سيراتو ولا فلونس

[Ahmed Selim]

تاني و تالت.......الكوري المصري غير الكوري الاجنبي

دي ال lx اللي بتنزل في أمريكا

2014 Kia Forte - Features and Specs

شوف ال safety systems اللي فيها مقارنة باللي هنا

مع العلم ان مفيش غير lx و ex هناك بس

[mah_khourshid]

السلام عليكم
انا كان معايا سيراتو وغيرتها وجبت فلونس بصراحه فرق في كل حاجه الفلونس تغلب بجداره
وبالنسبه لسعر اعاده البيع الفلونس ممتاز بالنسبه للرينو ميجان
العربيه اثبتت نفسها وليها زبونها البيفهمها
واسعار قطع الغيار العاديه والصيانات زيها زي اي عربيه جديده
والعربيه جميله لدرجه اني بفكر اجيب الشكل الجديد

[devil_storm]

السلام عليكم
انا كان معايا سيراتو وغيرتها وجبت فلونس بصراحه فرق في كل حاجه الفلونس تغلب بجداره
وبالنسبه لسعر اعاده البيع الفلونس ممتاز بالنسبه للرينو ميجان
العربيه اثبتت نفسها وليها زبونها البيفهمها
واسعار قطع الغيار العاديه والصيانات زيها زي اي عربيه جديده
والعربيه جميله لدرجه اني بفكر اجيب الشكل الجديد

سيراتو انهي فئه و سيراتو القديمه و لا الجديده لان في فرق جامد جدا بينهم ... اكيد انت بتكلم عن القديمه و انا متفق معاك ان الفلوينس افضل من السيراتو القديمه

[devil_storm]

بص انا لسه جاي من المصريه و كنت بتفرج علي الفلوينس e3 و ده باختصار انطباعي عنها بالمقارنه بالسيراتو:
١- الخامات فعلا كويسه لكن التصميم مش قوي ... بالمقارنه مع خامات السيراتو lx or ex هي افضل لكن بالمقارنه مع سيراتو sx انا شايف خامات السيراتو افضل بالامانه ... كمان النواكل موزعه بعنايه و احساس الفخامه باين اكتر في السيراتو
٢- الكوتش فيها بردجستون تورنزا و ده كوتش جميل طبعا و عجبتني في النقطه دي ... رغم ان الجنوط الاسبور شكلها مش ظريف خالص و لا يقارن بجنوط السيراتو الجديده ال sx ... السيراتو بتنزل كونتينتال او نكسين كوري يعني في الكوتش الفلوينس تتفوق و في الجنط السيراتو تتفوق
٣- الاستبن ١٥ عادي مش جنط ١٦ اسبور... ده كلام؟؟؟ ده غابور اللي بنقول عليه بيقلب العربيات معملهاش في الالنترا!!! طبعا السيراتو الاستبن ١٧ اسبور
٤- عجبتني العدادات الجديده في الفلوينس و شكلها جميل بصراحه و تحس انها حاجه مودرن بس معجبنيش شكل الكاسيت و التكييف خالص ... زرايرهم صغيره و مفهومش اي لمسات جماليه او نواكل او حاجه تديك احساس بالفخامه ... شكلهم و اضائتهم عقيمه بصراحه و تصممهم تحس انه قديم اوي و مش ماشين مع العدادات الديجتال المودرن دي خالص
٥- زراير التاره قليله قوي بالمقارنه مع زراير تاره السيراتو sx كمان زراير التاره مش يتنور او ضلمه قوي يعني كنت منور التابلوه و مش شايفهم!!! ده كلام!! نفس الكلام زرار باب الراكب الامامي و البيبان الخلفيه مش بتنور !!! العربيه ضلمه قوي بالليل و كئيبه جنب اضائه تاره و بيبان و كنسول السيراتو!!!
٦- الاريل لقيته مش مدمج في الزجاج و كل شويه حقعد افك و اركب علشان ميتسرقش ... في السيراتو ترتاح من النقطه دي
٧- الفانوس الامامي و الخلفي شكلهم عادي جدا طبعا السيراتو بفوانيسها الاماميه و الخلفيه الليدات شكلهم افضل طبعا
٧-اوكر البيبان خامتها وحشه و لونها الفضي ده حيتمسح مع الوقت ... اوكر بيبان السيراتو الجديده تحفه بصراحه تحس فعلا بالجوده العاليه فيها و بتنور بالليل مع المريات و شكلها بيبقي جميل قوي
٨- المرايات اضائتها عاديه و شكلها متوسط و مش بتقفل للاخر ... مرايات السيراتو تصممها افضل و اضائتها ليدات و شكلها اجمل
٩- ارتفاع العربيه كويس جدا و صعب تحك في المطبات حتي لو محمله


دي الانطباعات الاوليه ... انا سوقت السيراتو الجديده ٣ مرات و عجبتني جدا ... سوقت الفلوينس مره واحده من سنه الشكل قبل الفيس ليفت ... اليومين الجاين حرتب اني اسوق الفلوينس تاني بس الشكل القديم لاني معرفش حد معاه الشكل الجديد و حعمل مقارنه بينهم بمنتهي الامانه من حيث :
١- power steering
٢- suspension, stability &handling on low/high speed
٣- power and accleration
٤- gearbox
٥- aircon

استنونا ... اوعو تروحو في اي حتا

[M_SALLAM]

فلوانس طبعا افضل فى كل حاجة و بدون نقاش

[Hany Saad]

بص انا لسه جاي من المصريه و كنت بتفرج علي الفلوينس e3 و ده باختصار انطباعي عنها بالمقارنه بالسيراتو:
١- الخامات فعلا كويسه لكن التصميم مش قوي ... بالمقارنه مع خامات السيراتو lx or ex هي افضل لكن بالمقارنه مع سيراتو sx انا شايف خامات السيراتو افضل بالامانه ... كمان النواكل موزعه بعنايه و احساس الفخامه باين اكتر في السيراتو
٢- الكوتش فيها بردجستون تورنزا و ده كوتش جميل طبعا و عجبتني في النقطه دي ... رغم ان الجنوط الاسبور شكلها مش ظريف خالص و لا يقارن بجنوط السيراتو الجديده ال sx ... السيراتو بتنزل كونتينتال او نكسين كوري يعني في الكوتش الفلوينس تتفوق و في الجنط السيراتو تتفوق
٣- الاستبن ١٥ عادي مش جنط ١٦ اسبور... ده كلام؟؟؟ ده غابور اللي بنقول عليه بيقلب العربيات معملهاش في الالنترا!!! طبعا السيراتو الاستبن ١٧ اسبور
٤- عجبتني العدادات الجديده في الفلوينس و شكلها جميل بصراحه و تحس انها حاجه مودرن بس معجبنيش شكل الكاسيت و التكييف خالص ... زرايرهم صغيره و مفهومش اي لمسات جماليه او نواكل او حاجه تديك احساس بالفخامه ... شكلهم و اضائتهم عقيمه بصراحه و تصممهم تحس انه قديم اوي و مش ماشين مع العدادات الديجتال المودرن دي خالص
٥- زراير التاره قليله قوي بالمقارنه مع زراير تاره السيراتو sx كمان زراير التاره مش يتنور او ضلمه قوي يعني كنت منور التابلوه و مش شايفهم!!! ده كلام!! نفس الكلام زرار باب الراكب الامامي و البيبان الخلفيه مش بتنور !!! العربيه ضلمه قوي بالليل و كئيبه جنب اضائه تاره و بيبان و كنسول السيراتو!!!
٦- الاريل لقيته مش مدمج في الزجاج و كل شويه حقعد افك و اركب علشان ميتسرقش ... في السيراتو ترتاح من النقطه دي
٧- الفانوس الامامي و الخلفي شكلهم عادي جدا طبعا السيراتو بفوانيسها الاماميه و الخلفيه الليدات شكلهم افضل طبعا
٧-اوكر البيبان خامتها وحشه و لونها الفضي ده حيتمسح مع الوقت ... اوكر بيبان السيراتو الجديده تحفه بصراحه تحس فعلا بالجوده العاليه فيها و بتنور بالليل مع المريات و شكلها بيبقي جميل قوي
٨- المرايات اضائتها عاديه و شكلها متوسط و مش بتقفل للاخر ... مرايات السيراتو تصممها افضل و اضائتها ليدات و شكلها اجمل
٩- ارتفاع العربيه كويس جدا و صعب تحك في المطبات حتي لو محمله


دي الانطباعات الاوليه ... انا سوقت السيراتو الجديده ٣ مرات و عجبتني جدا ... سوقت الفلوينس مره واحده من سنه الشكل قبل الفيس ليفت ... اليومين الجاين حرتب اني اسوق الفلوينس تاني بس الشكل القديم لاني معرفش حد معاه الشكل الجديد و حعمل مقارنه بينهم بمنتهي الامانه من حيث :
١- power steering
٢- suspension, stability &handling on low/high speed
٣- power and accleration
٤- gearbox
٥- aircon

استنونا ... اوعو تروحو في اي حتا

أنا حابب بس أعلق على كام نقطة لو حضرتك أذنتلى:
لاحظ أن حضرتك بتقارن عربية موديل و تصميم و أنتاج ٢٠١٠ و هى الفلوانس بعربية موديل ٢٠١٣ و مع ذلك برده فيه نقط كتيرة تتفوق فيهم الفلوانس و ده يحسب لرينو لأنهم دايما سابقين العالم بخطوات
الفلوانس دى فليس ليفت و مش موديل جديد....يعنى نفس تصميم ٢٠١٠ اللى هو من ٣ سنوات فاتوا و مع ذلك بتنافس و قادرة تشد و بقوة و ده يحسب لهم مش عليهم.....
كل اللى اتغير فى الفلوانس كشكل هو المقدمة و العدادات اما الخلف و الداخل نفس ديزاين ٢٠١٠ و طبعا لما نقارنها مع عربية من انتاج ٢٠١٣ و اللى مصممها واحد من فريق أودى يبقى برافو فلوانس أنها قادرة تصلب طولها قدام هذه الهجمة الشرسة من المنافسين....طبعا السيراتو تطورت جامد فى الديزاين الخارجى و انا معاك

بالنسبة لأكر الفلوانس طبعا هما مش نيكل بالمعنى المفهوم و لو هنقارنهم بنواكل فعلية مش هيصدوا معاهم و لكن فكرة التقشير مستبعدة و متقلقش من الموضوع ده و عربيات ٢٠١٠ خير شاهد على هذا

موضوع الأريال انا لا أتفق معاك فيه....مش من ناحية السرقة و لكن من ناحية الكفاءة....أحسن و أقوى و أنقى أستقبال موجات راديو هو تصميم الأريال اللى زى اللى فى الفلوانس و أضعف أستقبال هو الأريال المدمج فى الزجاج و ده عن دراسة و تجربة و ده عيب مش ميزه على فكره.....
طبعا اللى صممه مش باصص لنقطة السرقة و لا صممه علشان احنا نفكه كل يوم و ناخدوا معانا البيت....ده بيركب مرة و دمتم....أنا فى الميجان بقالوه ٧ سنين و عمرى ما فكيتوه

شدة الأضاءة داخل المقصورة مش دايما مستحب و ده اللى خلى مصممى السيارات يحطوا بكر للتحكم فى شدة الأضاءة الداخلية حسب رغبة السائق....عامة السيارات الأوروبى غالبيتها هتلاقى أضاءتها خافتة و خفيفة و من وجهة نظرهم بتدى شياكة أكثر للعربية
على عكس السيارات الأسيوى...كل ما زود فى الأضاءة و حط أنوار مبهرة فى كل حته و كل درج و كل حاجة منورة أزرق و أحمر بيحسوا أن ده مرغوب أكتر و بيبيع أكتر.....طبعا دى كلها مدارس فى التصميم ليس إلا

أخيرا مستنيين من حضرتك التقرير الجامد بعد تجربة الفلوانس الجديدة و شكرا

[devil_storm]

يعني لما زراير التاره - + و o r متكونش بتنور و ابقي مش شايفهم في الضلمه و انا سايق يبقي شياكه!! و لما زرار باب الراكب الامامي و البيبان الخلفيه مش بتنور دي شياكه!!! علي كده الفيرنا شيك جدا بقي
طيب بلاش الشكل الخارجي و التصميم ... ممكن اي حد بيقول ان خامات الفلوينس e3 الداخليه افضل من خامات سيراتو sx يقولي افضل في ايه؟؟؟ انهي منطقه بالتحديد خاماتها افضل علشان ملقتش حاجه في الفلوينس افضل!!! من الاخر كل حاجه في السيراتو sx تصميم و matrial quality انا شايفها افضل ... ال matrial quality في الفلوينس و التقفيل افضل في ايه بالتحديد؟؟

[Ahmed Selim]

الأستبن بينزل فى عربيات كتير حديد و مقاس أقل............ و ساعات كمان عجلة غريبة رفيعة و أخر سرعة ليها 80 كم !

[ALshahba]

يعني لما زراير التاره - + و o r متكونش بتنور و ابقي مش شايفهم في الضلمه و انا سايق يبقي شياكه!! و لما زرار باب الراكب الامامي و البيبان الخلفيه مش بتنور دي شياكه!!! علي كده الفيرنا شيك جدا بقي فعلا عندك حق فى موضوع الاناره للزراير مش موجوده فى الفلونس ودي حاجه تغيظ , وطبعا الفيرنا دي اخر حاجه نتكلم عليها لانها قديمه جدا
طيب بلاش الشكل الخارجي و التصميم ... ممكن اي حد بيقول ان خامات الفلوينس e3 الداخليه افضل من خامات سيراتو sx يقولي افضل في ايه؟؟؟ انهي منطقه بالتحديد خاماتها افضل علشان ملقتش حاجه في الفلوينس افضل!!! من الاخر كل حاجه في السيراتو sx تصميم و matrial quality انا شايفها افضل ... ال matrial quality في الفلوينس و التقفيل افضل في ايه بالتحديد؟؟

بص حضرتك كده فى تقفيل الابواب وامسكهم وانت حتلاقي المتانه فى الفلونس اكتر .... بص كده فى Multi function وامسك الزراير ودوس عيهم بصوابعك وانت حتلاحظ الفرق لصالح الفلونس
ولو لسه حضرتك مقتنع بالسيراتو ....... فحقولك الف الف مبروك عليك السيراتو SX تجيبها ان شاء الله عن قريب وتفرح بيها وتفرحنا معاك وتقولنا رايك فيها بعد ماركبتها

لان الانسان فى الاخر لازم لازم يجيب حاجه يكون مقتنع بيها وبيفضلها وبيحبها

دمت سالما

[devil_storm]

بص حضرتك كده فى تقفيل الابواب وامسكهم وانت حتلاقي المتانه فى الفلونس اكتر .... بص كده فى Multi function وامسك الزراير ودوس عيهم بصوابعك وانت حتلاحظ الفرق لصالح الفلونس
ولو لسه حضرتك مقتنع بالسيراتو ....... فحقولك الف الف مبروك عليك السيراتو SX تجيبها ان شاء الله عن قريب وتفرح بيها وتفرحنا معاك وتقولنا رايك فيها بعد ماركبتها

لان الانسان فى الاخر لازم لازم يجيب حاجه يكون مقتنع بيها وبيفضلها وبيحبها

دمت سالما

يا باشا انا بصيت بالفعل علي البيبان و التاره و زراير multi function و شايف ان الافضليه في السيراتو sx لكن لو حضرتك بتقارن بسيراتو lx or ex يبقي معاك حق ... خامات و تصميم لصالح السيراتو sx بالامانه

انا حقلك بقي الفلوينس افضل في ايه
١- صاج الفلوينس افضل طبعا و العربيه مش حتتبهدل بسرعة و دي حاجه مهمه جدا
٢- الكوتش بردجستون تورنزا و ده افضل طبعا من الكوتش اللي نازل في السيراتو
٣- العدادات الديجتال جميله و مودرن جدا
٤- العربيه ground clearance ممتاز و صعب تحك في اي مطب

و دي كمان عيوب السيراتو sx اللي شايفها:
١- الجنط ١٧ شكله تحفه لكن مهما كان مش عملي و مش مناسب شوارع مصر و مقلقني من العربيه
٢- الفوانيس الليدات تحفه و شكلها جامد جدا لكن يعني ايه فانوس سعره ٦٠٠٠ جنيه!!! هبل الهبل
٣- صاج ضعيف مقارنتا بصاج الفلوينس و اعتقد حتتبهدل من بره بشكل اسرع من الفلوينس

ملاك الفلوينس بيقولوا العربيه ثابته علي الطريق و ممتعه في القياده و كلام حلو كتير عن العربيه ... تجربه القياده هي اللي تحسم مين افضل ...

[ALshahba]

- بص بالنسبة للكاوتش ونوعه مش حعتبر دي نقطه فى صالح الفلونس ..... لانك بكل سهوله ممكن تجيب عربيه ايا كان نوعها حتي ولو رمسيس وتحط فيها احسن كاوتش مش حياخد منك ساعه زمن
- ماتقلقش اوي كده من موضوع سعر الفانوس لانه حيرخص وحيوصل كبيره 600ج بعد شويه لما العربيه تنتشر....المهم تكون عربيه كويسه ومريحه
- بس انا معاك ان اسيراتو sx او اعلي فيها لعب ودلع كويس اوي

احنا منتظرين منك تقريرك بعد تجربة القياده للفلونس وتنقلنا لقيت ايه........... بس ياريت تكون للفيس لفت الجديده لان لو موديل قبل كده يبقا التقرير مالوش لازمه مع احترامي ..... لان القديمه غير الجديده خااااالص

[devil_storm]

تم اليوم تجربه فلوينس 2012 عامله 64 الف كم فئه e3 بدون فاتحه سقف ... طبعا حاله العربيه قديمه مقارنتا بالسيراتو sx موديل 2014 و كمان الشكل القديم فممكن يكون في ظلم للفلوينس ... المسافه المقطوعه 30 كم فقط و مشيت علي صلاح سالم و الطيران و الاتوستراد و كان زاحمه و للاسف اقصي سرعه مشيت بيها كانت ١١٠ كم و مقدرتش اجرب علي سرعه عاليه
١- الجيربوكس جربت كذا مره النتشه بين الاول و التاني و حسيت بيها و هي بسيطه قوي و غير محسوسه الا لما تركز ... بصراحه اقل بكتير من ماكنت متخيل و غير محسوسه و محستش باي ترزيع خالص
٢- صوت الماتور مع الشد عالي و كمان صوت غير رياضي و مزعج و ده معناه ان العزل مش كويس
٣- التسارع وحش جدا حتي لما دوسه الدواسه للاخر كان الصوت عالي و السحب ضعيف ... السحب اقل بكتير منما كنت متوقع و العربيه مش شبابيه خالص في النقطه دي ... العربيه فعلا تقيله قوي و الماتور غير متناسب معاها ... هو نفس تسارع و احساس اللانسر ١٣٠٠ بالفتيس الاتو
٤- الباور كويس و خفيف وهي واقفه و بيتقل بشكل كويس كل ما السرعه تزيد و عجبني بصراحه
٥- نظام التعليق ولا ناعم و لا ناشف و يميل للنعومه و العربيه تعتبر مريحه في المطبات
٦- جربت الملفات يمين و شمال و حسيت العربيه بتاخد الملف بشكل كويس بس مش ذي الالماني ... يعني جيد جدا مش ممتاز و مجربتش فواصل الكباري للاسف بس الثبات حسيت انه كويس بس مقدرش احكم قوي لان السرعه مكنتش عاليه و الملفات كانت قليله
٧- اضائه الانتريور ضلمه قوي و زراير التاره مش بتنور ذي ما قلت قبل كده و ده كان مضايقني بصراحه و مش محسسني اني سايق عربيه موديل 2012
٨- مجربتش التكييف بس صاحبي بيشكر فيه و مش بيشتكي منه
٩- مجربتش الفرامل بس صاحبي بيشكر فيها و فرامل السيراتو كمان ممتازه

بصراحه تجربه القياده ليها مش ايجابيه و بالامانه استمتعت اكتر بكتير لما كنت سايق السيراتو sx الجديدة ... بس انا مجربتش الاتنين في فواصل الكباري و الملفات و علي السرعات العاليه و معرفش الوضع حيختلف ولا لا ... بس علي اللي جربته السيراتو sx الجديده افضل في القياده و بفرق كبير كمان و امتع بكتير في السحب و صوت الماتور الناعم جدا و الباور و كمان الجير بوكس استجابته سريعه جدا و ممتع اكتر و العربيه شبابيه اكتر ...

بس نحط في اعتبارنا اننا بنقارن عربيه ٢٠١٤ لسه زيرو بعربيه ٢٠١٢ و عامله ٦٤ الف كم و ان الفلوينس الفيس لفت غيرو فيها الماتور و الفتيس و التكييف
معرفش بقي الفلوينس الجديده وضعها ايه

[devil_storm]

بس اعتقد العربيه دي حتكون ثابته و كويسه و ممتعه اكتر علي الطرق السريعه و في السفر ... اللي بيسافر كتير حيستمتع بيها علي الطريق اكتر من جوه البلد

كمان البطء قصاده صاج محترم و قوي و ميتبهدلش بسهوله غير ان العربيه وسائل الامان فيها بالصاج ده اكيد اكيد حتكون افضل من السيراتو

[zangry]

مشكور على نقل التجربة ياديفيل باشا بس برضه فرق كبير بين القديمة والجديدة ماتور وفتيس

[devil_storm]

اتنين اصحابي معاهم فلوينس ٢٠١١ و ٢٠١٢ واحد مش عجبه التكييف و التاني بيشكر فيه!!! طب انا اصدق مين دلوقتي!! و الجو دلوقتي كويس فالتجربه مش حتبين ادا كان التكييف كويس ولا لا

في حاجه كمان حلوه في الفلوينس عن الالنترا و السيراتو و هي الكروز كنترول ... الكروز في الفلوينس بعد ماتثبت السرعه لو دوست فرامل بيفصل لكن لو دوست علي زرار r حيرجع تاني العربيه تتسارع لاخر سرعه و تثبت عندها

في السيراتو و الالنترا مش كده و اول لما تدوس فرامل بيلغي السرعه المثبته و مش حتعرف ترجعلها تاني الا مانيوال ... يعني كل ما يطلع حد قدامك و تدوس فرامل بيلغي كل حاجه و لازم تظبط السرعه من تاني!!! حاجه رخمه قوي بصراحه!!! الفلوينسوافضل كتير في الكروز كنترول علي الطريق

لو انا غلطان بخصوص كروز السيراتو و الالنترا حد يصححلي معلوماتي يا جدعان