عاااااجل جداااا - تويوتا ياريس ولا نيسان تيدا

[hossam_elwani]

صحيح يا حسام باشا معاك في مسئلت ان الثبات نسبي
مرة جوز عمتي كان عاوز يشتري عربية وهو من النوع الميان شويتين او تالت شويات ههه فبيسئلني باعتباري خبير ... فسئلني ايه رئيك في العربية الفلانية قلتلوا ثابته قالي طيب والعربية الفلانية قلتلوا ثابتة قالي طيب ودي قلتلوا كمان ثابته
فقالي جرى ايه يا محمد هو انا كل ما اقولك على حاجة تقولي ثابته ثابتة !

قلتلوا ماهو بصراحة يا جوز عمتي. انتا وزنك بسم الله مشاء الله يجي ١٥٠ او ٢٠٠ كيلو. وعمتي كمان زيهم ده غير وزن العيال وعاوز العربية تتقلب هههههههههههههههههههههههه

جاااااامده هههههههههههه

[kliken]

السلام عليكم يارجالة،

هى مقارنة غير تقليدية :) بس فيه إختلافات جامدة بين العربيتين..

- الموتور:
التيدا 1.6 أعلى فـ الباور بفرق طبعا، HR16DE قوته 118 حصان تقريبا
لكن موتور التويوتا Dual-VVTi 1.3 هيوفر أكثر فـ البنزين!

- الفتيس:
هنا فيه فرق كبييييييييييييير أوى الصراحة:

لو عايز جرى: فتيس التيدا 4-سرعات أوتو.. بيجريها ومابيخنقش العربية فـ السحب،
(بيقولوا ان JATCO فرع نيسان للفتيسات -اللى عملهم X-Tronic هينزل للتيدا الجديدة CVT بـ7-سرعات زى بتاع التويوتا)؟!!

لو عايز توفير بنزين: فتيس الياريس الجديدة Multidrive-S بـ7-سرعات طبعا CVT مش real
بس السحب والجرى هيقل جامد (خصوصا فـ التسارع)، بما يوضح ضعف التويوتا فـ الفتيسات دى؟!!
(شوفوا الفرق بين الياريس مانيوال و CVT، وشوفوا النيسان فـ المقابل بتعمل أيه)؟!
- الحقيقة نيسان طورت جامد فـ فتيسات الـX-tronic CVT دى..!

العفشة والتعليق:
مفيش فرق كبير الـ2 torsion-beam بالـsetup اليابانى.. نعومة rather than الثبات!

باقى الحاجات: تقفيل وخامات وعوامل أمان.. العربيتين كويسين -فـ مستوى اليابانى المتوسط
(أنا شفت الياريس الجديدة مرة واحدة- تقفيلها كويس زى القديمة، إن لم يكن أفضل شوية)!

يمكن الياريس تتفوق فـ الأوبشنز عن التيدا (بتكلم عـ أعلى فئة بالجنوط -الفوج-بلوتوث...etc)

بالنسبة للمقارنة overall:

أعتقد الـTiida تتفوق فـ موتور، جرى، وسع، توكيل وصيانات.. وهى كـpkg على بعضها أفضل من الياريس..
خصوصا ان توكيل تويوتا بيبالغ أوى فـ أسعار الصيانات وقطع الغيار؟!! مش بيبالغ؛ بيستهبل!

Rgds،

كلام من الآخر و كلام محترم جدا
و بالنسبه للثبات هو فعلا فى التيدا الثبات وحش مع الجرى و المناوارات لكن فى العدل الثبات شغال انا وصلت بالعربيه لغايه 190 و عادى يعنى بس اهم حاجه تكون متحكم و عارف امكانيات عربيتك
و بالنسبه للياريس مع اخويا بس الشكل القديم عربيه عمليه جدا بس ثباتها اوحش من التيدا اصلا و التيدا فى مجملها افضل بس الياريس الشكل الجديد الله اعلم بس كلام formulator جاب من الآخر و واقعى بنسبه كبيره جدا فى نقط الخلاف

[Haitham Yehia]

ألف ألف شكر ليكم جميعا

انا دلوقتي بادور ع التيدا بشمعة ومش لاقيها في أي معرض. ده غير اني حاجزها من شهر ولسه قدامي اتنين. ومحتاج عربية الشهر ده ضروري. وقدامي تيدا مستعملة عاملة ١١ ألف كيلو بس مودبل ٢٠١١. حالتها ممتازة بس مالهاش ضمان عشان خليجي. ايه رأيكم؟ اتكل على الله وخلاص ولا موضوع الضمان ده بيفرق جامد. شكرا لمساعداتكم.

[hisham2111]

انا معايا الياريس بصراحة عربية محترمة فى كل شئ توفير بنزين شكل رائع وانسيابى من جوا بقى تادلع كلو تكيف تاتش وكاسيت تاتش وزرار سبورت عشان الشد وكدا ستب ترونيك حكاية الصراحة انا عملت حادسة بيها وهستلمها بعد 10 ايام ان شاء الله بس اليوم الى ودتها فى التوكيل جبت 140 على الغيار الرابع وهما 7 ولمو اخزة الحدسة تلفيتها كالاتى باب ايسر ومراية وجنط وطاسة وعتب ورفرف واكصدام واهم حاجة مقص فجرى وغرز والمقص فى مشكلة بجد انحنى لها احترامى اما التبدا فا الى اعرفو انها غيرت شكل بس اسمع ان محركها كويس هوا نفس محرك الجوك وصلى استخارة وربنا يوفقك للانسب ليك ان شاء الله