إعـــــــلان

Collapse

.

,
See more
See less

أوبل أسترا كوزمو أم رينو فلوانس؟؟

Collapse
X
Collapse
 
  • Page of 5
  • Filter
  • الوقت
  • Show
Clear All
new posts
السابق 1 2 3 4 5 template التالي
  • #31
    والله ياجماعة أنا تعبتكو معايا كتير..معلش..
    بس هو صحيح لو جبت الأسترا لازم أروح لمنصور كل 5000 كيلو؟!! وللا ينفع مثلا كل 10000؟
    يعنى أروح للتوكيل أكتر بكتييير من لما عربيتى اللانشيا القديمة كانت بتودينى للميكانيكى؟ :)

    Comment

    • #32
      المشاركة الأصلية كتبت بواسطة mostafa afifi مشاهدة المشاركة
      انا ممكن اقدر افيد حضرتك شويه
      بالنسبه للاسترا هي تكسب في الشكل من بره و من جوه و الثبات........تخسر في توكيلها و سحبها زي الفلوانس تقريبا و استهلاك البنزين و فتيس الاوبل مش معمر اوي و مش بتاع قرص و وزنها تقيل اوي هيعلي ثباتها و هيقلل سحبها شويه و العربيه ضيقه اوي من جوه
      بالنسبه للفلوانس عربيه واسعه جدا و عائليه و فيها لمسه شبابي حلوه جدا ..انا شايف ان سحبها حلو جدا و ده فيديو عامله واحد في المنتدي و مش قارص و انا شايفه كويس
      fluence 2014 acceleration from 0-120 km/hr - youtube
      و بالنسبه للثبات الراجل بيقارنه بالمرسيدس يعني مش هتحس بفرق الثبات اوي و مش هتحس بتقص من غير esp انا معايا 406 من غيره و مش حاسس بنقص بصراحه ......و التابلوه انا شايفه حلو مش وحش بس تكيف احسن عشان يباني و فتيس معمر اكتر بردو عشان يباني و توكيل احسن ... وشكلها من قدام شيك جدا و فخمه بس شكل الفوانيس الخلفيه كلاسيك اوي بس مقدور عليه ...
      صلي صلاه استخاره بردو
      استخير الله و رينا يوفقك في اختيار عربيه مناسبه انشاءالله و اركب الاتنين و اللي تستريح فيهم اتكوكل علي الله و اشتريه
      يارب يامسهل..

      بس حضرتك بتقول
      فتيس الاوبل مش معمر اوي و مش بتاع قرص
      دى معلومة خطيرة جداً ...

      Comment

      • #33
        شوف حسب جدول الصياته بتاع منصور ايه بس عامه كل صيانات ال 5000 الاف دي اي كلام معموله بس عشان لو في اي حاجه انت بتشتكي منها يشفوهالك وبيشيكوا علي الزيوت والسوائل وتربيط عفشه وطبعا بيبصوا ع التيل لو انت مثلا 15 الف كيلو انما ال 10 الاف طبعا تغيير زيت وأسأل المندوب اللي هيبعللك العربيه ونصيحه هان من التوكيل نفسه لو امكن ماكنش يبقي توكل علي الله وربنا يباركلك ف اللي تختار وان شاء الله ماتندمش علي اي من الاتنين
        [SIGPIC][/SIGPIC]

        Comment

        • #34
          المشاركة الأصلية كتبت بواسطة mohamed.afifi مشاهدة المشاركة
          ياباشا ربنا يكرمك
          فعلا أنا شايف إن الأسترا أشيك كتير من بره ومن جوه...وفعلاً هى أزواق
          بس هل ياترى فى فرق كبير بين الألمانى تقفيل بولندى والفرنسى تقفيل تركى؟ وهل الفرنسى معمر مثل الألمانى أو على نفس مستوى الجودة؟ لأنى ماظنش إنى ممكن أغير قبل 7 سنين مثلاً...
          إن شاء الله هبص بردو على الفلوانس وربنا ييسر ما فيه الخير
          مفروض الجودة و الاعتمادية بتاعت الالمانى اعلى من الفرنساوى بس بصراحة رينو خدوا بالهم من الموضوع دة فى الفلوينس و تلافوا عيوب الميجان المشهورة اللى كانت مضيعة سمعة العربية، فالعربيتين فى رأى يتساوا فى نقطة جودة التقفيل و الاعتمادية دى
          [SIZE=5][COLOR=Magenta]أحمد السيد [/COLOR][/SIZE][FONT=Times New Roman][COLOR=RoyalBlue][SIZE=2][COLOR=Navy]https://www.facebook.com/Medo1[/COLOR][/SIZE]
          سبحانك اللهم وبحمدك، أشهد أن لا إله إلا أنت أستغفرك وأتوب إليك
          لا إله إلا أنت سبحانك إنى كنت من الظالمين[/COLOR][/FONT]

          Comment

          • #35
            المشاركة الأصلية كتبت بواسطة mohamed.afifi مشاهدة المشاركة
            والله ياجماعة أنا تعبتكو معايا كتير..معلش..
            بس هو صحيح لو جبت الأسترا لازم أروح لمنصور كل 5000 كيلو؟!! وللا ينفع مثلا كل 10000؟
            يعنى أروح للتوكيل أكتر بكتييير من لما عربيتى اللانشيا القديمة كانت بتودينى للميكانيكى؟ :)

            الصيانة كل 10,000، انما بيطلبوا منك تيجى كل 5000 عشان يشيكوا على العربية بس، انا كان فى الميجان بيعملوا معايا كدة و صيانة ال5000 دى بتبقى مجانية الا لو عملوا شغل فى العربية مش عارف الحقيقة فى منصور و دلوقتى فى eim لسة النظام دة ماشى و لا لأ
            [SIZE=5][COLOR=Magenta]أحمد السيد [/COLOR][/SIZE][FONT=Times New Roman][COLOR=RoyalBlue][SIZE=2][COLOR=Navy]https://www.facebook.com/Medo1[/COLOR][/SIZE]
            سبحانك اللهم وبحمدك، أشهد أن لا إله إلا أنت أستغفرك وأتوب إليك
            لا إله إلا أنت سبحانك إنى كنت من الظالمين[/COLOR][/FONT]

            Comment

            • #36
              المشاركة الأصلية كتبت بواسطة meggieboy مشاهدة المشاركة
              باشا...حضرتك المعلومات دى عن تجربة الاتنين و لا بالسمع...على فكرة انا مش بشكك فى كلامك و لكن للإستفادة و خصوصا لى....
              حسب المواصفات و ده فى الموقع الرسمى لكل سيارة
              الفلوانس الفيس ليفت من 0-100 كم/ساعة فى ١١ ثانية
              الأسترا من 0-100 كم/ساعة فى ١١.٩ ثانية

              موتور الفلوانس الفيس ليفت عزمه ١٥٦ نيوتن متر عند ٤٠٠٠ لفة فى الدقيقة
              موتور الأسترا عزمه ١٥٥ نيوتن متر عند ٤٠٠٠ لفة فى الدقيقة
              و بالأحصنة الاتنين ١١٥ حصان
              يبقى علمياً كل حاجة بتقول ان الفلوانس اسرع من الاسترا و ده بناء على كلام الصانع أو على الاقل زى بعض.. فمش عارف ازاى حضرتك بتقول ان الاسترا طلقة و تطلع من الفلوانس in no time و اكبر عيب فى الفلوانس ان سحبها وحش!!
              انا فعلا بسأل للإستفادة و مش للتشكيك فى كلام حضرتك....
              تقبل تحياتى
              لا يا فندم، انا لسة مجربتش الفيس ليفت خالص للاسف، انا كان كلامى على ال2013 قبل الفيس ليفت الصراحة
              [SIZE=5][COLOR=Magenta]أحمد السيد [/COLOR][/SIZE][FONT=Times New Roman][COLOR=RoyalBlue][SIZE=2][COLOR=Navy]https://www.facebook.com/Medo1[/COLOR][/SIZE]
              سبحانك اللهم وبحمدك، أشهد أن لا إله إلا أنت أستغفرك وأتوب إليك
              لا إله إلا أنت سبحانك إنى كنت من الظالمين[/COLOR][/FONT]

              Comment

              • #37
                المشاركة الأصلية كتبت بواسطة mohamed.afifi مشاهدة المشاركة
                يارب يامسهل..

                بس حضرتك بتقول
                فتيس الاوبل مش معمر اوي و مش بتاع قرص
                دى معلومة خطيرة جداً ...
                معلش انا بشك فى المعلومه دي ...... لان العربيه اصلا لسه جديده ومحدش جربها لوقت طويل علشان نحكم
                لكن بصفة عامه اي اوروبي حتلاقي طلعاته الاولي بطيئة نسبيا ...... يستثني من هذا المواتير التيربو
                [SIGPIC][/SIGPIC]قال الامام ابن القيم
                والناس في دنيا الناس .... يحترزن لطبيب الابدان ولا يحترزن لطبيب الاديان، مع ان مدار حفظ الاكوان...... علي طبيب الاديان

                Comment

                • #38
                  المشاركة الأصلية كتبت بواسطة mostafa magdy مشاهدة المشاركة
                  يا برنس الليالي أولا انا مشفتش منك فيديوهات :d
                  ثانيا انا لما سوقت الأسترا حسيت أنها متزنه و تقيله جدا .. بس هي عربيه اصلا تقيله في الوزن .. و بعدها ركبت الفلوينس لاقيت ثباتها مقبول .. راجع ردي اللي فوق و شوف أي أختلاف ..
                  باش مهندس هاني بقا .. أنا حسيت بصراحه أن الأسترا أسرع .. و كان ساعتها معايا الأوكتافيا لسه .. حست إنها فعلا سريعه عنها بكتير يعني جبت بيها 160 و 170 و العربيه ولا الهوا كاني ع 80 و كان ع الدائري يعني مش بعيد ..
                  العربيه أثبت و أسرع و أنا كتبت لأخونا اللي بيستفسر كده
                  فرق الاحصنه بين الاوكتافيا والاسترا حيكون اكيد لصالح الاسترا
                  اوكتافيا = 105 حصان
                  استرا = 115 حصان

                  بس استهلاك البنزين ..........فى صالح الفلوانس علشان الفتيس cvt
                  [SIGPIC][/SIGPIC]قال الامام ابن القيم
                  والناس في دنيا الناس .... يحترزن لطبيب الابدان ولا يحترزن لطبيب الاديان، مع ان مدار حفظ الاكوان...... علي طبيب الاديان

                  Comment

                  • #39
                    بص يا زعيم
                    يمكن انا من القله اللي ساقت الاتنين و عامل تقارير عنهم كمان
                    بس الفلوينس القديمه مش الفيس لفت

                    العربيتن ميتخيروش عن بعض و الفروقات ما بينهم مش كبيره ابدا
                    سواء كثبات او تسارع
                    بس انت حدد انت عايز ايه بالظبط من العربيه عشان نقدر نفيدك اكتر

                    لكن بشكل عام
                    و زي ما الناس اجمعوا
                    الاسترا ذات طابع رياضي و شبابي اكتر و تجهيزاتها مايله لكده
                    الفلوينس ذات طابع كلاسيكي شويه و تميل للراحه و الفخامه و تجهيزاتها تميل لكده
                    شخصيا كان في حد سالني و شبهة له الاسترا بال bmw و الفلوينس بالمرسيدس
                    و عشان كده لازم تحدد اولوياتك و اسلوب سواقتك عشان تقدر تختار صح
                    Sharief Mansy شريف منسي
                    شكرا نايل موتورز
                    [SIGPIC][/SIGPIC]
                    Farewell my Cayenne, you were the best car i ever had and driven

                    Comment

                    • #40
                      المشاركة الأصلية كتبت بواسطة medori مشاهدة المشاركة
                      الصيانة كل 10,000، انما بيطلبوا منك تيجى كل 5000 عشان يشيكوا على العربية بس، انا كان فى الميجان بيعملوا معايا كدة و صيانة ال5000 دى بتبقى مجانية الا لو عملوا شغل فى العربية مش عارف الحقيقة فى منصور و دلوقتى فى eim لسة النظام دة ماشى و لا لأ
                      تمام يا فندم....لسه النظام فى eim زى ما هوه....الصيانات الدورية كل 10 ألاف كيلو و مضاعفاتها و دى مش مجانية
                      و فيه صيانات مجانية كل 5 ألاف كيلومتر و مضاعفاتها لفحص السيارة

                      فى منصور أوبل الصيانات كل 5 ألاف كيلومتر و مضاعفاتها أو كل 4-6 شهور أيهما أقرب و مفيش حاجة مجانية....
                      م/هانى سعد
                      Meggieboy سابقا
                      [SIGPIC][/SIGPIC]

                      Comment

                      • #41
                        أكيد إن الاوكتافيا كانت 105 حصان فعلا ؟
                        أنا مش فاكر كانت كام .. بس أعتقد كانت أكتر من كده !!

                        Comment

                        • #42
                          أنا رديت على أستاذ أحمد عفيفى فى قسم المقارنات لتوضيح الفروقات بين الفلوانس الفيس ليف و الأسترا كوزمو.... و قلت أنقل الرد مرة أخرى هنا لأهميته فى المقارنة ما بين الأتنين:

                          الفلوانس الهاى لاين رسمى ب 188 ألف من التوكيل و استلام فورى لأن الشحنة لسه داخله من أسبوع و أنا لسه مستلم من أسبوع
                          عند أى موزع كبير زى سمير ريان أو محمد زكى أو المصرية إستلام فورى و كمان على 186 ألف فقط للكاش

                          سعر الأسترا كوزمو 196 ألف جنيه يعنى فيه فرق حوالى 10 ألاف جنيه بين الفلوانس و بين الأسترا

                          الكماليات الزيادة فى الفلوانس الهاى لاين و مش موجودة فى الكوزمو:
                          1-ٍSmart Key فتح و غلق كامل للعربية بمجرد الأقتراب بما فى ذلك فتحة السقف و الأربعة زجاج و فتح و ضم المرايات
                          2- نظام Start/Stop للتشغيل
                          3-ستائر خلفية مدمجة عدد 3
                          4- مخرج تكييف خلفى/مخرج 12 فولت
                          5- فتحة سقف (فتح/إمالة)
                          6- DRL/LED أضواء نهارية قابلة للضبط
                          7- عدد 6 أيرباجز بدل 4 فى الكوزمو
                          8- زينون لايت فى العالى و الواطى مع بخاخات تنظيف و ضبط أرتفاع أتوماتيكى
                          9- فرش جلد كامل
                          10- نواكل معدن داخلية (فتيس/مقابض باب)
                          11- عدد 4 زجاج كهرباء One touch مع 4 مكن رفع
                          12- قفل خلفى كهربائى لأمان الأطفال باب/زجاج بتحكم من السائق
                          13- شنطة 530 لتر بدل 460 لتر فى الكوزمو
                          14- سعة تنك البنزين 60 لتر بدل 56 لتر فى الكوزمو
                          15- جيربوكس XTRONIC CVT
                          16- نظام صوتى 3D من 8 سماعات بدل 7 سماعات فقط فى الكوزمو
                          17- طول قاعدة العجلات 2700mm مقابل 2685mm فى الكوزمو
                          18- صيانة دورية كل 10 ألاف كيلومتر و مضاعفاتها و مجانية فى ال 5 ألاف كيلومتر و مضاعفاتها
                          على عكس الكوزمو : صيانة دورية كل 5 ألاف كيلومتر و مضاعفاتها و لا يوجد صيانات مجانية

                          تزيد الكوزمو عن الفلوانس هاى لاين:
                          1- ESP نظام الثبات الألكترونى
                          2- جنوط 17 بدل 16 فى الفلوانس
                          3- جيربوكس 6 سرعات أوتو
                          4- نظام تعليق واتس لينك بدل تورشين بيم فى الفلوانس
                          5- مراية صالون إلكتروكروم

                          كسواقة و تسارع و تقل فى الطلعة و حتى 50 كم/ساعة نفس الشىء تقريباً و نفس شعور باقى الأوروبى زى الفانتازيا و الفولكس و خلافه
                          الموتور فى الأتنين نفس القوة بالظبط من حيث العزم و عدد الأحصنة
                          م/هانى سعد
                          Meggieboy سابقا
                          [SIGPIC][/SIGPIC]

                          Comment

                          • #43
                            المشاركة الأصلية كتبت بواسطة برنس الليالي مشاهدة المشاركة
                            هو مش في النهاية اللعب كله في التقفيل وبس ؟ ويا ترا المرسيدس لما تتقفل في مصر ( ما مدى الإختلافات وايه اللي بيحصل لو اتقفلت في مصر ) ؟
                            المرسيدس بالفعل بتتقفل فى مصر من ٩٨ ...
                            فقط السى ١٨٠ هى الى استيراد لانها ١٦٠٠ ...
                            و اؤكد للجميع انك لن تستطيع ان تثبت او تلاحظ وجود اى فروقات بين التجميع و المستورد ...
                            و كذلك الامر ينطبق على البى ام

                            و اخر الاخبار الاكيده ان مرسيدس مصر حتقفل التجميع نهاءيا لاسباب ماليه و كله حيبقى استيراد ابتداء من ال cla و السى الجديده ٢٠١٥ و حتى ال s الجديده ٢٠١٤ هى استيراد ... و ال e فى الخطه ....
                            طبعا عيب الموضوع ده ان كل المواتير فى السى و ال e حتكون ١٦٠٠ تربو و مش حنشوف مواتير اكبر من كده ...

                            تحياتى ...
                            [SIZE="4"][COLOR="Navy"]Eng. Safwat Saleh[/COLOR][/SIZE]
                            [COLOR="Green"]افضل سياراتى السابقه : BMW e46/318/2001 - e39/520/2002 - e39/525/2003 - e60/523/2007 - Octavia A4/'98 - Renault 9 GTS/'86 ..... Sold but not forgotten :)[/COLOR]

                            Comment

                            • #44
                              المشاركة الأصلية كتبت بواسطة Meggieboy مشاهدة المشاركة
                              تمام يا فندم....لسه النظام فى eim زى ما هوه....الصيانات الدورية كل 10 ألاف كيلو و مضاعفاتها و دى مش مجانية
                              و فيه صيانات مجانية كل 5 ألاف كيلومتر و مضاعفاتها لفحص السيارة

                              فى منصور أوبل الصيانات كل 5 ألاف كيلومتر و مضاعفاتها أو كل 4-6 شهور أيهما أقرب و مفيش حاجة مجانية....

                              المشاركة الأصلية كتبت بواسطة medori مشاهدة المشاركة
                              الصيانة كل 10,000، انما بيطلبوا منك تيجى كل 5000 عشان يشيكوا على العربية بس، انا كان فى الميجان بيعملوا معايا كدة و صيانة ال5000 دى بتبقى مجانية الا لو عملوا شغل فى العربية مش عارف الحقيقة فى منصور و دلوقتى فى eim لسة النظام دة ماشى و لا لأ

                              المشاركة الأصلية كتبت بواسطة ahmedelfeky مشاهدة المشاركة
                              شوف حسب جدول الصياته بتاع منصور ايه بس عامه كل صيانات ال 5000 الاف دي اي كلام معموله بس عشان لو في اي حاجه انت بتشتكي منها يشفوهالك وبيشيكوا علي الزيوت والسوائل وتربيط عفشه وطبعا بيبصوا ع التيل لو انت مثلا 15 الف كيلو انما ال 10 الاف طبعا تغيير زيت وأسأل المندوب اللي هيبعللك العربيه ونصيحه هان من التوكيل نفسه لو امكن ماكنش يبقي توكل علي الله وربنا يباركلك ف اللي تختار وان شاء الله ماتندمش علي اي من الاتنين
                              الصورة دى ياجماعة فيها جدول الصيانات وأسعار قطع الغيار بتاعة الأسترا جبتها إمبارح من منصور....أنا مش فاهم يعنى هما عاوزين يجيبونى فى صيانات الـ 5000 دى كلها عشان بس يغيروا زيت وياخدوا 380 أو 297 جنيه مصنعية؟
                              يعنى ماينفعش نغير الزيت فى صيانات الـ 10000 ومضاعفاتها؟

                              Comment

                              • #45
                                المشاركة الأصلية كتبت بواسطة horas3000 مشاهدة المشاركة
                                بص يا زعيم
                                يمكن انا من القله اللي ساقت الاتنين و عامل تقارير عنهم كمان
                                بس الفلوينس القديمه مش الفيس لفت

                                العربيتن ميتخيروش عن بعض و الفروقات ما بينهم مش كبيره ابدا
                                سواء كثبات او تسارع
                                بس انت حدد انت عايز ايه بالظبط من العربيه عشان نقدر نفيدك اكتر

                                لكن بشكل عام
                                و زي ما الناس اجمعوا
                                الاسترا ذات طابع رياضي و شبابي اكتر و تجهيزاتها مايله لكده
                                الفلوينس ذات طابع كلاسيكي شويه و تميل للراحه و الفخامه و تجهيزاتها تميل لكده
                                شخصيا كان في حد سالني و شبهة له الاسترا بال bmw و الفلوينس بالمرسيدس
                                و عشان كده لازم تحدد اولوياتك و اسلوب سواقتك عشان تقدر تختار صح
                                أحسن تشبيه والله ياباشا...
                                النهاردة روحت منصور ورينو وقعدت فى العربيتين عشان أحس بيهم...بصراحة لقيت إن الأسترا ضيقة من ورا بس مش ضيقة قوى زى ما كنت متخيل...لأ يعنى لو ظبت الكرسى اللى قدام...اللى ورا هيعرف يدوب يقعد ومايكونش مزنوق...لكن الفلونس...بحرررررر....
                                بس أنا مخضوض شوية من الأبعاد الخارجية للفلونس...هنلاقى حتة نركنها فيها دى؟ :)

                                Comment

                                السابق 1 2 3 4 5 template التالي
                                Working...
                                X