ميتسوبيشي أتراج و لا كيا بيكانتو

[sue214]

السلام عليكم .. أنا عضوة جديدة في المنتدى، أنا كان معايا نيسان صني 2013 بس للأسف عملت بها حادثة و ال أير باجز فتحت والتأمين ما رضيش يصلحها و قال هيعتبرها توتال لوس .. أنا دلوقتي في إنتظار الشيك بتاع التعويض من شركة التأمين .. للعلم هي مصر للتأمين .. وإن شاء الله ناوية أجيب عربية تانية ،، بس ميزانيتي لا تسمح اني أجيب صني تاني .. مع انها كنت كويسة جداً معايا .. أنا كنت عملة بها 6000 كيلو ساعة الحادثة والعربية ما ضايقتنيش طول ال فترة دي ف أي حاجة تذكر .. الميزانية إلي معايا دلوقتي في حدود 105 ألف مش أكتر .. ما أقدرش أزود عن كدة .. فكنت محتارة بين الكيا بيكانتو ال أوتوماتيك الفول أوبشن وبين الميتسوبيشي أتراج الجديدة .. كل وحدة فيهم فيها حاجة أنا قلقانة منها . قلقانة من الأتراج إن لسة ما حدش يعرف عنها حاجة و شراها هيبقى زي البطيخة !! زائد انها 1200 سي سي و-78 هورس باور .. أنا صحيح مش بجري في سواقتي (سواقة حريمي بقى) بس إفرض حبيت أسافر بيها اسكندرية مثلاً هيبقى إيه الوضع .. بس فيما عدا كده الإمكانيات المعلنة بتاعتها كويسة جداً .. و هو ده إلي أنا محتاجاها و مش هحتاج أكتر من أكتر من كدة .. بس لسة بقى لأدام العيوب بتاعت العربية هتتكشف .. لإن زي ما قلت هتبقى زي البطيخة .. هههه .. ف قلقانة من كدا وعلى الناحية التانية البيكانتو معروفة في السوق و منتشرة و عيوبها و مزاياها معروفة و الميكانيكية فاهمين فيها وتوكيل كيا محترم غير دايموند موتورز بتاعت ميتسوبيشي ناس كتير بتشتكي منه .. بس بقول لنفسي خسارة فيها أوي ال-105 ألف علشان حجمها ده و إمكانياتها كمان بدائية أوي .. يعني مفيهاش ABS & Airbags .. ومعنى اني أجيب بيكانتو إن ما حدش هيركب معايا العربية خالص لإنها بصراحة تخنق إلي قاعد ورا .. ههه .. فأنا محتارة .. ف ياريت تفيدوني

[احمد فهمى]

نصيحه هات اتراج شكل اجمل وabs و air bags وقصة 1200 عادي جدآ روح جربها هتعجبك والبلد اصلآ عايزه 1000 سي سي العربيات ماشيه على سرعة 10 وميتسوبيشى مش هتصنع عربيات تعبانه وهى منتشره بره بس لو تقدر تكمل حاجه بسيطه وتشترى اعلى فئه يكون افضل هتفرق كتير معاك

[waleed acc]

ممكن حضرتك تبصي على النيو لوجان من رينو نزل فيها وسائل أمان و عدلوا شكلها لحد ما بقى حلو وكمان عربية ليها سوق و اسم في مصر و سعرها في نفس الحدود
وربنا يوفقك في عربية كويسه
وشكرا

[mostafa3000]

اعتقد الاتراج هتكون افضل لاحظي انك نازلة من صني

[sue214]

@Ahmed Fahmy

شكراً جداً لحضرتك .. أنا كمان كنت بقول لنفسي دي ياباني يعني و أكيد ميتسوبيشي عمرها ما هتصنع عربية تعبانة .. بس من قرايتي للمواضيع في المنتدى .. لقيت في ناس كتير بتشتكي من موديل من موديلات اللانسر نزل 1300 سي سي و أوتوماتيك و كانو بيقولو عليها بطة بلدي .. فده خلاني أشك في الأتراج .. وقلت ما بالك بقى الأترج دي 1200 سي سي و على بودي مش صغير برضه

[sue214]

ممكن حضرتك تبصي على النيو لوجان من رينو نزل فيها وسائل أمان و عدلوا شكلها لحد ما بقى حلو وكمان عربية ليها سوق و اسم في مصر و سعرها في نفس الحدود
وربنا يوفقك في عربية كويسه
وشكرا

للأسف أنا بدور على أوتوماتيك و كل العربيات الرينو دلوقتي بقت مانيوال

[sue214]

نصيحه هات اتراج شكل اجمل وabs و air bags وقصة 1200 عادي جدآ روح جربها هتعجبك والبلد اصلآ عايزه 1000 سي سي العربيات ماشيه على سرعة 10 وميتسوبيشى مش هتصنع عربيات تعبانه وهى منتشره بره بس لو تقدر تكمل حاجه بسيطه وتشترى اعلى فئه يكون افضل هتفرق كتير معاك

شكراً جداً لحضرتك .. أنا كمان كنت بقول لنفسي دي ياباني يعني و أكيد ميتسوبيشي عمرها ما هتصنع عربية تعبانة .. بس من قرايتي للمواضيع في المنتدى .. لقيت في ناس كتير بتشتكي من موديل من موديلات اللانسر نزل 1300 سي سي و أوتوماتيك و كانو بيقولو عليها بطة بلدي .. فده خلاني أشك في الأتراج .. وقلت ما بالك بقى الأترج دي 1200 سي سي و على بودي مش صغير برضه

[sue214]

اعتقد الاتراج هتكون افضل لاحظي انك نازلة من صني

اه بالظبط .. الصني كانت كبيرة أوي .. و عالية عن الأرض .. ففرق شاسع بينها و بين والبيكانتو

أنا بس مقلقة من الأترج علشان جديدة .. فكرت في الافيو الجديدة والفيرنا .. بس من أراء الناس عنهم لقيت إن خسارة فيهم الفلوس بردو .. ومفهمش أي عوامل أمان خالص .. ABS .. Airbags .. etc

[S O P H O S]

اعتقد اننا المفروض ندي فرصة للميتسوبيشي

[Mohamed Bander]

انا كنت محتار برضه كده فى عربية لمراتى ،، فى الاخر جبت البيكانتو.

بالنسبة لى متستاهلش سعرها ،، بس زي كل العربيات اللى فى السوق.

نصيحه اشترى ليكى وللسوق بمعنى اشترى العربية اللى هتلاقى قطع غيارها فى كل حته و توكيلها قوى لوما تبيعيها متخسريش فيها كتير ،، وده للاسف هينطبق على البيكانتو.

لو قدرتى تدورى على سانديرو اوتوماتيك او لوجان اوتوماتيك الشكل القديم مستعمل استعمال حلو هيكون كويس و تستفيدى بفرق السعر بس اهم حاجه الكشف فى التوكيل،، انا حاولت بس يأست بسرعه و جبت البيكانتو ،، هى فعلا صغيرة بس كعربية حريمى كويسه مش وحشه،، اما لو سفر فهتتعبك لان مجرد ما حطيت فى الشنطة طفاية الحريق و المثلث و شنطة الاسعافات حسيت الشنطة كشت :)

لو هتجيبى بيكانتو هاتى الخليجى افضل هتلاقى فيه اوبشنز حلوة.

بالتوفيق

[ahmzd]

أنا مش قادر أفيد حضرِتِك قوي بس حاسس إن الأتراج أحسن من البيكانتو على طول الخط ! لكن عموما في البيرسونا والجين 2 كمان.

[sue214]

اعتقد اننا المفروض ندي فرصة للميتسوبيشي

اه أنا بقول كدا بردو .. ما حدش عارف البلد داخلة على إيه .. إلغاء دعم بنزين وغلاء أسعار و ممكن إللي سوقه واقع دلوقتي تلاقيه كمان شهر عليه طلب أد كدا و الواحد ياخد الريسك بقى و خلاص :)

[sue214]

أنا مش قادر أفيد حضرِتِك قوي بس حاسس إن الأتراج أحسن من البيكانتو على طول الخط ! لكن عموما في البيرسونا والجين 2 كمان.

شكراً جداً لحضرتك .. أسمع إن توكيل البروتون وال gen2 سيء جداً .. وقطع غيارها غالية جداً و كمان مش متوفرة .. و نادراً ما تلاقي ميكانيكي يفهم فيها .. وف إعادة البيع بتخسر فيها جامد .. ياريت تصلحلي لو أنا غلطانة ف حاجة

[sue214]

اعتقد اننا المفروض ندي فرصة للميتسوبيشي

أنا برضه بقول كدا :)

[sue214]

انا كنت محتار برضه كده فى عربية لمراتى ،، فى الاخر جبت البيكانتو.

بالنسبة لى متستاهلش سعرها ،، بس زي كل العربيات اللى فى السوق.

نصيحه اشترى ليكى وللسوق بمعنى اشترى العربية اللى هتلاقى قطع غيارها فى كل حته و توكيلها قوى لوما تبيعيها متخسريش فيها كتير ،، وده للاسف هينطبق على البيكانتو.

لو قدرتى تدورى على سانديرو اوتوماتيك او لوجان اوتوماتيك الشكل القديم مستعمل استعمال حلو هيكون كويس و تستفيدى بفرق السعر بس اهم حاجه الكشف فى التوكيل،، انا حاولت بس يأست بسرعه و جبت البيكانتو ،، هى فعلا صغيرة بس كعربية حريمى كويسه مش وحشه،، اما لو سفر فهتتعبك لان مجرد ما حطيت فى الشنطة طفاية الحريق و المثلث و شنطة الاسعافات حسيت الشنطة كشت :)

لو هتجيبى بيكانتو هاتى الخليجى افضل هتلاقى فيه اوبشنز حلوة.

بالتوفيق

الف مبروك العربية الجديدة .. ربنا يباركك ليكو فيها و يكفيكو شرها .. بس أنا قريت موضوع لحضرتك على المنتدى بتشتكي فيها من البيكانتو وإن أد إيه هي خفيفة و الدركسيون بتاعها يخدع .. أرجو الإفادة .. شكراً جداً لحضرتك