ميتسوبيشي أتراج و لا كيا بيكانتو

[eng.m7md.ali]

معلش يا باشا لو تسمحلي اعلق فقط علي النقطة دي
طبعا مؤكد تقصد الياريس هتشباك ازاي البيكانتو افضل منها
وازاي الياريس ميتدفعش فيها 50 الف
لو علي كده اعتقد الجين مش هتوصل 40 الف بردوا
اتمني تتقبل استفهامي من جملة حضرتك
لا اكيد حضرتك عارف ان الياريس احسن من البيكانتو
وعلي الاقل عربية فيها محرك من شركة عريقة وفيها كل وسائل الامان بالاضافة الي التقفيل الفرنسي الخ
يعني مش فاضية زي الفيرنا الي وصت حاجة و 90 الف
فأنتظار رأي حضرتك لانه يهمني
تحياتي لشخصك الكريم ..

مش عايز حضرتك تفهم كلامي غلط

وعشان احنا في مصر هيا فعلا عربيات متسواش ولا حتى الجين2 .. اعتقد العربيات دي كلها برة في نفس رينج السعر

لكن لما تنزل عربية ياريس اللي هيا المفروض عار على التويوتا ب 150 الف ده قمة النصب .. لما تنزل عربية من كيا اسمها بيكانتو ودي تعتبر اقل عربية اتعملت من كيا وسعرها هنا يوصل ل 100 الف يبقى ده قمة النصب .. ونفس الكلام على الاتراج ونفس الكلام على ال i 10 ...

العربيات دي كلها فئة واحدة .. لما يوصل سعرها او يعدي الفئة اللي بعدها يبقى كدة هبل في الجبل .. وللاسف الناس بتشتري واحنا اللي بنساعد على النصب ده

جين 2 سنة 2009 كاملة اوتو كانت بتعمل 87 الف .. دلوقتي بقت ب 118 الف ومتغيرش فيها حاجة غير فوانيس خلفية .. نفس الكلام على الافيو سنة 2009 كانت اوتو ب 74 الف .. دلوقتي بقت ب 105 الف وهيا هيا بالظبط معادا اختلافها من قدام

تخيل عربية زي هيونداي سوناتا من كام سنة كانت بتتباع ب 120 الف وبنقول غالية جداً والناس مستكتراهم .. دلوقتي الياريس بقت ب 150 الف بصدر رحب جداً

ياصلاة النبي

[sue214]

معقول يا جماعه الاتراج مفيهاش ايرباج و abs ؟؟؟؟

لا فيها اير باج واحدة و abs

[sue214]

هشوف كده اخره ايه :) شكرا لحضرتك

روحت المعرض فعلا يا فندم و كان معايا اخويا و قالنا مش هقدر انزل فيها اكتر من 500 جنيه .. اي خصم عايزينه زيادة عن كده ممكن تتكلمو فيه مع الحاج سمير ريان .. هل ده طبيعي ؟ و لا ربنا وقعنا ف واحد مبيعات رخم ؟ ههه :) ارجو الافادة

[mfia]

روحت المعرض فعلا يا فندم و كان معايا اخويا و قالنا مش هقدر انزل فيها اكتر من 500 جنيه .. اي خصم عايزينه زيادة عن كده ممكن تتكلمو فيه مع الحاج سمير ريان .. هل ده طبيعي ؟ و لا ربنا وقعنا ف واحد مبيعات رخم ؟ ههه :) ارجو الافادة

انا قلت اللي حصل معايا فعلا وممكن جدا يكون اللي قالي السعر ضايع وساعة الجد ةالتنفيذ يرجع ف كلامه ويقولي انا كنت قايلك سعر غلط أسالي في مكان تاني ولو الاسعار واحدة توكلي على الله

[sue214]

انا قلت اللي حصل معايا فعلا وممكن جدا يكون اللي قالي السعر ضايع وساعة الجد ةالتنفيذ يرجع ف كلامه ويقولي انا كنت قايلك سعر غلط أسالي في مكان تاني ولو الاسعار واحدة توكلي على الله

تمام،، شكراً جداً لحضرتك :)

[sue214]

انا قلت اللي حصل معايا فعلا وممكن جدا يكون اللي قالي السعر ضايع وساعة الجد ةالتنفيذ يرجع ف كلامه ويقولي انا كنت قايلك سعر غلط أسالي في مكان تاني ولو الاسعار واحدة توكلي على الله

أنا دلوقتي فهمت إلي حصل .. حضرتك العربية إلي كان بيكلمك عليها الأتراج هي إلي بضمان الرواس مش بضمان التوكيل الرسمي إلي هو دايموند موتورز .. و دي فعلاً عاملة 109 ألف ف كل المعارض و نازلة بفئة واحدة بس أوتوماتيك .. لما سألت فرق إيه عن الدايموند .. قالولي انها الخليجي بتاع الأتراج و بيبقى بضمانهم و عندهم قطع غيارها

[mk3]

لتر يمشى 21 كيلو قووووول 15 كيلو
اعتقد الاتراج هى المستقبل

[S O P H O S]

لتر يمشى 21 كيلو قووووول 15 كيلو
اعتقد الاتراج هى المستقبل

السيريون كانت بتعمل كده ال 1000 سي سي

[raedegypt]

فيرنا اتوماتيك 92 عربيه مش محتاجه وعمرنا فى مصر ما نجرى فوق 50كم من الزحمه ... الافيو 102 حلوة برضه التوكيلات قويه والعربيات ده قطعها متوفرة فى السوق
من الاخر خد لك واحدة من دول وانسى اى حاجه
البيكانتو حلوة بس سعرها بالنسبه لحجمها اوفر ومحتاجه عربيه تانيه معاك
الفيرنا والافيو عربيات وسط حلوة ومناسبه لمصر فى كل حاجه
المانيوال حرام يندفع فيه فلوس حتى لو ايه .. مع الزحمه يوجع ركبك

[D . a .\ AYMAN]

أنا كنت محتار زيك كدة بين الأتراج والبيكانتو وكان كمان معاهم السوزوكي السويفت وفي الآخر طلعت الأتراج برة المنافسة تماما لعدة أسباب

1- أولا هي 3 سلندر وأنا معايا ألتو 3 سلندر وركبت عربيات كتير 3 سلندر وده بيخللي الموتور فيه رجه خفيفة ملحوظة عند تشغيل السيارة على الحمل الخالي ودي كانت خانقاني بصراحة في الألتو ما تحسيش الموتور ناعم زي البيكانتو مثلا (بصراحة موتورها ناعم جدا) ودي النقطة اللى حسمت لما شغلت العربيتين جنب بعض وشفت الفرق

2- التقفيل من جوة لصالح البيكانتو بمراحل سواء الدركسيون الجلد في البيكانتو الهاي لاين والفرش الجلد والتابلوه والفتيس والكونسولة (ودي أذواق طبعا) بس جودة التقفيل لصالح البيكانتو في الخامات المستخدمة

3- من ناحية الوسع أقدر أقول بكل ثقة إن البيكانتو أوسع من جوة من الأتراج بدرجة ملحوظة لما ركبت الإثنين جنب بعض بالضبط كنت أنزل من دي وأركب دي وأرجع أنزل منها عشان أركب الأولانية لأني ما كنتش مصدق بس فعلا البيكانتو أوسع وتاخد ثلاثة ورا كويس وإثنين مستريحين على الآخر

4- موتور البيكانتو أنعم بمراحل والباور بتاعها ناعم جدا وجميل وعزلها كويس (من جوة صوت الموتور مش مسموع

5- ده غير بقى العيب الأساسي للأتراج اللى حضرتك قلتي عليه وهي إنها لسة عربية جديدة مشاكلها لسة مش معروفة وسعرها مش قليل وولا مغري أساسا إن الواحد يجرب فيها وصعب أدفع الرقم ده على سمعة ميتسوبيشي فقط بالإضافة للعيوب اللى قلتها فوق

السويفت بقى لما دخلت في المقارنة لخبطتلي الموضوع في دماغي مع العلم إن السويفت مش عربية جديدة ولكنها بس قليلة شوية في السوق المصري لكنها عربية أثبتت جودتها وكفائتها في أسواق أوروبا وآسيا ... والموضوع ده في خلاصة الحيرة اللى أنا فيها حاليا لو تحبي تاخدي نظرة عليه

http://www.nilemotors.net/Nile/429598-2015-2015-a.html

[sue214]

أنا كنت محتار زيك كدة بين الأتراج والبيكانتو وكان كمان معاهم السوزوكي السويفت وفي الآخر طلعت الأتراج برة المنافسة تماما لعدة أسباب

1- أولا هي 3 سلندر وأنا معايا ألتو 3 سلندر وركبت عربيات كتير 3 سلندر وده بيخللي الموتور فيه رجه خفيفة ملحوظة عند تشغيل السيارة على الحمل الخالي ودي كانت خانقاني بصراحة في الألتو ما تحسيش الموتور ناعم زي البيكانتو مثلا (بصراحة موتورها ناعم جدا) ودي النقطة اللى حسمت لما شغلت العربيتين جنب بعض وشفت الفرق

2- التقفيل من جوة لصالح البيكانتو بمراحل سواء الدركسيون الجلد في البيكانتو الهاي لاين والفرش الجلد والتابلوه والفتيس والكونسولة (ودي أذواق طبعا) بس جودة التقفيل لصالح البيكانتو في الخامات المستخدمة

3- من ناحية الوسع أقدر أقول بكل ثقة إن البيكانتو أوسع من جوة من الأتراج بدرجة ملحوظة لما ركبت الإثنين جنب بعض بالضبط كنت أنزل من دي وأركب دي وأرجع أنزل منها عشان أركب الأولانية لأني ما كنتش مصدق بس فعلا البيكانتو أوسع وتاخد ثلاثة ورا كويس وإثنين مستريحين على الآخر

4- موتور البيكانتو أنعم بمراحل والباور بتاعها ناعم جدا وجميل وعزلها كويس (من جوة صوت الموتور مش مسموع

5- ده غير بقى العيب الأساسي للأتراج اللى حضرتك قلتي عليه وهي إنها لسة عربية جديدة مشاكلها لسة مش معروفة وسعرها مش قليل وولا مغري أساسا إن الواحد يجرب فيها وصعب أدفع الرقم ده على سمعة ميتسوبيشي فقط بالإضافة للعيوب اللى قلتها فوق

السويفت بقى لما دخلت في المقارنة لخبطتلي الموضوع في دماغي مع العلم إن السويفت مش عربية جديدة ولكنها بس قليلة شوية في السوق المصري لكنها عربية أثبتت جودتها وكفائتها في أسواق أوروبا وآسيا ... والموضوع ده في خلاصة الحيرة اللى أنا فيها حاليا لو تحبي تاخدي نظرة عليه

http://www.nilemotors.net/nile/429598-2015-2015-a.html

يا جماعة أنا جبت الأتراج خلاص .. العربية ممتازة .. حجمها معقول جداً بالنسبة للموتور .. العربية ناعمة جداً .. الباور بتاع ال دركسيون هايل .. ثباتها على الطرق السريعة حلو جداً .. جبت بيها 120 على كوبري أكتوبر و ما حستش بأي هزة .. التسارع بتاعها ممتاز وسرعة إستجابة الفرامل هايل .. الكنبة واسعة ومريحة جداً .. والتكييف كنت مشغلاه على 2 وما كنتش حاسة بصوته خالص و كان ساقع و كويس جداً .. و ركنتها سهلة جداً .. بصراحة مريحاني جداً لغاية دلوقتي و لقيت فيها مميزات كنت بشتكي منها ف النيسان صني .. بصراحة صفقة رابحة خصوصاً مع إرتفاع أسعار البنزين
شكراً ليكو كلكو

[J A G U A R]

الف مبروك العربيه وربنا يحفظهالك

وعايزين تقييم لكل حاجه فى العربيه بعد فتره علشان مفيش حد يعرف عنها حاجه
تحياتى ..

[D . a .\ AYMAN]

يا جماعة أنا جبت الأتراج خلاص .. العربية ممتازة .. حجمها معقول جداً بالنسبة للموتور .. العربية ناعمة جداً .. الباور بتاع ال دركسيون هايل .. ثباتها على الطرق السريعة حلو جداً .. جبت بيها 120 على كوبري أكتوبر و ما حستش بأي هزة .. التسارع بتاعها ممتاز وسرعة إستجابة الفرامل هايل .. الكنبة واسعة ومريحة جداً .. والتكييف كنت مشغلاه على 2 وما كنتش حاسة بصوته خالص و كان ساقع و كويس جداً .. و ركنتها سهلة جداً .. بصراحة مريحاني جداً لغاية دلوقتي و لقيت فيها مميزات كنت بشتكي منها ف النيسان صني .. بصراحة صفقة رابحة خصوصاً مع إرتفاع أسعار البنزين
شكراً ليكو كلكو

ألف مبروك عليكي وربنا يباركلك فيها ويرزقك خيرها ويحفظكي من شرها