بعد معاناة..كروز أم سيراتو 2014

[MemO_KinG]

السلام عليكم
سبق و كنت سئلت ما بين مجموعة سيارات عشان ناوى اشترى عربية الشهر ده و كنت فى حيرة شديدة
بس اخر كلام انا ارتحت نفسيا لعربيتين
كروز 2014 (حسب المعرض مافيش منها غير فئة واحدة و تقريبا اعلى فئة)
و سيراتو 2014 تانى فئة
موظف المعرض قالى ان العربيتين زى بعض بس السيراتو سحبها اعلى
انا قصة السحب مش مهمة اوى بالنسبالى لانى كده كده كنت راكب نوبيرا و كان سحبها زى الـ@#$ و مع ذلك كنت بشد بيها
فا أنا محتاج نصيحة اللى عندهم معلومات كافية عن العربيتين دول اجيب انهى واحدة تصلح اكتر للطرق الزراعية و السفر و الطرق الزحمة
دى أخر مرة هطلب مقارنة و ياريت تعذرونى
و شكراً

[totyt]

اعتقد كروز لان سمعت فيها موتور اوبل استرا والعفشة استرا بردو

[MemO_KinG]

بس ده اعتقاد انا عايز كلام اكيد حضرتك
لو فعلا كده يبقى انا هختار كروز و انتهى

[yasser100]

يا باشا اتكل على الله و هات الكروزطبعا و عليها عرض جامد . هاى لاين ب 150000 . لسه العرض نازل النهارده

[K.Ossama]

اعتقد كروز لان سمعت فيها موتور اوبل استرا والعفشة استرا بردو

بس ده اعتقاد انا عايز كلام اكيد حضرتك
لو فعلا كده يبقى انا هختار كروز و انتهى

الكروز تشترك مع الأسترا فى الموتور والفتيس والشاسيه
فيها esp كمان
ده أكيد

[ashouhdy]

ادخل قسم شيفورلية حتلاقي مواضيع كتير عن الكروز الجديدة

[yasser100]

الكروز تشترك مع الأسترا فى الموتور والفتيس والشاسيه
فيها esp كمان
ده أكيد

لو نفس الموتور و الفتيس ووزن الاسترا هاتبقا تلبيس وش ياريس . الاسترا وزنها تقيل على الموتور ( 1400كجم ) على موتور 1600 . 115 حصان . مصيبة الاوبل الازليه اللى بتموت مواتيرها و تفطسها بسرعه و تدخل فى مووايل السخونه بدرى . ما هيه كانت مصيبة الكروز اللى قبل كده وزنها مع الموتور . اوبل من زمان هيه و شيفورليه واحد . جنرال موتورز و كنسول الاسترا هو كونسول الكروز حتى تقسيمة الدريكسيون مع اختلافات بسيطه

[J A G U A R]

الكروز صفقه رابحه والله بالنسبه لسعرها ومواصفاتها ومش هاتتكرر

[ashouhdy]

علي كدة بقي الكارينز 1550ك علي موتور 124حصان يبقي كيا بتنزل اية !

العربية مش موتور بس قوة الموتور منظومة تكمل بالفتيس و العادم و الشاسية مش عدد احصنة علي وزن و بس

[hugan]

سيراتو
اظن انها الحصان الرابح في السوق حاليا

[K.Ossama]

لو نفس الموتور و الفتيس ووزن الاسترا هاتبقا تلبيس وش ياريس . الاسترا وزنها تقيل على الموتور ( 1400كجم ) على موتور 1600 . 115 حصان . مصيبة الاوبل الازليه اللى بتموت مواتيرها و تفطسها بسرعه و تدخل فى مووايل السخونه بدرى . ما هيه كانت مصيبة الكروز اللى قبل كده وزنها مع الموتور . اوبل من زمان هيه و شيفورليه واحد . جنرال موتورز و كنسول الاسترا هو كونسول الكروز حتى تقسيمة الدريكسيون مع اختلافات بسيطه

موضوع السخونة ده كان زمان أوى وخلص فى الموديلات الجديدة ولا المواتير بتفطس ولا حاجة.
أنا بركب أوبل من 2003، مافيش مشاكل الحرارة بتاعة زمان دى.
أما عن موضوع الكونسول الواحد، هو حضرتك شوفت الاتنين أكيد......؟؟

[Eng_hatemfathy]

بداية مختاج تتأكد من سنة الصنع انها 2014 مش 2013 لان كان فى استوك كبير 2013
ثانيا محتاج نعرف اى فئة هى لان صعب ينزل فئة كانت فى 2013 ب 160 واتعمل عليها خصم فى اخر الستو 5 الاف جنيه ويبيع موديل السنة ب 150 الف بس مع ان كل العربيات رفعت والاوبل رفعت 6 الاف جنيه مره واحده
الموضوع محتاج ندقيق وفى كل الاحوال بالتأكيد هيكون اخنيار افضل من السيراتو الا فى قوة الموتور فالسيراتو اشد

[ashouhdy]

ببساطة ال 2014 هي اللي فيها esp لان ال 2013 ميركبش في توكيل لازم منظومة كاملة تتغير ودي في مصنع

انا اقصد ان التوكيل ميعرفش يركب esp في عربية مفيهاش اصلا . وفي كمان ال vin ممكن نعرف كل حاجة بية

كان في موقع بيجيب كل حاجة لو حد فاكرة يحطة

[baherhassan30]

من وجهة نظري
السيراتو طبعاااااااااا وبدون تفكير
لان الكروز مش امريكي ولا حاجة وغالبا هتلاقيها زي الاوبترا مششش زي الاسترا وياريت تسال الخبراء اكيد هيفيدوك اكتر مني
ولكن السيراتو امكانيات وكماليات وقطع غيارها وصيانتها سهله وسوقها ماشي اكتر من الكروز
في السعودية بيقولوا الكروز مشاكلها كتير ومش بتستحمل التفحيط

[ashouhdy]

نسيت اقول ان دة عرض وغالبا مع اول 6 سعرها ينط عالي