ميتسوبيشي أتراج و لا كيا بيكانتو

[ahmzd]

هو عموما الفئة السعرية دي مافيهاش حاجة أوتوماتيك عدلة للأسف! ربنا ييسر لحضرتك.

[Mohamed Bander]

الف مبروك العربية الجديدة .. ربنا يباركك ليكو فيها و يكفيكو شرها .. بس أنا قريت موضوع لحضرتك على المنتدى بتشتكي فيها من البيكانتو وإن أد إيه هي خفيفة و الدركسيون بتاعها يخدع .. أرجو الإفادة .. شكراً جداً لحضرتك

الله يبارك في حضرتك و يوفقك للخير

هو فعلا الدركسيون خفيف لما سقتها المرة الأولي لأني عندي أوكتافيا فطبيعي كنت احس الإحساس ده بس لما سقتها تاني لما رخصها تأقلمت عليها و محستش انه أزمة أوي بالتعود هيبقي حلو

وانت أكيد برضه هتحسي بكدة مع البيكانتو او الاتراج بعد الصني

انا المشكلة اللي معايا اني حاسس اني دفعت ١٠٢٠٠٠ في عربية متستهلش سعرها ومتاخدمنها كماليتها بس للأسف كل العربيات كدة مش ال بيكانتو بس،، هي بالنسبة لي اكتر عربية توفرت فيها الشروط اللي عايزها كعربية زيرو اوتوماتيك و وكيلها قوي بالسعر ده

الاتراج محدش يعرف عنها حاجة و لسة جديدة و محدش عارف هل دايموند هيوفر قطع غيارها و بكام لان أسعارهم مع اللانسر غالية

بالتوفيق ان شاء الله

[sue214]

الله يبارك في حضرتك و يوفقك للخير

هو فعلا الدركسيون خفيف لما سقتها المرة الأولي لأني عندي أوكتافيا فطبيعي كنت احس الإحساس ده بس لما سقتها تاني لما رخصها تأقلمت عليها و محستش انه أزمة أوي بالتعود هيبقي حلو

وانت أكيد برضه هتحسي بكدة مع البيكانتو او الاتراج بعد الصني

انا المشكلة اللي معايا اني حاسس اني دفعت ١٠٢٠٠٠ في عربية متستهلش سعرها ومتاخدمنها كماليتها بس للأسف كل العربيات كدة مش ال بيكانتو بس،، هي بالنسبة لي اكتر عربية توفرت فيها الشروط اللي عايزها كعربية زيرو اوتوماتيك و وكيلها قوي بالسعر ده

الاتراج محدش يعرف عنها حاجة و لسة جديدة و محدش عارف هل دايموند هيوفر قطع غيارها و بكام لان أسعارهم مع اللانسر غالية

بالتوفيق ان شاء الله

اه والله الزمن ده بقى غريب .. الواحد معاه 100 ألف جنيه ومش عارف يشتري عربية عدلة :) .. شكراً جداً لحضرتك .. أنا نويت إن شاء الله أجيب الأتراج .. عملتلها تست دريف ولقتها كويسة و سحبها و تكييفها كويسين .. هي فعلا الدركسيون بتاعها أنعم من النيسان كتير .. و العربية ارتفاعها أقل من نيسان بردو .. بس أنا أصلا كنت مضايقة من النيسان فالنقطتين دول .. كنت بحس الباور بتاع الدركسيون مش ناعم .. زائد من ارتفاعها و ضخامتها كنت بحس اني راكبة مركبة فضائية :) ف لاقيت الأتراج بقى تقضي الغرض .. وسألت على أسعار قطع غيارها و لاقتها زيها زي اللانسر و النيسان .. تقريباً كل أسعار قطع غيار الياباني متقاربة .. هبقى أقولكو تقرير عنها بقى :)

[mfia]

اه والله الزمن ده بقى غريب .. الواحد معاه 100 ألف جنيه ومش عارف يشتري عربية عدلة :) .. شكراً جداً لحضرتك .. أنا نويت إن شاء الله أجيب الأتراج .. عملتلها تست دريف ولقتها كويسة و سحبها و تكييفها كويسين .. هي فعلا الدركسيون بتاعها أنعم من النيسان كتير .. و العربية ارتفاعها أقل من نيسان بردو .. بس أنا أصلا كنت مضايقة من النيسان فالنقطتين دول .. كنت بحس الباور بتاع الدركسيون مش ناعم .. زائد من ارتفاعها و ضخامتها كنت بحس اني راكبة مركبة فضائية :) ف لاقيت الأتراج بقى تقضي الغرض .. وسألت على أسعار قطع غيارها و لاقتها زيها زي اللانسر و النيسان .. تقريباً كل أسعار قطع غيار الياباني متقاربة .. هبقى أقولكو تقرير عنها بقى :)

الف مبروك مقدما انا شفت العربية وقلقي منها عشان نفس الاسباب الموتور 1200 و3 سلندر لكن كشكل خارجي كويس جدا وداخليا معقول جدا بالنسبة لسعرها وكان سعرها امبارح الفول اوبشن 109 عند سمير ريان

[S O P H O S]

مبروك مقدما
انا مش قلقان من الماتور
طالما في صيانة ومحافظة عالعربية

[sue214]

الف مبروك مقدما انا شفت العربية وقلقي منها عشان نفس الاسباب الموتور 1200 و3 سلندر لكن كشكل خارجي كويس جدا وداخليا معقول جدا بالنسبة لسعرها وكان سعرها امبارح الفول اوبشن 109 عند سمير ريان

ازاي يا فندم .. انا لسه سائلة عند سمير ريان و قالي العربية ب 113 الفول اوبشن .. هو حضرتك اخدت عليها خصم؟

[sue214]

مبروك مقدما
انا مش قلقان من الماتور
طالما في صيانة ومحافظة عالعربية

ربنا يطمنك :)

[M R. Z E C O]

اتراج

[mfia]

ازاي يا فندم .. انا لسه سائلة عند سمير ريان و قالي العربية ب 113 الفول اوبشن .. هو حضرتك اخدت عليها خصم؟

لأ انا مخدتش عليها خصم بس اتو سمير لازم تفاصلي مع المبيعات يعني السيراتو الشكل القديم كان سعرها ب 145.500 قالي ممكن اديهالك ب 143 والاتراج كان السعر ده من اول كلمة وانا كنت في المعرض ، السعر ف التلفون غير لما تكوني في المعرض .

[eng.m7md.ali]

شكراً جداً لحضرتك .. أسمع إن توكيل البروتون وال gen2 سيء جداً .. وقطع غيارها غالية جداً و كمان مش متوفرة .. و نادراً ما تلاقي ميكانيكي يفهم فيها .. وف إعادة البيع بتخسر فيها جامد .. ياريت تصلحلي لو أنا غلطانة ف حاجة

خطء تماماً

توكيل بروتون الوحيد اللي بيدي ضمان على العفشة طول فترة ضمان العربية 100 الف كيلو او 3 سنين .. كل التوكيلات بتدي ضمان 20 الف كيلو بس او سنة .. دي نقطة تتحسب للتوكيل مع اني عارف انهم نصابين

قطع غيار الجين2 وبروتون ارخص "بكتير" من قطع غيار البيكانتو الجديدة . اكسنت ار بي . النترا . سيراتو
واللي خلانا نقول انها غالية لان محدش كان لسة اتعامل في قطع غيار عربيات منافسة

ونادراً ماتلاقي ميكانيكي يفهم فيها ده خطء بردو لانها مش تكنولوجيا معقدة زي الفرنساوي والالماني .. اي واحد بيشتغل فيها عادي

سعر اعادة البيع عمره ماكان مقياس على جودة العربية .. المازدا سعرها بيقع .. الفيات سعرها بيقع .. الفورد سعرها بيقع .. البيجو والرينو والسيتروين كذلك .. كدة تبقى عربيات تعبانة؟!

ممكن حضرتك تدخلي قسم بروتون او تتابعي مع بروتون كلوب ايجيبت عالفيسبوك

وبصراحة مدفعش 50 الف في بيكانتوا ولا اتراج ولا ياريس ولا العربيات التعبانة دي كلها

ولو مضطر اختار بين دول هختار للاسف البيكانتو

[sue214]

لأ انا مخدتش عليها خصم بس اتو سمير لازم تفاصلي مع المبيعات يعني السيراتو الشكل القديم كان سعرها ب 145.500 قالي ممكن اديهالك ب 143 والاتراج كان السعر ده من اول كلمة وانا كنت في المعرض ، السعر ف التلفون غير لما تكوني في المعرض .

هشوف كده اخره ايه :) شكرا لحضرتك

[sue214]

خطء تماماً

توكيل بروتون الوحيد اللي بيدي ضمان على العفشة طول فترة ضمان العربية 100 الف كيلو او 3 سنين .. كل التوكيلات بتدي ضمان 20 الف كيلو بس او سنة .. دي نقطة تتحسب للتوكيل مع اني عارف انهم نصابين

قطع غيار الجين2 وبروتون ارخص "بكتير" من قطع غيار البيكانتو الجديدة . اكسنت ار بي . النترا . سيراتو
واللي خلانا نقول انها غالية لان محدش كان لسة اتعامل في قطع غيار عربيات منافسة

ونادراً ماتلاقي ميكانيكي يفهم فيها ده خطء بردو لانها مش تكنولوجيا معقدة زي الفرنساوي والالماني .. اي واحد بيشتغل فيها عادي

سعر اعادة البيع عمره ماكان مقياس على جودة العربية .. المازدا سعرها بيقع .. الفيات سعرها بيقع .. الفورد سعرها بيقع .. البيجو والرينو والسيتروين كذلك .. كدة تبقى عربيات تعبانة؟!

ممكن حضرتك تدخلي قسم بروتون او تتابعي مع بروتون كلوب ايجيبت عالفيسبوك

وبصراحة مدفعش 50 الف في بيكانتوا ولا اتراج ولا ياريس ولا العربيات التعبانة دي كلها

ولو مضطر اختار بين دول هختار للاسف البيكانتو

لا يا فندم اكيد مش قصدي ان المرسيدس او الاوبل عربيات تعبانة .. انا بقول سعرهم بيقع و في فرق كبير .. دايما معروف ان الاوروبي بيقع ف اعادة بيعه و دي قواعد السوق مالهاش دعوة بجودة العربية من عدمه .. شكرا جدا لحضرتك

[S O P H O S]

وبصراحة مدفعش 50 الف في بيكانتوا ولا اتراج ولا ياريس ولا العربيات التعبانة دي كلها

ولو مضطر اختار بين دول هختار للاسف البيكانتو

معلش يا باشا لو تسمحلي اعلق فقط علي النقطة دي
طبعا مؤكد تقصد الياريس هتشباك ازاي البيكانتو افضل منها
وازاي الياريس ميتدفعش فيها 50 الف
لو علي كده اعتقد الجين مش هتوصل 40 الف بردوا
اتمني تتقبل استفهامي من جملة حضرتك
لا اكيد حضرتك عارف ان الياريس احسن من البيكانتو
وعلي الاقل عربية فيها محرك من شركة عريقة وفيها كل وسائل الامان بالاضافة الي التقفيل الفرنسي الخ
يعني مش فاضية زي الفيرنا الي وصت حاجة و 90 الف
فأنتظار رأي حضرتك لانه يهمني
تحياتي لشخصك الكريم ..

[Mohamed Bander]

اه والله الزمن ده بقى غريب .. الواحد معاه 100 ألف جنيه ومش عارف يشتري عربية عدلة :) .. شكراً جداً لحضرتك .. أنا نويت إن شاء الله أجيب الأتراج .. عملتلها تست دريف ولقتها كويسة و سحبها و تكييفها كويسين .. هي فعلا الدركسيون بتاعها أنعم من النيسان كتير .. و العربية ارتفاعها أقل من نيسان بردو .. بس أنا أصلا كنت مضايقة من النيسان فالنقطتين دول .. كنت بحس الباور بتاع الدركسيون مش ناعم .. زائد من ارتفاعها و ضخامتها كنت بحس اني راكبة مركبة فضائية :) ف لاقيت الأتراج بقى تقضي الغرض .. وسألت على أسعار قطع غيارها و لاقتها زيها زي اللانسر و النيسان .. تقريباً كل أسعار قطع غيار الياباني متقاربة .. هبقى أقولكو تقرير عنها بقى :)

الف مبروك عليكى مقدما،، ربنا يديلك خيرها و يكفيكى شرها و مستنين تقرير تفصيلى عنها

[mk3]

معقول يا جماعه الاتراج مفيهاش ايرباج و abs ؟؟؟؟