بعد معاناة..كروز أم سيراتو 2014

[yasser100]

ببساطه يعنى الميه داخل دورة التبريد محكمه فى دايره مغلقه ودرجة الحراره فى المحركات دى بتوصل فوق الغليات للميه بالتالى لو خرطوم اتقطع او غطا قربة ريداتير باظ بتخرج الميه كلها فى اقل من دقيقه وتجيب جوان وش سلندر عكس الدوره المفتوحه يعنى افتح كبوت تيوتا او ميتسوبيشى مثلاً او كيا او هيونداى هتلاقى قربة الريداتير فيها خرطوم نفس كده فى الهوا يعنى حتي لو فكيت الغطا ومشيت مش هيحصل حاجه ولو حتى فكيت القربه كلها ودى عمرها اطول ومواتيرها بدرجة حراره اقل واكثر توافق مع اجواء مصر الحاره والدول الحاره

شكرا للتوضيح و جهد الرد :)

[ahmzd]

يا بيه ما الصور اهه هيه اللى بتقول نفس بروفيل الكونسول و نفس فتحات التكييف اللى بالطول و نفس سحبة تصميم الفتيس و ادخل شويه بالصور و هات الدريكسيون فى الاتنين و العدادات مع اختلاف التفاصيل و ده اللى انا قلته نفس تصميم الكونسول و الدريكسيون مع اختلاف التفاصيل و الاضاءه و حتى نفس طريقة توزيع الدهان السيلفر فى التابلوه من فوق لتحت اخر الفتيس , مش هاينقلوها نقل مسطره يعنى , ادخل فيها و ادخل فى الكروز نفس الانطباع الاولى و بعدين ابدأ بقا بص على الاختلاف فى التفاصيل انا حتى قلت لبتاع المبيعات فى منصور الكونسول نفس بروفيل الكروز و قال لى فعلا مع اضافة تفاصيل

أنا عن نفسي ما زلت مختلفا مع هذا الكلام، وأرى أن الاثنين مختلفين تماما! ربما لأنني أنظر دائما للشكل العام من غير تدقيق في التفاصيل.. وعموما فكم من أشياء ترى تفاصيلها جميلة إذا نظرت إلى كل تفصيلة على حدة، أما الشكل في المجمل غير جميل وغير متناسق.. وفي النهاية هذه أذواق .

[D.Ahmed Ismail]

كرووز
طبعا الاعضاء قالو الاسباب
150.000
اكييييييد هاتغلي

[active]

سيراتو

[Eng_hatemfathy]

انا انهارده اتأكدت من التوكيل انها 2014 وان سعرها ده عرض بس بصراحه ده فشخ للى اشترى 2013 بعد يونيو لانه لبس 10 الاف اونطه وموديل سنه اقدم ومن غير esp
قمة التهريج ان حد يحرق سعر علشان يبيع فيضر كام الف
يعنى دبوقتى انا معايا توب لاين سعرها فى منصور لحد شهر 12 كان 70 الف والمعارض كانت بتنزل ل 60 الف فى فبراير 2014 ونزلت خته ولا اتنين الف ولا اتنين
يقوم ييجى 2014 الهاى لاين يتباع زيرو ب 150 يعنى الهاى لاين 2013 كسر الزيرو اللى عامل 7 الاف زى استاذ حسام علوانى يوم ما يفكر يبيع يبقى بالكتير 137 او 140 نهائى يعنى واحد شارىب 160 الف يبيع ب 137 فى اقل من سنه
وياترى لما يخلص العرض عتبقى بكام فى ظل الكوزمو ما عدت ال 200 الف للهاى لاين
سوق يجنن
يعنى الواحد لما ييجى يجدد التأمين يجدد على كام 130 الف بدل 160 الف ولا ايه

[yasser100]

انا انهارده اتأكدت من التوكيل انها 2014 وان سعرها ده عرض بس بصراحه ده فشخ للى اشترى 2013 بعد يونيو لانه لبس 10 الاف اونطه وموديل سنه اقدم ومن غير esp
قمة التهريج ان حد يحرق سعر علشان يبيع فيضر كام الف
يعنى دبوقتى انا معايا توب لاين سعرها فى منصور لحد شهر 12 كان 70 الف والمعارض كانت بتنزل ل 60 الف فى فبراير 2014 ونزلت خته ولا اتنين الف ولا اتنين
يقوم ييجى 2014 الهاى لاين يتباع زيرو ب 150 يعنى الهاى لاين 2013 كسر الزيرو اللى عامل 7 الاف زى استاذ حسام علوانى يوم ما يفكر يبيع يبقى بالكتير 137 او 140 نهائى يعنى واحد شارىب 160 الف يبيع ب 137 فى اقل من سنه
وياترى لما يخلص العرض عتبقى بكام فى ظل الكوزمو ما عدت ال 200 الف للهاى لاين
سوق يجنن
يعنى الواحد لما ييجى يجدد التأمين يجدد على كام 130 الف بدل 160 الف ولا ايه

هو طبعا مسخره . بس هو عايز يحط رجله بالكروز فى السوق خصوصا بعد سمعة الموتور الضعيف اللى قبل كده و فى ظل وحوش زى الكورولا و الفلوينس و الاسترا و الفوكس . يعنى بيع كتير و اكسب قليل لغاية ما ينشرها و الناس تشوفها فى الشارع

[ashouhdy]

العربية حتبقي ب 165 في ظل ارتفاع الدولار من اول 6 او بعد شهر رمضان ... يعني هو عمل عرض لمدة شهر بس

[mohamedadel86]

بجد الواحد في نفس الحيره الواحد عارف ان الاتنين كويسين
السيراتو فيها اوبشنز بس ثباتها وعوامل الامان فيها اقل من الكروز اللي فيها esp
والشكل الخارجي والداخلي افضل في السيراتو عن الكروز اللي شكلها ماتغير من 2009 الا حاجات بسيطه

[Dr.a.osman]

بعد مشاهدة الكروز ال2014 اليوم ، السيراتو ( بقارن الهاي لاين) نكسب و بفرق ملحوظ فيمل يتعلق بجوده الخامات و التقفيل و الأوبشنز و الشكل داخليا و خارجيا و قوة الموتور و كفاءة التوكيل. بالنسبة للثبات، أنا مجربتش الكروز 2014 بس سوقت ال 2013 و أعتقد أن العفشة واحدة فى الاتنين بنفس ال tuning ( معتقدش ان نظام التعليق الخلفى فى الكروز الجديدة مالتى لينك زى الأسترا أعتقد أنه تورشن بيم و لا أيه؟) و أقدر أقول ان الثبات لصالح السيراتو. ال esp مش بيساهم فى ثبات العربية الا فى حاله الطوارئ فقط و ده لا يقلل من أهمية وجوده فى السيارة لكن مش هو اللي بيفرق فى الثبات فى الظروف العادية. عموما الكروز تتفوق فى السعر و وجود ال esp فقط. و برضه نرجع و نقول، جرب العربيتين و شوف اللي مرتاحلها اكتر و هو ده الفيصل. شكرا

[ashouhdy]

بعد مشاهدة الكروز ال2014 اليوم ، السيراتو ( بقارن الهاي لاين) نكسب و بفرق ملحوظ فيمل يتعلق بجوده الخامات و التقفيل و الأوبشنز و الشكل داخليا و خارجيا و قوة الموتور و كفاءة التوكيل. بالنسبة للثبات، أنا مجربتش الكروز 2014 بس سوقت ال 2013 و أعتقد أن العفشة واحدة فى الاتنين بنفس ال tuning ( معتقدش ان نظام التعليق الخلفى فى الكروز الجديدة مالتى لينك زى الأسترا أعتقد أنه تورشن بيم و لا أيه؟) و أقدر أقول ان الثبات لصالح السيراتو. ال esp مش بيساهم فى ثبات العربية الا فى حاله الطوارئ فقط و ده لا يقلل من أهمية وجوده فى السيارة لكن مش هو اللي بيفرق فى الثبات فى الظروف العادية. عموما الكروز تتفوق فى السعر و وجود ال esp فقط. و برضه نرجع و نقول، جرب العربيتين و شوف اللي مرتاحلها اكتر و هو ده الفيصل. شكرا

كلامك على عيني وراسي ... بس احب اوضح شوية حاجات

السعر بين الفئتين تقريبا 40الف ... يعنى اللى بيفكر يدخل فئة ال200الف اكيد حيصرف نظر عن السيراتو

نيجي للعفشة ... لا تصميم التورشن بيم في الكروز مختلف كتيير عن السيراتو وضعية المساعد والسوست مختلفة و الشاسية نفسة بتاع الاسترا و تصميم العفشة معمولة tunning مخصوص في المانيا للثبات والراحة في نفس الوقت

من حيث الموتور مقدرش احكم لانى محرقتش اوى عليها بس حتى وهى عالهادى كانت مقاربة جدا مع النيو سيراتو وللعلم السيراتو ماشية 8تلاف يعنى في عزها
من خلال تجربتي للعربية مع صحابي في الثبات عالملفات ... فرق كبير قوى بين ثبات العربيتين الفرق اللى يخليك تاخد ملف صعب على 130 والعربية متطلعش من الحارة واللى يخلي بتاع السيراتو يهدى ل 90 ويطلع برة الحارة عشان يظبط العربية ومتعملش understeering

باقي كلامك متفق معاك فية من حيث الكماليات وجودة خامات التقفيل اللى اعتقد في السيراتو جلد طري .

فرق السعر بعد ما الكروز تغلي حيبقي 32الف ... 160الف قصاد 192 الف تقريبا

اكيد لو معاك ال192الف حتجيب الاسترا وش !

[ashouhdy]

دة تعليق السيراتو



شوف المساعد فين و السوست فين ؟ !


دة تعليق الكروز



شوف مكان المساعد من اليايات والسوست


اسما الاتنين تورشن بيم بس ال setup مختلف

[Dr.a.osman]

كلامك على عيني وراسي ... بس احب اوضح شوية حاجات

السعر بين الفئتين تقريبا 40الف ... يعنى اللى بيفكر يدخل فئة ال200الف اكيد حيصرف نظر عن السيراتو

نيجي للعفشة ... لا تصميم التورشن بيم في الكروز مختلف كتيير عن السيراتو وضعية المساعد والسوست مختلفة و الشاسية نفسة بتاع الاسترا و تصميم العفشة معمولة tunning مخصوص في المانيا للثبات والراحة في نفس الوقت

من حيث الموتور مقدرش احكم لانى محرقتش اوى عليها بس حتى وهى عالهادى كانت مقاربة جدا مع النيو سيراتو وللعلم السيراتو ماشية 8تلاف يعنى في عزها
من خلال تجربتي للعربية مع صحابي في الثبات عالملفات ... فرق كبير قوى بين ثبات العربيتين الفرق اللى يخليك تاخد ملف صعب على 130 والعربية متطلعش من الحارة واللى يخلي بتاع السيراتو يهدى ل 90 ويطلع برة الحارة عشان يظبط العربية ومتعملش understeering

باقي كلامك متفق معاك فية من حيث الكماليات وجودة خامات التقفيل اللى اعتقد في السيراتو جلد طري .

فرق السعر بعد ما الكروز تغلي حيبقي 32الف ... 160الف قصاد 192 الف تقريبا

اكيد لو معاك ال192الف حتجيب الاسترا وش !

أنا ماسوقتش ال 2014 و ده اللي أنا قولته لكن قارنت السيراتو الهاي لاين اللي ب 192000 بالكروز 2013 هاي لاين فيما يتعلق بالثبات. رأى حضرتك يحترم لكن اختلف معاك فى نقطة الملفات الصعبة اللي على 90 بالسيراتو الجديدة لاحظ ان العامل البشرى ( السواق) ليه دور هام في الحكم فهل حضرتك جربت العربيتين بنفسك؟ و بعدين ياريت حضرتك توضحلنا بالصور فرق ال tuning بتاع التورشن بيم في العربيتين للأستفادة. عموما مسألة الاحساس بثبات العربية دى مسألة نسبية تختلف من شخص لأخر و أعتقد ال built quality لصالح السيراتو. أنا مبقولش الكروز سيئة بالعكس أنا برشحها لأى حد عايز يجيب في رينج ال 160000. السؤال اللي عايز اسألوه هو أخبار الفتيس معاك ايه؟ و العربية عاملة أيه مع البنزين ال 92 ﻷن المعروف عن الأسترا ان فى مشاكل مع ال 92 و وجود رعشة. بالنسبة للموتور أعتقد فرق 15 حصان ليس بالهين بالاضافة الي ان العزم اعلى فى السيراتو و عموما برضه الفروقات فى الأداء بين فئة ال 1600 مبتبقاش كبيرة قوى. العربيتين اكتر من ممتاز بس و ده رأي شخصى السيراتو تتفوق. بالفعل اشتريت السيراتو ب 192000 و مجبتش الاسترا و الحقيقة ماكانتش ضمن الاختيارات أصلا على الرغم من انها عربية ممتعة جدا في القيادة و ثباتها خرافى لكن لعدة أسباب، الوسع الداخلى، الوكيل السئ، موضوع الرعشة وسعر اعادة البيع.
لولا اختلاف الأذواق لبارت السلع
شكرا

[Dr.a.osman]

دة تعليق السيراتو



شوف المساعد فين و السوست فين ؟ !


دة تعليق الكروز



شوف مكان المساعد من اليايات والسوست


اسما الاتنين تورشن بيم بس ال setup مختلف

كده تمام. شكرا للصور. بالفعل بعد الصور دى للكروز الجديدة أتفق معك ان ال tuning أفضل منه فى السيراتو الجديدة. المساعد من بره وده بيدى راحة و ثبات فى الملفات أفضل. شكرا للمعلومة المهمة.

[mfe]

فى راى نقاط التميز للسيراتو
الشكل
الوسع الداخلى
جودة التقفيل و الخامات
قوة الوكيل
السحب على السرعات الواطية

نقاط التميز للكروز
واحد من اقوى setup العربيات فى العالم. و هى الى نقلت شيفورلية منذ عام ٢٠٠٩
اول عربية تعاون كورى المانى دايو و اوبل و تنتج فى حوالى ٦ دول حول العالم منهم امريكا
ثبات على الطريق مماثل للعربيات الالمانى يعنى ممتازة فى السفر
اهم نقطة best value for money فى مصر كلها

[ashouhdy]

أنا ماسوقتش ال 2014 و ده اللي أنا قولته لكن قارنت السيراتو الهاي لاين اللي ب 192000 بالكروز 2013 هاي لاين فيما يتعلق بالثبات. رأى حضرتك يحترم لكن اختلف معاك فى نقطة الملفات الصعبة اللي على 90 بالسيراتو الجديدة لاحظ ان العامل البشرى ( السواق) ليه دور هام في الحكم فهل حضرتك جربت العربيتين بنفسك؟ و بعدين ياريت حضرتك توضحلنا بالصور فرق ال tuning بتاع التورشن بيم في العربيتين للأستفادة. عموما مسألة الاحساس بثبات العربية دى مسألة نسبية تختلف من شخص لأخر و أعتقد ال built quality لصالح السيراتو. أنا مبقولش الكروز سيئة بالعكس أنا برشحها لأى حد عايز يجيب في رينج ال 160000. السؤال اللي عايز اسألوه هو أخبار الفتيس معاك ايه؟ و العربية عاملة أيه مع البنزين ال 92 ﻷن المعروف عن الأسترا ان فى مشاكل مع ال 92 و وجود رعشة. بالنسبة للموتور أعتقد فرق 15 حصان ليس بالهين بالاضافة الي ان العزم اعلى فى السيراتو و عموما برضه الفروقات فى الأداء بين فئة ال 1600 مبتبقاش كبيرة قوى. العربيتين اكتر من ممتاز بس و ده رأي شخصى السيراتو تتفوق. بالفعل اشتريت السيراتو ب 192000 و مجبتش الاسترا و الحقيقة ماكانتش ضمن الاختيارات أصلا على الرغم من انها عربية ممتعة جدا في القيادة و ثباتها خرافى لكن لعدة أسباب، الوسع الداخلى، الوكيل السئ، موضوع الرعشة وسعر اعادة البيع.
لولا اختلاف الأذواق لبارت السلع
شكرا

الحمد لله مفيش مشكلة في الفتيس خالص ... انا كلامى عالموتور بسبب ان ال ecotec متقاس قوتة وهو راكب عكس كوريا بتقيس قوة الموتور برة العربية يعنى حتلاقية وهو راكب نزلة برضوا 15 حصان حيبقي في حدود ال115

بنزين 92 شغال هى اول ماتدور في رعشة بسييطة وبتختفي فى ثوانى انا اول مرة اعرف موضوع البنزين دة ومعرفش على المدى البعيد مؤثر ولا لأ .. خامات السيراتو اعلي بس متنساش دة فرق 30الف جنية وزمان كان في فالكروز فئة ب170 ب 6ايرباج والعربية كلها جلد وفتحة سقف ... مش عارف لية مبقتش تنزل

عايزك تبص بصة عالمازدا3 الجديدة2015 وهمية بجد ... اديها بصة

فى راى نقاط التميز للسيراتو
الشكل
الوسع الداخلى
جودة التقفيل و الخامات
قوة الوكيل
السحب على السرعات الواطية

نقاط التميز للكروز
واحد من اقوى setup العربيات فى العالم. و هى الى نقلت شيفورلية منذ عام ٢٠٠٩
اول عربية تعاون كورى المانى دايو و اوبل و تنتج فى حوالى ٦ دول حول العالم منهم امريكا
ثبات على الطريق مماثل للعربيات الالمانى يعنى ممتازة فى السفر
اهم نقطة best value for money فى مصر كلها

لحد دلوقتى معاك ... ومتنسوش ان المازدا3 الجديدة نزلت بس بأسعار خرافية !