إعـــــــلان

Collapse

.

,
See more
See less

مقارنه قوية بين تويوتا كورولا 2014 و رينو فلوانس 2014

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة ali wika مشاهدة المشاركة
    يا جماعة فلوانس مفيهاش esp سيستم بس فيها تورشن بيم وشغال تحفة و تحدى عند ملفات السخنة على سرعات عالية

    وفق الله الجميع للخير - ويكفينا شر الميكروباسات و التكتوك
    ايوه كلامك مظبوط و ربنا يبعدنا عن التوكتوك و السواقين ال *%^^&%

    Comment


    • المشاركة الأصلية كتبت بواسطة ahtop1 مشاهدة المشاركة
      تمام بس على فكرة الهيونداي الإلنترا متفوقه عليهم الإتنين
      يا فندم اسمها الحقيقى هونضاى حاجة كده زى الصيراطو بتاعة كيا

      بضحك معاك
      نعيب زماننا والعيب فينا - وما لزماننا عيب سوانا

      اللهم احمى مصر

      Comment


      • المشاركة الأصلية كتبت بواسطة psycholain مشاهدة المشاركة
        يا باشا ولا تزعل نفسك خالص
        ال esp ده ملوش اى لزمة و الكورولا الجديدة عربية غير ثابتة نهائيا و لا تقارن بأي عربية خالص وخصوصا الفلوانس و لا انصح اي حد انه يشتريها لانها اسواء عربية في السوق.
        حضرتك الكلام مقنع جدا - لو الهونضاى او الصيراطو حطو فيهم كل انظمة الامان من غير ماتكون العربية اساسا ثابتة - بطيخ برضه
        هاضرب لحضرتك مثل بسيط جدا - اوكتافيا a4 موديل 98 جربها مع هونضاى موديل 2020 بانظمة ثبات فى ملفات السخنة - وقولى رأيك

        الفكرة ان المصنع من البداية بيعمل عربية تقيلة ثابتة ولا عربية خفيفة عشان التسارع و البطيخ ده

        ولزلك هاتلاقى الاوروبى كله بطئ فى الطلعة - غير الهونضاى و الصوراطو صواريخ - بس صباح العنب فى المواقف الحرجة

        هو ده المقصود من الكلام - عربية بتترقص لما يقابلها نقل ولا ثابتة

        وتحيا ايام 127 و 128

        وتقبل مرورى
        نعيب زماننا والعيب فينا - وما لزماننا عيب سوانا

        اللهم احمى مصر

        Comment


        • اسف يا جماعة هاتلاقونى منتشر شوية فى الصفحة دى لانى بصراحة قريت ال 38 صفحة مرة واحدة

          والشهادة لله اقول الحق انى استمتعت و استفدت جدا رغم سخونة المقارنة فى بعض المواقف

          واقتنعت ان عربيتى الفلوانس 2013 الشكل القديم - كان اختيار صائب و الحمد لله

          ونصيحة خالصة لوجه الله - مصرنا المحروسة اللى بنحبها كلنا بدون شك كفاية على شوارعها و ميكرباصاتها و تكاتكها و موتوسيكلاتها (المكن) عربية اخرها 150 - 160 الف جنيه - غير كده حرام

          وفق الله الجميع و كفاهم واياى شر الطريق
          نعيب زماننا والعيب فينا - وما لزماننا عيب سوانا

          اللهم احمى مصر

          Comment


          • المشاركة الأصلية كتبت بواسطة Ali Wika

            يا جماعة فلوانس مفيهاش esp سيستم بس فيها تورشن بيم وشغال تحفة و تحدى عند ملفات السخنة على سرعات عالية

            وفق الله الجميع للخير - ويكفينا شر الميكروباسات و التكتوك
            معلش بس وقت الجد لا قدر الله الesp حيفرق كتير

            سؤال بس على جنب كده، هو التورشن بيم فى مصاحة مين واحسن من ايه؟
            د/ خالد أسامة

            Comment


            • المشاركة الأصلية كتبت بواسطة K.Ossama مشاهدة المشاركة
              معلش بس وقت الجد لا قدر الله الesp حيفرق كتير

              سؤال بس على جنب كده، هو التورشن بيم فى مصاحة مين واحسن من ايه؟
              طبعا ال esp مهم جدا لكن الاهم هو ال handling بتاع العربيه يبقى عالى و عوامل ثبات العربيه كثير من ضمنهم نظام التعليق ( العفشه ) و الايرودايناميكس و الوزن توزيعه كام امامى و كام خلفى و ارتفاع العربيه و حاجات تانيه التورشن بيم ميزته ان صيانيته سهله و بسيطه و بيختلف فى تصميمه من شركه لشركه زى ال Multi-link بردو بيختلف من شركه لشركه فى التصيميم لكن عموما هو افضل من التورشن بيم كثبات و راحه

              Comment


              • طيب محدش ليه اتكلم عن تسارع السيارتين ؟؟؟؟؟
                يا تري لصالح مين بالضبط يكسب في التسارع من 0 إلي 100
                و كمان التسارع علي السرعات المنخفضة و المتوسطة
                لأن الفلوانس القديمة كانت واخدة سمعة أنها بطة بلدي و ده إللي خللني اتردد في الشراء

                Comment


                • المشاركة الأصلية كتبت بواسطة Silent~Dream

                  طبعا ال esp مهم جدا لكن الاهم هو ال handling بتاع العربيه يبقى عالى و عوامل ثبات العربيه كثير من ضمنهم نظام التعليق ( العفشه ) و الايرودايناميكس و الوزن توزيعه كام امامى و كام خلفى و ارتفاع العربيه و حاجات تانيه التورشن بيم ميزته ان صيانيته سهله و بسيطه و بيختلف فى تصميمه من شركه لشركه زى ال Multi-link بردو بيختلف من شركه لشركه فى التصيميم لكن عموما هو افضل من التورشن بيم كثبات و راحه
                  كلام سليم
                  وانا كلامى ان الesp مهم على عربية أساساً مضبوطة من ناحية ال Handling طبعاً
                  د/ خالد أسامة

                  Comment


                  • المشاركة الأصلية كتبت بواسطة zoueil مشاهدة المشاركة
                    طيب محدش ليه اتكلم عن تسارع السيارتين ؟؟؟؟؟
                    يا تري لصالح مين بالضبط يكسب في التسارع من 0 إلي 100
                    و كمان التسارع علي السرعات المنخفضة و المتوسطة
                    لأن الفلوانس القديمة كانت واخدة سمعة أنها بطة بلدي و ده إللي خللني اتردد في الشراء
                    تسارع الفلوانس فيس ليفت تحسن عن الموديل القديم، و لكن مقارنة بالكوروﻻ فهي اضعف.
                    انا جبت من 0- 100في 9 ثواني بالكوروﻻ و في فيديو ليها و فيديو كمان لزميل جاب 210.
                    و اعتقد الفلوانس مفيهاش سبورت موود زي الكوروﻻ
                    psycholain سابقا

                    Comment


                    • المشاركة الأصلية كتبت بواسطة zoueil مشاهدة المشاركة
                      طيب محدش ليه اتكلم عن تسارع السيارتين ؟؟؟؟؟
                      يا تري لصالح مين بالضبط يكسب في التسارع من 0 إلي 100
                      و كمان التسارع علي السرعات المنخفضة و المتوسطة
                      لأن الفلوانس القديمة كانت واخدة سمعة أنها بطة بلدي و ده إللي خللني اتردد في الشراء
                      الفلوانس الفيس ليفت تسارعها افضل من القديمه فى حدود ثانيتين و بتوصل من 0-100 كيلو فى 11.9 كرقم من الشركه بتوقع اخرها تجيب 0-100 فى 11.5 ثانيه و الكورولا من الشركه بتوصل من 0-100 فى 9.5 لكن الاستاذ Mohamed.Hany وصل فى 9 ثوانى و الفيديو ده هو مصوره بعربيته .




                      المشاركة الأصلية كتبت بواسطة K.Ossama مشاهدة المشاركة
                      كلام سليم
                      وانا كلامى ان الesp مهم على عربية أساساً مضبوطة من ناحية ال Handling طبعاً
                      تمام كلام حضرتك مظبوط ال esp مهم جدا فى حاله ان ال handling بتاع العربيه كويس


                      المشاركة الأصلية كتبت بواسطة Mohamed.Hany مشاهدة المشاركة
                      تسارع الفلوانس فيس ليفت تحسن عن الموديل القديم، و لكن مقارنة بالكوروﻻ فهي اضعف.
                      انا جبت من 0- 100في 9 ثواني بالكوروﻻ و في فيديو ليها و فيديو كمان لزميل جاب 210.
                      و اعتقد الفلوانس مفيهاش سبورت موود زي الكوروﻻ
                      كلام سليم الفلوانس مفهاش سبورت مود و بتوصل 100 بعد الكورولا بثانيتين ونص و لو مفيش ازعاج انا جبت الموضوع الى فيه الفيديو الى حضرتك عمتله قبل كده لعربيتك

                      Comment


                      • المشاركة الأصلية كتبت بواسطة silent~dream مشاهدة المشاركة
                        الفلوانس الفيس ليفت تسارعها افضل من القديمه فى حدود ثانيتين و بتوصل من 0-100 كيلو فى 11.9 كرقم من الشركه بتوقع اخرها تجيب 0-100 فى 11.5 ثانيه و الكورولا من الشركه بتوصل من 0-100 فى 9.5 لكن الاستاذ mohamed.hany وصل فى 9 ثوانى و الفيديو ده هو مصوره بعربيته .






                        تمام كلام حضرتك مظبوط ال esp مهم جدا فى حاله ان ال handling بتاع العربيه كويس




                        كلام سليم الفلوانس مفهاش سبورت مود و بتوصل 100 بعد الكورولا بثانيتين ونص و لو مفيش ازعاج انا جبت الموضوع الى فيه الفيديو الى حضرتك عمتله قبل كده لعربيتك
                        يكفيني شرف انك حطيت الموضوع بتاعي في المقارنة الهايلة دى.
                        psycholain سابقا

                        Comment


                        • المشاركة الأصلية كتبت بواسطة mohamed.hany مشاهدة المشاركة
                          يكفيني شرف انك حطيت الموضوع بتاعي في المقارنة الهايلة دى.
                          العفو يا رب بس نفيد الناس المحتاره بين العربيتين و كل واحد يختار الانسب ليه و الشرف ليا و من دواعى سرورى التعرف على اشخاص محترمين زى حضرتك

                          Comment


                          • للتذكير و الكلام ده منقول من مجهود الاعضاء المتميزين
                            الاستاذ : Mohamed.Hany
                            و الاستاذ : Meggieboy


                            الفرق بين الفلوانس 2014 الهاى لاين ( 188 الف جنيه مصرى ) و الكورلا 2014 ( 215 الف جنيه مصرى ) :


                            فى الكورولا الهاى لاين هتكسب الاتى عن الفلوانس هاى لاين :

                            1. عدد 7 ايرباج مقابل 6 في الفلوانس
                            2.نظام الثبات الالكتروني esp
                            3. Trc للثبات
                            4.كاسيت تاتش فى الكورولا وبه نافيجيشن في الكاسيت الجديد
                            5.خط ضوء ازرق تحت التابلوه كحلية
                            6.كاميرا خلفية
                            7.حساسات ركن امامية و جانبية
                            8.اوتوبارك ,خاصية الركن التلقائي
                            9.قوة الموتور علي الاقل في الطلعة تحت 60 كم اقولى, بموتور 122 حصان مقابل 115
                            10.خاصية الاوامر الصوتية و التعرف علي الصوت voice recognition
                            11.سبورت موود بالفتيس
                            12.تابلوه لونين اسود في بيج
                            13.نظام ايكو لتوفير البنزين مع امكانية التحكم به
                            14.سخانات مرايات بزرار منفصل
                            15.كاوتش بريدجستون v سرعة 240 كم/س مقابل 210 كم/س للفلوانس قوة احتمال اعلي
                            16.استبن نفس المقاس و جنط سبور مش حديد بعكس الفلوانس
                            17.حساسات لضغط الاطارات مع امكانية تعديل رقم التحذير
                            18. وزن العربية 1300 كج مقابل 1258 للفلوانس
                            19. الوسع الداخلي اوسع سنة بسيطة عن الفلوانس خصوصا في الخلف لاتساع شنطه الفلوانس.

                            فى الفلوانس هاى لاين هتكسب الاتى عن الكورولا هاى لاين :

                            1.وحدات رفع للاربعة زجاج مع الكارت الذكى او بصمة اكرة الابواب فى الفلوانس و بتقفل الاربع زجاج مع بعض و كمان بتضم المرايات و بتقفل فتحة السقف و الكاسيت و الاضواء.
                            2.مفيش غير زجاج السائق فى الكورولا هاى لاين اللى بيشتغل طلوع و نزول لمسة واحدة و ده موجود فى الاربعة زجاج فى الفلوانس مع خاصية أمان الأطفال anti pinch و هى نزول الزجاج لأسفل فى حالة اصطدامه بعائق موجوده فى الاربعة زجاج و فتحة السقف.
                            3.ضم و فتح المرايات مع الغلق و الفتح و الكارت الذكى او تشغيل السيارة .
                            4.زينون في الفلوانس فقط ويجتمعو الاتنين(كورولا و فلوانس) بضبط مستمر اتوماتيكى للارتفاع باربع حساسات و بخاخات تنظيف.
                            5.فتحة سقف فتح و امالة و غلق مع البصمة و الكارت
                            6.٣ ستائر مدمجة داخل الابواب و الزجاج الخلفى
                            7.مخرج تكييف خلفى
                            8.مخرج ١٢ فولت خلفى للركاب الخلفيين
                            9. شنطة٥٣٠ لتر فى الفلوانس مقابل ٤٦٠ لتر
                            10.حلية شكمان من النيكل كروم
                            11.تانك بنزين سعة ٦٠ لتر فى الفلوانس مقابل ٥٥ لتر فى الكورولا
                            12. 8way audio
                            13- ارخص 27 الف جنيه عن الكورولا الهاى لاين

                            Comment


                            • وبردو المداخله دى منقوله من مجهود الاعضاء الافاضل
                              الاستاذ : Meggieboy
                              و الاستاذ : Mohamed.Hany
                              عشان نوضح الفرق بين الكورولا ( 189 الف جنيه مصرى ) و الفلوانس هاى لاين ( 188 الف جنيه مصرى )


                              فى الكورولا الفئة الثالثه ( الثانيه اوتوماتيك ) هتكسب الاتى عن الفلوانس هاى لاين :

                              1.نظام الثبات الالكتروني ESP
                              2. TRC للثبات
                              3.حساسات ركن امامية و جانبية
                              4.اوتوبارك ,خاصية الركن التلقائي
                              5.قوة الموتور علي الاقل في الطلعة تحت 60 كم اقولى, بموتور 122 حصان مقابل 115
                              6.سبورت موود بالفتيس
                              7.تابلوه لونين اسود في بيج
                              8.نظام ايكو لتوفير البنزين مع امكانية التحكم به
                              9.سخانات مرايات بزرار منفصل
                              10.كاوتش بريدجستون v سرعة 240 كم/س مقابل 210 كم/س للفلوانس قوة احتمال اعلي
                              11.استبن نفس المقاس و جنط سبور مش حديد بعكس الفلوانس
                              12. وزن العربية 1300 كج مقابل 1258 للفلوانس
                              13. الوسع الداخلي اوسع سنة بسيطة عن الفلوانس خصوصا في الخلف لاتساع شنطه الفلوانس.


                              فى الفلوانس هاى لاين هتكسب الاتى عن الكورولا الفئة الثالثه ( الثانيه اوتوماتيك ) :

                              1.وحدات رفع للاربعة زجاج مع الكارت الذكى او بصمة اكرة الابواب فى الفلوانس و بتقفل الاربع زجاج مع بعض و كمان بتضم المرايات و بتقفل فتحة السقف و الكاسيت و الاضواء.
                              2.مفيش غير زجاج السائق فى الكورولا اللى بيشتغل طلوع و نزول لمسة واحدة و ده موجود فى الاربعة زجاج فى الفلوانس مع خاصية أمان الأطفال anti pinch و هى نزول الزجاج لأسفل فى حالة اصطدامه بعائق موجوده فى الاربعة زجاج و فتحة السقف.
                              3.ضم و فتح المرايات مع الغلق و الفتح و الكارت الذكى او تشغيل السيارة .
                              4.زينون في الفلوانس بضبط مستمر اتوماتيكى للارتفاع باربع حساسات و بخاخات تنظيف.
                              5.فتحة سقف فتح و امالة و غلق مع البصمة و الكارت
                              6.٣ ستائر مدمجة داخل الابواب و الزجاج الخلفى
                              7.مخرج تكييف خلفى
                              8.مخرج ١٢ فولت خلفى للركاب الخلفيين
                              9. شنطة٥٣٠ لتر فى الفلوانس مقابل ٤٦٠ لتر
                              10.حلية شكمان من النيكل كروم
                              11.تانك بنزين سعة ٦٠ لتر فى الفلوانس مقابل ٥٥ لتر فى الكورولا
                              12. 8way audio
                              13.عدد 6 ايرباج مقابل 2 للكورولا
                              14.مفتاح ذكي

                              Comment


                              • بصراحة التعليق 388 و 389 جايبين من الاخر و تلخيص لكل الصفحات اللي فاتت و الفروق بالمللي للي محتار و شكر واجب ليك و لبشمهندس هاني.
                                psycholain سابقا

                                Comment

                                Working...
                                X