اوكتافيا a7 الكاتجوري الاول ولا اوبل استرا سيدان التربو

[medo2811]

السلام عليكم و كل سنة وكل الاعضاء بخير و عيد سعيد عليكم كلكم
انا الحمد لله ربنا وفقني و بعت عربيتي الاوكتافيا 2011 ووالله زعلت جدا بس ربنا يكرمنا في حاجة احسن
انا دلوقتي محتار مابين اوكتافيا الجديدة A7 الفئة الاولي بمتور 140 حصان ولا اوبل استرا سيدان تربو كاملة بفتحة سقف و متور 180 حصان
يا ريت يا جماعة تدوني رايكم مع الاخذ في الاعتبار ال resale value

[horas3000]

في راي الاسترا طبعا
امكانيات و مواصفات اعلي بكتير

[Moratoz]

أسترا بعيدا عن مشكله الفتيس ال dsg

[Moratoz]

أسترا بعيدا عن مشكله الفتيس الًdsg

[KSAYEDS]

السلام عليكم و كل سنة وكل الاعضاء بخير و عيد سعيد عليكم كلكم
انا الحمد لله ربنا وفقني و بعت عربيتي الاوكتافيا 2011 ووالله زعلت جدا بس ربنا يكرمنا في حاجة احسن
انا دلوقتي محتار مابين اوكتافيا الجديدة A7 الفئة الاولي بمتور 140 حصان ولا اوبل استرا سيدان تربو كاملة بفتحة سقف و متور 180 حصان
يا ريت يا جماعة تدوني رايكم مع الاخذ في الاعتبار ال resale value

حضرتك ممكن تراجع قسم الأوبل اول موضوع مثبت اسمه رابطة ملاك أسترا J عشان حضرتك تعرف مشاكل العربية قبل ما تجيبها، بالنسبة لل a7 للأسف معنديش أي فكرة عنها،،،،

بالتوفيق ،

[medo2811]

الفتيس dsg دة الجيل الرابع و اعتقد ان مشاكلو انتعت
كمان انا عارف ان اوبل بتخسر جدا في اعادة البيع
يا ريت تفيدوني كمان ممكن ندخل الجولف 7 في المقارنة
انا اهم حاجة عندي عربية تريحني ملهاش مشاكل و سعر اعادة بيع عالي

[Moratoz]

في زياره التوكيل سابقا تم اخبارنا بالفعل أن الفتيس هوا الجيل الرابع وتم حل مشكله الفتيس بس الله واعلم هل كلام مبيعات ولا ده حقيقه وخصوصا الفنتازيا ٢٠١٣ موتور ١٤٠٠ وفتيس dsg ولم يحث مشاكل منها حتي الأن

[Mohab.Nabil]

انا رأيى اوبل استرا تربو .. عربية ماشاء الله مش ناقصها حاجة .. شكل و ثبات و اداء و انتشارها بقى معقول جدا

الاوكتافيا لسه متجربتش غير ان سمعة الفتيس اكيد هتأثر على سوق العربية حتى لو المشكلة اتحلت فعلا

[Ahm662]

اوكتافيا طبعا .....

[dede_dodo88]

اللي هيجيب الأوكتافيا الجديدة هيبقى واحد بيحب المغامرة; عربية لسة محدش يعرف عنها أي حاجة + موتور جديد و فتيس سمعته في مصر مش كويسة + عربية نازلة غالية.. بس الجيل السابق يشفع كتير لأي واحد بيفكر في الأوكتافيا بعد ما أثبت أعتمادية كبيرة بالأضافة للتوكيل اللي بسمع عنه كلام كتير كويس و أن أسعار قطع الغيار معقولة جداً..

الأسترا تربو تعتبر Safe buy, العربية أنتشرت بشكل كبير في فترة قليلة و الشكاوى منها قليلة.. يمكن التوكيل و أسعار قطع الغيار هما الجانب السلبي للعربية..
بس أنا عن نفسي محتجتش التوكيل كتير الحمد لله فمعنديش شكوى كبيرة منه...

[inspiron]

لو الميزانية تسمح..يبقي أوكتافيا هاي لاين بدون تفكير.زي ما بيقولوا كده ( وشششش )
لو الميزانية متسمحش..خليك في الأسترا التيربو بس خد بالك ( التيربو ) مش العادية.
لأن الأوكتافيا الـ ambition نازلة ناقصها حاجات كتيييير موجودة في الهاي لاين.
وصلي إستخارة وربنا يوفقك لما فيه الخير لك.

[corolladestroyer]

الفتيس dsg دة الجيل الرابع و اعتقد ان مشاكلو انتعت
كمان انا عارف ان اوبل بتخسر جدا في اعادة البيع
يا ريت تفيدوني كمان ممكن ندخل الجولف 7 في المقارنة
انا اهم حاجة عندي عربية تريحني ملهاش مشاكل و سعر اعادة بيع عالي

بص ياباشا الواضح كده انك مهتم بالتسارع والجري والكلام ده شوف انت اخرك كام بالضبط ونصيحه لوجه الله لو هتقدر تدفع 250 الف يبقه جولف 7 هاي لاين وش ومن غير تفاهم كده زينون وفتحة سقف بانوراما وتسارع وثبات من حديد( عفشه مالتي لينك مش تورشن زي الاسترا والاوكتافيا)
وفيها( ABS+EBD+ASR+ESP+EDL ) غير 7 airbags وركوبه تانيه برضو ....ولو مش هينفع خليك في الاوكتافيا وعلى البركه.......
واحسن واحده اعادة بيع الاوكتافيا اكيد.....
ولو قلقان جامد من موضوع الفتيس امرك لله وخليك في الاسترا....
وربنا معاك في الاختيار الصعب جدااا

[medo2811]

اللي هيجيب الأوكتافيا الجديدة هيبقى واحد بيحب المغامرة; عربية لسة محدش يعرف عنها أي حاجة + موتور جديد و فتيس سمعته في مصر مش كويسة + عربية نازلة غالية.. بس الجيل السابق يشفع كتير لأي واحد بيفكر في الأوكتافيا بعد ما أثبت أعتمادية كبيرة بالأضافة للتوكيل اللي بسمع عنه كلام كتير كويس و أن أسعار قطع الغيار معقولة جداً..

الأسترا تربو تعتبر Safe buy, العربية أنتشرت بشكل كبير في فترة قليلة و الشكاوى منها قليلة.. يمكن التوكيل و أسعار قطع الغيار هما الجانب السلبي للعربية..
بس أنا عن نفسي محتجتش التوكيل كتير الحمد لله فمعنديش شكوى كبيرة منه...

انا معاك يا باشا بس انا كان معايا اوكتافيا 2011 و ماشاء الله العربية بجد تحفة
العيب الوحيد فيها ان جسمها تقيل علي الموتور غير كدة حدث ولا حرج عن الراحة و الثبات
بالنسبة للفتيس اعتقد انو نزل ف جولف 6 و مع واحد صحبي الحمد لله عمرة مشتكي منو
انا بس كل اللي مضايقني ان a7 الهاي لاين غالية قوي و كان نفسي ينزلو فئة في النض زي معملو في الاسبورت قبل كدة ودي اللي كانت مغايا
الاسترا طبعا عربية حلوة بس للاسف توكيلها وحش و سعر اعادة بيع بينزل قوي
احنا في مصر للاسف رغبات الناس هي الي بتعمل قوة شرائية و بتحفظلك سعر العربية وهنا الناس امزجتها مختلفة شوية ولما بتتطلع علي عربية سمعة مش بتسبها بسهولة حتي لو عملو طيارة :)

[medo2811]

لو الميزانية تسمح..يبقي أوكتافيا هاي لاين بدون تفكير.زي ما بيقولوا كده ( وشششش )
لو الميزانية متسمحش..خليك في الأسترا التيربو بس خد بالك ( التيربو ) مش العادية.
لأن الأوكتافيا الـ ambition نازلة ناقصها حاجات كتيييير موجودة في الهاي لاين.
وصلي إستخارة وربنا يوفقك لما فيه الخير لك.

طبعا لو ميزانية تسمح يبقي اوكتافيا هاي لاين وش الوش كمان :)
بس للاسف عي غالية جدا
بس انا اعتقد ان حتت ambition شكلها احلي كتير من الاسترا و هتحفظ سعرها عن الاسترا الي سعرها هينزل جدا ولا اية رايك يا باشا

[medo2811]

بص ياباشا الواضح كده انك مهتم بالتسارع والجري والكلام ده شوف انت اخرك كام بالضبط ونصيحه لوجه الله لو هتقدر تدفع 250 الف يبقه جولف 7 هاي لاين وش ومن غير تفاهم كده زينون وفتحة سقف بانوراما وتسارع وثبات من حديد( عفشه مالتي لينك مش تورشن زي الاسترا والاوكتافيا)
وفيها( ABS+EBD+ASR+ESP+EDL ) غير 7 airbags وركوبه تانيه برضو ....ولو مش هينفع خليك في الاوكتافيا وعلى البركه.......
واحسن واحده اعادة بيع الاوكتافيا اكيد.....
ولو قلقان جامد من موضوع الفتيس امرك لله وخليك في الاسترا....
وربنا معاك في الاختيار الصعب جدااا

الجولف عربية جميلة مفيش كلام طبعا
بس حتي لو اقدر ادبر 250 الف هما كتير يدفعو في جولف مع كامل احترامي ليها كعربية بس سعتها يبقي 270 في a7 هاي لاين احسن بكتييرررررررررر

تصدق يا باشا انا في عربية بدات افكر فيها كمان رغم انها فرنساوي بس شكلها عاجبيني بردو
بيجو 508 يا ريت تقلي اية رايك