مقارنه قوية بين تويوتا كورولا 2014 و رينو فلوانس 2014

[Abou Marwan]

تقرير جميل لك كل الشكر

[tenky wenky]

يا رجالة انا عملت امبارح حركة شديدة علشان اقطع الشورت في البـيـسـيـن :)

رحت محمد زكي وقعدت وفحصت كل حاجة في الفلوانس (المساحة، الشنطة، التصميم الداخلي، الخامات المستخدمة سواء بلاستيك او جلد قماش، التابلوه الإضاءة) وطلعت واتصلت ب رينو قط الغيار علشان اخد flavor عن التكلفة.

طلعت فورا على تويوتا التجمع وهي على بعد 10 دقائق من محمد زكي وكمان فحصت كل حاجة كما سبق في الفلوانس. ودخلت على مكتب قطع الغيار وأخدت اسعار نفس قطع الغيار اللي سألت عليها في رينو.

ورجعت تاني على محمد زكي للمقارنة للمرة الثالثة علشان ما يبقاش عندي حجة وتبقى المقارنة من التويوتا لسه طازة في دماغي.

الخلاصة لاصة لاصة :)

اسعار قطع غيار شاملة ض.م. بدون تركيب ومصنعية
البند: كورولا / فلوانس
بارابريز: 3500/ 1690الوان و1055سادة
فانوس امامي: 5225/ 1490
تيل امامي: 965/ 499
طقم بوجيهات: 625/ 154 نفس مدة الاستهلاك
سير التقسيمة: 440/ 154
فلتر زيت: 85/ 55
فلتر هواء: 135/ 114

طبعا لا داعي مني للتعليق!!!!!! ولا داعي من اي احد منكم المجادلة! على رأي المثل "لا تجادل وإلا وقعت في المحظور" :) وشكرا

تقييمي الشخصي ودي نصيحة لوجه الله تعالى....
انا مش عايز اتكلم عن التصميم الداخلي والخارجي علشان دي أذواق ولكن انا مركز على المضمون

كورولا: عربية مبالغ في ثمنها ومبالغ جدا في قطع غيارها اللي وصلت أغلى من قطع غيار عربيتي المرسيدس e200 kompressor/2004 انا غيرت برابريز بالتركيب ب 1995جنيه من سنة وفي توكيل المعادي.

كورولا: عربية خاماتها الداخلية وملمسها وجودتها مقارنة بالسعر اللي سيدفع فيها تعتبر فقيرة. يعني لو قعدت في اي عربية كيا او هيونداي ما قبل 2009 تقريبا تلاقي نفس الخامات في كورولا 2014 وده بدون اي مبالغة.

كورولا: عربية موديلات 2013 وما قبل، سعر اعادة البيع للمستعمل "مرتفع" وكذلك قد تكون موديلات 2014... ولكن.... متهيألي ان بأسعار قطع الغيار السالف ذكرها للموديلات 2014 وما بعدها خلت العربية تدخل في رينج اغلى من قطع الغيار الأوروبي حتأثر على سعر اعادة البيع. يعني انا مش متوقع ان كورولا الجديدة سعر اعادة بيعها يبقى عالى زي اللي قبلها

الفوانس: انا مش ه علق على اسعار قطع الغيار لأنها واضحة
الفوانس: خامات محترمة جدا جدا جدا
الفوانس: تابلوه وتصميم وإضاءة حاجة تانية خالص

العربيتين واسعين جدا من الداخل وكذلك الشنطة، نفس الفيتسيس الجديد اللي كل الشركات بدأت في التحويل له (الدودج مثلا) وراجعو النت.

ولكن الكورولا تكسب في الحتة اللي ورا في النص، مش فيها هضبة، اللي بيمشي من تحتها الشكمان. وده مدي وسع زيادة، ولكن طبعا على حساب انخفاض علبة الشكمان من تحت الى 12.5سم

انا انصح اي حد بيشتري والعربية بتقعد معاه اكتر من 5 سنين ان يتوكل على الله ويشتري الفلوانس.

واشتري الكورولا لو انت
1. مش فارق معاك اسعار قطع الغيار (باشا يعني)
2. او مش فارق معاك انك تشتري وتصون العربية برة التوكيل.


وأخيرا... نقطة لا يمكن غض البصر عنها....
.................................................. .....
لو افترضنا ان سعر اعادة البيع الكورولا مرتفع عن الفلوانس وده صحيح
متهيألي بحساب فرق تكلقة صيانة الكورولا في التوكيل على مدار 5 او 6 سنوات، تكون دفعت من جيبك مقدما ثمن فرق زيادة سعر اعادة البيع اللي ه تكسبه لاحقا من الكورولا....

مفهومة ولا أشرح كمان

والله يا باشا اسلوب ولا اجمل من كدا لأى حد عايز يشترى عربيه
فعلا اسلوب علمى ومنطقى جدا وان شاء الله تكون عند حسن ظنك

[Jujiii]

Toyota corrolla

[drcobra]

فليوانس والله المستعان

[Omar Sarray]

اشكر مجهودك وموضعك الجميل والوافى وان كان احتيارى كورولا

[Cybercrash_m]

شوف الموضوع دا ممكن يفيدك

https://www.nilemotors.net/Nile/417060-2014-2014-fluence-2014-vs-corolla.html

وانا اختياري الكورولا

انا تقريبا قريت كل المقارنات بين العربيات دي و مش عارف اوصل لقرار ... ارجو المساعد

مفاجئه اخر الاسعار في بلد الجنان اللي احنا والحمد لله عايشين فيها
اولا سكودا جاتلهم الحاله وبيعلو كل اسبوع ٥ الف جنيه
- امبشن تاني فئه ٢٤٣ الف
-اليجانس اعلى فئه ٢٨٣ الف اه والله

بالنسبه للكورولا نطت بردو
- فل اوبشن ب٢٠٠ الف
-هاي لين ب ٢٢٧ الف

اما بقي الفلونس
E3 ب١٧٤٥٠٠
E3s ب ١٨٣٥٠٠
وبعدين ١٩٤ و ٢٠٥ بس بالطلب

حسبي الله ونعم الوكيل في الدولار والجنيه

انا كان نفسي فالاوكتافيا بس كده كده هما اتجننو عالاخر طاب ماركب انسنجيا احسن اهو الماني بتاع بلدو.

والكرولا كتير عليها قىي ٢٢٧ في الهاي وانا مش فارق معايا ال رير كاميرا والا التاتش سكرين بالنسبه للفرش الجلد بيركب في التوكيل عالهاي لاين عادي.

فرق العشر الاف جنيه بين فئتين الفلونس عشان فتحت سقف و سنسور مش منطقي ولو هانقارن بين كورولا و فلوينس يبقي بين ١٧٤ و ٢٠٠ الف.

انا ممكن لحد ٢٠٠٠ بس هل بوجد حد عندو راي محايد وقاطع مع علم اني فاهم كويس فرق الاوبشن في الينو و فرق السافتي والتقفيل فل الكورولا

علفكره الاسعار دي بعد العيد علطول و من الوكيل و مو ٢٠١٦

[Cybercrash_m]

شوف الموضوع دا ممكن يفيدك

https://www.nilemotors.net/Nile/417060-2014-2014-fluence-2014-vs-corolla.html

وانا اختياري الكورولا

انت تقريبا قريت كل المقارنات بين العربيات دي و مش عارف اوصل لقرار ... ارجو المساعد

مفاجئه اخر الاسعار في بلد الجنان اللي احنا والحمد لله عايشين فيها
اولا سكودا جاتلهم الحاله وبيعلو كل اسبوع ٥ الف جنيه
- امبشن تاني فئه ٢٤٣ الف
-اليجانس اعلى فئه ٢٨٣ الف اه والله

بالنسبه للكورولا نطت بردو
- فل اوبشن ب٢٠٠ الف
-هاي لين ب ٢٢٧ الف

اما بقي الفلونس
E3 ب١٧٤٥٠٠
E3s ب ١٨٣٥٠٠
وبعدين ١٩٤ و ٢٠٥ بس بالطلب

حسبي الله ونعم الوكيل في الدولار والجنيه

انا كان نفسي فالاوكتافيا بس كده كده هما اتجننو عالاخر طاب ماركب انسنجيا احسن اهو الماني بتاع بلدو.

والكرولا كتير عليها قىي ٢٢٧ في الهاي وانا مش فارق معايا ال رير كاميرا والا التاتش سكرين بالنسبه للفرش الجلد بيركب في التوكيل عالهاي لاين عادي.

فرق العشر الاف جنيه بين فئتين الفلونس عشان فتحت سقف و سنسور مش منطقي ولو هانقارن بين كورولا و فلوينس يبقي بين ١٧٤ و ٢٠٠ الف.

انا ممكن لحد ٢٠٠٠٠ بس هل بوجد حد عندو راي محايد وقاطع مع علم اني فاهم كويس فرق الاوبشن في الرينو و فرق السيفتي والتقفيل ف الكورولا

علفكره الاسعار دي بعد العيد علطول و من الوكيل و مو ٢٠١٦

[ahmedz310]

موضوع رائع