بيجو ولا تويوتا

[CryptonX]

يبقى حرد عليك كما رديت عليا , عجبك كلامي عاجبك مش علجبك متقرهوش ولا ترد عليه , ولا ده برده مش ردك
و على العموم يا سيدي انا مش حرد عليك تاني و لا حقرئلك أي تعليق , لأن النقاش معاك ملوش معنى و حنعد نلف و ندور .

على العموم انا آسف على موضوع ( نكتة اليوم ) و ده آخر رد ليا ليك في أي موضوع
فرصة سعيدة .

[hazem_khidr]

يا جماعة ممكن نهدى شوية دى مش حرب دى أراء و كل واحد قال وجهة نظره فمش لازم التانى يقتنع بيها ومش لازم لو مقتعنش بيها يتقال عليه مابيفهمش و الكلام دا
يا جماعة الإختلاف فى الرأى لا يفسد للود قضية
ياريت يبقى أسلوبنا أرقى من كده و نقبل أراء بعضينا

يا ريت الناس تفهم كده يا استاذ احمد و تحترم راي الاخرين

يبقى حرد عليك كما رديت عليا , عجبك كلامي عاجبك مش علجبك متقرهوش ولا ترد عليه , ولا ده برده مش ردك
و على العموم يا سيدي انا مش حرد عليك تاني و لا حقرئلك أي تعليق , لأن النقاش معاك ملوش معنى و حنعد نلف و ندور .

كلامك لما يبقي كلام عام و مافيهوش تريقه علي كلامي يبقي اه انا حر ارد او ما اردش انما كون انك تتريق علي كلامي دا اللي ما اقبلوش لا منك و لا من اي حد.و لا انت عاوز تسخر و تتريق من الكلام و كمان ما اردش.

[أبو عبدالله]

ارجو من الأستاذ حازم احترام الاخرين اكتر من كده

يعني يا اخي انت ايه اللي مضايقك اني متحيزز او بحب الياباني

عالعموم انا متحمل مسئولية اني انصح اي حد بعربيه ياباني بدل ما انصحه بعربيه انا شايف ان اعطالها كتير ومبتديش اللي الياباني بتديه لمالكيه .................. وبعدين يدعيلي بدل ما يدعي عليا

وانت حر محدش قالك حاجه ولكن لما تنصح انصح بما هو اصلح للغير وليس هواك

يعني افهم ان حضرتك مش مقتنع مثلا بكلام جيمي بتاع برنامج توب جير وهو يعتبر من اقوي ناقدي السيارات في العالم عالعموم انا موافقه في رأيه الدور والباقي على اللي بيفهموا اكتر منه

وهقول لحضرتك حاجه تانيه هو مين اللي شال مين من السوق المصري الفرنساوي هو اللي جه على الياباني وأخد منه السوق ولا العكس ...................

انا اندهش بصراحه ان الموضوع يبقى واضح زي الشمس ونقعد نناقر فيه بالطريقه دي
يا ااخي بالله عليك يعني تحييزي للياباني ده معناه ان الفرنساوي أكفا ........... انا مش عاف اي اللي دخل ده في ده وعلى فكره ده بيدل على قلة الحجه لما تدخل موضوع ليس له علاقه بكلامنا ............. اي حاجه يعني
ولو نفترض انه ليه علاقه لو انا متحييز في الحق هل دي مشكلة عند حضرتك ولا ايه مش فاهم وياريت يكون اسلوبك لو هترد ارقى من ذلك ويكون بالمنطق والعقل الي احنا اتكلمنا به في اول كلامنا في الموضوع ده اي بالأحصائيات والدراسات والتقييمات العالمية وبرضه مش عاجب ............... بالله عليك يا اخي يبقى مين اللي متحييز

وهقولك كلمة اخيره روح اسال تجار السيارات الكبار وقولهم بيجو ولا تويوتا على سبيل المثال ..............وشوف هيقولو ايه كده

انت لسه بتفكر ان العربيه عباره عن حديد كويس وجامد

ثم ايه التكنولوجيا اللي موجوده في العربيات ومش موجوده في الياباني يعني انا مش عارها اصل مش شايف كويس

[hazem_khidr]

يا ريت يا استاذ عبد الله تشوف الاول انت رديت ازاي احنا بنتكلم علي حديد في الاول و الاخر ايه بقي لازمه الكلام اللي انت قولته و اللي انت عارفه كويس و عارف تقصد بيه ايه و بلاش افتح في مواضيع.
ف يا ريت حضرتك قبل ما تنصح حد انه يرقي بحواره انك ترتقي انت الاول و انا الحمد لله متاكد من نفسي ما قولتش كلام في حق حد الا لما هو اللي بدا الاول انا مش بغلط في حد و خلاص .

ثم ايه التكنولوجيا اللي موجوده في العربيات ومش موجوده في الياباني يعني انا مش عارها اصل مش شايف كويس

متهيالي انت اللي قولت ان اليابان بتدي تكنولوجيا للعالم كله تقدر تقولي هما عملو ايه في مجال السيارات؟؟؟
ليه بتلف و تدور علي الاجايه انا عاوز افهم انا سالت سؤال محدد و قولت اليابان اخترعت ايه تقوم انت تقولي ايه التكنولوجيا اللي مش موجوده في الياباني.
يا ريت بقي كل واحد يخلي باله من كلامه بدل ما كل واحد يعمل فيها ناصح و واعظ و خلاص.
و بعدين انا بنصح علي اساس حاجه ان اللي بيركب فرنساوي و بيدفع في عربيه صغيره ما يقارب ال 150 الف بيبقي عنده استعدادا انه يصرف عليها و ماتقومش انت بقي تقول بنصحه بالاحسن بدل ما يدعي عليا و الكلام دا.خليك عملي و واقعي لو سمحت انت لو معاك مليون جنيه مثلا زياده عن حاجتك يا تري حتركب الدايهاتسو مثلا؟؟؟؟
اللي اقصده ان كل فئه شرائيه ليها حدوود و لو حدودك و امكانياتكم تركب اوربي اركب انما لو مش قد مصاريفها يبقي خليك في الياباني و خلاص

[Sharky]

أستاذ عبدالله ياريت باشا تساعدنى نهدى الموضوع دا مش نولعه
يا جماعة دى أراء و احد مقتنع إن اليابانى أحسن وواحد تانى مقتنع إن الفرنساوى أو الأوربى أحسن
إيه المشكاة يعنى كل واحد يوقل رأيه و هو حر .

ثم ايه التكنولوجيا اللي موجوده في العربيات ومش موجوده في الياباني يعني انا مش عارها اصل مش شايف كويس

ملحوظة أخيرة ياباشا هو حضرتك مش شايف إن التكنولوجيا اللى فى العربيات الفرنساوى و الأوربى عموما أعلى من السيارات اليابانى اللى فى فئة السيارات العائلية الضغيرة !

[أبو عبدالله]

ولأخر مره شوف التقارير اهه

وقولي

ده تقرير الموديلات لـ 2007




وده تقرير الصانعين لــ 2007




شوف الفرنساوي فين والياباني اغلبه فين يعني المقدمه كلها ياباني والفرنساوي وغالب الأروربي اللي بتتكلم عليه ماعدا طبعا اللألماني في المؤخره ............

فياريت نصدق اعيينا بدل ما نبقى متحييزين بدون وعي
وياريت منشككشي لأن الناس دي في اوروربا وشغلهم العربيات وبفهموا عنا

[أبو عبدالله]

ا ريت بقي كل واحد يخلي باله من كلامه بدل ما كل واحد يعمل فيها ناصح و واعظ و خلاص

يا استاذ حازم ومتهيألي ان حضرتك اللي عامل كده وانت حضرتك اللي ذكرت التكنولوجيا في الأول فياريت تاجوب انت مش انا اللي بلف وادور

[أبو عبدالله]

وهنا موقع what car في ريفيوهات لأفضل خمس سيارات في كل فئة من فئات السيارات المتنوعه ( ميني سوبر , سيدان سغيره , سيدان كبير , فان , جيب , ......... كده يعني )

وقولي بقه كام عربيه الماني وكام ياباني وكام فرنساوي ومين اللي متفوق في كل الفئات دي

http://www.whatcar.com/car-review.aspx


وعلى فكره اليابان اول من انتج عربيات هجين في العالم كله وبدا فعليا بانتاجها وادخالها في السوق العالمي واثبتت نجاحها والعالم كله بدا دلوقتي يعملها

وتقريبا ان الناس اللي بتقول تكنولوجيا فاكرين ان التكنولجيا ان الزجاج يتقفل كهربا وان العربيه يبقى فيها كاسيت كويس ورفاهيات يعني

التكنولوجيا يا جماعه بتبقى في صلب العربيه يعني المواد الخام اللي في العربيه وجودتها والماتور واداءه المختلف وتمييزه عن الاخرين في ميزات مثل نسبة التلوث في العادم الخارج واستهلاك البنزين والاداء الرياضي وصغر حجمه وقوة اداءه كل دي معادلات من يعمل على تنفيذها يكون هو ده اللي عنده تكنولوجيا متقدمه يقدمها للعالم
مش يعمل شوية مناظر في العربيه وصلب العربيه بايظ
امال هو الفرنساوي منجحشي ليه الا من الكهرباء بتاعت عربياته وانصحك انك تدخل في اي منتدى اوروبي وتشوف الناس اللي معاهم فرنساوي كاتبين ايه عن اعطال الكهربا اللي في عربياتهم
اذا كان في مهندس في التوكيل بتاع رينو ذات نفسه اعترف بكده

[وائل عطية]

وتمييزه عن الاخرين في ميزات مثل نسبة التلوث في العادم الخارج

أؤكد لك يا أبا عبد الله إن الفرنسيين متقدمين جداً وبشكل مُذهل فهي هذه الناحية (يعني على سبيل المثال في بعض موديلات رينو بيتم إعادة تدوير العادم آلياً داخل السيارة بشكل يُتيح استخدام مكوناته من طاقة وخلافه بما يُحافظ على البيئة ويُساهم في رفع معدلات أداء السيارة)
فأنا بحكم ترجماتي لرينو وبيجو كنت أقرأ وأتعجب منبهراً بهذا التقدم الهائل في التقنيات المُستخدمة في صناعة سياراتهم
ومن يُنكر هذا فقد جانبه الصواب إلى حد بعيد، فالسيارات الفرنسية سيارات جديرة جداً بالاحترام والتقدير ولا تقل بأي حال من الأحوال عن مثيلاتها اليابانية بل أعتقد أنها أكثر تقدماً

[PRO-DRIVE]

انا ححط رد بعد الرد ده بس انا هنا الاول بقول انا بتكلم عن العربيات وبس محبين الفرنسى لهم كامل الاحترام و مبحبش ادخل فى موضوع شوف كلامك و الحجات دى لانى بتكلم على عربيات بس !!!

[Abdallah]

اولا دة مش اسلوب نقاش ولا حوار متحضر ابدا...
كل واحد له رأى ولازم نحترم الرأى الاخر ولكن انا لو داخل مقتنع بحاجة تماما يبقى ملوش لازمة اتكلم فيها لان كدة هتبقى مجادلة مش مناقشة وطبعا كلنا عارفين الفرق.

المفروض ان كل واحد يختار كلامه, احنا هنا مش داخلين حرب ولا داخلين خناقة, احنا بنتناقش كأناس محترمين بدون تحيز او استخفاف.

بالنسبة للموضوع دة فانا لا احب الفرنساوى عموما نظرا لكثرة اعطاله وبالطبع عايز اقول ان ال 504 ليها وضع خاص كسيارة لا زالت مطلوبة فى مصر وذلك لقوة تحملها ولكن برضة ارجع واقول ان العربية دى كان فيها عيب غريب جدا وهى ان نقطة الاتزان الخاصة بها فى الامام وليست فى المنتصف وبالتالى العربية بتعوم بطريقة غريبة جدا.
وللعلم ايضا فلو قارنا بينا التويوتا كورونا وكرسيدا موديلات الثمانينات وبين البيجو 505 فالمقارنة ستكون لصالح اليابانى نظرا لكثرة التجهيزات والكماليات فى التويوتا بالمقارنة بالبيجو وبالطبع هذا رأى شخصى .

[PRO-DRIVE]

اى عربيات رينو V6 تحمل محركات NISSAN VQ

2001–2004 Nissan Pathfinder (240 hp)
2001–2004 Infiniti QX4 (240 hp)
2002–2004 Infiniti I35 (255 hp)
2002–present Nissan Altima (240 to 270 hp)
2002–present Nissan Maxima (255 hp to 265 hp)
2003–2006 Nissan 350Z (287 to 306 hp)
2003–2006 Infiniti G35 sedan (260 hp to 298 hp)
2003–2007 Infiniti G35 coupe (280 hp to 298 hp)
2003–present Infiniti FX35 (275 hp)
2003–present Nissan Murano (Z50) (245 hp)
2004–present Nissan Quest (240 hp)
2006–present Infiniti M35 (275 hp)
JDM and other markets

Nismo Z S-Tune GT (295 hp) (VQ35DE S1 engine)
2000–present Nissan Elgrand (245 hp)
2001–present Nissan Stagea (272 hp)
2002–present Nissan Skyline (V35) (Infiniti G35) (275+ hp)
2003–present Nissan Teana (350JM-J31) (231 hp, 333 nm)
2003–present Nissan Presage
2004–present Nissan Fuga (Infiniti M35) (275 hp)
2004–present Nissan Cefiro (Infiniti I35) Taiwan (258 hp)
2006–present Samsung (Renault) SM7 NEO-VQ
Renault Espace (241 hp)
Renault Vel Satis (241 hp)

+ رينو 2007 Renault Nepta
Renault clio v6
2007 Renault Clio Grand Tour Concept

2007 Renault Koleos Concept

2007 Renault ING R27

فى عربيات من دى متوفره بVQ بشكل اساسى و فى فيها 4 و فيها 6

[محمد ابراهيم 1]

يا جماعه أنا آسف لكم جميعا من أجل فتح هذا الموضوع
الذى سبب خلافات لا داعى لها
لكن الهجوم الضارى على السيارات الفرنسيه الغير مبرر وكأنها سيارات صينيه مع الإحترام للسيارات الصينيه هو الذى إستفز من يرى عدم ملائمه الهجوم
وأنا أقسم بصحه الموضوع من أساسه وأن زميلى هو الذى أجابنى بذلك عند سؤاله وأنا لا أملك أى من السيارتين بارك الله له ولكم فيما رزقكم وإننى أتمنى عدم ترك هذه المسائل لكى تقلل من إحترامنا لبعضنا
و أرجو من الكافه عدم إستخدام أى ألفاظ لا تليق بحوار راقى
وأهيب بكم الإمتثال لقول المصطفى صلى الله عليه وسلم
( أنا زعيم ببيت فى الجنه لمن ترك المراء ولو بحق ) المراء = الجدال
أكرمكم الله جميعا
محمد إبراهيم

[وائل عطية]

يا جماعه أنا آسف لكم جميعا من أجل فتح هذا الموضوع
الذى سبب خلافات لا داعى لها
لكن الهجوم الضارى على السيارات الفرنسيه الغير مبرر وكأنها سيارات صينيه مع الإحترام للسيارات الصينيه هو الذى إستفز من يرى عدم ملائمه الهجوم
وأنا أقسم بصحه الموضوع من أساسه وأن زميلى هو الذى أجابنى بذلك عند سؤاله وأنا لا أملك أى من السيارتين بارك الله له ولكم فيما رزقكم وإننى أتمنى عدم ترك هذه المسائل لكى تقلل من إحترامنا لبعضنا
و أرجو من الكافه عدم إستخدام أى ألفاظ لا تليق بحوار راقى
وأهيب بكم الإمتثال لقول المصطفى صلى الله عليه وسلم
( أنا زعيم ببيت فى الجنه لمن ترك المراء ولو بحق ) المراء = الجدال
أكرمكم الله جميعا
محمد إبراهيم

بارك الله فيك وأضم صوتي لصوتك

[ابوحميد]

مش قادر اعلق