحرام بنلاقي الوناش بتاعت الحوادث. رايح بتيدا وجي بتيدا ، وتلاقي ياعيني العربية لسه بشوكها .... يالله بقه ربنا بستر طريقنا وطريقكم قادر يا كريم ... والخيرة فيما اختاره الله :)

[S O P H O S]

يا باشا احنا منقدرش نزعل الصقور
وصقورنا عارفين موضوع الثبات وعارفين اخر تيدا بردوا واخوتنا موجودين
عموما صاحب الموضوع اختار تيدا وربنا يوفقه ان شاء الله
اتمني بس يتجنب السرعات العالية فوق +140
عارف يا عمدة انا بدءات افكر فالياريس بدل الابيزا ..

[Sehsss]

التيدا أفضل طبعا، بالإضافة لأن سعر الياريس مبالغ فيه

[Haitham Yehia]

يا جدعان بتخوفوني ليه بعد ماحجزتها طيب :)

الثبات في التيدا تقصدوا بيه في السرعات العالية ولا الملفات ولا الاتنين؟ بعدين انا نادر جدا ما باعدي ال ١٢٠ ومش كييف قوي غرز وغيره. ايه رأيكم؟ انا لسه عندي فرصة اسحب الحجز!

[Formulator]

على فكرة ياخواننا الياريس (سيدان وهاتش) عربية مالهاش فـ الهاندلينج والثبات بردو!
- بتكلم على أساس الشيب اللى فات (والإيكو لو فاكرينها)؟!!
وأعتقد الجديدة نفس الـplatform ماتغيرش!

يعنى ليا أصحاب معاهم 1.3 مانيوال و 1.5 أوتو.. معرفوش يجروا بالعربية -ستوك
وماتضبطتش إلا لما غيروا عفشة وجنوط + تعريض كاوتش!!

مبقولش ان التيدا أثبت بكتير؟!!
بس اللى عايز جرى وسرعات.. أساسى هيغير العفشة (عـ الأقل جنط وكاوتش)!

لكن بالنسبة للـNormal-use التيدا -ستوك- تكفى جدا.. مش محتاج أكثر!

[Haitham Yehia]

على فكرة ياخواننا الياريس (سيدان وهاتش) عربية مالهاش فـ الهاندلينج والثبات بردو!
- بتكلم على أساس الشيب اللى فات (والإيكو لو فاكرينها)؟!!
وأعتقد الجديدة نفس الـplatform ماتغيرش!

يعنى ليا أصحاب معاهم 1.3 مانيوال و 1.5 أوتو.. معرفوش يجروا بالعربية -ستوك
وماتضبطتش إلا لما غيروا عفشة وجنوط + تعريض كاوتش!!

مبقولش ان التيدا أثبت بكتير؟!!
بس اللى عايز جرى وسرعات.. أساسى هيغير العفشة (عـ الأقل جنط وكاوتش)!

لكن بالنسبة للـNormal-use التيدا -ستوك- تكفى جدا.. مش محتاج أكثر!

هو ده القول الفصل. شكرا يا مستر فورميولاتور. خلاص انا باحب النيسان من أيام ما كانت بالعب نييد فور سبيد بيها وبصراحة طالعة من عينا التيدا :)

[Y a r i s]

عارف ياباشا دكتور احمد
مشترك معايا في منتدى تاني مخصوص لتويوتا ... فكان عندوا مشكلة ان اليارس بتاعتوا مبتجيبش اكتر من ١٦٠ والراجل كان مدايق. فنصحوه الشباب هناك ان الجنط ١٦ بيعيق تسارع العربية ولو رجع للجنط ١٥ يقدر يجيب براحة سرعات اكبر من كده عادي بسم الله مشاء الله

نيسان حلوة وكل حاجة بس معروف ان نيسان على مستوى اليابان شركة رقم تلاته او رقم اربعة ... وبنسبة للتيدا بصراحة تقفيلها حلو وفيها زي اليارس كمان عازل حرارة وصوت وكخامات داخلية يعني المستوى متقارب بس اليارس الجديدة بتتفوق شويتين ... وبسم الله مشاء الله اليارس تتفوق في المرونة بتاعتها والمنوارات

ادحكو بقه لسه النهاردة راجع من الحرفيين. ملقيتش غير نص واحد تيدا. يتيم والسوق كلوو ( كوري ولانسر ) ويالهوي على اللنسر ايه ده كلو ... ايه ده كلوو يخرب بيت شيطانهم جميع الالوان والموديلات من الانسر متقطعه ومترمية يمين وشمال ده حتى الشارك الجديدة متقطعة بالهبل ... الا صحيح ياباشا هيا الفلوس الي معاك متكميلش وتجيب حتت لانسر بومة او حتى شارك انشالله اول فئة اهي برضو هتبقى نطة نوعية وشكلية. ولا اه صحيح انتا خلاص حجزت يالله الف الف مبروك وربنا يهنيك فيها ويكفيك شر الطريق قادر يا كريم ... بس متنساش بقة لمن تشتريها وتيجي تدبح. ياريت تعمل حسابي في حتت موزة كدة واحجزلي الراس ... حاكم لحمة الراس دي سرها باتع هههههههههه. . وتحياتي :)

[S O P H O S]

انا رأي مدام حضرتك بتقول 120 ومش هاوي سرعات الخ
يبقي التيدا مناسبة ليك جدا وعربية لا غبار عليها
رأي تتوكل علي الله
ومتنساش الاستخارة
بالتوفيق ..

[Dr'AhmZZong]

و ميييييين يشهد للعروسة يا حد yaris ..

ده إنت صحيييييييح اسمك يارييييييييييس :)))))) ..

بتاخدنا الجلالة قوي لما بنكون معانا العربية صح ههههههههههههههههه هههههههههههههه

شركة رقم 3 أو 4 في اليابان ماشي يا عموووووووووو

[S O P H O S]

هههههههه
والله يا ياريس انا مختش بالي من موضوع 4 ده
كده احمد باشا يقول ايه علينا معلش يا ميدو تعلا علي نفسك وخليها الشركة رقم 3 هههههههههه
عسل والله يا حج ..

[Dr'AhmZZong]

هههههههه
والله يا ياريس انا مختش بالي من موضوع 4 ده
كده احمد باشا يقول ايه علينا معلش يا ميدو تعلا علي نفسك وخليها الشركة رقم 3 هههههههههه
عسل والله يا حج ..

ده شركة تحت السلم يا راااااااااااااجل ههههههههههههه

[S O P H O S]

ده شركة تحت السلم يا راااااااااااااجل ههههههههههههه

ههههههههههههه لا لا يا باشا احنا نقدر
هو في حد بيعمل محركات زي نيسان
هي اليابان فيها ايه غير تويوتا وهوندا ونيسان وحبت شركات تحت بعضهم

[Dr'AhmZZong]

ههههههههههههه لا لا يا باشا احنا نقدر
هو في حد بيعمل محركات زي نيسان
هي اليابان فيها ايه غير تويوتا وهوندا ونيسان وحبت شركات تحت بعضهم

قصدك نيسان و هوندا و تويوتا هههههههههههههه

[S O P H O S]

قصدك نيسان و هوندا و تويوتا هههههههههههههه

ههههههههههههه كنت حاسس انها مش هتعدي عليك
بس الاجمل من كده انك بتحب ترتب كل شئ بشكل تصاعدي
تحياتي علي الترتيب المنطقي ..