بيجو ولا تويوتا

[محمد ابراهيم 1]

واحد صاحبى عنده بيجو 406 تقفيل مصرى وعنده تويوتا كرولا والاتنين موديل 2002
البيجو عامله 100 الف كيلو والتويوتا عامله 175 ألف كيلو
نتيجه لشكوى بعض الناس من العربيتين أنا قلت اساله عن تقييمه للعربيتين
قالى ان البيجو من يوم ما جابها معطلتش غير مره واحده فقط بسبب طلمبه البنزين ولولا ان استهلاكها فى البنزين مرتفع مكانش ركب غيرها لأنها على حد تعبيره تحفه وأحسن 100 مره من التويوتا
قلت له لاحظ ان دى فئه ودى فئه
قال انا عارف بس هى دى التويوتا اللى كانت قدامى
طيب ايه يا عم اسلام عيب التويوتا قالى هى فيها عيب واحد انك وانت راكبها بتبقى مش مطمئن
لأنها مش ثابته بعد 120 ولانها ضعيفه جدا وان الناس لما بتسند عليها بتتطبق وان كان تعرض لحادث بسيط بيها كشف له عن ضعفها الفظيع
قلت له العربيه بتاخد تقييم مرتفع جدا بالنسبه للأمان قال باللفظ سيبك من الكلام ده العربيه ورق
قلت له لو حد خيرك بين الاتنين حتختار ايه قالى البيجوووووووووووووووووووو بدون تردد
العبره على الراوى

[Nader]

التيوتا فغلاً مش ثابتة على السرعات العالية،بس مش 120 يعني، ثم هي فعلاً الصاج بتاعها ورق واقل خبطة بتتطبق ،بس انت جوة في امان، مش لازم الصاج يكون محمل علشان نقول ان العربية امنة ولا لأ، دة بيرجع للتصميم وعوامل الامان الخرى مثل القضبان الحديدية والايرباجز و....وو.

الكرولا اسهل في صيانتها عن الـ406،الاتنين صيانتهم غالية ومش اي حد يعملها بس الكرولا ارخص،.

[محمد البحيري]

انا بصراحه مامتلكتش اي منها بس انا فعلا سامع بان ثبات التويوتا فعلا وحش بس بيتهيالي مش بعد 120 بس اعتقد عند سرعات اعلي من كده شويه وبالنسبه للبيجو 406 فهما محطوش علامه الاسد عليها من فراغ وربنا يباركلو فيهم

[Nile Heart]

طيب هوه قال البيجو عدلت منه مره واحده خلال ال 100 الف

الكورولا بقى عطلت كام مره فى ال 175 دول؟ لاحظ ان من 100 الى 175 الف دى فتره حرجه لآن تقريبأ كل الأجزاء ماعدا الموتور بتكون وصلت لعمرها الأفتراضى (يعنى مساعدين وكبالن وطقم دبرياج و كل مايتعلق بالعفشه و كل الطلمبات وما يماثلها)

هل هو بيحافظ على العربيات؟ بيعمل صيانه منتظمه؟ سواقته شكلها ايه؟

كل دى عوامل مهمه جدآ فى التقييم

[hazem_khidr]

البيجو اكيد برستيج اعلي و راحه في الركوب عن الكورولا و فئه اكبر من الكورولا يعني تتقارن بالكامري مثلا مش بالكورولا.
الكورولا صيانتها اسهل و تكيفها اعتقد اقوي و قطع غيارها رخيصه.
لو قدامي الاتنين حختار البيجو طبعا

[محمدايهاب]

قلت له العربيه بتاخد تقييم مرتفع جدا بالنسبه للأمان قال باللفظ سيبك من الكلام ده العربيه ورق

ده كلام لذيذ مع كامل احترامي هو صحبك بيفهم أحسن من شركة متخصصة في الأمان طبعا مش معقول

[fahd_628]

يا جماعة الصاج الورق دة علشان يمتص الصدمة لكن لو كان صاج قوى زى بتاع العربيات القديمة العربية مش حتضر اوى بس لو حصل حاجة لاقدر الله السواق فرصة نجاتة قليلة

[CryptonX]

البيجو اكيد برستيج اعلي و راحه في الركوب عن الكورولا و فئه اكبر من الكورولا يعني تتقارن بالكامري مثلا مش بالكورولا.
الكورولا صيانتها اسهل و تكيفها اعتقد اقوي و قطع غيارها رخيصه.
لو قدامي الاتنين حختار البيجو طبعا

دي نكتة اليوم , البيجو 406 تقارن بالكامري!!!
اومال ال 607 تقارن بايه ؟

على العموم يا سيدي و ياجماعة ده رأي واحد شخصي مش خلاص يبقى ده الرأي المطلق عاى السيارتين

رأيسي في العمل عنده 406 مصري وبيقول ان دفع تمنها تقريبا صيانة تاني و باعها بعد ال120 الف و اشترى فورد فوكس الجديدة وبيقول انه حاسس انه انتقل من سيارة كارو اللى سيارة محترمة

اما بالنسبة للكرولا برده والدي كان يمتلك واحدة اوتوامتيك 1300 موديل 1994
كان جايبها ب 85 الف باعها في سنة 2004 قبل الجمارك ماترخص ب78 الف ( 10 سنين اتهلاك - كانت عاملة 98 الف و لم يغير بيها شيء غير الكاوتش و المساعدين .

والصيانة كانت بصبحي سند و كانت جيدة جدا على كلام والدي
السرعات مفتيش فيها لانه كان اخره 100 كم/ساعة .

[M_Abdallah]

عدم ثبات التويوتا عشان عالية عن الارض.بالرغم ان الصاج يعتبر خفيف بس معروف ان تويوتا في الحوادث بتحافظ علي اللي جواها حلو.








___________________-
محمد عبدالله

[محمد ابراهيم 1]

ال 607 تتقارن بالأفالون مش بالكامرى طبعا

[CryptonX]

انا مش قصدي حجما ياأستاذ dido انا قصدي كسيارة عامة
تركب كامري السيارة رقم واحد في امريكا و اكثر من كذة دولة اخرى ولا تركب سيارة استبدلت بموديل جديد حتى لو كان اكبر .

ال607 افشل سيارة لبيجو

[hazem_khidr]

دي نكتة اليوم , البيجو 406 تقارن بالكامري!!!
اومال ال 607 تقارن بايه ؟

على العموم يا سيدي و ياجماعة ده رأي واحد شخصي مش خلاص يبقى ده الرأي المطلق عاى السيارتين

نكته ليه بقي ؟؟؟؟ الاتنين من نفس الفئه و بقول ان ال البيجو ال 406 تتقارن بيها انا ما غلطش و مش لازم اقارن القديم بالجديد قارن القديم بالقديم و الجديد اللي هو خليفه ال 406 اللي هيا ال 407 قارنها بالكامري الجديد.......\

ال 607 تتقارن بالأفالون مش بالكامرى طبعا

دا كلام صح و كلام ناس فاهمه

انا مش قصدي حجما ياأستاذ dido انا قصدي كسيارة عامة

تقصد ايه كسياره عامه ماهو المواصفات اللي بيتقارن بيها السيارات بتبقي مواصفات عامه علي حسب الفئات كالحجم والمواتير و كل دا.

ال607 افشل سيارة لبيجو

اهي دي بقي احلي نكته سمعتها في حياتي.
ال 607 اول ما طلعت اه كان فيها مشكله في الثبات لكن الشركه فهمت كده و سحبت كل العربيات من السوق و عالجت الخطأ..

[PRO-DRIVE]

عموما عمرى فى حياتى ما شفت شركه فرنسية ناجحه فى السيارات دايما متذيله قائمه JD POWER للسيارت الاكثر اعتمادية عموما تويوتا كورولا عربية مدينه مش سفر الحديد الخفيف ميزة مش عيب اذا مسكت حديد فولفو المعروفه بالامان حتلاقية تقريبا نفس النوع ( تقريبا )

[محمدايهاب]

نكته ليه بقي ؟؟؟؟ الاتنين من نفس

ال607 افشل سيارة لبيجو

ده كلام جديد ل طبعا 607 مش فاشلة
الفئه و بقول ان ال البيجو ال 406 تتقارن بيها انا ما غلطش و مش لازم اقارن القديم بالجديد قارن القديم بالقديم و الجديد اللي هو خليفه ال 406 اللي هيا ال 407 قارنها بالكامري الجديد

لآ برده الكامري أعلى من 407

[oshy]

يا جماعه محدش يجيب سيرة الكامرى لأن الكامرى دى موسوعه مينفعش حد يششكك فيها و يقارنها بالبيجو 406 لأن ده فيه ظلم كبير للبيجو 406