مقارنه قوية بين تويوتا كورولا 2014 و رينو فلوانس 2014

[zangry]

الف سلامة على حضرتك اولا من التيدا...انا عندى صديق كان معاه اوكتافيا A5 و بعدين مصاريفها بقت عاليه عليه فباعها و جاب تيدا سيدان زيرو

الراجل نازل من قمة الجبل الى اسفله...من قمة الثبات الى ال لا ثبات
كل ما يرجع من سفر على الصحراوى يقعد يشكيلى و يسألنى طيب لو عرضت العجل يا باشمهندس هتكون اثبت وانا اقوله اه بش مش اللى بالك فيه يعنى

فعلا هو ده اللى كنت بوضحه....المهم كلنا ندور على عربية اساسا ثابتة و بعدين نشوف كمان لو فيها Esp يبقى فل الفل
يعنى الاسترا ثابتة و معاها esp يا سيدى
الفوكاس ثابتة و معاها esp يا عينى

هو ده مربط الفرس....ثبات السيارة الاساسى و بعده فى المقام وجود ال esp
قاعدة عامة:
" عربية ثابتة بدون esp احسن مليون مرة من عربية مش ثابتة مع وجود esp"

الله يسلمك ياباشا .. بعد اللى حصل في التيدا طبعا التأمين خدوها وزودنا على الفلوس شوية وجبنا الـa5 2008 بصراحة فرق شاسع العفشة ناعمة يمكن ده عشان مقاس الكاوتش 15 وثبات ماشاء الله علي 120 واكسر الدريكسيون ولا الهوا عن تجربة وقطع الغيار العادية مش غالية بس العفشة وكده دى اللى بتكون غالية شوية

متفق معاك في كلامك

[برنس الليالي]

السلام عليكم ورحمة الله
شباب لو سمحتم بما ان المناقشة سخنت اوي عايز اسئل سؤالين على الطاير كدا بخصوص العربيتين الهايلييييين دول

اولا عايز اعرف هو فعلاً دهان الاكصدامات في الفلوينس مش كويس وبيتقشر بسرعة زي ما قال بعض الملاك وهل دا نفس الشئ موجود في الكورولا ؟

وفي وضعية sport mode في اي عربية من العربيتين ؟ اصلي نازل من 320i وواخد على الوضع دا بصراحة :)

- بالنسبة لأعلى فئة في العربيتين فيهم كام ايرباج ؟
- في كاميرا خلفية وحساسات في الفلوينس ؟

وآخر حاجة عايزين نعرف من الأخوة كدا انتو شيفين ايه احسن لون على الكورولا super white ولا silver metallic ولا gray metallic عشان دول اكتر 3 الوان معجب بيهم جداً

- انا عندي سؤال للاستاذ psycholain بخصوص الاوتو بارك :) هي الميزة دي دقيقة جداً وكفاءة ولا ساعات بتهيس معاك ؟ :)

اصل الاوبشن دا من الحاجات اللي تخلي الواحد يميل للكورولا هو والـVSC

[batour]

السلام عليكم ورحمة الله
شباب لو سمحتم بما ان المناقشة سخنت اوي عايز اسئل سؤالين على الطاير كدا بخصوص العربيتين الهايلييييين دول

اولا عايز اعرف هو فعلاً دهان الاكصدامات في الفلوينس مش كويس وبيتقشر بسرعة زي ما قال بعض الملاك وهل دا نفس الشئ موجود في الكورولا ؟

وفي وضعية sport mode في اي عربية من العربيتين ؟ اصلي نازل من 320i وواخد على الوضع دا بصراحة :)

- بالنسبة لأعلى فئة في العربيتين فيهم كام ايرباج ؟
- في كاميرا خلفية وحساسات في الفلوينس ؟

وآخر حاجة عايزين نعرف من الأخوة كدا انتو شيفين ايه احسن لون على الكورولا super white ولا silver metallic ولا gray metallic عشان دول اكتر 3 الوان معجب بيهم جداً

- انا عندي سؤال للاستاذ psycholain بخصوص الاوتو بارك :) هي الميزة دي دقيقة جداً وكفاءة ولا ساعات بتهيس معاك ؟ :)

اصل الاوبشن دا من الحاجات اللي تخلي الواحد يميل للكورولا هو والـvsc

السلام عليكم
الدهان فى الاتنين ممتاز جدا ومتقلقش منه
التويوتا فيها سبورت مود الفلوانس لا
اعلى فئه فى الفلوانس فيها سينسور بس مش متأكد من الكاميرا
الالوان دى ترجع ليك انت عشان انت الى راكب ودى ميول شخصيه
وبالتوفيق

[برنس الليالي]

طيب ايه اللي موجود في الفلوينس اعلى فئة مش موجود في الكورولا اعلى فئة ؟ فتحة سقف وزينون بس ؟

[Hany Saad]

طيب ايه اللي موجود في الفلوينس اعلى فئة مش موجود في الكورولا اعلى فئة ؟ فتحة سقف وزينون بس ؟

موجود Style و فخامة لا تخطئها العين
اركب دى و اركب دى و بعدين خد قرارك و توكل على الله....الاتنين ممتازين فى هذه الفئة

[برنس الليالي]

موجود Style و فخامة لا تخطئها العين
اركب دى و اركب دى و بعدين خد قرارك و توكل على الله....الاتنين ممتازين فى هذه الفئة

ايوة يعني ممكن نعرف اختلاف الاوبشنز ؟ انا كل اللي اعرفه ان الكورولا تختلف عن الفلوينس في الـesp والاوتو بارك وبالنسبة للفلوينس الزينون وفتحة السقف .. هو دا كل الاختلافات مظبوط ؟ ولا في حاجة تانية في الابشنز موجودة هنا ومش موجودة في التانية

[Hany Saad]

ايوة يعني ممكن نعرف اختلاف الاوبشنز ؟ انا كل اللي اعرفه ان الكورولا تختلف عن الفلوينس في الـesp والاوتو بارك وبالنسبة للفلوينس الزينون وفتحة السقف .. هو دا كل الاختلافات مظبوط ؟ ولا في حاجة تانية في الابشنز موجودة هنا ومش موجودة في التانية

لو حضرتك بتقارن هاى لاين الكورولا اللى هى دلوقتى بحوالى ٢٢٠ ألف مع الفلوانس الهاى لاين اللى ب ١٨٨ ألف يبقى الكورولا الهاى لاين تتفوق فى الاوبشنز و لا ينقصها الا فعلا فتحة السقف و الزينون...اما باقى الاوبشنز فهى موجودة و تتفوق الكورولا الهاى لاين باوبشنز كتيرة زيادة زى الاوتوبارك و ال VSC و اعتقد كمان ٧ ايرباجز مش ٦ فقط و يمكن حاجات تانية انا بصراحة مش مطلع على كل كمالياتها

اما لو بتقارن الفول اوبشن كورولا اللى ب ١٨٩ مع الفلوانس الهاى لاين اللى ب ١٨٨ ألف
تزيد الفلوانس ب:
٦ ايرباجز مقابل ٢ فى الكورولا
فرش جلد كامل
زينون
فتحة سقف
نظام Start/Stop
دخول و غلق و فتح و تشغيل عن بعد smart key
كاسيت من تصميم arkamys مع صوت 3D مكون من ٤ سماعات و ٤ تويترات
مثبت و محدد سرعة
حساسات ضوء
حساسات مطر
فتحة سقف
عدادات ديجيتال حديثة مضيئة دائما
تانك بنزين ٦٠ لتر مقابل ٥٥ لتر فى الكورولا
شنطة خلفية الأوسع فى فئتها سعة ٥٣٠ لتر مقابل ٤٦٠ لتر فى الكورولا
فتحات تكييف خلفية
مرايات كهربا ضم
مكن رفع زجاج
٤ زجاج كهربا one touch مقابل ١ فقط للكورولا
٣ ستائر خلفية

و تزيد الكورولا ب:
نظام ثبات VSC
Auto Park

[Mohamed.Hany]

السلام عليكم ورحمة الله
شباب لو سمحتم بما ان المناقشة سخنت اوي عايز اسئل سؤالين على الطاير كدا بخصوص العربيتين الهايلييييين دول

اولا عايز اعرف هو فعلاً دهان الاكصدامات في الفلوينس مش كويس وبيتقشر بسرعة زي ما قال بعض الملاك وهل دا نفس الشئ موجود في الكورولا ؟
في الكوروﻻ كويس جدا و الكحتات البسيطة مش بتأثر فيه ، ﻷن فيه موتوسيكل و توكتوك خبطو فيا من ورا و نزلت مسحتها بأيدي و اتشالت انا بصرأحة كنت فاكرها اتحكت و قشرت. انا بصراحة مفرفش في الفلوانس
وفي وضعية sport mode في اي عربية من العربيتين ؟ اصلي نازل من 320i وواخد على الوضع دا بصراحة :)
الكوروﻻ فيها زرار sport mode منفصل و الفلوانس مفيهاش.
- بالنسبة لأعلى فئة في العربيتين فيهم كام ايرباج ؟ الكوروﻻ 7 ايرباج و اعتقد الفلوانس 4 او 6 مش متأكد
- في كاميرا خلفية وحساسات في الفلوينس ؟
في الفلوانس حساسات خلفية فقط في الهاي لاين و مفيش كاميرا خلفية ولا حتي في الهاي لاين ، في الكورولا حساسات امامية و خلفية و جانبية من الفئة الثانية بمجموع 10 حساسات 6 امامي و جانبي و 4 خلفي و جانبي بلوحة تحكم وسط التابلوه تضيئ مؤشر ثلاث شرط و تقل مع الاقتراب و الرسمة من جميع الجهات مع صوت تحذيري تزداد سرعته مع الاقتراب و صوت الحساسات الامامية مختلف عن صوت الحساسات الخلفية للتنبيه.
وآخر حاجة عايزين نعرف من الأخوة كدا انتو شيفين ايه احسن لون على الكورولا super white ولا silver metallic ولا gray metallic عشان دول اكتر 3 الوان معجب بيهم جداً
اللون البرونزي الميتاليك لون جديد و عليه اكتر حجوزات و ميزته انه فاتح الصبح و غامق بالليل و مش بيبان عليه التراب ولا الخرابيش و في نفس الوقت واخد شياكة و فخامة الغوامق و مبين النيكل كرووم بعديه السيلفر بس عيبه مش مبين النيكل كروم
- انا عندي سؤال للاستاذ psycholain بخصوص الاوتو بارك :) هي الميزة دي دقيقة جداً وكفاءة ولا ساعات بتهيس معاك ؟ :)
الاوتوبارك دقيق جدا و بيجيب الركنة بالضبط و كمان مع دقة رهيبة في انه يحضن علي الرصيف وهي دى ميزته حتي لو الركنة ضيقة او بزاوية جربتها وركنت كويس جدا و بيركن يمين و شمال و لو الركنة مش علي قد العربية مش بينبهك ان دى ركنة و بيسيبها
اصل الاوبشن دا من الحاجات اللي تخلي الواحد يميل للكورولا هو والـVSC

[Mohamed.Hany]

لو حضرتك بتقارن هاى لاين الكورولا اللى هى دلوقتى بحوالى ٢٢٠ ألف 215 الف مع الفلوانس الهاى لاين اللى ب ١٨٨ ألف يبقى الكورولا الهاى لاين تتفوق فى الاوبشنز و لا ينقصها الا فعلا فتحة السقف و الزينون...اما باقى الاوبشنز فهى موجودة و تتفوق الكورولا الهاى لاين باوبشنز كتيرة زيادة زى الاوتوبارك و ال VSC و اعتقد كمان ٧ ايرباجز مش ٦ فقط و يمكن حاجات تانية انا بصراحة مش مطلع على كل كمالياتها

اما لو بتقارن الفول اوبشن كورولا اللى ب ١٨٩ مع الفلوانس الهاى لاين اللى ب ١٨٨ ألف
تزيد الفلوانس ب:
٦ ايرباجز مقابل ٢ فى الكورولا
فرش جلد كامل
زينون
فتحة سقف
نظام Start/Stop
دخول و غلق و فتح و تشغيل عن بعد smart key
كاسيت من تصميم arkamys مع صوت 3D مكون من ٤ سماعات و ٤ تويترات
مثبت و محدد سرعة متوفر في الكوروﻻ
حساسات ضوء
حساسات مطر
فتحة سقف
عدادات ديجيتال حديثة مضيئة دائما عدادات اوبتيترون
تانك بنزين ٦٠ لتر مقابل ٥٥ لتر فى الكورولا انا سألت توكيل رينو بالتليفون قالي 60 لتر بالاحتياطي و الكورولا 55 لتر و 5 احتياطي
شنطة خلفية الأوسع فى فئتها سعة ٥٣٠ لتر مقابل ٤٦٠ لتر فى الكورولا
فتحات تكييف خلفية
مرايات كهربا ضم متوفرة في الكوروﻻ بزرار منفصل و ليست مع السنتر
مكن رفع زجاج
٤ زجاج كهربا one touch مقابل ١ فقط للكورولا
٣ ستائر خلفية

و تزيد الكورولا ب:
نظام trc
اضاءة نهارية ليد
قوة الموتور 122 حصان 154 نيوتن مقابل 110 حصان
التحكم في شدة اضاءة التابلوه
حساسات ركن امامية و جانبية
سبورت موود بزرار منفصل
تابلوه لونين اسود في بيج
النظام الذكي eco لتوفير البنزين يعمل تلقائيا و يغلق فور كبس البنزين بقوة و يعود مرة اخرى للعمل و يمكن تفعيله او غلقه من الاوبشنز
سخانات بالمرايات الجانبية بزرار منفصل
استبن بنفس المقاس جنط سبور و ليس حديد
حليات من النيكل كرووم في الابواب و الزجاج و الفوج و الشنطة
نظام الثبات vsc
auto park

[Hany Saad]

تانك بنزين ٦٠ لتر مقابل ٥٥ لتر فى الكورولا انا سألت توكيل رينو بالتليفون قالي 60 لتر بالاحتياطي و الكورولا 55 لتر و 5 احتياطي

[COLOR="Blue"]الأحتياطى موجود حضرتك فى كل السيارات و معمول حسابه تجويف داخل التنك و لا يحسب منفصل...يعنى فى المانيوال بتاع الكورولا هتلاقى مكتوب سعة التانك ٥٥ لتر منهم ٥ احتياطى و الا كان ضافه للسعة الكلية لانه نفس التنك...
يعنى الكورولا ٥٥ لتر منهم ٥ احتياطى و الفلوانس ٦٠ لتر منهم ٥ احتياطى...لا يضاف قيمة الاحتياطى على السعة الكلية[/COLOR]
شنطة خلفية الأوسع فى فئتها سعة ٥٣٠ لتر مقابل ٤٦٠ لتر فى الكورولا
فتحات تكييف خلفية
مرايات كهربا ضم متوفرة في الكوروﻻ بزرار منفصل و ليست مع السنتر
مكن رفع زجاج
٤ زجاج كهربا one touch مقابل ١ فقط للكورولا
٣ ستائر خلفية
نسيت اضيف امان اطفال كهربى لغلق البيبان الخلفية و الزجاج الخلفى فقط بلمسة زر و هذا النظام غير طبعا السنترلوك
و تزيد الكورولا ب:
نظام trc
اضاءة نهارية ليد
:موجود فى الفلوانس و يمكن تشغيله و الغاءه بينما لا يمكن الغاؤه فى الكورولا
قوة الموتور 122 حصان 154 نيوتن مقابل 110 حصان
الموتور المانيوال ١١٠ حصان بينما ال CVT فهو ١١٥ حصان و عزم ١٥١ نيوتن متر عند ٤٠٠٠ لفة بينما الكورولا ١٥٤ نيوتن متر عند ٤٤٠٠ لفة
التحكم في شدة اضاءة التابلوه
موجود فى الفلوانس
حساسات ركن امامية و جانبية
سبورت موود بزرار منفصل
تابلوه لونين اسود في بيج
موجود لونين فى كل الفئات اسود كاوتش فى بيانو لامع
النظام الذكي eco لتوفير البنزين يعمل تلقائيا و يغلق فور كبس البنزين بقوة و يعود مرة اخرى للعمل و يمكن تفعيله او غلقه من الاوبشنز
لا اقصد التقليل من اهمية هذا النظام و لكن اعتقد ان الغرض منه Marketing فقط لان على حسب تعليقات الملاك و باستخدام هذا النظام استهلاك البنزين داخل البلد حوالى ٩ لتر فى ال ١٠٠ كيلو و ده يعتبر عالى
سخانات بالمرايات الجانبية بزرار منفصل
استبن بنفس المقاس جنط سبور و ليس حديد
حليات من النيكل كرووم في الابواب و الزجاج و الفوج و الشنطة
موجود و فى اماكن اكثر و فى الداخل ايضا زى اكر الابواب و الفتيس و قاعدة الفتيس و الشبكة الامامية و الفوجات و حلية على الشنطة بطولها
نظام الثبات vsc
auto park

[Hany Saad]

طبعا كنت اتمنى الفلوانس تنزل ب Auto Park و VSC زى الكورولا لانهم جمال جدا و كنت فاكر ال Auto Park مش هيكون قد كده و لكن من فيديوهات المحترم psycolain اثبت انه نظام رائع و دقيق فعلا
و لكن بمنتهى الحيادية و مع الأهمية العالية لل VSC فى الكورولا و روعة ال Auto Park
يوجد مش اقل من ٤٠ الف جنيه كماليات فى مصلحة الفلوانس مقارنة بالكورولا لو قارنا الكورولا الفل اوبشن ١٨٩ الف بالفلوانس هاى لاين ١٨٨ الف
و بدون تحيز لو بنقول best value for money و مش قصدى جودة او حاجة لان الكورولا رائعة و لكن اقصد نقود مقابل كماليات اساسية فهى الفلوانس دون تردد

[Mohamed.Hany]

ايريال الكاسيت built in في الزجاج في الكوروﻻ اما الفلوانس ايريال عادى
الفلوانس مفيهاش USB اما الكوروﻻ فيها
الفليوانس مفيهاش اضاءة نهارية بل هي اضاءة ليد فقط ، ﻷن الاضاءة النهارية تعمل اوتوماتيكيا ولا يمكن الغائها و يمكن ان تكون ليد او هالوجين عادي. هذا هو الفارق مبين الاضاءة النهارية و اي اضاءة اخرى.
مقال الهوندا سيفيك الجديدة بها اضاءة نهارية هالوجين لا يمكن اطفائها لذلك سميت اضاؤة نهارية.
اما اذا كنت تستطيع التحكم بغلقها فهي اضاءة عادية وليست نهارية سواء كانت ليد او زينون او هالوجين

[Hany Saad]

ايريال الكاسيت built in في الزجاج في الكوروﻻ اما الفلوانس ايريال عادى
الفلوانس مفيهاش USB اما الكوروﻻ فيها

الاريال ال built in يا باشا اضعف فى استقباله من الاريال الخارجى و حضرتك اسأل اللى جرب الاتنين و انا كان معايا فكترا فترة صغيرة و كنت بعانى من استقبال هذا الاريال و ده cost reduction على فكرة
احسن استقبال هو الاريال الخارجى

الفلوانس الفيس ليفت فيها USB و AUX الا لو كنت بتتكلم على الشكل القديم موديل ٢٠١٠ ده فعلا مفهوش

[Mohamed.Hany]

الاريال ال built in يا باشا اضعف فى استقباله من الاريال الخارجى و حضرتك اسأل اللى جرب الاتنين و انا كان معايا فكترا فترة صغيرة و كنت بعانى من استقبال هذا الاريال و ده cost reduction على فكرة
احسن استقبال هو الاريال الخارجى

الفلوانس الفيس ليفت فيها USB و AUX الا لو كنت بتتكلم على الشكل القديم موديل ٢٠١٠ ده فعلا مفهوش

اشكرك لتوضيح معلومة ال usb .
بالنسبة للاريال فهو قوى جدا و انا بسافر بصفة اسبوعية للساحل الشمالي و كان معايا هيونداي جيتز بها ايريال خارجي طويل جدا و مقارنة بالكورولا 2014 و 2011 اللي الاريال بتاعهم في الزجاج مفيش اي فرق بنفس القوة ، و اعتقد بيفرق من عربية للتانية بس اللي فيها قوي و نوعية كويسة جدا بتلقط تمام معرفش انت بتقارن بأنهي اوبل بس ممكن يكون حاجة اضعف ناللي في الكوروﻻ. بس احنا متفقين ان الفلوانس بها اضاءة ليد و ليست اضاءة نهارية.

[Hany Saad]

اشكرك لتوضيح معلومة ال usb .
بالنسبة للاريال فهو قوى جدا و انا بسافر بصفة اسبوعية للساحل الشمالي و كان معايا هيونداي جيتز بها ايريال خارجي طويل جدا و مقارنة بالكورولا 2014 و 2011 اللي الاريال بتاعهم في الزجاج مفيش اي فرق بنفس القوة ، و اعتقد بيفرق من عربية للتانية بس اللي فيها قوي و نوعية كويسة جدا بتلقط تمام معرفش انت بتقارن بأنهي اوبل بس ممكن يكون حاجة اضعف ناللي في الكوروﻻ. بس احنا متفقين ان الفلوانس بها اضاءة ليد و ليست اضاءة نهارية.

اتقل يا باشا لما العربية تقدم شوية...كتر تنظيف الزجاج و الخرابيش البسيطة جدا فيه بيقلل جدا استقبال الاريال...
انا كان معايا فكترا C المانى 2000 cc و كان بيحصل شوشرة و الsignal بتضعف جامد..ان شاء الله ميحصلش كده عندك
In-glass antennas have never been noted for their good
performance. They are only popular because they are
easier for the auto manufacturers (and car washes). Many
people add a proper antenna after-market when they are
stuck with these things.

بالنسبة لل DRL انا متفق معاك علشان نقطة التشغيل الأجبارى